ಇಂಜಿನಿಯರ್​ಗಳಿಗೆ ಜಾಬ್ ಮಾಡಲು ಯಾವ ದೇಶ ಬೆಸ್ಟ್​.. ಭಾರತ, ದುಬೈ..? ಉತ್ತರ ಯಾವುದು?

ಪ್ರತಿಯೊಬ್ಬ ಇಂಜಿನಿಯರ್​ಗೂ ವಿದೇಶದಲ್ಲಿ ಕೆಲಸ ಮಾಡೋ ಆಸೆ. ಇತ್ತೀಚಿನ ದಿನಗಳಲ್ಲಿ ಹೆಚ್ಚಿನ ಇಂಜಿನಿಯರ್ಸ್​​ ಭಾರತದ ಹೊರಗೆ ಹೋಗಿ ಕೆಲಸ ಹುಡುಕುತ್ತಿದ್ದಾರೆ. ಫಾರಿನ್​​ಗೆ ದುಡಿಯೋಕೆ ಹೋದ್ರೆ ವೃತ್ತಿ ಬೆಳವಣಿಗೆ ಜತೆಗೆ ಆದಾಯದ ಮೂಲವೂ ಹೆಚ್ಚುತ್ತದೆ ಅನ್ನೋದು ಎಲ್ಲರ ಪ್ಲಾನ್​​. ಕೆಲಸದ ದೃಷ್ಟಿಕೋನದಿಂದ ನೋಡಿದ್ರೆ ವಿದೇಶದಲ್ಲಿ ಕೆಲಸ ಮಾಡೋದು ಒಳ್ಳೆಯದೇ. ಇದೇ ಹೊತ್ತಲ್ಲಿ ಇಂಜಿನಿಯರ್ಸ್​ಗೆ ಜಾಬ್​ ಮಾಡೋಕೆ ಭಾರತ ಬೆಸ್ಟಾ ಅಥವಾ ದುಬೈ ಬೆಸ್ಟಾ? ಅನ್ನೋ ಡಿಬೇಟ್​​ ಶುರುವಾಗಿದೆ.

6 ವರ್ಷಗಳ ಅನುಭವ ಹೊಂದಿರೋ ಬ್ಯಾಕ್‌ಎಂಡ್ ಡೆವಲಪರ್‌ ಒಬ್ಬರಿಗೆ ದುಬೈ ಮತ್ತು ಭಾರತ ಎರಡು ದೇಶಗಳಿಂದಲೂ ಜಾಬ್​ ಆಫರ್​ ಬಂದಿದೆ. ದುಬೈನಲ್ಲಿ 50 ಲಕ್ಷ ಮತ್ತು ಭಾರತದಲ್ಲಿ ₹33 ಲಕ್ಷ ಪ್ಯಾಕೇಜ್​​​ ಸಿಕ್ಕಿದ್ದು, ಎಲ್ಲಿ ಕೆಲಸಕ್ಕೆ ಹೋದ್ರೆ ಬೆಸ್ಟ್​ ಎಂಬ ಗೊಂದಲದಲ್ಲಿ ಸಲಹೆ ಕೇಳಿದರು. ಇದಕ್ಕೀಗ ಕೊನೆಗೂ ಉತ್ತರ ಸಿಕ್ಕಿದ್ದು, ಮುಂದೆ ವಿದೇಶದಲ್ಲಿ ಕೆಲಸ ಮಾಡಬೇಕು ಅನ್ನೋ ಇಂಜಿನಿಯರ್ಸ್​​ಗೆ ಇದು ಒಂದು ಕ್ಲ್ಯಾರಿಟಿ ನೀಡುತ್ತದೆ.

ಇನ್ನೂ ಕೆಲಸ ಮಾಡಲು ಭಾರತ ಅಥವಾ ದುಬೈ ಬೆಸ್ಟಾ?

ನನಗೆ ದುಬೈನಿಂದ 50 ಲಕ್ಷ ಸಂಬಳದ ಆಫರ್​ ಬಂದಿದೆ, ಹೋಗಬಹುದೇ? ಎಂದು ಬ್ಯಾಕ್‌ಎಂಡ್ ಡೆವಲಪರ್‌ ಒಬ್ಬರು ರೆಡ್ಡಿಟ್‌ನಲ್ಲಿ ಪೋಸ್ಟ್ ಹಾಕಿದ್ದರು. ಈ ಪೋಸ್ಟ್​ ವೈರಲ್​ ಆದ ಕಾರಣ ಭಾರತ ಮತ್ತು ದುಬೈ ಆಫರ್‌ಗಳ ನಡುವಿನ ವ್ಯತ್ಯಾಸದ ಬಗ್ಗೆ ಆನ್‌ಲೈನ್‌ನಲ್ಲಿ ವ್ಯಾಪಕ ಚರ್ಚೆ ನಡೆದಿದೆ.

ವಾರ್ಷಿಕವಾಗಿ 23 ಲಕ್ಷ ರೂಪಾಯಿ ಸಂಬಳ

ಸದ್ಯ ಈ ಎಂಜಿನಿಯರ್ ಭಾರತದಲ್ಲಿ ವಾರ್ಷಿಕ ₹23 ಲಕ್ಷ ಸಂಬಳ ಪಡೆಯುತ್ತಿದ್ದಾರೆ. ಈಗ ಇವರಿಗೆ 2 ಆಫರ್​ಗಳಿವೆ. ಒಂದು ದುಬೈ ಆಫರ್, ಇವ್ರ ಪ್ರಕಾರ ತಿಂಗಳಿಗೆ AED 18,000 ಅಂದ್ರೆ 50 ಲಕ್ಷ ಸಂಬಳ ನೀಡಲಾಗುತ್ತದೆ. ಯಾವುದೇ ಟ್ಯಾಕ್ಸ್​ ಕಟ್​ ಆಗದೆ ಇದು 50 ಲಕ್ಷ ಆಗುತ್ತದೆ. ಈ ಪ್ಯಾಕೇಜ್‌ನಲ್ಲೇ ಇಂಜಿನಿಯರ್​​ ಆರೋಗ್ಯ ವಿಮೆ, ಪ್ರಯಾಣ ವೆಚ್ಚ ಹಾಗೂ ವರ್ಷಕ್ಕೆ AED 1,500 ವಿಮಾನ ಭತ್ಯೆ ಎಲ್ಲವೂ ಒಳಗೊಂಡಿದೆ. ಆದರೆ, ಈ ಆಫರ್​ನಲ್ಲಿ ತನ್ನ ಫ್ಯಾಮಿಲಿ ಮೆಂಬರ್ಸ್​ಗೆ ಯಾವುದೇ ವಸತಿ ಅಥವಾ ವಿಮೆಗಳನ್ನು ಒಳಗೊಂಡಿಲ್ಲ.

ಇನ್ನೊಂದೆಡೆ ಭಾರತೀಯ ಕಂಪನಿ ನೀಡಿರೋ ಆಫರ್​​. ಇದು ವಾರ್ಷಿಕ ₹33 ಲಕ್ಷ ಪ್ಯಾಕೇಜ್​​. ಹೈಬ್ರಿಡ್ ಕೆಲಸದ ಮಾದರಿ. ಪೋಷಕರು ಸೇರಿದಂತೆ ಫ್ಯಾಮಿಲಿ ಮೆಂಬರ್ಸ್​ಗೆ ಆರೋಗ್ಯ ವಿಮೆ ಇದೆ. ವರ್ಕ್​​ ಫ್ರಮ್​ ಹೋಮ್​ ಆಪ್ಷನ್​ ಕೂಡ ಇದೆ. ವರ್ಕ್​ ಲೈಫ್​ ಬ್ಯಾಲೆನ್ಸ್​ ಮಾಡಬಹುದು. ಹಾಗಾಗಿ ನಿಮ್ಮ ಸಜೆಷನ್​ ಏನು ಎಂದು ಕೇಳಿದ್ದರು. ಇದಕ್ಕೆ ಹಲವರು ತಮ್ಮ ಅಭಿಪ್ರಾಯ ಹೇಳಿದ್ದಾರೆ.

ಇದನ್ನೂ ಓದಿ: MG MOTORS ಇಂದ ಮೊದಲ EV ರೋಡ್​ಸ್ಟರ್​ ಕಾರು.. ಎಲ್ಲರೂ ಕೊಂಡುಕೊಳ್ಳಬಹುದಾ?

ನೀವು ಒಂಟಿಯಾಗಿದ್ದರೆ AED 10,000-12,000 ನಲ್ಲಿ ದುಬೈನಲ್ಲಿ ಜೀವನ ನಡೆಸಬಹುದು. ಭಾರತದಲ್ಲಿ ತೆರಿಗೆ ನಂತರ ತಿಂಗಳಿಗೆ ₹2 ಲಕ್ಷ ಸಿಗುತ್ತದೆ. ನೀವು ಒಂಟಿಯಾಗಿದ್ರೆ ದುಬೈ ಬೆಸ್ಟ್​, ಫ್ಯಾಮಿಲಿ ಇದ್ರೆ ಭಾರತವೇ ಬೆಸ್ಟ್​ ಎಂದಿದ್ದಾರೆ.

ರೂ. 33 ಲಕ್ಷದ ಭಾರತದ ಆಫರ್​ ಬೆಸ್ಟ್​ ಅನಿಸುತ್ತಾ?

ಅಷ್ಟೇ ಅಲ್ಲ, ದುಬೈಗೆ ಹೋಗೋದಾದ್ರೆ ಫ್ರೀ ಫುಡ್​ ಅಂಡ್ ಅಕಾಮಡೇಷನ್ ಇರಬೇಕು. ಇಲ್ಲದಿದ್ದರೆ ನಿಮಗೆ ಸಿಗೋ AED 18,000 ಸಂಬಳ ಕೆಲವೇ ತಿಂಗಳಲ್ಲಿ ಖರ್ಚಾಗಿ ಹೋಗುತ್ತದೆ. ನನ್ನ ದೃಷ್ಟಿಯಿಂದ, ಭಾರತೀಯ ಆಫರ್ ಉತ್ತಮವಾಗಿದೆ ಎಂದಿದ್ದಾರೆ. ಯಾರಿಗೆ ಆಗಲಿ 50 ಲಕ್ಷದ ದುಬೈ ಆಫರ್ ಬೆಸ್ಟ್​ ಎನಿಸಬಹುದು. ಆದರೆ, ಖರ್ಚು ವೆಚ್ಚ ಮತ್ತು ಫ್ಯಾಮಿಲಿ ಅಂತಾ ನೋಡಿದಾಗ 33 ಲಕ್ಷದ ಭಾರತದ ಆಫರ್​ ಬೆಸ್ಟ್​ ಅನಿಸುತ್ತದೆ. ಕಾರಣ ಫ್ಯಾಮಿಲಿ ಜತೆಗೆ ಟೈಮ್​ ಸ್ಪೆಂಡ್​ ಮಾಡಬಹುದು. ವರ್ಕ್​ ಲೈಫ್​ ಬ್ಯಾಲೆನ್ಸ್​ ಕೂಡ ಆಗುತ್ತೆ ಎನ್ನುವುದು ಬಹುತೇಕರ ಅಭಿಪ್ರಾಯ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ