WhatsApp ನಿಂದ ಮತ್ತೊಂದು ಬೆಂಕಿ ಫೀಚರ್; ಇನ್ಮೇಲೆ ಕೇಳಂಗೇ ಇಲ್ಲ..!

ಈಗೇನಿದ್ದರೂ WhatsApp ಜಮಾನ. ಅತ್ಯಂತ ಜನಪ್ರಿಯ ಸೋಶಿಯಲ್ ಮೀಡಿಯಾ ಅಪ್ಲಿಕೇಶನ್‌ಗಳಲ್ಲಿ WhatsApp ಒಂದು. ಅದಕ್ಕಿರುವ ಡಿಮ್ಯಾಂಡ್​ ಅರಿತುಕೊಂಡಿರುವ ವಾಟ್ಸ್​ಆ್ಯಪ್, ತನ್ನ ಬಳಕೆದಾರರನ್ನು ಮತ್ತಷ್ಟು ಆಕರ್ಷಿಸಲು ಹೊಸ ಫೀಚರ್ಸ್​ ನೀಡುತ್ತಿದೆ.

ಕಾಲಕಾಲಕ್ಕೆ ಆಪ್ಷನ್ ಬದಲಾಯಿಸುವ ಮೂಲಕ ಹೆಚ್ಚು ಬಳಕೆದಾರರನ್ನು ಹೊಂದುತ್ತಿದೆ. WhatsApp ಪಠ್ಯ ಸಂದೇಶಗಳ ಜೊತೆಗೆ ಧ್ವನಿ ಸಂದೇಶಗಳನ್ನು ಕಳುಹಿಸಬಹುದು. ಇದು ಗೊತ್ತಿರುವ ವಿಚಾರ. ಅನೇಕರು ಬ್ಯುಸಿ ಅವಧಿಯಲ್ಲಿ ವಾಯ್ಸ್ ನೋಟ್ ಕಳುಹಿಸುತ್ತಾರೆ.
ಅಂದರೆ ದೀರ್ಘವಾದ ಟೆಕ್ಸ್ಟ್​ ಸಂದೇಶ ಕಳುಹಿಸುವ ಬದಲು ಸಣ್ಣ ಧ್ವನಿಯಲ್ಲಿ ವಾಯ್ಸ್​ ನೋಟ್ ಕಳುಹಿಸುತ್ತಾರೆ. ಆದರೆ ಇಲ್ಲೂ ಒಂದು ಸಮಸ್ಯೆ ಇದೆ. ಆ ಧ್ವನಿ ಸಂದೇಶ ಕೇಳಲು ಸ್ವಲ್ಪ ತೊಂದರೆ ಇದೆ. ಮೀಟಿಂಗ್​​ನಲ್ಲಿರುವಾಗ, ಯಾವುದೋ ಸಭೆಯಲ್ಲಿರುವಾಗ, ಚಿತ್ರಮಂದಿರದಲ್ಲಿದ್ದಾಗ ಅಥವಾ ವೈಯಕ್ತಿಕವಾಗಿ ಧ್ವನಿ ಸಂದೇಶ ಕೇಳಲು ಆಗಲ್ಲ.

ಇದನ್ನೂ ಓದಿ: ಜುನಾ ಅಖಾಡದಿಂದ ಐಐಟಿ ಬಾಬಾಗೆ ಗೇಟ್​ಪಾಸ್​: ಕಾರಣವೇನು ಅಂತ ಗೊತ್ತಾ?

ಬಂದಿರುವ ವಾಯ್ಸ್ ಮೆಸೇಜ್ ತುರ್ತು ವಿಷಯವಾದರೂ ಕೇಳಲಾಗದ ಪರಿಸ್ಥಿತಿ ಎದುರಿಸುತ್ತೇವೆ. ಸಾರ್ವಜನಿಕವಾಗಿದ್ದಾಗ ಕೆಲವರಿಗೆ ಟೆಕ್ಸ್ಟ್​ ಟೈಪ್ ಮಾಡುವ ಸಮಯ ಇರಲ್ಲ. ಇನ್ನು ಕೆಲವರಿಗೆ ಬಂದಿರುವ ಮೆಜೇಸ್ ಕೇಳಿಸಿಕೊಳ್ಳಲು ಅವಕಾಶ ಸಿಗಲ್ಲ. ಸಂದಿಗ್ಧತೆಗೆ ಸಿಲುಕುವ ಸಂದರ್ಭಗಳಿಗೆ ವಾಟ್ಸ್​ಆ್ಯಪ್ ಬಿಗ್ ರಿಲೀಫ್ ನೀಡುತ್ತಿದೆ. ವಾಟ್ಸಾಪ್ ವಾಯ್ಸ್​ ನೋಟ್​​ಗಳನ್ನು ಟೆಕ್ಸ್ಟ್​ ಆಗಿ ಪರಿವರ್ತಿಸುವ ಟ್ರಾನ್ಸ್‌ಕ್ರಿಪ್ಟ್ ಆಯ್ಕೆಯನ್ನು ತಂದಿದೆ.

ಪ್ರತಿಲಿಪಿ ಆಯ್ಕೆಯು ನಿಮ್ಮ ಧ್ವನಿ ಸಂದೇಶಗಳನ್ನು ಪಠ್ಯಕ್ಕೆ ಲಿಪ್ಯಂತರ ಮಾಡುತ್ತದೆ. ಅದೂ ಒಂದು ಸೆಕೆಂಡ್‌ಗಿಂತ ಕಡಿಮೆ ಅವಧಿಯಲ್ಲಿ. ಸದ್ಯ ನಾಲ್ಕು ಭಾಷೆಗಳಲ್ಲಿ ಈ ಸೌಲಭ್ಯ ಇದೆ. ಪ್ರತಿಲಿಪಿಯು ಇಂಗ್ಲಿಷ್, ಫ್ರೆಂಚ್, ರಷ್ಯನ್ ಮತ್ತು ಪೋರ್ಚುಗೀಸ್ ಭಾಷೆಗಳಲ್ಲಿ ಲಭ್ಯವಿದೆ.

ಇದನ್ನೂ ಓದಿ: ಇಸ್ರೋ ಸಾಧನೆಗೆ ಮತ್ತೊಂದು ವೇದಿಕೆ.. ‘ಬಾಹುಬಲಿ’ ಉಡಾವಣಾ ಪ್ಯಾಡ್​​​ ಹಿಂದಿರುವ ಕತೆ ರೋಚಕ..!

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ