ಒಂದೇ ವಾರದಲ್ಲಿ 90 ಹುಸಿ ಬಾಂ*ಬ್ ಬೆದರಿಕೆ; ಈ ನೀಚತನದ ಹಿಂದಿರುವ ಆ ಅದಮ್ ಲಾಂಜಾ ಯಾರು?

ಭಾರತೀಯ ವಿಮಾನ ಯಾನ ಸಂಸ್ಥೆಗೆ ಕಳೆದ ಒಂದು ವಾರದಲ್ಲಿ 90 ಹುಸಿಬಾಂಬ್ ಬೆದರಿಕೆಗಳನ್ನು ಕಂಡಿವೆ. ರಾಷ್ಟ್ರೀಯ ಹಾಗೂ ಅಂತಾರಾಷ್ಟ್ರೀಯವಾಗಿ ಪ್ರಯಾಣಿಕರಿಗೆ ಸೇವೆ ನೀಡುವ ಬಹುತೇಕ ಎಲ್ಲಾ ವಿಮಾನಯಾನ ಸಂಸ್ಥೆಗಳಿಗೂ ಈ ತರಹದ ಹುಸಿ ಬಾಂಬ್ ಬೆದರಿಕೆಗಳು ಹೋಗಿವೆ, ಇದರಿಂದಾಗಿ ಅನೇಕ ಗೊಂದಲಗಳು ಉಂಟಾಗಿ, ವಿಮಾನ ಹಾರಾಟದ ಅವಧಿ ವಿಳಂಬವಾಗಿ ಕೆಲವೊಮ್ಮೆ ಹಾರಾಟವೇ ರದ್ದುಗೊಳಿಸುವಂತಹ ಸಂದರ್ಭಗಳು ಕೂಡ ಬಂದಿವೆ.

ಇದನ್ನೂ ಓದಿ:ಜಮ್ಮು ಕಾಶ್ಮೀರದಲ್ಲಿ ಅಟ್ಟಹಾಸ ಮೆರೆದ ಭಯೋತ್ಪಾದಕರು; ಉಗ್ರರ ದಾಳಿಗೆ ಬಲಿಯಾದ 7 ಜನ

ರಾಷ್ಟ್ರೀಯ ಮಾಧ್ಯಮಗಳ ವರದಿ ನೀಡಿರುವ ಪ್ರಕಾರ ಈ ಒಂದು ಹುಸಿಬಾಂ*ಬ್ ಕರೆಯಲ್ಲಿ ಶೇಕಡಾ 70 ರಷ್ಟು @adamlanza111 ಎಂಬ ಎಕ್ಸ್​ ಖಾತೆಯಿಂದಲೇ ಬಂದಿವೆ. ಈ ಒಂದು ಎಕ್ಸ್ ಖಾತೆಯಿಂದ ಶುಕ್ರವಾರ ರಾತ್ರಿ ಅಂದ್ರೆ ಅಕ್ಟೋಬರ್ 18ರ ರಾತ್ರಿ 12 ಹುಸಿ ಬಾಂ*ಬ್ ಕರೆ ಬಂದಿವೆ. ಶನಿವಾರ ಅಕ್ಟೋಬರ್ 19ರಂದು 34 ಬೆದರಿಕೆಗಳು ಬಂದಿವೆ. ಏರ್​ ಇಂಡಿಯಾ ಸೇರಿದಂತೆ ವಿಸ್ತಾರ, ಇಂಡಿಗೋ, ಆಕಾಸ್ ಏರ್, ಅಲೈನ್ಸ್ ಏರ್, ಸ್ಪೈಸ್ ಜೆಟ್, ಸೇರಿದಂತೆ ಅಮೆರಿಕಾದ ಏರ್​ಲೈನ್ಸ್​ ನ್ಯೂಜಿಲೆಂಡ್​ನ ಏರ್​ ನ್ಯೂಜಿಲೆಂಡ್​ಗೂ ಕೂಡ ಈ ರೀತಿಯ ಬಾ*ಂಬ್​ ಬೆದರಿಕೆಯ ಕರೆಗಳು ಬಂದಿವೆ.

ಯಾರು ಈ ಅದಮ್ ಲಾಂಜಾ?
ಬೆದರಿಕೆ ಬರುತ್ತಿರುವ ಎಕ್ಸ್ ಖಾತೆಯ ಅದಮ್ ಲಾಂಜಾ ಎಂಬುವವನು ಯಾರು ಅಂತ ನೋಡುತ್ತಾ ಹೋದ್ರೆ ಅವನ ಹಿಂದಿನ ನಟೋರಿಯಸ್ ಚರಿತ್ರೆ ತೆರೆದುಕೊಳ್ಳುತ್ತದೆ. 201ರಲ್ಲಿ ಯುಎಸ್​​ನ ಎಲಿಮೆಂಟರಿ ಸ್ಕೂಲ್​​ಗೆ ನುಗ್ಗಿ ಈತ ಮನಬಂದಂತೆ ಗುಂಡಿನ ದಾಳಿ ಮಾಡಿದ್ದ. ಡಿಸೆಂಬರ್ 14ರಂದು ಸ್ಯಾಂಡಿಹುಕ್​ನ ಎಲಿಮೆಂಟರಿ ಸ್ಕೂಲ್​ ನುಗ್ಗಿದ್ದ ಈತ ಮನಬಂದಂತೆ ಶೂಟ್ ಮಾಡಿ 20 ಮಕ್ಕಳ ಭೀಕರ ಅಂತ್ಯಕ್ಕೆ ಕಾರಣನಾಗಿದ್ದ. ಮೃತಪಟ್ಟ ಮಕ್ಕಳಲ್ಲಿ 6 ಮತ್ತು 7 ವರ್ಷದ ಮಕ್ಕಳೇ ಹೆಚ್ಚು ಇದ್ದರು ಹಾಗೂ 6 ಜನ ಶಿಕ್ಷಕರಿದ್ದರು ಇದೇ ಶಾಲೆಯಲ್ಲಿ ಈತ ನಾಲ್ಕು ವರ್ಷ ವಿದ್ಯಾಭ್ಯಾಸ ಮಾಡಿದ್ದ.

ಇದನ್ನೂ ಓದಿ: ಮಾಜಿ ವಿಜ್ಞಾನಿ ಹಾಗೂ ಪತ್ನಿಯನ್ನು ಸೆರೆಯಾಳಾಗಿ ಹಿಡಿದ ಕಳ್ಳರು! ಆಮೇಲಾಗಿದ್ದೇನು?

20 ವರ್ಷದ ಈತ ತನ್ನ ಸ್ವಂತ ತಾಯಿ ನ್ಯಾನ್ಸಿ ಲಾಂಜಳನ್ನ ಗುಂಡಿಟ್ಟು ಕೊಂದಿದ್ದ. ಹೆತ್ತ ತಾಯಿಗೆ ಮಲುಗುವ ಕೋಣೆಗೆ ಹೋಗುವಾಗ ಗುಂಡಿಕ್ಕಿ ಹತ್ಯೆ ಮಾಡಿದ್ದ ಈ ನೀಚ. ಇದೇ ವೇಳೆ ಮನೆಯಲ್ಲಿ ಇದ್ದ AR-15 ಅಸಾಲ್ಟ್​ ರೈಫಲ್ ಹಾಗೂ ಪಿಸ್ತೂಲ್​ಗಳನ್ನು ತೆಗೆದುಕೊಂಡು ಪರಾರಿಯಾಗಿ ಆಮೇಲೆ ಎಲಿಮೆಂಟರಿ ಸ್ಕೂಲ್​ಗೆ ನುಗ್ಗಿ ದೊಡ್ಡ ಹತ್ಯಾಕಾಂಡವನ್ನೇ ಮೆರೆದಿದ್ದ. ಈತನಿಂದಲೇ ಈಗ ಹುಸಿ ಬಾಂಬ್ ಬೆದರಿಕೆಗಳನ್ನು ಭಾರತೀಯ ವಿಮಾನಯಾನ ಸಂಸ್ಥೆಗಳು ಸೇರಿದಂತೆ ಅನೇಕ ದೇಶದ ವಿಮಾನ ಯಾನ ಸಂಸ್ಥೆಗಳು ಎದುರಿಸುತ್ತಿವೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ