Rajat Patidar: ಆರ್​ಸಿಬಿಗೆ ರಜತ್ ಪಾಟೀದಾರ್ ನಾಯಕ.. ಈ ಆಯ್ಕೆ ಹಿಂದಿದೆ 7 ಕಾರಣಗಳು..!

ಆರ್​ಸಿಬಿಗೆ ಯಾರು ಸಾರಥಿ ಆಗುತ್ತಾರೆ ಎಂಬ ಕುತೂಹಲಕ್ಕೆ ಕೊನೆಗೂ ತೆರೆ ಬಿದ್ದಿದೆ. ಕ್ಯಾಪ್ಟನ್ಸಿ ವಿಚಾರದಲ್ಲಿ ಅಳೆದು ತೂಗಿ, ಸಾಧಕ, ಬಾಧಕಗಳನ್ನು ಚರ್ಚಿಸಿ ಕೊನೆಗೂ ಕೊಹ್ಲಿ ಆಪ್ತನಿಗೆ ಆರ್​​ಸಿಬಿ ಪಟ್ಟ ಕಟ್ಟಿದೆ. ರಜತ್ ಪಾಟೀದಾರ್ ಆರ್​ಸಿಬಿಯ ನೂತನ ಕ್ಯಾಪ್ಟನ್!

ಕಳೆದ ಕೆಲವು ವರ್ಷಳಿಂದ ಆರ್​ಸಿಬಿ ತಂಡದ ಭಾಗವಾಗಿರುವ ರಜತ್​ ಪಾಟಿದಾರ್​, ಈ ಬಾರಿ ತಂಡವನ್ನು ಮುನ್ನಡೆಸಲಿದ್ದಾರೆ. ಪವರ್ ಹಿಟ್ಟರ್​ ಆಗಿರುವ ರಜತ್, ನಾಯಕನಾಗಿ ಸೈಯದ್ ಮುಷ್ತಾಕ್ ಅಲಿಯಲ್ಲಿ ಯಶಸ್ಸು ಕಂಡಿದ್ದಾರೆ. 10 ಪಂದ್ಯಗಳ 9 ಇನ್ನಿಂಗ್ಸ್‌ಗಳಿಂದ 61.14 ಸರಾಸರಿಯಲ್ಲಿ ಬರೋಬ್ಬರಿ 428 ರನ್ ಕಲೆಹಾಕಿದ್ದಾರೆ. 186.04 ಸ್ಟ್ರೈಕ್‌ರೇಟ್‌ನಲ್ಲಿ ಬ್ಯಾಟ್ ಬೀಸಿರುವ ರಜತ್, 32 ಬೌಂಡರಿ, 31 ಸಿಡಿಸಿದ್ದಾರೆ. ಮೊದಲ ಅವಕಾಶದಲ್ಲೇ ರನ್ನರ್ಸ್​ ಆಪ್ ಸ್ಥಾನಕ್ಕೇರಿಸಿದ ಸಾಧನೆಯನ್ನು ಮಾಡಿದ್ದಾರೆ. ಈಗ ಆರ್​ಸಿಬಿ ನಾಯಕತ್ವದ ಪಟ್ಟ ಒಲಿದಿದೆ.

ಇದನ್ನೂ ಓದಿ: ಆರ್​ಸಿಬಿಗೆ ರಜತ್ ಪಾಟೀದಾರ್ ನಾಯಕ.. ಈ ಆಯ್ಕೆ ಹಿಂದಿದೆ 8 ಕಾರಣಗಳು..!

ಪಾಟೀದಾರ್​ಗೆ ಪಟ್ಟ ಯಾಕೆ..?

1.  ಸೈಯದ್ ಮುಷ್ತಾಕ್ ಆಲಿ ಟೂರ್ನಿಯಲ್ಲಿ ಮಧ್ಯ ಪ್ರದೇಶ ನಾಯಕನಾಗಿ ಸಕ್ಸಸ್
2.  ರಜತ್​ ನಾಯಕತ್ವದಲ್ಲಿ 10 ಪಂದ್ಯಗಳಲ್ಲಿ ಮಧ್ಯ ಪ್ರದೇಶ 8 ಪಂದ್ಯ ಗೆಲುವು
3.  ಹೈ-ಫ್ರೆಷರ್ ಗೇಮ್​ಗಳಲ್ಲಿ ರಜತ್​ಗಿದೆ ಬಿಗ್ ಇನ್ನಿಂಗ್ಸ್​ ಕಟ್ಟಬಲ್ಲ ಸಾಮರ್ಥ್ಯ
4.  ಬೌಲಿಂಗ್ ಚೇಂಜ್‌, ಫೀಲ್ಡಿಂಗ್‌ ಅಡ್ಜಸ್ಟ್​ಮೆಂಟ್​ನಲ್ಲಿ ನಾಯಕತ್ವದ ಚಾಣಾಕ್ಷತೆ
5.  ಕಳೆದ ಸೀಸನ್​ನಲ್ಲಿ ಆರ್​ಸಿಬಿ ಪರ ಪಾಟಿದಾರ್​ ಮ್ಯಾಚ್ ವಿನ್ನಿಂಗ್ ಆಟ
6.  ಕೂಲ್ ಅಂಡ್ ಕಾಮ್, ಎಲ್ಲರೊಂದಿಗೆ ಬೆರೆಯುವ ಗುಣ ರಜತ್​ಗೆ ಇದೆ
7.  ಆರ್​ಸಿಬಿ ತಂಡದ ಕಲ್ಚರ್​ ಬಗ್ಗೆ ರಜತ್​ ಪಾಟಿದಾರ್​ಗೆ ಅರಿವು

31 ವರ್ಷದ ರಜತ್ ಪಾಟಿದಾರ್​, ದೇಶಿ ಕ್ರಿಕೆಟ್ ಹಾಗೂ ಆರ್​ಸಿಬಿ ಪರವೂ ಕನ್ಸಿಸ್ಟೆನ್ಸಿ ಪರ್ಫಾಮೆನ್ಸ್ ನೀಡಿದ್ದಾರೆ. ಇದಲ್ಲಕ್ಕಿಂತ ಮಿಗಿಲಾಗಿ ಆರ್​ಸಿಬಿ ಪರ ಮಿಡಲ್ ಆರ್ಡರ್​ನ ಬಲವಾಗಿದ್ದಾರೆ. ರಜತ್​ ಪಾಟಿದಾರ್​ ಮೇಲೆ ಭರವಸೆ ಹೊಂದಿರುವ ಮ್ಯಾನೇಜ್​ಮೆಂಟ್, ಎರಡ್ಮೂರು ವರ್ಷಗಳ ಕಾಲ ನಾಯಕತ್ವದ ಪಟ್ಟ ಕಟ್ಟುವ ಲೆಕ್ಕಾಚಾರದಲ್ಲಿದೆ.

ಇದನ್ನೂ ಓದಿ: ಆರ್​ಸಿಬಿಗೆ ರಜತ್ ಪಾಟೀದಾರ್ ನಾಯಕ.. ಈ ಆಯ್ಕೆ ಹಿಂದಿದೆ 8 ಕಾರಣಗಳು..!

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ 'ರನ್ ಭೂಮಿ' ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್