ಈ ಇಸವಿಯಲ್ಲಿ ಹುಟ್ಟಿದವರಿಗೆ ಹೆಚ್ಚು ಕ್ಯಾನ್ಸರ್ ಅಟ್ಯಾಕ್‌.. ಸಂಶೋಧನೆಯಲ್ಲಿ ಸ್ಫೋಟಕ ವಿಷ್ಯ ಬಹಿರಂಗ

ವಾಷಿಂಗ್ಟನ್: ಕ್ಯಾನ್ಸರ್, ಸದ್ಯ ವಿಶ್ವವನ್ನೇ ಕಾಡುತ್ತಿರುವ ಒಂದು ಮಹಾಮಾರಿಯಾಗಿ ಕಾಡುತ್ತಿದೆ. 2021ರಲ್ಲಿ ನೀಡಿದ ಮಾಹಿತಿ ಪ್ರಕಾರ ವರ್ಷಕ್ಕೆ 1 ಕೋಟಿ ಜನರು ಜಗತ್ತಿನಲ್ಲಿ ಈ ಮಹಾಮಾರಿಯಿಂದ ಪ್ರಾಣ ಬಿಡುತ್ತಿದ್ದಾರೆ. ಅಂದ್ರೆ ಆರು ಜನರಲ್ಲಿ ಒಬ್ಬರು ಈ ಭೀಕರ ಕ್ಯಾನ್ಸರ್​​ ಕಾಯಿಲೆಗೆ ಬಲಿಯಾಗುತ್ತಿದ್ದಾರೆ. 6 ಲಕ್ಷ 10 ಸಾವಿರ ಜನ ಅಮೆರಿಕಾವೊಂದರಲ್ಲಿಯೇ ಬಲಿಯಾಗಿದ್ದಾರೆ. ಭಾರತದ ವಿಷಯಕ್ಕೆ ಬಂದ್ರೆ ಇಲ್ಲಿಯೂ ಕೂಡ ಮಹಾಮಾರಿ ತನ್ನ ಮೃತ್ಯುತಾಂಡವವನ್ನು ಆಡದೆ ಬಿಟ್ಟಿಲ್ಲ. ಕೇವಲ ದುಶ್ಚಟಗಳಿದ್ದರೆ ಮಾತ್ರವಲ್ಲ, ಅಡಿಕೆ ಹೋಳನ್ನು ಬಾಯಿಗೆ ಮುಟ್ಟಿಸದವರನ್ನು ಕೂಡ ಈ ರೋಗ ಬಿಟ್ಟಿಲ್ಲ. ಭಾರತದಲ್ಲಿ ಪ್ರಮುಖವಾಗಿ ಈ ಒಂದು ಇಸವಿಯಲ್ಲಿ ಹುಟ್ಟಿದವರಲ್ಲಿ ಈ ಕ್ಯಾನ್ಸರ್ ಹೆಚ್ಚಾಗಿ ಕಾಣಿಸಿಕೊಳ್ಳುತ್ತದೆ

ಮಿಲ್ಲೇನಿಯಲ್ಸ್ ಮತ್ತು ಜನರೇಷನ್ ಝಡ್​ ಅಂದ್ರೆ 1997ರಿಂದ 2012ರೊಳಗೆ ಹುಟ್ಟಿದವರನ್ನು ಜೆನ್ ಝಡ್ ಅಂದ್ರೆ ಜನರೇಷನ್ ಝಡ್ ಎಂದು ಕರೆಯಲಾಗುತ್ತದೆ. ಇನ್ನು 1981 ರಿಂದ 1996ರೊಳಗೆ ಹುಟ್ಟಿದವರನ್ನ ಮಿಲ್ಲೆನಿಯಲ್ಸ್ ಎಂದು ಕರೆಯಲಾಗುತ್ತದೆ. ಈ ಮಿಲೆನಿಯಲ್ಸ್ ಹಾಗೂ ಜೆನ್ ಝಡ್​ನ ಯುವ ಜನರಲ್ಲಿ ಅತಿಹೆಚ್ಚು ಕ್ಯಾನ್ಸರ್​ ಕಾಣಿಸಿಕೊಳ್ಳುತ್ತಿದೆ ಎಂದು ಅಧ್ಯಯನವೊಂದು ಹೇಳಿದೆ.

ಇದನ್ನೂ ಓದಿ:Almonds: ಬಾದಾಮ್ ಜಾಸ್ತಿ ತಿಂದ್ರು ಅಪಾಯ ಕಟ್ಟಿಟ್ಟ ಬುತ್ತಿ; ಒಂದು ದಿನಕ್ಕೆ ಎಷ್ಟು ತಿನ್ನಬೇಕು ಗೊತ್ತಾ?

ತಂತ್ರಜ್ಞಾನವಿಲ್ಲದ, ಮಾಹಿತಿಯೂ ಅಂಗೈಯಲ್ಲಿ ಸಿಗದ ಕಾಲದಲ್ಲಿ ಹುಟ್ಟಿದ ಈ ಜನರಲ್ಲಿ ಸುಮಾರು 17 ರೀತಿಯ ಕ್ಯಾನ್ಸರ್ ಎಂಬ ಮಹಾಮಾರಿ ಕಾಣಿಸಿಕೊಳ್ಳುತ್ತಿದೆ ಎಂದು ಇದೇ ಆಗಸ್ಟ್ 1 ರಂದು ಅಮೆರಿಕನ್ ಕ್ಯಾನ್ಸರ್​ ಸೊಸೈಟಿ ಬಿಡುಗಡೆ ಮಾಡಿರುವ ಸಾರ್ವಜನಿಕ ಆರೋಗ್ಯದ ಲ್ಯಾನ್ಸಟ್​ನ ಹೊಸ ಅಧ್ಯಯನ ಅನ್ನೋ ತನ್ನ ನೂತನ ಅಧ್ಯಯನದಲ್ಲಿ ಈ ಒಂದು ಮಾಹಿತಿಯನ್ನು ನೀಡಿದೆ. ಒಂದೊಂದು ತಲೆಮಾರಿನಲ್ಲಿ ಹುಟ್ಟಿದವರಿಗೆ ಒಂದೊಂದು ರೀತಿಯ ರೋಗದ ಲಕ್ಷಣಗಳಿವೆ ಅದರಲ್ಲೂ ಈ 1997 ರಿಂದ 2012 ಹಾಗೂ 1981 ರಿಂದ 1996ರೊಳಗೆ ಹುಟ್ಟಿದ ತಲೆಮಾರಿನ ಜನರರು ಹೆಚ್ಚು ಹೆಚ್ಚು ಕ್ಯಾನ್ಸರ್​ಗೆ ತುತ್ತಾಗುತ್ತಿದ್ದಾರೆ ಎಂದು ಹೇಳಲಾಗಿದೆ. ಹೊಟ್ಟೆಗೆ ಸಂಬಂಧಿಸಿದ ಕ್ಯಾನ್ಸರ್​​, ಸ್ತನ ಕ್ಯಾನ್ಸರ್, ಪಿತ್ತಕೋಶದ ಕ್ಯಾನ್ಸರ್​ ಸೇರಿದಂತೆ ಒಟ್ಟು 17 ಬಗೆಯ ಕ್ಯಾನ್ಸರ್ ರೋಗಗಳು ಈ ತಲೆಮಾರಿನ ಜನರಲ್ಲಿ ಹೆಚ್ಚು ಕಾಣಸಿಗುತ್ತಿದೆ ಎಂದು ಅಮೆರಿಕನ್ ಕ್ಯಾನ್ಸರ್ ಸೊಸೈಟಿ ಬಿಡುಗಡೆ ಮಾಡಿರುವ ಅಧ್ಯಯನದಲ್ಲಿನ ಬಹಿರಂಗವಾಗಿದೆ.

ಭಾರತದಲ್ಲೂ ಕ್ಯಾನ್ಸರ್​ ಮಹಾಮಾರಿಯ ಅಟ್ಟಹಾಸ

ಅಮೆರಿಕಾ ಬಿಡುಗಡೆ ಮಾಡಿರುವ ಅಧ್ಯಯನದ ಪ್ರಕಾರ ಭಾರತಕ್ಕೆ ಹಾಗೂ ಅಮೆರಿಕಾಕ್ಕೆ ಯಾವುದೇ ವ್ಯತ್ಯಾಸಗಳು ಇಲ್ಲ. ಇಲ್ಲಿಯೂ ಕೂಡ ದೆಹಲಿ ಸ್ಟೇಟ್​ ಕ್ಯಾನ್ಸರ್ ಇನ್ಸ್​ಟಿಟ್ಯೂಟ್ ಹೇಳುವ ಭಾರತದಲ್ಲಿಯೂ 31 ರಿಂದ 40 ವಯಸ್ಸಿನ ಯುವಕ ಯುವತಿಯರಲ್ಲಿ ಇತ್ತೀಚೆಗೆ ಹಲವು ರೀತಿಯ ಕ್ಯಾನ್ಸರ್​ ಮಹಾಮಾರಿ ಕಾಣಸಿಗುತ್ತಿದೆ ಎಂದು ಹೇಳಿದೆ.

ಇದನ್ನೂ ಓದಿ:ಮಕ್ಕಳಿಗೆ ವ್ಯಾಕ್ಸಿನ್​ ಕೊಡ್ಸೋದು ಎಷ್ಟು ಸೇಫ್​? ಇದರಿಂದ ತೊಂದರೆ ಇದೆಯಾ?

ಐಸಿಎಂಆರ್ ಹಾಗೂ ಎನ್​​ಸಿಡಿಐಆರ್​ 2022ರಲ್ಲಿ ನಡೆಸಿದ ಅಧ್ಯಯನದ ಪ್ರಕಾರ, ಆ ವರ್ಷ ದೇಶದಲ್ಲಿ ಒಟ್ಟು 14,61,427 ಕ್ಯಾನ್ಸರ್ ಪ್ರಕರಣಗಳು ದೇಶದಲ್ಲಿ ದಾಖಲಾಗಿದ್ದವು. 9 ಜನರಲ್ಲಿ ಒಬ್ಬರಿಗೆ ಕ್ಯಾನ್ಸರ್​ನಂತಹ ಮಹಾಮಾರಿ ದೇಶದಲ್ಲಿ ಅಂಟಿಕೊಳ್ಳುತ್ತಿದೆ ಎಂದು ಈ ಅಧ್ಯಯನದಲ್ಲಿ ವರದಿಯಾಗಿದೆ.

ಕ್ಯಾನ್ಸರ್‌ಗೆ ಕಾರಣವೇನು?
ಬಿರ್ಲಾ ಆಸ್ಪತ್ರೆಯ ಡಾ ಪೂಜಾ ಬಬ್ಬರ್ ಹೇಳುವ ಪ್ರಕಾರ ವಾಯು ಮಾಲಿನ್ಯ, ಸಣ್ಣ ವಯಸ್ಸಿನಲ್ಲಿ ಮದ್ಯಪಾನ ದೂಮಪಾನದಂತಹ ಚಟಗಳಿಗೆ ಈಡಾಗುತ್ತಿರುವುದು ದೇಶದಲ್ಲಿ ಕ್ಯಾನ್ಸರ್​ ಪ್ರಕರಣಗಳನ್ನು ಹೆಚ್ಚಿಸುತ್ತಿದೆ. ಜೆನ್ ಝಡ್​ನ ಆಹಾರ ಪದ್ಧತಿಗಳು ಕೂಡ ಬದಲಾಗಿವೆ. ಕೂಲ್ಡ್ರೀಂಕ್ಸ್, ಪಾಪ್​ಕಾರ್ನ್ ಈ ರೀತಿಯ ಆಹಾರಗಳು ಹಲವು ಸಮಸ್ಯೆಗಳಿಗೆ ಕಾರಣವಾಗುತ್ತವೆ. ಹೀಗಾಗಿ ಆಹಾರ ಪದ್ಧತಿಯನ್ನು ಸರಿಯಾಗಿಟ್ಟುಕೊಳ್ಳುವುದ ಮತ್ತು ದುಶ್ಚಟಗಳಿಂದ ದೂರವಿರುವುದು ಒಳ್ಳೆಯದು ಎಂದು ವೈದ್ಯರು ಹೇಳತ್ತಿದ್ದಾರೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ