ಆಫ್ರಿಕಾದ 27 ವರ್ಷದ ಕನಸು.. ಕಿವೀಸ್​ ಸೋಲಿಸಿ ಟೀಮ್ ಇಂಡಿಯಾ ಜೊತೆ ಫೈನಲ್ ಫೈಟ್ ಮಾಡುತ್ತಾ?

ಇಂಡೋ-ಆಸಿಸ್ ಹೈವೋಲ್ಟೇಜ್ ಸೆಮೀಸ್ ಪಂದ್ಯ ಮುಗಿದಿದ್ದು ಆಯಿತು. ಟೀಮ್ ಇಂಡಿಯಾ ಫೈನಲ್​​ಗೆ ಎಂಟ್ರಿ ನೀಡಿದ್ದೂ ಆಗಿದೆ. ಇದೀಗ ಫೈನಲ್ಸ್​ನಲ್ಲಿ ಟೀಮ್ ಇಂಡಿಯಾನ ಎದುರಿಸೋ ಕನಸನ್ನ 2 ತಂಡಗಳು ಕಾಣ್ತಿದೆ. ಅವೇ ನ್ಯೂಜಿಲೆಂಡ್ ಆ್ಯಂಡ್ ಸೌತ್ ಆಫ್ರಿಕಾ. 2ನೇ ಸೆಮಿಸ್​ ಕದನಕ್ಕೆ ವೇದಿಕೆ ಸಜ್ಜಾಗಿದ್ದು, ಐಸಿಸಿ ಟೂರ್ನಿಯಲ್ಲಿ ಚೋಕರ್ಸ್ ಹಣೆಪಟ್ಟಿ ಹೊಂದಿರುವ ಉಭಯ ತಂಡಗಳು ಫೈನಲ್​ ಟಿಕೆಟ್​ಗಾಗಿ ಹೋರಾಟ ನಡೆಸಲು ಸಜ್ಜಾಗಿವೆ.

ಐಸಿಸಿ ಚಾಂಪಿಯನ್ಸ್​ ಟ್ರೋಫಿಯ 2ನೇ ಸೆಮಿಫೈನಲ್ ಪಂದ್ಯಕ್ಕೆ ಕೌಂಟ್​ಡೌನ್ ಶುರುವಾಗಿದೆ. ಲಾಹೋರ್​ನ ಗಡಾಫಿ ಸ್ಟೇಡಿಯಂನಲ್ಲಿ ಸೈಲೆಂಟ್ ಕಿಲ್ಲರ್ ನ್ಯೂಜಿಲೆಂಡ್, ಚೋಕರ್ಸ್ ಹಣೆಪಟ್ಟಿಯ ಸೌತ್ ಆಫ್ರಿಕಾ ಮುಖಾಮುಖಿ ಆಗ್ತಿವೆ. ಇವತ್ತಿನ ಸೆಮೀಸ್ ಸಮರದಲ್ಲಿ ಗೆದ್ದು ಫೈನಲ್ ತಲುಪುವ ಕನಸು ಕಾಣ್ತಿವೆ. ಈ ಇಬ್ಬರಲ್ಲಿ ಸೆಮೀಸ್ ಬ್ಯಾಟಲ್​​ನಲ್ಲಿ ಯಾರ್ ಫೈನಲ್​​ಗೆ ಹೋಗ್ತಾರೆ ಅನ್ನೋ ಕ್ಯೂರಿಯಾಸಿಟಿ ಅಭಿಮಾನಿಗಳಲ್ಲಿ ಮನೆ ಮಾಡಿದೆ.

ಚೋಕರ್ಸ್​ ಪಟ್ಟಿ ಕಳಚುತ್ತಾ ಸೌತ್ ಆಫ್ರಿಕಾ..?

1998ರ ಚಾಂಪಿಯನ್ಸ್​ ಟ್ರೋಫಿಯೇ ಕೊನೆ.. ಆ ಬಳಿಕ ಚಾಂಪಿಯನ್ಸ್​ ಟ್ರೋಫಿ ಗೆಲ್ಲೋದು ಬಿಡಿ. ಕನಿಷ್ಠ ಪಕ್ಷ ಫೈನಲ್​​​​ಗೆ ಏರುವಲ್ಲೂ ವಿಫಲರಾಗಿರುವ ಸೌತ್ ಆಫ್ರಿಕಾ, ಬರೋಬ್ಬರಿ 27 ವರ್ಷಗಳ ಬಳಿಕ ಚಾಂಪಿಯನ್ಸ್​ ಟ್ರೋಫಿಗೆ ಮುತ್ತಿಡುವ ಕನಸು ಕಾಣ್ತಿದೆ. ಐಸಿಸಿ ಇವೆಂಟ್​ಗಳ ಸೆಮಿಫೈನಲ್​ಗಳಲ್ಲಿ ಚೋಕರ್ಸ್​ ಹಣೆಪಟ್ಟಿ ಹೊತ್ತಿರುವ ಸೌತ್ ಆಫ್ರಿಕಾ, ಆ ಹಣೆಪಟ್ಟಿ ಕಳಚೋ ಲೆಕ್ಕಾಚಾರದಲ್ಲಿದೆ.

ಸೌತ್ ಆಫ್ರಿಕಾಗೆ ಬಿಗ್ ಹಿಟ್ಟರ್​ಗಳ ಸ್ಟ್ರೆಂಥ್​..!

ಸೌತ್ ಆಫ್ರಿಕಾದ ಬಿಗ್ ಸ್ಟ್ರೆಂಥ್​ ಬ್ಯಾಟಿಂಗ್ ಲೈನ್​ಆಫ್ ಆಗಿದೆ. ರಿಯಾನ್ ರಿಕಲ್ಟನ್, ಆ್ಯಡಮ್ ಮಾರ್ಕಮ್, ರಾಸಿ ವ್ಯಾನ್​ ಡೆರ್​​ ಡಸೆನ್, ಹೆನ್ರಿಚ್ ಕ್ಲಾಸೆನ್​​​ರಂಥ ಬಿಗ್ ಚೇಂಜರ್​​ಗಳ ಬಲ ಹೊಂದಿರುವ ಆಫ್ರಿಕಾ ಲೋವರ್ ಆರ್ಡರ್​ನಲ್ಲಿ ಡೇವಿಡ್ ಮಿಲ್ಲರ್, ಮಾರ್ಕೊ ಜಾನ್ಸೆನ್​ರಂಥ ಮ್ಯಾಚ್​ ಫಿನಿಷರ್​ಗಳನ್ನ ಹೊಂದಿದೆ. ಇವರು ಕ್ರೀಸ್ ಕಚ್ಚಿ ನಿಂತರೆ, ಕಿವೀಸ್ ಖಲ್ಲಾಸ್ ಆಗೋದು ಫಿಕ್ಸ್​.

ಇನ್​​​ಕನ್ಸಿಸ್ಟೆಂಟ್​​ ಕಿವೀಸ್​​​ಗೆ ಆಫ್ರಿಕನ್ ಅಗ್ನಿಪರೀಕ್ಷೆ..!

ಸೌತ್ ಆಫ್ರಿಕಾಗೆ ಹೋಲಿಸಿದ್ರೆ. ಕಿವೀಸ್​ ಬ್ಯಾಟಿಂಗ್ ಕೇವಲ ಟಾಪ್ ಆರ್ಡರ್ ಮೇಲೆ ನಿಂತಿದೆ. ಟಾಮ್ ಲಾಥಮ್, ವಿಲ್ ಯಂಗ್, ರಚಿನ್ ರವೀಂದ್ರ, ಕೇನ್ ವಿಲಿಯಮ್ಸನ್ ಬಿಟ್ರೆ, ಉಳಿದವರ್ಯಾರೂ ಅಂದುಕೊಳ್ಳುವಷ್ಟು ಉತ್ತಮ ಪ್ರದರ್ಶನವನ್ನ ನೀಡಿಲ್ಲ. ಹೀಗಾಗಿ ಟೂರ್ನಿಯಲ್ಲಿ ಉತ್ತಮ ದಾಳಿ ಸಂಘಟಿಸ್ತಿರುವ ವಿಯಾನ್​ ಮಲ್ಡಾರ್, ಮಾರ್ಕೋ ಯಾನ್ಸನ್, ಕಗಿಸೋ ರಬಡಾ, ಲುಂಗಿ ಎನ್ಗಿಡಿಯಂತ ಪೇಸ್ ಅಟ್ಯಾಕ್ ಎದುರಿಸೋದು ಕಿವೀಸ್ ಪಾಲಿಗೆ ಅಗ್ನಿಪರೀಕ್ಷೆಯಾಗಲಿದೆ. ಆದ್ರೆ, ನಾಕೌಟ್ಸ್​ಗಳಲ್ಲಿ ಸೈಲೆಂಟ್ ಆಗಿ ಮ್ಯಾಚ್ ಫಿನಿಷ್ ಮಾಡೋ ಕಲೆಗಾರಿಕೆ ಹೊಂದಿರುವ ಕಿವೀಸ್​​​​​ನ ಯಾವುದೇ ಕಾರಣಕ್ಕೂ ಹಗುವರವಾಗಿ ಪರಿಗಣಿಸುವಂತೆ ಇಲ್ಲ.

ಇದನ್ನೂ ಓದಿ:2 ವರ್ಷ ಡೇಟಿಂಗ್, ಒಂದೇ ಸಿನಿಮಾದಲ್ಲಿ ನಟನೆ.. ಈಗ ತಮನ್ನಾ-ವಿಜಯ್ ದೂರ ದೂರ, ಕಾರಣ ಇಲ್ಲಿದೆ!

​ಲಾಹೋರ್​ನಲ್ಲಿ ರನ್​ ಫೆಸ್ಟ್.. ಪೇಸರ್​ಗಳ ಬ್ಯಾಟಲ್ ಫಿಕ್ಸ್..!

ಲಾಹೋರ್​ನ ಗಡಾಫಿಯಲ್ಲಿ ಇವತ್ತು ರನ್ ಫೆಸ್ಟ್ ಗ್ಯಾರಂಟಿ. ಇದಕ್ಕೆ ಸಾಕ್ಷಿ ಇಂಗ್ಲೆಂಡ್, ಆಸ್ಟ್ರೇಲಿಯಾ ಹಾಗೂ ಅಫ್ಘಾನ್ ನಡುವಿನ ಪಂದ್ಯಗಳಾಗಿವೆ. ಯಾಕಂದ್ರೆ, ಈ ಎರಡೂ ಪಂದ್ಯಗಳಲ್ಲಿ ಕ್ರಮವಾಗಿ 356, 325 ರನ್​​​​​​​​​​​​​​​​​​ ಕೊಳ್ಳೆ ಹೊಡೆದಿದ್ದಾರೆ. ಇನ್ನು ಪೇಸರ್​ಗಳಿಗೆ ಬಿಗ್ ಅಡ್ವಾಂಟೇಜ್ ಇರೋ ಈ ಪಿಚ್​ನಲ್ಲಿ ವೇಗಿಗಳೇ ಮೈಲುಗೈ ಸಾಧಿಸಿದ್ದಾರೆ. ಇವತ್ತು ರನ್ ಫೆಸ್ಟ್​ನ ಜೊತೆಗೆ ಕಿವೀಸ್ ಪಸೇರ್ಸ್ ವರ್ಸಸ್ ಆಫ್ರಿಕನ್ ಪೇಸರ್​ಗಳ ಬ್ಯಾಟಲ್ ನಡೆಯೋದು ಕನ್ಫರ್ಮ್.

ಟೀಮ್ ಇಂಡಿಯಾಗೆ ಫೈನಲ್​​ ಎದುರಾಳಿ ಯಾರು..?

ಆಸ್ಟ್ರೇಲಿಯನ್ಸ್ ಎದುರು ಸೇಡು ತೀರಿಸಿಕೊಂಡಿರುವ ಟೀಮ್ ಇಂಡಿಯಾ, 2023ರ ಹಳೇ ಲೆಕ್ಕಾ ಚುಕ್ತಾ ಮಾಡಿದೆ. ಅಷ್ಟೇ ಅಲ್ಲ, ಸೋಲಿಲ್ಲದ ಸರದಾರನಾಗಿ ಫೈನಲ್​ಗೆ ಎಂಟ್ರಿ ನೀಡಿದೆ. ಆದ್ರೀಗ ಫೈನಲ್​ನಲ್ಲಿ ಟೀಮ್ ಇಂಡಿಯಾ ಎದುರಾಳಿಯಾಗಿ ನ್ಯೂಜಿಲೆಂಡ್ ಕಣಕ್ಕಿಳಿಯುತ್ತಾ..? ಇಲ್ಲ 27 ವರ್ಷಗಳ ಬಳಿಕ ಚಾಂಪಿಯನ್ಸ್​ ಟ್ರೋಫಿಯಲ್ಲಿ ಫೈನಲ್​​ಗೆ ಎಂಟ್ರಿ ಕೊಟ್ಟಿರುವ ಆಫ್ರಿಕಾ ಸೆಣಸಾಡುತ್ತಾ.? ಅನ್ನೋದಕ್ಕೆ ಇವತ್ತಿನ ಪಂದ್ಯದ ಬಳಿಕಷ್ಟೇ ಉತ್ತರ ಸಿಗಲಿದೆ. ಆ ಉತ್ತರ ಸೌತ್​ ಆಫ್ರಿಕಾ ನಾ.? ನ್ಯೂಜಿಲೆಂಡ್​ ಆ.? ಕಾದು ನೋಡಬೇಕಿದೆ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ