ಭಾರತದ ಅತಿದೊಡ್ಡ ಜಿಲ್ಲೆ ಯಾವುದು ಗೊತ್ತಾ.. ದೇಶದ 9 ರಾಜ್ಯಗಳು ಇದರ ವಿಸ್ತೀರ್ಣಕ್ಕಿಂತ ಚಿಕ್ಕವು!

ಭಾರತದಲ್ಲಿ ಅತಿಹೆಚ್ಚು ಜಿಲ್ಲೆಗಳನ್ನು ಹೊಂದಿರುವ ರಾಜ್ಯ ಅಂದ್ರೆ ಅದು ಉತ್ತರಪ್ರದೇಶ. ದೇಶದ ಅತ್ಯಂತ ಹೆಚ್ಚು ಜಿಲ್ಲೆಗಳನ್ನು ಉತ್ತರಪ್ರದೇಶ ಹೊಂದಿದೆ. ಉತ್ತರಪ್ರದೇಶದಲ್ಲಿ ಒಟ್ಟು 75 ಜಿಲ್ಲೆಗಳಿವೆ. ಆದರೆ ಈ ದೇಶದಲ್ಲಿ ಅತಿದೊಡ್ಡ ಜಿಲ್ಲೆಯೊಂದಿದೆ. ಅದರ ವಿಸ್ತೀರ್ಣ ನಮ್ಮ ದೇಶದ ಕೆಲವು 9 ರಾಜ್ಯಗಳಿಗಿಂತ ಹೆಚ್ಚು. ಆದ್ರೆ ಅದು ಉತ್ತರಪ್ರದೇಶದಲ್ಲಿ ಇಲ್ಲ. ಅದು ಇರೋದು ಗುಜರಾತ್​ನಲ್ಲಿ. ದೇಶದಲ್ಲಿಯೇ ಅತ್ಯಂತ ಜಿಲ್ಲೆ ಎಂದು ಕರೆಸಿಕೊಳ್ಳುವ ಜಿಲ್ಲೆ ಪಶ್ಚಿಮ ದಿಕ್ಕಿನಲ್ಲಿರುವ ಗುಜರಾತ್​ನಲ್ಲಿದೆ. ಈ ದೇಶದಲ್ಲಿ ಸುಮಾರು 28 ರಾಜ್ಯಗಳಿವೆ. ಆಡಳಿತ ಸುಗಮವಾಗಿ ನಡೆಯಲು ಎಂದು ಅವುಗಳ ವಿಸ್ತಿರ್ಣಕ್ಕೆ ತಕ್ಕಂತೆ ಜಿಲ್ಲೆಗಳನ್ನು ನೀಡಲಾಗಿದೆ. ದೇಶದಲ್ಲಿ ಸುಮಾರು 800ಕ್ಕೂ ಅಧಿಕ ಜಿಲ್ಲೆಗಳಿವೆ. ಆದ್ರೆ ಭಾರತದಲ್ಲಿಯೇ ಅತಿ ದೊಡ್ಡದಾದ ಜಿಲ್ಲೆ ಇರುವುದು ಎಲ್ಲಿ ಗೊತ್ತಾ?

ಕಚ್​ ಗುಜರಾತ್​ಗೆ ಮಾತ್ರವಲ್ಲ ಇಡೀ ದೇಶದಲ್ಲಿಯೇ ಅತ್ಯಂತ ದೊಡ್ಡದಾದ ಜಿಲ್ಲೆ. ಈಗಾಗಲೇ ಹೇಳಿದಂತೆ ದೇಶದ ಒಟ್ಟು 9 ರಾಜ್ಯಗಳ ವಿಸ್ತೀರ್ಣಕ್ಕಿಂತ ಈ ಜಿಲ್ಲೆಯ ವಿಸ್ತೀರ್ಣ ದೊಡ್ಡದು. ಈ ಜಿಲ್ಲೆಯ ಒಟ್ಟು ವಿಸ್ತೀರ್ಣ ಸುಮಾರು 220.32 ಕಿಲೋ ಮೀಟರ್ ಉದ್ದ ಹಾಗೂ 376.80 ಕಿಮೀ ಅಗಲವಿದೆ. ಗುಜರಾತ್​​ನ ಶೇಕಡಾ 23.27ರಷ್ಟು ಭೂಮಿ ಕಚ್​ ಜಿಲ್ಲೆಯೊಂದರಲ್ಲಿಯೇ ಇದೆ.

ಇದನ್ನೂ ಓದಿ:ವಿಶ್ವದಲ್ಲಿಯೇ ಅತ್ಯಂತ ಪರಿಶುದ್ಧ ಗಾಳಿಯನ್ನು ಹೊಂದಿದ ದೇಶಗಳು ಯಾವುವು? ಭಾರತ ಎಷ್ಟನೇ ಸ್ಥಾನದಲ್ಲಿದೆ?

ಈ ಒಂದು ಜಿಲ್ಲೆ ಕೇರಳ, ಹರಿಯಾಣ, ಗೋವಾ, ಸಿಕ್ಕಿಂ, ನಾಗಾಲ್ಯಾಂಡ್, ತ್ರಿಪುರಾ, ಮಿಜೋರಾಂ, ಮಣಿಪುರ, ಮತ್ತು ಮೇಘಾಲಯ ರಾಜ್ಯಗಳಿಗಿಂತ ದೊಡ್ಡದು. ಅಷ್ಟು ವಿಸ್ತೀರ್ಣವಾಗಿ ಈ ಜಿಲ್ಲೆ ಗುಜರಾತ್​ನಲ್ಲಿ ಹರಡಿಕೊಂಡಿದೆ. ಕಚ್​ ಒಂದು ಅಕ್ಷರಶಃ ಮರುಭೂಮಿ. ಕಚ್​ ಪದದ ಅರ್ಥ ಒಣಗಿದ, ಶುಷ್ಕ ಎಂಬ ಅರ್ಥ ಬರುತ್ತದೆ. ಅರಬಿ ಸಮುದ್ರವನ್ನು ಸುತ್ತುವರಿದಿರುವ ಈ ಜಿಲ್ಲೆ, ಪಾಕಿಸ್ತಾನದ ಗಡಿಗೆ ತುಂಬಾ ಹತ್ತಿರವಾದಿದೆ. ಕಚ್​ನಲ್ಲಿರುವ ಜನಸಂಖ್ಯೆ 2011ರ ಪ್ರಕಾರ 2,09,2371 ಎಂದು ಹೇಳಲಾಗುತ್ತದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ