RCB ಸಕ್ಸಸ್​​ ಹಿಂದಿನ ಕಾರಣ ಏನು.. ತಂಡದಲ್ಲಿ ದೊಡ್ಡ ಬದಲಾವಣೆ ಶುರುವಾಗಿದ್ದು ಯಾವಾಗ..?

ಸುದೀರ್ಘ 18 ವರ್ಷಗಳ ಕಪ್​ ಕೊರಗು ನೀಗೋಕೆ ಒಂದೇ ಒಂದು ಹೆಜ್ಜೆ ಬಾಕಿ ಉಳಿದಿದೆ. ಅಹ್ಮದಾಬಾದ್​ನ ನಮೋ ಅಂಗಳದಲ್ಲಿ ನಡೆಯೋ ಫೈನಲ್​ ಫೈಟ್​ನಲ್ಲಿ ಆರ್​​ಸಿಬಿ ದಿಟ್ಟ ಇಜ್ಜೆ ಇಟ್ರೆ ಅಸಂಖ್ಯ ಅಭಿಮಾನಿಗಳ ಕನಸು ನನಸಾಗಲಿದೆ. ಈ ಹಿಂದಿನ 18 ಸೀಸನ್​​ಗಳಲ್ಲಿದ್ದ ಆರ್​​ಸಿಬಿಗೂ ಈ ಸೀಸನ್​ನ ಆರ್​​ಸಿಬಿಗೂ ಹೆಚ್ಚು ಡಿಫರೆನ್ಸ್​ ಇದೆ. ಅಂದ್ಹಾಗೆ, ಈ ಡಿಫರೆಂಟ್ ಆರ್​​ಸಿಬಿಯ ಜರ್ನಿ ಶುರುವಾಗಿದ್ದು ಸೀಸನ್​​ ಆರಂಭವಾದ ಮೇಲಲ್ಲ, ಈ ಹಿಂದಿನ ಸೀಸನ್​ 17 ಅಂತ್ಯವಾದ ಬಳಿಕ.

ಕಳೆದ ಸೀಸನ್​ನಲ್ಲಿ ಆರ್​​​ಸಿಬಿ ಪ್ಲೇ ಆಫ್​ ಹಂತದಲ್ಲಿ ಎಡವಿತ್ತು. ಆ ಸೋಲಿನ ಬೆನ್ನಲ್ಲೇ ಶುರುವಾಗಿದ್ದು ಹೊಸ ಆರ್​​ಸಿಬಿ ಕಟ್ಟೋ ಕೆಲಸ. ಕೋಚಿಂಗ್​ ಸ್ಟಾಫ್​ಗೆ ಭಾರತದವರ ಅಗತ್ಯತೆ ಇದೆ ಅನ್ನೋದು ಮ್ಯಾನೇಜ್​ಮೆಂಟ್​​ ಅರ್ಥವಾಗಿತ್ತು. ಇದರ ಭಾಗವಾಗಿ ಫಿನಿಶರ್​ ದಿನೇಶ್​ ಕಾರ್ತಿಕ್​ ​ಹೊಸ ಅವತಾರದಲ್ಲಿ ಆರ್​​ಸಿಬಿಗೆ ಎಂಟ್ರಿ ಕೊಟ್ಟರು. RCBಯಲ್ಲಿ ಬದಲಾವಣೆ ಅನ್ನೋದು ಇಲ್ಲಿಂದ ಶುರುವಾಯ್ತು ನೋಡಿ.

ನಾವು ನಮ್ಮ ಕೋಚಿಂಗ್​ ವಿಭಾಗಕ್ಕೆ ಭಾರತೀಯರನ್ನ ಸೇರಿಸಿಕೊಳ್ಳಲು ಬಯಸಿದ್ವಿ. ನಾನು ಮತ್ತು ಆ್ಯಂಡಿ ಫ್ಲವರ್​ ಈ ಬಗ್ಗೆ ಚಿಂತಿಸಿದ್ವಿ. ದಿನೇಶ್​ ಕಾರ್ತಿಕ್​ ವಿಚಾರದಲ್ಲಂತೂ ತಂಡಕ್ಕೆ ಸೇರಿಸಿಕೊಳ್ಳಲೇಬೇಕೆಂದು ತಿರ್ಮಾನಿಸಲಾಗಿತ್ತು. ನಿವೃತ್ತಿ ಬಗ್ಗೆ ಕಾರ್ತಿಕ್​ ಯೋಚಿಸುತ್ತಿರುವಾಗ ಕೋಚ್​ ಸ್ಥಾನಕ್ಕೆ ಅರ್ಹ ಎಂದು ಭಾವಿಸಿದ್ದೆ. ಸೀಸನ್​ ಅಂತ್ಯವಾದ ಬಳಿಕ ಮೊ ಬೊಬಾಟ್​ ನನ್ನನ್ನ ಸಂಪರ್ಕಿಸಿದ್ರು. ಆ್ಯಂಡಿ ಫ್ಲವರ್​ ಜೊತೆ ಉತ್ತಮ ಸಂಬಂಧವಿತ್ತು. ಮುಖ್ಯವಾಗಿ ವಿರಾಟ್​ ಕೊಹ್ಲಿ ನನ್ನನ್ನ ಮೆಂಟರ್​ ಆಗಿ ನೋಡಲು ಬಯಸಿದರು.

ಈಗಿರೋ ಆರ್​​ಸಿಬಿಗೂ ಇರೋ ವ್ಯತ್ಯಾಸ ಏನು?

ಫಿನಿಶರ್​ ಡಿಕೆ, ಮೇಷ್ಟು ಡಿಕೆಯಾಗಿ​ ಆರ್​​ಸಿಬಿ ಸೇರಿದ ಬಳಿಕ ನ್ಯೂ ಟೀಮ್​ ಕಟ್ಟೋ ಪ್ರಯತ್ನ ಶುರುವಾಯಿತು. ಆರ್​​ಸಿಬಿ ಇಷ್ಟು ವರ್ಷ ಎಲ್ಲೆಲ್ಲಿ ಎಡವಿದೆ.? ಇದಕ್ಕೆ ಕಾರಣ ಏನು.? ಯಾವ ವಿಭಾಗದಲ್ಲಿ ಸ್ಟ್ರೆಂಥ್​ ಆಗಬೇಕು ಅನ್ನೋದನ್ನ ಆಕ್ಷನ್​ಗೂ ಮುನ್ನವೇ ಥಿಂಕ್​ ಟ್ಯಾಂಕ್ಸ್​ ಸರಣಿ ಮೀಟಿಂಗ್​ ಮಾಡಿ ಚರ್ಚಿಸಿದರು.

ಮೆಗಾ ಆಕ್ಷನ್​ಗೂ ಮುನ್ನ ಎಲ್ಲಾ ಲೆಕ್ಕಾಚಾರ ಹಾಕಿಕೊಂಡು ಪರ್ಫೆಕ್ಟ್​ ಪ್ಲಾನಿಂಗ್​ನೊಂದಿಗೆ ಆರ್​​ಸಿಬಿ ಮ್ಯಾನೇಜ್​ಮೆಂಟ್​ ಅಖಾಡಕ್ಕಿಳಿಯಿತು. ಅಂದುಕೊಂಡಂತೆ ಪರ್ಫೆಕ್ಟ್​ ತಂಡವನ್ನೂ ಕಟ್ಟಿತು. ಈ ಹಿಂದಿದ್ದ ಆರ್​​​ಸಿಬಿಗೂ ಈಗಿರೋ ಆರ್​​ಸಿಬಿಗೂ ಇರೋ ಡಿಫರೆನ್ಸೇ ಇದು.

ಈಗಿರುವ RCBಗೂ ಹಿಂದಿದ್ದ RCBಗೂ ವ್ಯತ್ಯಾಸವಿದೆ. ಆಡೋ 12 ಆಟಗಾರರಲ್ಲಿರೋ ಅನುಭವ. ಬ್ಯಾಟಿಂಗ್​​ನಲ್ಲಿ ಸ್ಟ್ರೆಂಥ್​ ಹಾಗೂ ಡೆಪ್ತ್​​. ಬಹು ಮುಖ್ಯವಾಗಿ ಬೌಲಿಂಗ್​ನಲ್ಲಿ ಕ್ವಾಲಿಟಿ. ಈ ಮೂರು ಮುಖ್ಯವಾಗಿತ್ತು. ಜೊತೆ ಹಲವು ಲೀಡರ್ಸ್, ಒಂದು ಅಥವಾ ಎರಡಲ್ಲ ಹಲವು ಲೀಡರ್ಸ್​​ ತಂಡದಲ್ಲಿದ್ದಾರೆ.

ಸಕ್ಸಸ್​ಫುಲ್​ ಆಗಿ ಆಕ್ಷನ್​ ಮುಗಿಸಿದ್ದ ಆರ್​​ಸಿಬಿ ಮುಂದಿದ್ದ ನೆಕ್ಸ್ಟ್​ ಬಿಗ್​ ಟಾಸ್ಕ್​​ ಸಾರಥಿಯ ಆಯ್ಕೆ. ಈ ವಿಚಾರದಲ್ಲೂ ಆರ್​​ಸಿಬಿ ಮ್ಯಾನೇಜ್​ಮೆಂಟ್​​​ ಸರಿಯಾದ ಹೆಜ್ಜೆ ಇಡ್ತು.

ರಜತ್​ ಪಟಿದಾರ್​​ ನನ್ನ ಜೀವನದಲ್ಲಿ ಕಣ್ತೆರೆಸಿದ. ಯಾಕಂದ್ರೆ ಜನರಿಗೆ ದಿಢೀರ್​ ಎಂದು ಅಧಿಕಾರ ಅನ್ನೋದು ಸಿಕ್ರೆ ಬದಲಾಗ್ತಾರೆ. ನಡತೆ, ಮಾತುಕತೆ ಒಂದಲ್ಲ ಒಂದು ರೀತಿಯಲ್ಲಿ ಬದಲಾಗುತ್ತೆ. ಆದ್ರೆ, ರಜತ್​ ಪಟಿದಾರ್​ ವಿಚಾರದಲ್ಲಿ ಹಾಗಾಗಲಿಲ್ಲ. ಆರ್​​ಸಿಬಿ ತಂಡದ ನಾಯಕನಾದ ಬಳಿಕವೂ ರಜತ್​ ಮುಂಚೆ ಹೇಗಿದ್ರೋ ಹಾಗೇ ಇದ್ದಾರೆ.

ದಿನೇಶ್ ಕಾರ್ತಿಕ್​, ಆರ್​​ಸಿಬಿ ಮೆಂಟರ್​

ಈ ಸೀಸನ್​ಗೂ ಮುನ್ನ ನಡೆದ ಮೆಗಾ ಅಕ್ಷನ್​ ಟೇಬಲ್​ನಲ್ಲಿ​ ಆರ್​​ಸಿಬಿ ಮ್ಯಾನೇಜ್​ಮೆಂಟ್​ ಸಕ್ಸಸ್​ ಕಂಡಿರೋದಕ್ಕೆ ಆನ್​ಫೀಲ್ಡ್​ನ ಪರ್ಫಾಮೆನ್ಸ್​ ಬೆಸ್ಟ್​ ಎಕ್ಸಾಂಪಲ್​. ಇಷ್ಟು ಸೀಸನ್​ ಒಬ್ಬರು ಇಬ್ಬರು ಆಟಗಾರರ ಮೇಲೆ ಮಾತ್ರ ಆರ್​​​ಸಿಬಿ ಡಿಪೆಂಡ್​​ ಆಗಿರ್ತಾ ಇತ್ತು. ಆದ್ರೆ, ಈ ಬಾರಿ ಎಲ್ಲರೂ ಮ್ಯಾಚ್​​ವಿನ್ನರ್ಸೇ.

ಈ ಸೀಸನ್​ನಲ್ಲಿ ಹಲವು ಆಟಗಾರರು ಪಂದ್ಯಶ್ರೇಷ್ಠ ಪ್ರಶಸ್ತಿ ಗೆದ್ದಿದ್ದಾರೆ. ಇದೊಂದು ಒಳ್ಳೆ ಪ್ರತಿಬಿಂಬ. ಜೊತೆಗೆ 7,8 ಅಥವಾ 9 ಜನ ಅರ್ಧಶತಕ ಸಿಡಿಸಿದ್ದಾರೆ. ಬ್ಯಾಟಿಂಗ್​ ಮತ್ತು ಬೌಲಿಂಗ್​ನಲ್ಲಿ ಹಲವರು ತಂಡಕ್ಕೆ ಕೊಡುಗೆ ನೀಡ್ತಿದ್ದಾರೆ. ಇದು ನಾವು ಬಯಸಿದ್ವಿ.

ಇದನ್ನೂ ಓದಿ: ಸ್ಟಾರ್ ಆಲ್​​ರೌಂಡರ್​ ಗ್ಲೆನ್ ಮ್ಯಾಕ್ಸ್​ವೆಲ್ ದಿಢೀರ್​ ನಿವೃತ್ತಿ.. ಕಾರಣವೇನು?

ಸೀನಿಯರ್ಸ್​-ಜೂನಿಯರ್ಸ್​ ನಡುವೆ ಡಿವೈಡ್ ಇಲ್ಲ

ಆರ್​​ಸಿಬಿ ಸಂಘಟಿತ ಹೋರಾಟ ನಡೆಸ್ತಿರೋದ್ರ ಹಿಂದಿರೋ ಮತ್ತೊಂದು ಕಾರಣ ಏನು ಗೊತ್ತಾ.? ಆಫ್​ ದ ಫೀಲ್ಡ್​ನ ವಾತಾವರಣ. ಆಟಗಾರರ ನಡುವಿನ ಭಾಂದವ್ಯ.!

ಆಫ್​ ದ ಫೀಲ್ಡ್​ನಲ್ಲೂ ನಮ್ಮ ತಂಡ ಅದ್ಭುತವಾಗಿದೆ. ಇಡೀ ತಂಡ ಜೆಲ್​ ಆಗಿದೆ. ನಾನು ಈ ಹಿಂದೆ ಹಲವು ತಂಡಗಳ ಭಾಗವಾಗಿದ್ದೆ. ಅಲ್ಲಿ ಬ್ಯಾಟರ್ಸ್​, ಬೌಲರ್ಸ್​​ ಅಥವಾ ವಿದೇಶಿ ಆಟಗಾರರು, ಭಾರತೀಯ ಆಟಗಾರರು, ಸೀನಿಯರ್ಸ್​-ಜೂನಿಯರ್ಸ್​ ನಡುವೆ ಸಣ್ಣದಾದ ಡಿವೈಡ್​ ಇರುತ್ತಿತ್ತು. ಆದ್ರೆ, ಈ ತಂಡ ಮಿಕ್ಸ್​ ಆಯ್ತು. ಇದು ತಂಡ ಕ್ಯಾರೆಕ್ಟರ್​ ಅನ್ನ ಹೇಳ್ತಿದೆ.

ಬ್ಯಾಕ್​​ ಎಂಡ್​​ನಲ್ಲಿ ಮಾಡಿದ ಸರಿಯಾದ ಪ್ಲಾನ್​ಗಳು, ಲೆಕ್ಕಾಚಾರದ ನಿರ್ಧಾರಗಳು ಈ ಬಾರಿ ಆರ್​​ಸಿಬಿಯ ಸಕ್ಸಸ್​ ಹಿಂದೆ ಪ್ರಮುಖ ಪಾತ್ರವನ್ನ ನಿರ್ವಹಿಸಿವೆ. ಇದಕ್ಕೆ ಶ್ರಮ ವಹಿಸಿದ ಟೀಮ್​ ಮ್ಯಾನೇಜ್​ಮೆಂಟ್​ ಹಾಗೂ ಸಪೋರ್ಟ್​ ಸ್ಟಾಫ್​ಗೆ ಸಲಾಂ ಹೇಳಲೇಬೇಕು.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.30ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ