2025ರ ಐಪಿಎಲ್​​: ಆರ್​​ಸಿಬಿಯಿಂದ ಈ ಆಟಗಾರನನ್ನು ಹೊರಹಾಕಲು ಕಾರಣವೇನು?

ಐಪಿಎಲ್‌ 2025ರ ಟೂರ್ನಿಗೆ ಬಲಿಷ್ಠ ತಂಡ ಕಟ್ಟಲು ಮುಂದಾಗಿದ್ದ ಆರ್​​​ಸಿಬಿ ಅಳೆದು ತೂಗಿ ಮೂವರು ಆಟಗಾರರನ್ನು ಮಾತ್ರ ರೀಟೈನ್​ ಮಾಡಿಕೊಂಡಿತ್ತು. ಇತ್ತೀಚೆಗೆ ನಡೆದ ಹರಾಜಿನಲ್ಲಿ ಆರ್​​ಸಿಬಿ ಬರೋಬ್ಬರಿ 19 ಆಟಗಾರರನ್ನು ಖರೀದಿ ಮಾಡಿದೆ. ಆರ್​​ಸಿಬಿ ಈ ಮೂಲಕ ಮುಂದಿನ ಸೀಸನ್​ಗೆ 22 ಆಟಗಾರರ ಬಲಿಷ್ಠ ತಂಡ ರೂಪಿಸಿದೆ.

ಇನ್ನು, ಆರ್​​ಸಿಬಿ ತಂಡದ ಯುವ ಆಲ್​ರೌಂಡರ್​ ಆಗಿದ್ದ ಮಹಿಪಾಲ್​ ಲೋಮ್ರೋರ್​ ಅವರನ್ನು ಕೈ ಬಿಟ್ಟಿದ್ದು ಅಭಿಮಾನಿಗಳಿಗೆ ನಿರಾಸೆ ಮೂಡಿಸಿದೆ. ಆರ್​​ಟಿಎಂ ಕಾರ್ಡ್​ ಬಳಸಿ ಖರೀದಿ ಮಾಡಲು ಅವಕಾಶ ಇದ್ರೂ ಯಾಕೆ ಬಿಡ್​ ಮಾಡಲಿಲ್ಲ? ಅನ್ನೋ ಚರ್ಚೆ ಜೋರಾಗಿದೆ.

ಗುಜರಾತ್​ ಟೈಟನ್ಸ್​ ಸೇರಿದ ಯುವ ಆಟಗಾರ

ಇತ್ತೀಚೆಗೆ ನಡೆದ ಮೆಗಾ ಹರಾಜಿನಲ್ಲಿ ಮಹಿಪಾಲ್​ ಲೋಮ್ರೋರ್​ ಅವರಿಗಾಗಿ ಭಾರೀ ಪೈಪೋಟಿ ನಡೆಯಿತು. ರಾಜಸ್ಥಾನ್​​ ರಾಯಲ್ಸ್​ ತಂಡವು ಮೊದಲು ಲೋಮ್ರೋರ್​ ಅವರನ್ನು 50 ಲಕ್ಷ ಬೇಸ್​ ಪ್ರೈಸ್​ಗೆ ಬಿಡ್​ ಮಾಡಿತು. ಗುಜರಾತ್​ ಟೈಟನ್ಸ್​ ಮತ್ತು ರಾಜಸ್ಥಾನ್​​ ರಾಯಲ್ಸ್​ ಮಧ್ಯೆ ಜಿದ್ದಾಜಿದ್ದಿ ಏರ್ಪಟ್ಟಿತ್ತು. ಕೊನೆಗೂ ಲೋಮ್ರೋರ್​ 1.70 ಕೋಟಿಗೆ ರಾಜಸ್ಥಾನ್​ ತಂಡದ ಪಾಲಾದ್ರು.

ಯಾರು ಈ ಮಹಿಪಾಲ್​​ ಲೋಮ್ರೋರ್​?

ಆರ್​​ಸಿಬಿ ತಂಡದ ಮಾಜಿ ಯುವ ಬ್ಯಾಟರ್​​ ಮಹಿಪಾಲ್​ ಲೋಮ್ರೋರ್​​. ಕಳೆದ ಸೀಸನ್​​ನಲ್ಲಿ ಆರ್​​​ಸಿಬಿ ಪರ ಇವರು ಹೇಳಿಕೊಳ್ಳುವಷ್ಟು ಪ್ರದರ್ಶನವೇನು ನೀಡಲಿಲ್ಲ. 2024ರ ಐಪಿಎಲ್​ನಲ್ಲಿ ಆರ್​​ಸಿಬಿ ಪರ 10 ಪಂದ್ಯ ಆಡಿದ್ದ ಮಹಿಪಾಲ್​ ಲೋಮ್ರೋರ್​ ಅವರು ಗಳಿಸಿದ್ದು ಕೇವಲ 125 ರನ್​​. ಅದರಲ್ಲೂ ಕೇವಲ 9 ಸಿಕ್ಸರ್​​ ಮತ್ತು 9 ಫೋರ್​ ಬಾರಿಸಿದ್ದರು. ಒಂದು ಪಂದ್ಯದಲ್ಲಿ 33 ರನ್​ ಗಳಿಸಿದ್ರೂ ದೊಡ್ಡ ಇಂಪ್ಯಾಕ್ಟ್​ ಏನು ಬೀರಲಿಲ್ಲ.

ರಾಯಲ್​ ಚಾಲೆಂಜರ್ಸ್​ ಬೆಂಗಳೂರು ಹೇಗಾದ್ರೂ ಮಾಡಿ ಈ ಸಲ ಕಪ್​ ಗೆಲ್ಲಲೇಬೇಕು ಎಂದು ಮುಂದಾಗಿದೆ. ಹೀಗಾಗಿ ಹರಾಜಿನಲ್ಲಿ ಬಲಿಷ್ಠ ಆಟಗಾರರನ್ನು ಖರೀದಿ ಮಾಡಿದೆ. ಇದರ ಪರಿಣಾಮ ಮಹಿಪಾಲ್​ ಲೋಮ್ರೋರ್​ಗೆ ಕೊಕ್​ ನೀಡಲಾಗಿದೆ.

ಇದನ್ನೂ ಓದಿ:ಆಸ್ಟ್ರೇಲಿಯಾ ವಿರುದ್ಧ ಮಹತ್ವದ ಟೆಸ್ಟ್​; ಟೀಮ್​ ಇಂಡಿಯಾಗೆ ಸ್ಟಾರ್​ ಪ್ಲೇಯರ್​ ಎಂಟ್ರಿ

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ