ನವರಾತ್ರಿಯಂದು ಅಹ್ಮದಾಬಾದ್​ನಲ್ಲಿ ಪುರುಷರು ಸ್ತ್ರೀ ವೇಷ ಹಾಕುವುದೇಕೆ; ಇದರ ಹಿಂದೆ ಇದೆ ಒಂದು ದುರಂತ ಇತಿಹಾಸ

ಗುರುವಾರದಿಂದ ಇಡೀ ದೇಶದಾದ್ಯಂತ ನವರಾತ್ರಿ ವೈಭವ ಶುರುವಾಗಿದೆ. ಎಲ್ಲೆಲ್ಲೂ ನವಶಕ್ತಿ ಪೂಜಾ ಕೈಂಕರ್ಯಗಳು ಶುರುವಾಗಿವೆ. ನವರಾತ್ರಿ ಬಂದರೆ ಸಾಕು ಗುಜರಾತ್​ನ ಅಹ್ಮದಾಬಾದ್ ಬೇರೆಯದ್ದೇ ರೀತಿಯ ಪದ್ಧತಿಗೆ ಸುದ್ದಿಯಾಗುತ್ತದೆ. ಜಗತ್ತಿನ ಎಲ್ಲರ ಗಮನವನ್ನು ಸೆಳೆಯುತ್ತದೆ ಅದಕ್ಕೆ ಕಾರಣ ಅಲ್ಲಿ ನಡೆಯುವ ಗರ್ಬಾ ನೃತ್ಯ ಅಹ್ಮದಾಬಾದ್​ನ ಸಡುಮಾತಾ ನಿ ಪೋಲ್​ನಲ್ಲಿ ಸುಮಾರು ಇನ್ನೂರು ವರ್ಷದಿಂದ ಒಂದು ಪದ್ಧತಿ ಜಾರಿಯಲ್ಲಿದೆ. ಪ್ರತಿವರ್ಷ ನವರಾತ್ರಿಯಂದು ಅಲ್ಲಿ ಪುರುಷರು ಸ್ತ್ರೀ ವೇಷ ಧರಿಸಿ ಒಂಬತ್ತು ದಿನಗಳ ಈ ಹಬ್ಬದಲ್ಲಿ ಎಂಟು ರಾತ್ರಿಗಳಲ್ಲಿ ಗರ್ಬಾ ನೃತ್ಯ ಮಾಡುತ್ತಾರೆ. ಹೀಗೆ ಅವರು ಸ್ತ್ರೀ ವೇಷ ಧರಿಸಿ ನೃತ್ಯ ಮಾಡಲು ಪುರಾತನ ಶಾಪವೊಂದು ಕಾರಣ ಎಂದು ಹೇಳಲಾಗುತ್ತದೆ.

ಇದನ್ನೂ ಓದಿ: ಮನೆಯ ಟಾಯ್ಲೆಟ್ ಮೇಲೂ ಟ್ಯಾಕ್ಸ್.. ಹಿಮಾಚಲ ಪ್ರದೇಶದಲ್ಲಿ ಹೊಸ ತೆರಿಗೆ; ನಿರ್ಮಲಾ ಸೀತಾರಾಮನ್ ಶಾಕ್‌!

ಕಳೆದ ಎರಡು ಶತಮಾನಗಳಿಂದ ಹರಿದು ಬಂದಿರುವ ಈ ಒಂದು ಪದ್ಧತಿಯು ಕೇವಲ ಪದ್ಧತಿಯಲ್ಲ ಒಂದು ತಪಸ್ಸಿನಂತೆ ಇದನ್ನು ಆಚರಿಸಿಕೊಂಡು ಬರಲಾಗಿದೆ. ಶತಮಾನಗಳಿಂದ ವಸ್ತ್ರ ಪದ್ಧತಿಯನ್ನು ಈ ರೀತಿ ಬದಲಾಯಿಸಿಕೊಂಡು ನೃತ್ಯ ಮಾಡುವ ಪದ್ಧತಿ ನಡೆದುಕೊಂಡೇ ಬಂದಿದೆ. ಈ ಒಂದು ಹಬ್ಬ ಅವರಿಗೆ ಕೇವಲ ಹಬ್ಬವಲ್ಲ ಆಳದಲ್ಲಿ ಬೇರು ಬಿಟ್ಟಿರುವ ಕಡಿದಾದ ಒಂದು ಇತಿಹಾಸ, ಒಂದು ದಂತಕತೆ, ಒಂದು ಆಳವಾದ ಶ್ರದ್ಧೆ.

ಇದನ್ನೂ ಓದಿ:ಉದಯನಿಧಿ ಸ್ಟಾಲಿನ್‌ಗೆ ಪವನ್ ಕಲ್ಯಾಣ್‌ ಪವರ್‌ಫುಲ್‌ ಸವಾಲು.. ತಿಮ್ಮಪ್ಪನ ಸನ್ನಿಧಿಯಿಂದ ಹೇಳಿದ್ದೇನು?

ಈ ರೀತಿಯ ಶತಮಾನಗಳಿಂದಲೂ ರೂಢಿಯಲ್ಲಿರುವ ಪದ್ಧತಿಯ ಹಿಂದೆ ಒಂದು ಕರಾಳ ಇತಿಹಾಸದ ಪುಟಗಳು ಇವೆ. ಸ್ಥಳೀಯರ ನಂಬಿಕೆ ಪ್ರಕಾರ 200 ವರ್ಷಗಳ ಹಿಂದೆ ಈ ಪ್ರದೇಶದಲ್ಲಿ ಸಡುಬೆನ್ ಎಂಬ ಮಹಿಳೆಯೊಬ್ಬಳು ಮೊಘಲರಿಂದ ರಕ್ಷಣೆ ಕೋರಿ ಬರೋಟ್ ಸಮುದಾಯದ ಜನರ ಬಳಿ ಬಂದಿದ್ದಳಂತೆ. ಮೊಘಲರು ಆ ಮಹಿಳೆಯನ್ನು ತಮ್ಮ ಉಪಪತ್ನಿ ಎಂದು ಘೋಷಿಸಿಕೊಂಡು ಹಿಂಸಿಸಿದಾಗ ಈ ಸಮುದಾಯದ ರಕ್ಷಣೆ ಕೇಳಿ ಈ ಸಮುದಾದಯದ ಎದುರು ಸಡುಬೇನ್ ಬರುತ್ತಾರೆ. ಆದರೆ ಇಲ್ಲಿಯ ಜನರು ಆಕೆಯ ರಕ್ಷಣೆಗೆ ನಿಲ್ಲುವುದಿಲ್ಲ. ಆ ವೇಳೆ ಸಡುಬೆನ್​ ಅವರ ಪುತ್ರ ಧಾರುಣವಾಗಿ ಅಂತ್ಯವಾಗುತ್ತಾನೆ. ಇದರಿಂದಾಗಿ ಕೋಪಗೊಂಡ, ಹತಾಶೆಗೊಂಡ ಸಡುಬೆನ್ ನಿಮ್ಮ ಮುಂದಿನ ಪೀಳಿಗೆ ಗಂಡಸರು ಹೇಡಿಗಳಾಗಿ ಹೋಗಲಿ ಸತಿ ಪದ್ಧತಿಯಂತೆ ಅವರು ಚಿತೆಯೇರಿ ಸತ್ತು ಹೋಗಲಿ ಎಂದು ಶಪಿಸಿದಳಂತೆ.

ಈ ಶಾಪದಿಂದ ವಿಮೋಚನೆಗೊಳ್ಳಲು ಅಂದಿನಿಂದ ಇಂದಿನವರೆಗೂ ಸಡುಮಾತಾ ನೀ ಪೋಲ್​​ನಲ್ಲಿ ಪ್ರತಿ ನವರಾತ್ರಿಯಂದು ಇಲ್ಲಿ ಈ ಪದ್ಧತಿಯೊಂದು ಜಾರಿಯಲ್ಲಿದ್ದುಕೊಂಡೇ ಬಂದಿದೆ. ಪ್ರತಿ ನವರಾತ್ರಿ ಎಂಟು ದಿನ ರಾತ್ರ ಇಲ್ಲಿ ಗಂಡಸರು ಹೆಣ್ಣುಮಕ್ಕಳ ಹಾಗೆ ಸಾರಿಯುಟ್ಟುಕೊಂಡು ಗರ್ಬಾ ನೃತ್ಯ ಮಾಡುತ್ತಾರೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ