ಹೊಸ ಫೀಚರ್​​ ಪರಿಚಯಿಸಲು ಮುಂದಾದ ವಾಟ್ಸಪ್​​; ಇನ್ಮುಂದೆ ರೀಪ್ಲೆ ಮಾಡೋದು ಮತ್ತಷ್ಟು ಸುಲಭ

ವಾಟ್ಸಪ್​​ ಬಹುಸಂಖ್ಯಾ ಬಳಕೆದಾರರನ್ನು ಹೊಂದಿರುವ ಜನಪ್ರಿಯ ಪ್ಲಾಟ್​ಫಾರ್ಮ್​​. ಬಹುತೇಕ ದೇಶಗಳಲ್ಲಿ ವಾಟ್ಸಪ್​ ಬಳಸುತ್ತಿದ್ದಾರೆ. ಮಾತ್ರವಲ್ಲದೆ, ದೈನಂದಿನ ವ್ಯವಹಾರದಿಂದ ಹಿಡಿದು, ಫೋಟೋ, ವಿಡಿಯೋ, ಫೈಲ್ಸ್​​ಗಳನ್ನು ಇದರ ಮೂಲಕ ಹಂಚಿಕೊಳ್ಳಲು ಯೋಗ್ಯವಾಗಿದೆ. ಹೀಗಿರುವಾಗ ವಾಟ್ಸಪ್ ಭಾರತದಲ್ಲಿ ತನ್ನ ಬಳಕೆದಾರರಿಗೆಂದು ಹೊಸ ಫೀಚರ್​​ ಪರಿಚಯಿಸಲು ಮುಂದಾಗಿದೆ.

ಮೆಸೇಂಜರ್​ ಆ್ಯಪ್​ ವಾಟ್ಸಪ್​ ಸದಾ ನವೀಕರಣ ಜೊತೆಗೆ ಹೊಸ ವೈಶಿಷ್ಟ್ಯವನ್ನು ಪರಿಚಯಿಸುತ್ತಿರುತ್ತದೆ. ಆದರೀಗ ಇನ್​ಸ್ಟಾಗ್ರಾಂನಂತೆ ಹೋಲುವ ಸಂದೇಶವನ್ನು ಎರಡು ಬಾರಿ ಟ್ಯಾಪ್​ ಮಾಡುವ ಮೂಲಕ ಪ್ರತಿಕ್ರಿಯಿಸಲು ಅನುವು ಮಾಡಿಕೊಡುವ ಹೊಸ ಫೀಚರನ್ನು ಪರಿಚಯಿಸಲು ಪ್ಲಾನ್​ ಮಾಡಿಕೊಂಡಿದೆ ಎಂದು ವರದಿಯಾಗಿದೆ.

ವಾಬೇಟಾಇನ್​ಫೋ ಪ್ರಕಾರ, ನೂತನ ವೈಶಿಷ್ಟ್ಯವು ಪರೀಕ್ಷಾ ಹಂತದಲ್ಲಿದ್ದು, ಮುಂದಿನ ತಿಂಗಳು ಭಾರತೀಯರಿಗೆ ಸಿಗಲಿದೆ. ಅಂದಹಾಗೆ ಈ ಫೀಚರ್ ಫೋಟೋ, ವಿಡಿಯೋ, ಜಿಫ್​ ಸೇರಿದಂತೆ ಸ್ಕ್ರೀನ್​ ಬದಲಾಯಿಸದೇ ತ್ವರಿತವಾಗಿ ಪ್ರತಿಕ್ರಿಯಿಸಬಹುದಾಗಿದೆ. ಜೊತೆಗೆ ಸಂವಹನಕ್ಕೂ ಇದು ಅನುಕೂಲಕರವಾಗಿದೆ.

ಸಾಮಾನ್ಯವಾಗಿ ವಾಟ್ಸಪ್​ನಲ್ಲಿ ಸಂದೇಶಗಳಿಗೆ ಮರು ಪ್ರತಿಕ್ರಿಯಿಸಲು ಕೆಲವು ಸೆಕೆಂಡು ತೆಗೆದುಕೊಳ್ಳುತ್ತದೆ. ಆದರೆ ಇದರ ಮೂಲಕ ಸಂದೇಶ, ಫೈಲ್​ಗಳಿಗೆ ಸುಲಭವಾಗಿ ಪ್ರತಿಕ್ರಿಯಿಸಬಹುದಾಗಿದೆ.

ಡಬಲ್​ ಟ್ಯಾಪ್​​ ವೈಶಿಷ್ಟ್ಯವು ಸಂದೇಶಗಳಿಗೆ ವೇಗವಾಗಿ ಪ್ರತಿಕ್ರಿಯಿಸುವ ಮೂಲಕ ಬಳಕೆದಾರರ ಸಂವಹನವನ್ನು ವೇಗಗೊಳಿಸುತ್ತದೆ. ಅಂದಹಾಗೆಯೇ ವಾಟ್ಸಪ್​ ಈ ವೈಶಿಷ್ಟ್ಯವನ್ನು ಯಾವಾಗ ಪರಿಚಯಿಸುತ್ತದೆ ಎಂದು ಸ್ಪಷ್ಟವಾಗಿ ತಿಳಿಸಿಲ್ಲ. ಅಂದಾಜಿನ ಮೇರೆಗೆ ಮುಂಬರುವ ದಿನಗಳಲ್ಲಿ ನೂತನ ಫೀಚರ್​ ಬಳಕೆದಾರನ್ನು ಸೇರಲಿದೆ.

ಇದನ್ನೂ ಓದಿ:ಆರ್​​ಸಿಬಿ ಫ್ಯಾನ್ಸ್​ಗೆ ಗುಡ್​ನ್ಯೂಸ್​; ನಾಳೆ ಹೊಸ ದಾಖಲೆ ಬರೆಯಲಿರೋ ವಿರಾಟ್​ ಕೊಹ್ಲಿ

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ