ಗಿಲ್​​ಗೆ ಟೆಸ್ಟ್ ಕ್ಯಾಪ್ಟನ್ಸಿ.. ಗಂಭೀರ್ ಶಿಫಾರಸಿನ ಹಿಂದೆ 5 ಅಸಲಿ ಕಾರಣಗಳು ಇಲ್ಲಿದೆ..!

author-image
Ganesh
Updated On
ಟೀಮ್ ಇಂಡಿಯಾಕ್ಕೆ ಗಾಯದ ಸಮಸ್ಯೆ.. ಮೊದಲ ಟೆಸ್ಟ್​ನಿಂದ ಸ್ಟಾರ್ ಬ್ಯಾಟರ್ ಔಟ್​, ಗಿಲ್​​ಗೆ ಏನಾಯಿತು?
Advertisment
  • ಟೆಸ್ಟ್ ತಂಡದ ನೂತನ ನಾಯಕನ ಹೆಸರು ಅಂತಿಮ
  • ಶುಭ್​ಮನ್​​ಗೆ ಪಟ್ಟ ಕಟ್ಟಲು ಮುಂದಾದ ಬಿಸಿಸಿಐ
  • BCCIನಿಂದ ಅಧಿಕೃತ ಘೋಷಣೆಯೊಂದೇ ಬಾಕಿ

ಟೀಮ್ ಇಂಡಿಯಾದಲ್ಲಿ ಬದಲಾವಣೆಯ ಪರ್ವ ಶುರುವಾಗಿದೆ. ಇಂಗ್ಲೆಂಡ್ ಟೆಸ್ಟ್​ ಸರಣಿಯ ಪ್ರವಾಸದೊಂದಿಗೆ ಹೊಸ ಅಧ್ಯಾಯ ಆರಂಭವಾಗಲಿದೆ. ನೂತನ ನಾಯಕನ ಸಾರಥ್ಯದಲ್ಲಿ ಆಂಗ್ಲರ ಬೇಟೆಗೆ ಟೀಮ್ ಇಂಡಿಯಾ ತೆರಳಲಿದೆ. ಮಹತ್ವದ ಪ್ರವಾಸಕ್ಕೆ ಟೀಮ್​ ಸೆಲೆಕ್ಷನ್​​ಗೂ ಮುನ್ನ ಭವಿಷ್ಯದ ನಾಯಕನ ಹೆಸರು ಫೈನಲ್​ ಆಗಿದೆ.

ರೋಹಿತ್ ನಿವೃತ್ತಿಯ ಬಳಿಕ ಮುಂದಿನ ಟೆಸ್ಟ್ ತಂಡದ ಸಾರಥಿ ಯಾರು? ಎಂಬ ಚರ್ಚೆ ಜೋರಾಗಿತ್ತು. ಹಲವು ಹೆಸರುಗಳು ನಾಯಕತ್ವದ ರೇಸ್​​ನಲ್ಲಿದ್ವು. ಇದೀಗ ಈ ನಾಯಕನ ಸ್ಥಾನಕ್ಕೆ ಯಂಗ್ ಬ್ಯಾಟರ್ ಶುಭ್​ಮನ್ ಗಿಲ್ ಹೆಸರು ಬಹುತೇಕ ಅಂತಿಮವಾಗಿದೆ. ಈಗಾಗಲೇ ಈ ಬಗ್ಗೆ ಹಲವು ಸುತ್ತಿನ ಸಭೆ ನಡೆಸಿ ಚರ್ಚಿಸಿರುವ ಬಿಗ್​ಬಾಸ್​ಗಳು, ಟೆಸ್ಟ್ ತಂಡದ ನಾಯಕನ ಪಟ್ಟ ಕಟ್ಟಲು ರೆಡಿಯಾಗಿದ್ದಾರೆ. ಬಿಸಿಸಿಐನಿಂದ ಅಧಿಕೃತ ಘೋಷಣೆಯೊಂದಷ್ಟೇ ಬಾಕಿಯಿದೆ. ಅಂದ್ಹಾಗೆ ಗಿಲ್​ಗೆ ನಾಯಕತ್ವ ನೀಡೋ ಬಿಸಿಸಿಐನ ನಿರ್ಧಾರದ ಹಿಂದೆ ಹಲವು ಲೆಕ್ಕಾಚಾರಗಳಿವೆ.

ಇದನ್ನೂ ಓದಿ: ಅಂತಿಮ ಹಂತ ತಲುಪಿದ್ದರೂ ಪ್ಲೇ-ಆಫ್​ ಬಗ್ಗೆ ಕ್ಲಾರಿಟಿನೇ ಇಲ್ಲ.. 5 ತಂಡ, 4 ಸ್ಥಾನ..! RCB ಕತೆ..?

publive-image

ಚಿಂತನ.. ಮಂಥನ..!

ಗಿಲ್​ಗೆ ಪಟ್ಟ ಕಟ್ಟಲು ಬಿಸಿಸಿಐ ವಲಯದಲ್ಲಿ ಚರ್ಚೆ ನಡೆಯುತ್ತಿದ್ದ ವೇಳೆಯೇ ಹೆಡ್ ಕೋಚ್ ಗೌತಮ್ ಗಂಭೀರ್, ಗಿಲ್​ ಜೊತೆಗೆ ಮಹತ್ವದ ಮೀಟಿಂಗ್ ನಡೆಸಿದ್ದಾರೆ. ಸುಮಾರು ನಾಲ್ಕೈದು ಗಂಟೆಗಳ ಕಾಲ ನಡೆದ ಈ ಮೀಟಿಂಗ್​ನಲ್ಲಿ ಟೆಸ್ಟ್​ ತಂಡದ ಭವಿಷ್ಯದ ಯೋಜನೆಗಳ ಬಗ್ಗೆ ಚರ್ಚಿಸಲಾಗಿದೆ. ಶುಭ್​ಮನ್ ಗಿಲ್​ರ ಚಿಂತನೆಗಳ ಬಗ್ಗೆ ಗಂಭೀರ್ ಕೂಡ ಇಂಪ್ರೆಸ್ ಆಗಿದ್ದಾರೆ ಎನ್ನಲಾಗಿದೆ. ಸಭೆ ಬಳಿಕ ಬಿಸಿಸಿಐಗೆ ಗಂಭೀರ್​​ ಮಾಹಿತಿ ನೀಡಿದ್ದಾರೆ ಎನ್ನಲಾಗಿದೆ.

ಲಾಂಗ್ ಟರ್ಮ್ ಕ್ಯಾಪ್ಟನ್ಸಿ ಮತ್ತ ಟೆಸ್ಟ್​ ಅನುಭವ

ಗಿಲ್​ ಟೀಮ್ ಇಂಡಿಯಾ ಪರ ಮೂರೂ ಫಾರ್ಮೆಟ್ ಆಡ್ತಿರುವ ಆಟಗಾರ​. 25 ವರ್ಷದ ಶುಭ್​ಮನ್​​ ಗಿಲ್​​​​​​​​​​​​​​ಗೆ, ಈಗ ನಾಯಕತ್ವ ನೀಡಿದ್ರೆ, ಮುಂದಿನ ಐದಾರು ವರ್ಷಗಳ ಕಾಲ ತಂಡವನ್ನ ಮುನ್ನಡೆಸಬಲ್ಲರು. ಕೂಲ್ ಆ್ಯಂಡ್ ಕಾಮ್ ವ್ಯಕ್ತಿತ್ವ ಶುಭ್​ಮನ್​​​, ಟೆಕ್ನಿಕಲಿ ಕೂಡ ಸಖತ್​ ಸ್ಟ್ರಾಂಗ್​ ಅನಿಸಿದ್ದಾರೆ. 32 ಟೆಸ್ಟ್ ಪಂದ್ಯಗಳನ್ನಾಡಿರುವ ಅನುಭವ ಹೊಂದಿರೋ ಗಿಲ್​, ಕನ್ಸಿಸ್ಟೆಂಟ್​ ಆಟದಿಂದಲೂ ಗಮನ ಸೆಳೆದಿದ್ದಾರೆ.

ಇದನ್ನೂ ಓದಿ: ಪಂಜಾಬ್ ಕಿಂಗ್ಸ್​ ಸ್ಟ್ರಾಂಗ್ ಕಂಬ್ಯಾಕ್.. ಯುವ ಆಟಗಾರನಿಗಾಗಿ ಸ್ಥಾನ ತ್ಯಾಗ ಮಾಡಿದ ಸಂಜು

publive-image

ನಾಯಕನಾಗಿ ಗಿಲ್​​ ಯಶಸ್ಸು.!

ನಾಯಕತ್ವಕ್ಕೆ ಶುಭ್​ಮನ್ ಗಿಲ್ ನಿಜಕ್ಕೂ ಸರಿಯಾದ ಆಯ್ಕೆನಾ.? ಈ ಪ್ರಶ್ನೆಗೆ ಉತ್ತರ ಪ್ರಸಕ್ತ ಐಪಿಎಲ್ ಸೀಸನ್​ ಉತ್ತರ ನೀಡ್ತಿದೆ. ಐಪಿಎಲ್​ನಲ್ಲಿ ನಾಯಕತ್ವದ ಒತ್ತಡದ ನಡುವೆಯೂ ಕನ್ಸಿಸ್ಟೆಂಟ್​​ ಬ್ಯಾಟಿಂಗ್ ಮೂಲಕ ಗಿಲ್​ ಮಿಂಚಿದ್ದಾರೆ. ಆನ್​ಫೀಲ್ಡ್​ನಲ್ಲಿ ಬೌಲರ್​ಗಳ ರೋಟೇಷನ್​​, ಪರಿಸ್ಥಿತಿಗೆ ಅನುಗುಣವಾದ ಡಿಸಿಷನ್ ಮೇಕಿಂಗ್​ನಿಂದ ಚಾಣಾಕ್ಷತೆ ಮೆರೆದಿದ್ದಾರೆ.

ನ್ಯೂ ಜನರೇಷನ್​ ಟೀಮ್​ಗೆ ಬೆಸ್ಟ್​ ಕ್ಯಾಪ್ಟನ್​

ಟೀಮ್ ಇಂಡಿಯಾ ಟೆಸ್ಟ್​ ತಂಡದಲ್ಲಿ ಕೆ.ಎಲ್.ರಾಹುಲ್, ಜಸ್​​​ಪ್ರೀತ್ ಬೂಮ್ರಾ, ರವೀಂದ್ರ ಜಡೇಜಾ ಹೊರತು ಪಡಿಸಿದ್ರೆ. ಉಳಿದೆಲ್ಲರು ಯುವ ಆಟಗಾರರೇ ಆಗಿದ್ದಾರೆ. ಭವಿಷ್ಯದಲ್ಲಿ ಇನ್ನಷ್ಟು ಹೊಸ ಆಟಗಾರರು ಎಂಟ್ರಿ ಕೊಡಲಿದ್ದಾರೆ. ನ್ಯೂ ಜನರೇಷನ್ ಆಟಗಾರರ ಮೆಂಟಾಲಿಟಿಗೆ ಹೊಂದಿಕೊಳ್ಳುವಂತ ಹಾಗೂ ಕಂಫರ್ಟ್ ಜೋನ್ ಕ್ರಿಯೇಟ್​ ಮಾಡಬೇಕಾದ ನಾಯಕ ಈಗ ತಂಡಕ್ಕೆ ಬೇಕಿದೆ. ಇದಕ್ಕೆ ಬೆಸ್ಟ್ ಚಾಯ್ಸ್ ಶುಭ್​ಮನ್ ಗಿಲ್ ಅನ್ನೋದ್ರಲ್ಲಿ ಡೌಟೇ ಇಲ್ಲ.

ಗಂಭೀರ್​ಗೆ ಬೇಕಿತ್ತು ಹೊಸ ಮುಖ

ರೋಹಿತ್ ನಿರ್ಗಮನದ ಬಳಿಕ ಅನುಭವಿಗಳಾದ ಜಸ್​ಪ್ರೀತ್ ಬೂಮ್ರಾ, ಕೆ.ಎಲ್.ರಾಹುಲ್ ಅಥವಾ ರಿಷಭ್ ಪಂತ್​ಗೆ ಟೆಸ್ಟ್​ ತಂಡದ ನಾಯಕತ್ವ ನೀಡಬಹುದಿತ್ತು. ಆದ್ರೆ, ಕೋಚ್​​ ಗಂಭೀರ್​ ಭವಿಷ್ಯದ ದೃಷ್ಟಿಯಿಂದ ಹೊಸ ಮುಖಕ್ಕೆ ಆದ್ಯತೆ ನೀಡೋ ಚುಂತನೆ ಹೊಂದಿದ್ರು. ಹೊಸ ಟೆಸ್ಟ್ ತಂಡ ಕಟ್ಟುವ ಗುರಿಯೂ ಗಂಭೀರ್​ಗಿದೆ. ಇದೆಲ್ಲಕ್ಕೂ ಮಿಗಿಲಾಗಿ ಗಂಭೀರ್ ಯುಗಾರಂಭ ಮಾಡುವ ಕನಸಿದೆ. ಇದೇ ಕಾರಣಕ್ಕೆ ಗಂಭೀರ್ ಮಾತು ಕೇಳಬಲ್ಲ ಶುಭ್​ಮನ್​ ಪರ ಕೋಚ್​ ಬ್ಯಾಟ್​ ಬೀಸಿದ್ದಾರೆ. ಬಿಸಿಸಿಐ ಕೂಡ ಕೋಚ್​ ಮಾತಿಗೆ ಮಣೆಹಾಕಿದೆ.

ಇದನ್ನೂ ಓದಿ: ‘ನನ್ನ ಸ್ಟ್ರೆಂತ್, ವೀಕ್ನೆಸ್, ಬೆಸ್ಟ್​ ಫ್ರೆಂಡ್ ಎಲ್ಲಾನೂ’.. ವೇದಿಕೆ ಮೇಲೆ ಗಳಗಳನೇ ಕಣ್ಣೀರಿಟ್ಟ ಗಗನಾ

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ 'ರನ್ ಭೂಮಿ' ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್

Advertisment