Whatsapp ನಲ್ಲಿ ಅಪ್ಪಿ ತಪ್ಪಿಯೂ ಹೀಗೆ ಮಾಡಿಬಿಟ್ರೆ ಜೈಲು ಶಿಕ್ಷೆ ಆಗುತ್ತೆ; ಇರಲಿ ಎಚ್ಚರ!

ದಿನ ನಿತ್ಯದ ಜೀವನದಲ್ಲಿ Whatsapp ಬದುಕಿನ ಪ್ರಮುಖ ಭಾಗವಾಗಿಬಿಟ್ಟಿದೆ. ಅದು ನಮ್ಮನ್ನ ಪ್ರತಿದಿನ ಚಾಟಿಂಗ್, ವಿಡಿಯೋ, ಫೋಟೋಗಳಲ್ಲಿ ಬ್ಯುಸಿ ಆಗಿಡುತ್ತದೆ. ನಿಮಗೆ ಇದು ಗೊತ್ತಿರಲಿ. ವಾಟ್ಸ್​​​ಆ್ಯಪ್ ದುರುಪಯೋಗಪಡಿಸಿಕೊಂಡರೆ ನೀವು ಜೈಲಿಗೂ ಹೋಗಬಹುದು. ಹುಷಾರಾಗಿರಿ!

ಏನ್ ಮಾಡಿದ್ರೆ ಜೈಲು ಶಿಕ್ಷೆ..?

ಆಕ್ಷೇಪಾರ್ಹ ವಿಷಯ: WhatsApp ನಲ್ಲಿ ಅಶ್ಲೀಲ, ಹಿಂಸಾತ್ಮಕ ಅಥವಾ ಧರ್ಮದ ಕುರಿತ ಆಕ್ಷೇಪಾರ್ಹ ವಿಷಯವನ್ನು ಕಳುಹಿಸುವುದು ಕಾನೂನಿನ ಪ್ರಕಾರ ಅಪರಾಧ. ಐಟಿ ಆಕ್ಟ್-2000 ರ ಸೆಕ್ಷನ್ 67ರ ಪ್ರಕಾರ ಜೈಲು ಶಿಕ್ಷೆ ಮತ್ತು ದಂಡ ಬೀಳಲಿದೆ.

ಸುಳ್ಳು ಸುದ್ದಿ: ಗ್ರೂಪ್‌ಗಳಲ್ಲಿ ಸುಳ್ಳು ಸುದ್ದಿ ಕಳುಹಿಸುವುದು ಮತ್ತು ವದಂತಿ ಹರಡುವುದು ಅಪರಾಧ. ಸಮಾಜದಲ್ಲಿ ಅಶಾಂತಿ ಹರಡುತ್ತದೆ. ಐಪಿಸಿ ಸೆಕ್ಷನ್ 505 ರ ಪ್ರಕಾರ ವದಂತಿಗಳನ್ನು ಹರಡುವ ವ್ಯಕ್ತಿಗೆ ಜೈಲು ಶಿಕ್ಷೆ ಆಗಲಿದೆ.

ಇದನ್ನೂ ಓದಿ:ಫೋನ್ ಪದೇ ಪದೆ ಬಿಸಿ ಆಗಲು ಕಾರಣ ನೀವೇ.. ಈ ತಪ್ಪುಗಳನ್ನು ಮಾಡಲೇಬೇಡಿ..!

ಬೆದರಿಕೆಗಳು: WhatsApp ನಲ್ಲಿ ಯಾರಿಗಾದರೂ ಬೆದರಿಕೆ ಅಥವಾ ಬೆದರಿಕೆ ಸಂದೇಶ ಕಳುಹಿಸುವುದು ಅಪರಾಧ. ಐಪಿಸಿ ಸೆಕ್ಷನ್ 503ರ ಅಡಿಯಲ್ಲಿ ಗಂಭೀರ ಅಪರಾಧವಾಗಿದೆ. ಶಿಕ್ಷೆಗೆ ಅವಕಾಶ ಇದೆ.

ದ್ವೇಷ ಹರಡುವುದು: WhatsApp ನಲ್ಲಿ ಜನಾಂಗೀಯ, ಧಾರ್ಮಿಕ ಅಥವಾ ಸಾಮಾಜಿಕ ದ್ವೇಷವನ್ನು ಹರಡುವ ಸಂದೇಶ ಕಳುಹಿಸಿದ್ರೆ ಶಿಕ್ಷೆ ಗ್ಯಾರಂಟಿ.

ಮಕ್ಕಳ ಕುರಿತ ವಿಚಾರ: ಯಾವುದೇ ಮಕ್ಕಳ ಲೈಂಗಿಕ ನಿಂದನೆಯ ವಿಷಯವನ್ನು WhatsApp ನಲ್ಲಿ ಹಂಚಿಕೊಳ್ಳುವಂತಿಲ್ಲ. ಇದು ಕಾನೂನು ಬಾಹಿರ. ಪೋಕ್ಸೊ ಕಾಯ್ದೆಯಡಿ ಶಿಕ್ಷೆ ಆಗಲಿದೆ.

ಸರ್ಕಾರಿ ದಾಖಲೆಗಳ ನಕಲಿ: ಆಧಾರ್ ಕಾರ್ಡ್, ಪಾಸ್‌ಪೋರ್ಟ್‌ನಂತಹ ಸರ್ಕಾರಿ ದಾಖಲೆಗಳ ನಕಲು ಪ್ರತಿಗಳನ್ನು ಮಾಡುವುದು ಅಥವಾ ಅವುಗಳನ್ನು ಹಂಚಿಕೊಳ್ಳುವುದು ಅಪರಾಧ.

ತಪ್ಪಿಸುವುದು ಹೇಗೆ?

• ಯಾವುದೇ ಸಂದೇಶ ಫಾರ್ವರ್ಡ್ ಮಾಡುವ ಮೊದಲು ಸತ್ಯಾಸತ್ಯತೆ ತಿಳಿಯಿರಿ
• ಸೂಕ್ಷ್ಮ ವಿಷಯಗಳ ಕುರಿತು ಯಾವುದೇ ವಿಷಯವನ್ನು ಹಂಚಿಕೊಳ್ಳಬೇಡಿ
• WhatsApp ಗ್ರೂಪ್​​ನಲ್ಲಿ ಪೋಸ್ಟ್ ಮಾಡಲಾದ ವಿಷಯವನ್ನು ಮೇಲ್ವಿಚಾರಣೆ ಮಾಡಿ

WhatsApp ಉತ್ತಮ ಸಂವಹನ ಮಾಧ್ಯಮವಾಗಿದೆ. ಅದರ ದುರುಪಯೋಗ ದುಬಾರಿಯಾಗಿದೆ. ಅದನ್ನು ಜವಾಬ್ದಾರಿಯುತವಾಗಿ ಬಳಸಿ. ಜೈಲಿಗೆ ಹಾಗಲು ಕಾರಣರಾಗಬೇಡಿ.

ಇದನ್ನೂ ಓದಿ:ಇಸ್ರೋದ ನೂತನ ಅಧ್ಯಕ್ಷರಾಗಿ ವಿ ನಾರಾಯಣನ್ ಆಯ್ಕೆ; ಯಾರು ಇವರು..?

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ