ಹಾಸ್ಯವೇ ಉಸಿರು.. ಜನಾರ್ಧನ್​ಗೆ ‘ಬ್ಯಾಂಕ್ ಜನಾರ್ಧನ್’ ಅನ್ನೋ ಹೆಸರು ಬಂದಿದ್ದೇಗೆ?

ಕನ್ನಡ ಚಿತ್ರರಂಗ ಸ್ಟಾರ್​ ಹಾಸ್ಯ ನಟನನ್ನು ಕಳೆದುಕೊಂಡಿದೆ. 76 ವರ್ಷದ ಬ್ಯಾಂಕ್​ ಜನಾರ್ಧನ್‌ ಅವರು ನಿಧನರಾಗಿದ್ದಾರೆ. ಮಧ್ಯರಾತ್ರಿ 2.30ರ ಸುಮಾರಿಗೆ ಬೆಂಗಳೂರಿನ ಮಣಿಪಾಲ್ ಆಸ್ಪತ್ರೆಯಲ್ಲಿ ನಟ ಬ್ಯಾಂಕ್‌ ಜನಾರ್ಧನ್‌ ಅವರು ಕೊನೆಯುಸಿರೆಳೆದಿದ್ದಾರೆ. ಇಂದು ಬೆಳಗ್ಗೆ 10 ಗಂಟೆಗೆ ನಟ ಬ್ಯಾಂಕ್‌ ಜನಾರ್ಧನ್‌ ಅವರ ಮನೆ ಬಳಿ ಅಂತಿಮ ದರ್ಶನಕ್ಕೆ ವ್ಯವಸ್ಥೆ ಮಾಡಲಾಗಿದೆ.

ಇದನ್ನೂ ಓದಿ: 3 ಬಾರಿ ಹೃದಯಾಘಾತ.. 500ಕ್ಕೂ ಹೆಚ್ಚು ಸಿನಿಮಾದಲ್ಲಿ ನಟಿಸಿದ್ದ ಹಿರಿಯ ಕಲಾವಿದ ಬ್ಯಾಂಕ್ ಜನಾರ್ಧನ್ ವಿಧಿವಶ

ಆದ್ರೆ ಹಾಸ್ಯ ನಟ ಜನಾರ್ಧನ್‌ ಅವರಿಗೆ ‘ಬ್ಯಾಂಕ್​ ಜನಾರ್ಧನ್‌’ ಎಂಬ ಹೆಸರು ಹೇಗೆ ಬಂತು ಎಂಬ ವಿಚಾರ ನಿಮಗೆ ಗೊತ್ತಾ? ಹೌದು, ನಟ ಬ್ಯಾಂಕ್​ ಜನಾರ್ಧನ್‌ ಅವರು ತಮ್ಮ ಬಾಲ್ಯವನ್ನು  ಚಿತ್ರದುರ್ಗದ ಹೊಳಲ್ಕೆರೆಯಲ್ಲಿ. ಬಳಿಕ ಅಲ್ಲಿಯೇ ಬ್ಯಾಂಕ್‌ನಲ್ಲಿ ಕೆಲಸ ಮಾಡಿಕೊಂಡಿದ್ದರು. ಶಾಲೆ ಹಾಗೂ ಕಾಲೇಜು ದಿನಗಳಲ್ಲೇ ನಾಟಕದ ಗೀಳು ಅಂಟಿಸಿಕೊಂಡಿದ್ದರು. ನಾಟಕಗಳಲ್ಲಿ ಅಭಿನಯ ಮಾಡುತ್ತಾ 1991ರಿಂದ ಸಿನಿಮಾರಂಗದ ಕಡೆ ಮುಖ ಮಾಡಿದ್ದರು. ಇದಾದ ಬಳಿಕ ಬ್ಯಾಂಕ್ ಜನಾರ್ಧನ್‌ ಅವರು ಕನ್ನಡದ ಪ್ರಖ್ಯಾತ ಹಾಸ್ಯನಟರಲ್ಲಿ ಒಬ್ಬರಾಗಿದ್ದು.

ಹೀಗೆ ತಮ್ಮ ಹಾಸ್ಯದ ಮೂಲಕ ಫೇಮಸ್​ ಆಗುತ್ತಿದ್ದರು ಜನಾರ್ಧನ್‌. ಜನಾರ್ಧನ್‌ ಅವರು ಚಿತ್ರರಂಗಕ್ಕೆ ಎಂಟ್ರಿ ಕೊಟ್ಟಿದ್ದಾಗ ಅನೇಕರು ಜನಾರ್ಧನ್‌ ಹೆಸರಿನವರು ಇದ್ದಿದ್ದರಂತೆ. ಹೀಗಾಗಿ ಯಾರು ನನ್ನ ನಟ ಅಂತ ಗುರುತಿಸುತ್ತಾ ಇರಲಿಲ್ಲ. ಹೀಗಾಗಿ PRO ನಗೇಂದ್ರ ಎಂಬುವವರು ನನಗೆ ಬಹಳ ಪರಿಚಯ ಇದ್ದರು. ಹೀಗೆ ಒಂದು ದಿನ ಜನಾರ್ಧನ್‌ ಅವರ ಜೊತೆಗೆ ಮಾತಾಡುತ್ತಿದ್ದಾಗ ಅವರು ಹೇಳಿದ್ದರಂತೆ, ಜನಾರ್ಧನ್‌ ಅನ್ನೋರು ತುಂಬಾ ಜನ ಇದ್ದಾರೆ. ಹೇಗಿದ್ದರು ನೀನು ಬ್ಯಾಂಕ್​ನಲ್ಲಿ ಕೆಲಸ ಮಾಡ್ತಾ ಇದ್ದೇ ಅಲ್ವಾ ಅದಕ್ಕೆ ನೀನು ಬ್ಯಾಂಕ್​ ಜನಾರ್ಧನ್‌ ಅಂತ ಇಟ್ಟುಕೊಳ್ಳಿ ಎಂದಿದ್ದರಂತೆ. ಹೀಗಾಗಿ ಜನಾರ್ಧನ್‌ ಅವರ ಹೆಸರ ಮುಂದೆ ಬ್ಯಾಂಕ್​ ಅಂತ ಹೆಸರನ್ನು ಸೇರಿಸಿದ್ದರು.

ಈವೆರೆಗೂ 800ಕ್ಕೂ ಹೆಚ್ಚು ಸಿನಿಮಾಗಳಲ್ಲಿ ಅಭಿನಯಿಸಿದ್ದರು. ಸಿನಿಮಾ ಮಾತ್ರವಲ್ಲದೇ ಕಿರುತೆರೆ ಮತ್ತು ರಂಗಭೂಮಿಯಲ್ಲಿ ತಮ್ಮನ್ನು ತಾವು ತೊಡಗಿಸಿಕೊಂಡಿದ್ದರು. ಹಾಸ್ಯ ನಟರಾಗಿ ತಮ್ಮದೇಯಾದ ಛಾಪು ಮೂಡಿಸಿದ್ದರು. ಇಷ್ಟೇ ಅಲ್ಲದೇ ಪಾಪಪಾಂಡು, ಮಾಂಗಲ್ಯ, ರೋಬೋ ಫ್ಯಾಮಿಲಿ, ಜೋಕಾಲಿ ಧಾರಾವಾಹಿಗಳಲ್ಲೂ ನಟಿಸಿದ್ದರು.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ