ಅಂಪೈರ್​​ಗಳಿಗೆ ಡೌಟ್ ಬಂದ್ರೆ ದಿಢೀರ್ ತಪಾಸಣೆ.. ಐಪಿಎಲ್​ನಲ್ಲಿ ಯಾಕೆ ಬ್ಯಾಟ್​ ಚೆಕ್ ಮಾಡ್ತಿದ್ದಾರೆ?

ಭಾರತೀಯ ಕ್ರಿಕೆಟ್ ನಿಯಂತ್ರಣ ಮಂಡಳಿಯು (BCCI) ಐಪಿಎಲ್ ನಿಯಮಗಳಲ್ಲಿ ಭಾರೀ ಬದಲಾವಣೆ ಮಾಡುತ್ತಿದೆ. ಕಳೆದ ಭಾನುವಾರದಿಂದ ಅಂಪೈರ್​​ಗಳು ಬ್ಯಾಟರ್​​ಗಳ ಬ್ಯಾಟಿನ ಸೈಜ್ ಬಗ್ಗೆ ದಿಢೀರ್ ತಪಾಸಣೆ ಮಾಡ್ತಿದ್ದಾರೆ.

ಅಂತೆಯೇ ಹಾರ್ದಿಕ್ ಪಾಂಡ್ಯ, ಸೂರ್ಯಕುಮಾರ್ ಯಾದವ್, ರೋಹಿತ್ ಶರ್ಮಾರ ಬ್ಯಾಟ್​ ಚೆಕ್ ಮಾಡುತ್ತಿರೋದು ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ. ನಿನ್ನೆಯ ಪಂದ್ಯದಲ್ಲೂ ಬ್ಯಾಟರ್​​ ಕ್ರೀಸ್​ಗೆ ಬರುವ ಮುನ್ನ ಚೆಕ್ ಮಾಡಲಾಗಿದೆ.
ಅಂಪೈರ್ ಯಾಕೆ ಹಾಗೆ ಮಾಡ್ತಿದ್ದಾರೆ?

ವಾಸ್ತವವಾಗಿ ಬಿಸಿಸಿಐ ಮುಂದೆ ಕ್ರಿಕೆಟ್​ನ ಗುಣಮುಟ್ಟದ ಪ್ರಶ್ನೆ ಇದೆ. ಮೈದಾನದಲ್ಲಿ ಅಬ್ಬರಿಸುವ ಫೋರು, ಸಿಕ್ಸರ್​​ಗಳು ಕ್ರಿಕೆಟ್​​ನ ಗುಣಮಟ್ಟವನ್ನು ಪ್ರಶ್ನೆ ಮಾಡಿವೆ. ಅದಕ್ಕಾಗಿ ಬಿಸಿಸಿಐ ಐಪಿಎಲ್​ನಲ್ಲಿ ಬ್ಯಾಟ್​ ತಪಾಸಣೆ ಮಾಡಲು ಬಯಸಿದೆ. ಆಟಗಾರರು ಬಳಸುವ ಬ್ಯಾಟ್ ಕ್ರಿಕೆಟ್ ಗುಣಮಟ್ಟಕ್ಕೆ ಅನುಗುಣವಾಗಿದೆಯೇ? ಇಲ್ಲವೇ ಅಂತಾ ಖಚಿತಪಡಿಸಿಕೊಳ್ಳಲು ಅಂಪೈರ್​ ಚೆಕ್ ಮಾಡ್ತಿದ್ದಾರೆ.

ಇದನ್ನೂ ಓದಿ: ಸೂಪರ್ ಓವರ್​ನಲ್ಲಿ ಪಂದ್ಯ ಗೆಲ್ಲಿಸಿಕೊಟ್ಟ ಕನ್ನಡಿಗ ಕೆಎಲ್ ರಾಹುಲ್..!

ಅಂಪೈರ್​ಗಳು ಒಂದು ಸಾಧನದ ಮೂಲಕ ಬ್ಯಾಟ್​ನ ಗುಣಮಟ್ಟವನ್ನು ಪರೀಕ್ಷೆ ಮಾಡ್ತಿದ್ದಾರೆ. ಆಟಗಾರರು ಬಳಸುವ ಬ್ಯಾಟ್​ಗಳು ಐಪಿಎಲ್ ನಿಯಮಗಳಿಗೆ ಅನುಗುಣವಾಗಿವೆಯೇ ಎಂದು ಖಚಿತಪಡಿಸಿಕೊಳ್ಳಲು ಚೆಕ್ ಮಾಡಲಾಗ್ತಿದೆ. ಐಪಿಎಲ್‌ನ ನಿಯಮ 5.7ರ ಪ್ರಕಾರ ಬ್ಯಾಟ್ ಪರಿಶೀಲಿಸಲಾಗುತ್ತಿದೆ. ಈ ನಿಯಮವು ಬ್ಯಾಟ್‌ನ ಗಾತ್ರದ ಬಗ್ಗೆ ಹೇಳುತ್ತದೆ..

ಹೇಗಿರಬೇಕು..?

ಕ್ರಿಕೆಟ್‌ನಲ್ಲಿ ಬ್ಯಾಟ್ ಎರಡು ಭಾಗಗಳನ್ನು ಹೊಂದಿರುತ್ತದೆ, ಮೊದಲನೆಯದು ಹ್ಯಾಂಡಲ್ ಮತ್ತು ಎರಡನೆಯದು ಬ್ಲೇಡ್. ಹ್ಯಾಂಡಲ್ ಮತ್ತು ಬ್ಯಾಟ್ ಎರಡೂ ಮರದಿಂದ ಮಾಡಲ್ಪಟ್ಟಿದ್ದು, ಉತ್ತಮ ಹಿಡಿತಕ್ಕಾಗಿ ಹ್ಯಾಂಡಲ್​ಗೆ ರಬ್ಬರ್ ಹಾಕಿರಲಾಗುತ್ತದೆ. ಹ್ಯಾಂಡಲ್ ಹೊರತುಪಡಿಸಿ ಒಟ್ಟು ಉದ್ದ 38 ಇಂಚುಗಳು ಅಥವಾ 96.52 ಸೆಂಟಿಮೀಟರ್‌ ಮೀರಬಾರದು. ಬ್ಲೇಡ್‌ನ ಅಗಲ ಗರಿಷ್ಠ 4.25 ಇಂಚುಗಳಾಗಿರಬಹುದು. ಬ್ಯಾಟ್‌ನ ಆಳ 2.64 ಇಂಚು ಮೀರಬಾರದು ಮತ್ತು ಅಂಚುಗಳು 1.56 ಇಂಚು ಮೀರಬಾರದು. ಹಾಗಿದ್ದೂ ಬ್ಯಾಟರ್​​ಗಳು ನಿಯಮ ಉಲ್ಲಂಘಿಸಿ, ಬ್ಯಾಟಿಂಗ್​ಗೆ ಬಂದರೆ ಬ್ಯಾಟ್ಸ್‌ಮನ್‌ಗೆ ದಂಡ ವಿಧಿಸಲು ಯಾವುದೇ ಅವಕಾಶವಿಲ್ಲ.

ಇದನ್ನೂ ಓದಿ: ಕೋಚ್​​ಗಳ ಮೇಲೆ ಸಿಟ್ಟು ತೀರಿಸಿಕೊಂಡ BCCI.. ಟಿ ದಿಲೀಪ್ ಸೇರಿ ಹಲವರಿಗೆ ಗೇಟ್​ಪಾಸ್​..!

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ 'ರನ್ ಭೂಮಿ' ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್