ಕೊಹ್ಲಿ ಬ್ಯಾಟಿಂಗ್​ ಸ್ಲಾಟ್- 4​ಗೆ ಯಾರು ಸಮರ್ಥ.. ಯುವ ಕನ್ನಡಿಗನಿಗೆ ಸಿಗುತ್ತಾ ಚಾನ್ಸ್​?

ಟೆಸ್ಟ್​ ಕ್ರಿಕೆಟ್​ನಲ್ಲಿ ವಿರಾಟ್​​ ಕೊಹ್ಲಿಯ ಯುಗಾಂತ್ಯವಾಗಿದೆ. ಸುದೀರ್ಘ 14 ವರ್ಷಗಳ ಜರ್ನಿಗೆ ದಿಢೀರ್​ ನಿವೃತ್ತಿ ಘೋಷಿಸಿ ಕ್ರಿಕೆಟ್​ ಲೋಕವನ್ನೇ ಕೊಹ್ಲಿ ಅಚ್ಚರಿಗೆ ದೂಡಿದ್ದಾರೆ. ಇನ್ನೂ 2-3 ವರ್ಷ ಕ್ರಿಕೆಟ್​ ಆಡಬಹುದಾದ ಎಲ್ಲಾ ಅವಕಾಶವಿದ್ರೂ ಕೊಹ್ಲಿ ವೈಟ್​​ ಜೆರ್ಸಿ ಬಿಚ್ಚಿಟ್ಟಿದ್ದಾರೆ. ಮುಂಬರೋ ಮಹತ್ವದ ಇಂಗ್ಲೆಂಡ್​ ಟೂರ್​​ಗೂ ಮುನ್ನ ವಿರಾಟ್​​ ವಿದಾಯ ಹೇಳಿರೋದು ಟೀಮ್​ ಇಂಡಿಯಾ ತೀವ್ರ ಹಿನ್ನಡೆ ತಂದಿಟ್ಟಿದೆ. ಇದೀಗ ಕೊಹ್ಲಿ ಸ್ಥಾನ ತುಂಬೋದ್ಯಾರು ಅನ್ನೋ ದೊಡ್ಡ ಪ್ರಶ್ನೆ ಟೀಮ್​ ಇಂಡಿಯಾವನ್ನ ಕಾಡ್ತಿದೆ.

ಕೊಹ್ಲಿ ಟೆಸ್ಟ್​ ನಿವೃತ್ತಿಯೊಂದಿಗೆ ಮಹತ್ವದ ನಂಬರ್-​ 4 ಸ್ಲಾಟ್​ ಖಾಲಿಯಾಗಿದೆ. ಲೆಜೆಂಡರಿ ಸಚಿನ್​ ತೆಂಡೂಲ್ಕರ್​ ನಿವೃತ್ತಿಯ ಬಳಿಕ ಆ ಸ್ಲಾಟ್​ನ ವಿರಾಟ್​​ ಕೊಹ್ಲಿ ಸಮರ್ಥವಾಗಿ ತುಂಬಿದ್ರು. ಕೊಹ್ಲಿ ಟೆಸ್ಟ್​ನಲ್ಲಿ ಗಳಿಸಿದ 9,230 ರನ್​ಗಳ ಪೈಕಿ 7,564 ರನ್​ಗಳು ಬಂದಿದ್ದು ಈ ಸ್ಲಾಟ್​ನಲ್ಲೇ. 2013ರಿಂದ 2025ರವರೆಗೆ 160 ಇನ್ನಿಂಗ್ಸ್​​ಗಳಲ್ಲಿ ಬ್ಯಾಟ್​ ಬೀಸಿದ್ದ ವಿರಾಟ್​​ ಬರೋಬ್ಬರಿ 50 ಸರಾಸರಿಯಲ್ಲಿ ರನ್​ ಕೊಳ್ಳೆ ಹೊಡೆದಿದ್ರು. ಎದುರಾಳಿಗಳ ಪಾಲಿಗೆ ಸಿಂಹಸ್ವಪ್ನವಾಗಿದ್ದ ವಿರಾಟ್​, ಭಾರತದ ಬಲ ಹೆಚ್ಚಿಸಿದ್ರು. ಇದೀಗ ಆ ಸ್ಲಾಟ್​ ತೆರವಾಗಿದೆ. ಕೊಹ್ಲಿ ಸ್ಥಾನಕ್ಕೆ ಸಮರ್ಥರ ಹುಡುಕಾಟ ನಡೀತಿದೆ. ಆಟಗಾರರ ನಡುವೆ ಪೈಪೋಟಿ ಶುರುವಾಗಿದೆ.

ಸಿಂಹಾಸನ ತ್ಯಜಿಸಿದದ ‘ಕಿಂಗ್​​’.. ‘ಪ್ರಿನ್ಸ್​​’ಗೆ ಪಟ್ಟಾಭಿಷೇಕ.?

ಕ್ರಿಕೆಟ್​ ದೇವರ ಬಳಿಕ ನಂ- 4 ಸ್ಲಾಟ್​ನಲ್ಲಿ ಬ್ಯಾಟ್​ ಬೀಸಿದ್ದ ಕೊಹ್ಲಿ, ಕಿಂಗ್​ ಕೊಹ್ಲಿಯಾಗಿ ಕರಿಯರ್​​ಗೆ ಫುಲ್​ ಸ್ಟಾಪ್​ ಇಟ್ಟಿದ್ದಾರೆ. ಇದೀಗ ತೆರವಾದ ಸ್ಲಾಟ್​ಗೆ ಪ್ರಿನ್ಸ್​ ಎಂದೇ ಬಿಂಬಿತವಾಗಿರೋ ಶುಭ್​ಮನ್​ ಗಿಲ್​ ಎಂಟ್ರಿ ಕೊಡೋ ಸಾಧ್ಯತೆಯಿದೆ. ಆರಂಭದಲ್ಲಿ ಓಪನರ್​ ಆಗಿದ್ದ ಗಿಲ್​, ಈಗ 3ನೇ ಕ್ರಮಾಂಕದಲ್ಲಿ ಆಡ್ತಿದ್ದಾರೆ. ಕೊಹ್ಲಿಯ ಉತ್ತರಾಧಿಕಾರಿ ಎಂದೇ ಬಿಂಬಿತವಾಗಿರೋ ಶುಭ್​ಮನ್​ನ 4ನೇ ಸ್ಲಾಟ್​ನಲ್ಲಿ ಆಡಿಸೋ ಲೆಕ್ಕಾಚಾರ ಸದ್ಯ ಮ್ಯಾನೇಜ್​ಮೆಂಟ್​ ವಲಯದಲ್ಲಿ ನಡೀತಿದೆ.

4ನೇ ಕ್ರಮಾಂಕದಲ್ಲಿ ಶೈನ್​ ಆಗ್ತಾರಾ ಶ್ರೇಯಸ್​​.?

ಬಿಸಿಸಿಐ ಕೆಂಗಣ್ಣಿಗೆ ಗುರಿಯಾಗಿ ತಂಡದಿಂದ ದೂರಾಗಿದ್ದ ಶ್ರೇಯಸ್​ ಅಯ್ಯರ್​ ಇದೀಗ ಕಮ್​ಬ್ಯಾಕ್​ನ ಎದುರು ನೋಡ್ತಿದ್ದಾರೆ. ರೋಹಿತ್​​, ಕೊಹ್ಲಿ ನಿವೃತ್ತಿಯಿಂದ ಶ್ರೇಯಸ್​​ಗೆ ಟೆಸ್ಟ್​ ತಂಡದಲ್ಲಿ ಡೋರ್​ ಓಪನ್​ ಆಗೋ ಸಾಧ್ಯತೆ ದಟ್ಟವಾಗಿದೆ. ಇಷ್ಟು ದಿನ ಲೋವರ್​ ಆರ್ಡರ್​​ನಲ್ಲಿ ಬ್ಯಾಟ್​ ಬೀಸ್ತಿದ್ದ ಶ್ರೇಯಸ್​​ಗೆ 4ನೇ ಕ್ರಮಾಂಕದಲ್ಲಿ ಬ್ಯಾಟ್​ ಬೀಸೋ ಅವಕಾಶ ಸಿಗೋ ಸಾಧ್ಯತೆಯೂ ಇದೆ. ಈ ಹಿಂದೆ ಕೊಹ್ಲಿ ಅಲಭ್ಯತೆಯಲ್ಲಿ ಶ್ರೇಯಸ್​, ಈ ಸ್ಲಾಟ್​​ನಲ್ಲಿ ಬ್ಯಾಟ್​ ಬೀಸಿದ್ರು. ಆ ಪಂದ್ಯದಲ್ಲಿ ನಿರೀಕ್ಷಿತ ಸಕ್ಸಸ್ ಸಿಗದಿದ್ರೂ, ಶ್ರೇಯಸ್​ ಆಟ ಪ್ರಾಮಿಸಿಂಗ್​ ಅನಿಸಿತ್ತು.

ಕೊಹ್ಲಿ ಸ್ಥಾನದಲ್ಲಿ ಕನ್ನಡಿಗನಿಗೆ ಅವಕಾಶ.?

ಕನ್ನಡಿಗ ದೇವದತ್ತ್​​ ಪಡಿಕ್ಕಲ್​ ಡೆಬ್ಯೂ ಸೀರೀಸ್​ನಲ್ಲೇ ಪರ್ಫಾಮೆನ್ಸ್​ ನೀಡಿ ಗಮನ ಸೆಳೆದಿದ್ರು. ಈ ಸ್ಲಾಟ್​ನಲ್ಲಿ ಸಿಕ್ಕ ಚೊಚ್ಚಲ ಹಾಗೂ ಏಕೈಕ ಅವಕಾಶದಲ್ಲೇ ಪಡಿಕ್ಕಲ್​ ಹಾಫ್​ ಸೆಂಚುರಿ ಸಿಡಿಸಿದ್ರು. ಆ ಬಳಿಕ ಕೊಹ್ಲಿ ಕಮ್​​ಬ್ಯಾಕ್​ನಿಂದಾಗಿ ಪಡಿಕ್ಕಲ್​ಗೆ ಬೆಂಚ್​ಗೆ ಸೀಮಿತವಾಗಿದ್ರು. ಇದೀಗ ಕೊಹ್ಲಿ ನಿವೃತ್ತಿಯಾಗಿರೋದ್ರಿಂದ ಟೀಮ್​ ಮ್ಯಾನೇಜ್​ಮೆಂಟ್​​ ಕನ್ನಡಿಗನಿಗೆ ಮತ್ತೆ ಅವಕಾಶ ನೀಡೋ ಸಾಧ್ಯತೆ ಹೆಚ್ಚಿದೆ. ಪಡಿಕ್ಕಲ್​ ಎಂಟ್ರಿಯಾದ್ರೆ ಲೈಫ್ಟ್​ - ರೈಟ್​ ಕಾಂಬಿನೇಶನ್​ ಕೂಡ ಸಿಗಲಿದೆ.

ರಜತ್​ ಪಾಟಿದಾರ್​ಗೆ​​ ತೆರೆಯುತ್ತಾ ತಂಡದ ಬಾಗಿಲು.?

ಕೊಹ್ಲಿ ಹೊರಗುಳಿದಿದ್ದ ಇಂಗ್ಲೆಂಡ್​ ಸೀರೀಸ್​ನಲ್ಲಿ ಟೀಮ್​ ಇಂಡಿಯಾ ಮ್ಯಾನೇಜ್​ಮೆಂಟ್​ ಮೊದಲು ಪ್ರಯೋಗಿಸಿದ್ದೇ ರಜತ್​ ಪಾಟಿದಾರ್​. ಒಂದಲ್ಲ.. ಬರೋಬ್ಬರಿ 4 ಇನ್ನಿಂಗ್ಸ್​ಗಳಲ್ಲಿ ಪಾಟಿದಾರ್​ಗೆ ಅವಕಾಶ ಸಿಕ್ಕಿತ್ತು. ಆದ್ರೆ, ಅದೇನು ಒತ್ತಡಕ್ಕೆ ಒಳಗಾದ್ರೋ ಏನೋ ಗೊತ್ತಿಲ್ಲ. ಸಾಮರ್ಥ್ಯವಿದ್ರೂ ಪಾಟಿದಾರ್​ ಸಿಡಿಯಲಿಲ್ಲ. ಇದೀಗ ಕೊಹ್ಲಿ ಗುಡ್​​ ಬೈ ಹೇಳಿರೋದ್ರಿಂದ ಮ್ಯಾನೇಜ್​ಮೆಂಟ್​ ಮತ್ತೊಮ್ಮೆ ರಜತ್​ ಕಡೆಗೆ ತಿರುಗಿ ನೋಡುವಂತಾ ಸಾಧ್ಯತೆಯನ್ನೂ ತಳ್ಳಿಹಾಕಿವಂತಿಲ್ಲ.

ಇದನ್ನೂ ಓದಿ:ಕೊಹ್ಲಿ ಮನವೊಲಿಕೆಗೆ ಇಬ್ಬರು ದಂತಕತೆಗಳ ಕಳುಹಿಸಿದ್ದ BCCI, ಯಾರಿಗೂ ಸೊಪ್ಪು ಹಾಕದ ಕಿಂಗ್..!

ಅನುಭವಿಗಳಾದ ರಹಾನೆ-ಪೂಜಾರಾಗೆ ಕೊನೆ ಚಾನ್ಸ್​.?

ರೋಹಿತ್​ ಶರ್ಮಾ, ವಿರಾಟ್​ ಕೊಹ್ಲಿ ನಿವೃತ್ತಿಯಿಂದ ಟೀಮ್​ ಇಂಡಿಯಾ ಬ್ಯಾಟಿಂಗ್​ ಲೈನ್​ಅಪ್​ನಲ್ಲಿ ಅನುಭವಿಗಳೇ ಇಲ್ಲದದಂತಾಗಿದೆ. ಇಂಗ್ಲೆಂಡ್​ ಪ್ರವಾಸದಲ್ಲಿ ಅನುಭವಿಗಳ ಅಗತ್ಯತೆ ತಂಡಕ್ಕಿದೆ. ಹೀಗಾಗಿ ಟೆಸ್ಟ್​ ತಂಡದಿಂದ ದೂರಾಗಿರೋ ಅಜಿಂಕ್ಯಾ ರಹಾನೆ, ಚೇತೇಶ್ವರ್​ ಪೂಜಾರಗೆ ಮಣೆ ಹಾಕೋ ಸಾಧ್ಯತೆಯೂ ಇದೆ. ಇಬ್ಬರಿಗೂ 4ನೇ ಕ್ರಮಾಂಕದಲ್ಲಿ ಆಡಿದ ಅನುಭವೂ ಇದೆ. ಇಂಗ್ಲೆಂಡ್​ನಲ್ಲಿ ಆಡಿದ ಅನುಭವವೂ ಇದೆ. ಇವ್ರ ಕಮ್​ಬ್ಯಾಕ್​ನಿಂದ ಬ್ಯಾಟಿಂಗ್​ ವಿಭಾಗದ ಬ್ಯಾಲೆನ್ಸ್​ ಹೆಚ್ಚಲಿದೆ.

ಕೊಹ್ಲಿ ಸ್ಥಾನ ತುಂಬಲು ಟೀಮ್​ ಇಂಡಿಯಾ ಸೆಲೆಕ್ಷನ್​ ಕಮಿಟಿ ಹಾಗೂ ಟೀಮ್​ ಮ್ಯಾನೇಜ್​​ಮೆಂಟ್​ ಮುಂದೆ ಹಲವು ಆಯ್ಕೆಗಳಿವೆ. ಇವರಲ್ಲಿ ನಂಬರ್​ 4 ಸ್ಲಾಟ್​​ ತುಂಬಬಲ್ಲ ಸಮರ್ಥ ಯಾರು.? ಸಾಮರ್ಥ್ಯ ಯಾರಿಗಿದೆ.? ಅನ್ನೋದನ್ನ ಹುಡುಕೋದೆ ಸದ್ಯಕ್ಕಿರೋ ಬಿಗ್​ ಚಾಲೆಂಜ್​.!

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.30ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ