RCB ಅಭಿಮಾನಿಗಳಿಗೆ ಖುಷಿ ಸುದ್ದಿ.. ಈ ಸಲ ಟ್ರೋಫಿ ಗೆಲ್ಲೋದಕ್ಕೆ ಇದೆ ದೊಡ್ಡ ಲಕ್!​​

ಐಪಿಎಲ್ ಸೀಸನ್-18ರಲ್ಲಿ ಆರ್​ಸಿಬಿ ವೇಗಿ ಜೋಶ್​ ಹೇಝಲ್​ವುಡ್, ಬೊಂಬಾಟ್ ಬೌಲಿಂಗ್​​ ಮಾಡ್ತಿದ್ದಾರೆ. ಹೇಝಲ್​ವುಡ್ ತಂಡದಲ್ಲಿದ್ರೆ, ಬೌಲರ್​ಗಳ ಜೋಶ್​ ಬೇರೆ. ತಂಡದ ಬೌಲಿಂಗ್ ಅಟ್ಯಾಕ್ ಮುನ್ನಡೆಸುತ್ತಿರುವ ಹೇಝಲ್​ವುಡ್, ಆರ್​ಸಿಬಿಯ ರಿಯಲ್ ಗೇಮ್​ಚೇಂಜರ್. ಈ ಆಸಿಸ್ ವೇಗಿ ಗೇಮ್​ಚೇಂಜರ್, ಮ್ಯಾಚ್​ ವಿನ್ನರ್ ಮಾತ್ರವಲ್ಲ. ಲಕ್ಕಿ ಬೌಲರ್​ ಸಹ ಹೌದು. ಅದೇಗೆ ಅನ್ನೋದು ಇಲ್ಲಿದೆ.

ಬ್ಯಾಟ್ಸ್​ಮನ್​ಗಳು ಸ್ಪಾನ್ಸರ್​ಶಿಪ್ ತಂದುಕೊಡ್ತಾರೆ. ಬೌಲರ್​ಗಳು ಚಾಂಪಿಯನ್​ಶಿಪ್ ಗೆಲ್ಲಿಸಿಕೊಡ್ತಾರೆ ಅನ್ನೋ ಮಾತಿದೆ. ಈ ಮಾತು, ಆರ್​ಸಿಬಿ ವೇಗಿ ಜೋಶ್​ ಹೇಝಲ್​ವುಡ್​​ಗೆ, ಹೇಳಿ ಮಾಡಿಸಿದಂತಿದೆ. ಐಪಿಎಲ್​ನಲ್ಲಿ ತಾನಾಡಿದ ಎಲ್ಲಾ ಪಂದ್ಯಗಳಲ್ಲೂ ಹೇಝಲ್​ವುಡ್, ವಿಕೆಟ್ ಭೇಟೆಯಾಡಿದ್ದಾರೆ. ಒತ್ತಡಕ್ಕೆ ಸಿಲುಕಿದ ತಂಡವನ್ನ ಪಾರು ಮಾಡಿದ್ದಾರೆ. ಗೇಮ್​ಚೇಂಜರ್ ಆಗಿ ತಂಡಕ್ಕೆ ಗೆಲುವು ತಂದುಕೊಟ್ಟಿದ್ದಾರೆ. ಹೇಝಲ್​ವುಡ್ ತಂಡದಲ್ಲಿದ್ರೆ, ಗೆಲುವು ಅಸಾಧ್ಯವಲ್ಲ ಅನ್ನೋದನ್ನ ತೋರಿಸಿಕೊಟ್ಟಿದ್ದಾರೆ.

ಐಪಿಎಲ್ ಸೀಸನ್-18ರಲ್ಲಿ ಹೇಝಲ್​​ವುಡ್​​ ಮಿಂಚು..!

ಪ್ರಸಕ್ತ ಐಪಿಎಲ್​​ನಲ್ಲಿ ಆಸ್ಟ್ರೇಲಿಯಾದ ಅನುಭವಿ ವೇಗಿ, ಬೊಂಬಾಟ್ ಬೌಲಿಂಗ್ ಮಾಡಿದ್ದಾರೆ. ಸೂಪರ್​ಸ್ಟಾರ್ ಬ್ಯಾಟ್ಸ್​ಮನ್​​ಗಳನ್ನ, ತನ್ನ ಸೂಪರ್​ಸ್ಪೆಲ್ ಬೌಲಿಂಗ್​ನಿಂದ ಔಟ್ ಮಾಡಿದ್ದಾರೆ. ಬ್ಯಾಟಿಂಗ್​ನಲ್ಲಿ ಕೊಹ್ಲಿ ದರ್ಬಾರ್​ ನಡೆಸಿದ್ರೆ, ಬೌಲಿಂಗ್​ನಲ್ಲಿ ಹೇಝಲ್​ವುಡ್ ಮಿಂಚಿನ ದಾಳಿ ನಡೆಸಿದ್ದಾರೆ. ಆಡಿರೋ 11 ಪಂದ್ಯಗಳಲ್ಲಿ ಹೇಝಲ್​ವುಡ್ 21 ವಿಕೆಟ್ ಪಡೆದಿದ್ದಾರೆ. ಪರ್ಫಲ್ ಕ್ಯಾಪ್​​ ಪಡೆಯಲು ಮುನ್ನುಗ್ಗುತ್ತಿದ್ದಾರೆ.

ಫೈನಲ್​​​ನಲ್ಲಿ ಹೇಝಲ್​ವುಡ್​​​​ಗೆ ಸೋಲೇ ಇಲ್ಲ..!

ಹೇಝಲ್​ವುಡ್, ಆಸ್ಟ್ರೇಲಿಯಾ ತಂಡದ ಪರ ಆಡಲಿ ಅಥವಾ ಫ್ರಾಂಚೈಸಿ ಕ್ರಿಕೆಟ್ ಆಡಲಿ. ಈ ಟಾಲ್ ಪೇಸರ್, ಹಂಡ್ರೆಡ್ ಪರ್ಸಂಟ್ ಕಮಿಟ್​ಮೆಂಟ್ ತೋರಿಸುತ್ತಾರೆ. ಹೇಝಲ್​ವುಡ್​​ರ ಈ ಕ್ವಾಲಿಟಿನೇ, ಅವರನ್ನ ಸಕ್ಸಸ್​​ಫುಲ್ ಬೌಲರ್ ಆಗಿ ಮಾಡಿರೋದು. ಅಲ್ಲದೇ ಮಹತ್ವದ ಪಂದ್ಯಗಳಲ್ಲಿ ಸಖತ್ ಆಗೇ ಪ್ರೆಶರ್ ಹ್ಯಾಂಡಲ್​​​​ ಮಾಡೋ ಹೇಝಲ್​ವುಡ್, ಬಿಗ್​ಮ್ಯಾಚ್ ಪ್ಲೇಯರ್ ಎನಿಸಿಕೊಂಡಿದ್ದಾರೆ. ಅಂದಹಾಗೆ, ಹೇಝಲ್​ವುಡ್ ಆಡಿರೋ 7 ಫೈನಲ್​​​ ಪಂದ್ಯಗಳಲ್ಲಿ, ಇದುವರೆಗೂ ಒಂದೇ ಒಂದು ಪಂದ್ಯವನ್ನೂ ಸೋತಿಲ್ಲ.

ಲಕ್ಕಿ ಬೌಲರ್​ ಹೇಝಲ್​ವುಡ್..!

• 2012 ಚಾಂಪಿಯನ್ಸ್ ಲೀಗ್ T20 ವಿನ್
• 2015 ಏಕದಿನ ವಿಶ್ವಕಪ್ ಗೆಲುವು
• 2020 ಬಿಗ್​ಬ್ಯಾಷ್ ಫೈನಲ್ ಗೆಲುವು
• 2021 ಐಪಿಎಲ್​ ಫೈನಲ್ ಗೆಲುವು
• 2021 T20 ವಿಶ್ವಕಪ್ ಗೆಲುವು
• 2023 ಏಕದಿನ ವಿಶ್ವಕಪ್ ಗೆಲುವು

ಟೆಸ್ಟ್, ಏಕದಿನ, ಟಿ-ಟ್ವೆಂಟಿ, ಮೂರೂ ಫಾರ್ಮೆಟ್​ಗಳಲ್ಲಿ ಹೇಝಲ್​ವುಡ್ ಸಕ್ಸಸ್​​ಫುಲ್ ಬೌಲರ್. ರೆಡ್ ಬಾಲ್ ಕೊಟ್ರು ವಿಕೆಟ್ ಭೇಟೆಯಾಡ್ತಾರೆ. ವೈಟ್​​ಬಾಲ್ ಕೊಟ್ರೂ ವಿಕೆಟ್ ಭೇಟೆಯಾಡ್ತಾರೆ. ಅಂದಹಾಗೆ ಹೇಝಲ್​ವುಡ್​​ರ​​​​​ ಸಕ್ಸಸ್​​​​​​​ ಸೀಕ್ರೆಟ್ ಏನು ಗೊತ್ತಾ?.

ಹೇಝಲ್​ವುಡ್ ಸಕ್ಸಸ್​​ಫುಲ್ ಬೌಲರ್ ಆಗಿದ್ದೇಗೆ..?

ಹೇಝಲ್​ವುಡ್ ಒಬ್ಬ ಸ್ಪೆಷಲ್ ಬೌಲರ್. ಇದ್ರಲ್ಲಿ ಯಾವುದೇ ಅನುಮಾನವಿಲ್ಲ. ಹೇಝಲ್​ವುಡ್​​ರ ಬೌಲಿಂಗ್ ಅಕ್ಯುರೆಸಿ ಅಂದ್ರೆ ಒಂದೇ ಜಾಗದಲ್ಲಿ ಕನ್ಸಿಸ್ಟೆಂಟ್ ಆಗಿ ಗುಡ್​​​ ಲೆಂಥ್ ಬೌಲಿಂಗ್ ಮಾಡಿ, ಬ್ಯಾಟ್ಸ್​ಮನ್​​​ಗಳನ್ನ ಕಾಡ್ತಾರೆ. ಹೇಝಲ್​ವುಡ್​ರ ಹೈ ರಿಲೀಸ್​​​​​​​​​ ಪಾಯಿಂಟ್​​ನಿಂದ, ಎಕ್ಸ್​​ಟ್ರಾ ಬೌನ್ಸ್ ಪಡೆಯುತ್ತಾರೆ. ಆಗಾಗ ತನ್ನ ಲೆಂಥ್​​​​ನ ವೇರಿ ಮಾಡುತ್ತಾ, ಬ್ಯಾಟ್ಸ್​ಮನ್​​ಗಳನ್ನ ಯಾವಾಗಲೂ ಗೆಸ್ಸಿಂಗ್​ನಲ್ಲೇ ಇಡ್ತಾರೆ. ಒತ್ತಡದ ಸಂದರ್ಭದಲ್ಲೂ ಹೇಝಲ್​ವುಡ್​​ ಒಳ್ಳೆ ಎಕಾನಮಿ ಕಾಯ್ದುಕೊಳ್ತಾರೆ. ಇದೆಲ್ಲದರ ಜೊತೆಗೆ ಯಾವುದೇ ಕಂಡೀಷನ್ಸ್​ ಇರಲಿ, ಹೇಝಲ್​ವುಡ್ ಬೇಗ ಹೊಂದುಕೊಳ್ತಾರೆ. ತಮ್ಮ ಅನುಭವವನ್ನ ಸದುಪಯೋಗ ಪಡಿಸಿಕೊಳ್ತಾರೆ. ​​​​​​​​

ಇದನ್ನೂ ಓದಿ: RCBಗೆ ಇಂದು ಡಬಲ್​ ಸಂಭ್ರಮ, ಏನೇನು ಗೊತ್ತಾ..? ಫೈನಲ್​ ಆಡಲು ಗುಜರಾತ್​ ತಲುಪಿದ ಟೀಮ್

ಆರ್​ಸಿಬಿಗೆ ಲಕ್ ತಂದುಕೊಡ್ತಾರಾ ಹೇಝಲ್​ವುಡ್..?

ಆರ್​ಸಿಬಿ 18 ವರ್ಷಗಳ ಕಾಲ ಕಪ್ ಇಲ್ಲದೆ, ವನವಾಸ ಅನುಭವಿಸಿದೆ. ಪ್ರತಿ ಸೀಸನ್​ನಲ್ಲೂ ಆರ್​ಸಿಬಿ ಫ್ಯಾನ್ಸ್​, ನಿರಾಸೆಗೊಳ್ಳುತ್ತಲೇ ಇದ್ದಾರೆ. ಆದ್ರೆ ಈ ಬಾರಿ ಅನುಭವಿ ವೇಗಿ ಹೇಝಲ್​ವುಡ್, ಆರ್​ಸಿಬಿಗೆ ಲಕ್ಕಿ ಬೌಲರ್​​ ಆಗುತ್ತಾರಾ, ಬೆಂಗಳೂರು ತಂಡದ ಬಹು ವರ್ಷಗಳ ಕನಸು ನನಸು ಮಾಡುತ್ತಾರಾ?. 7 ಬಾರಿ ವಿವಿಧ ತಂಡಗಳ ಪರ ಫೈನಲ್ಸ್ ಆಡಿ​ ಗೆದ್ದಿರುವ ಹೇಝಲ್​ವುಡ್, ಇದೀಗ 8ನೇ ಬಾರಿ ಫೈನಲ್ ಆಡಲಿದ್ದಾರೆ. ಫೈನಲ್ಸ್​​ನಲ್ಲಿ ಸೋಲಿಲ್ಲದ ಸರದಾರ ಎನಿಸಿಕೊಂಡಿರುವ ಹೇಝಲ್​ವುಡ್, ವಿಜಯದ ಓಟ ಮುಂದುವರೆಸುತ್ತಾರಾ?.

ಹೇಝಲ್​ವುಡ್,​​​​​​ ಆರ್​ಸಿಬಿಯ ಕೀ ಪ್ಲೇಯರ್. ಪ್ರತಿ ಪಂದ್ಯದಲ್ಲೂ ಆರ್​ಸಿಬಿಯ ಬೆನ್ನೆಲೆಬಾಗಿ ನಿಂತು ಪರ್ಫಾಮ್ ಮಾಡಿರುವ ಜೋಷ್, ಫೈನಲ್ಸ್​ನಲ್ಲೂ ಬೊಂಬಾಟ್ ಪ್ರದರ್ಶನ ನೀಡಲಿ. ಆರ್​ಸಿಬಿಗೆ ಕಪ್ ಗೆಲ್ಲಿಸಿ, ಕೋಟ್ಯಾಂತರ ಅಭಿಮಾನಿಗಳ ಕನಸು ನನಸು ಮಾಡಲಿ ಅನ್ನೋದೇ, ನಮ್ಮೆಲ್ಲರ ಆಶಯ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.30ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ