ಯುವರಾಜ್​​ ಸಿಂಗ್​​, ವಿರಾಟ್​​ ಕೊಹ್ಲಿ ಮಧ್ಯೆ ಬಿರುಕು; ಒಂದು ಪೋಸ್ಟ್​ನಿಂದ ಸ್ಫೋಟಕ ಸತ್ಯ ರಿವೀಲ್​​​

ಇತ್ತೀಚೆಗೆ ನಡೆದ 2025ರ ಐಸಿಸಿ ಚಾಂಪಿಯನ್ಸ್ ಟ್ರೋಫಿ ಫೈನಲ್​ ಪಂದ್ಯದಲ್ಲಿ ಟೀಮ್​ ಇಂಡಿಯಾ ಗೆದ್ದು ಬೀಗಿದೆ. ನ್ಯೂಜಿಲೆಂಡ್​ ವಿರುದ್ಧ ಭರ್ಜರಿ ಗೆಲುವು ಸಾಧಿಸೋ ಮೂಲಕ ಟೀಮ್​ ಇಂಡಿಯಾ ಚಾಂಪಿಯನ್​ ಆಗಿದೆ. ಭಾರತದ ಈ ಐತಿಹಾಸಿಕ ಗೆಲುವಿಗೆ ಮಾಜಿ ಕ್ರಿಕೆಟರ್​ ಯುವರಾಜ್​ ಸಿಂಗ್ ಅಭಿನಂದಿಸಿದ್ದಾರೆ.

ಇನ್ನು, ಟೀಮ್​ ಇಂಡಿಯಾದ ಆಟಗಾರರನ್ನು ಯುವರಾಜ್​ ಸಿಂಗ್​ ಅಭಿನಂದಿಸಿ ಟ್ವೀಟ್​ ಮಾಡಿದ್ದಾರೆ. ಈ ಪೋಸ್ಟ್​​ ಯುವಿ ಮತ್ತು ಕೊಹ್ಲಿ ನಡುವಿನ ಬಿರುಕು ರಿವೀಲ್​ ಮಾಡಿದೆ. ಯುವರಾಜ್ ಸಿಂಗ್​ ಹಾಕಿರೋ ಪೋಸ್ಟ್​​ ಇಬ್ಬರ ಮಧ್ಯೆ ಎಲ್ಲವೂ ಸರಿಯಿಲ್ಲ ಅನ್ನೋ ಬಹಿರಂಗಗೊಳಿಸಿದೆ.

ಅಸಲಿಗೆ ಆಗಿದ್ದೇನು?

ಭಾರತ ತಂಡ ಮೂರನೇ ಬಾರಿಗೆ ಚಾಂಪಿಯನ್ಸ್ ಟ್ರೋಫಿ ಗೆದ್ದಿದೆ. ಈ ಬೆನ್ನಲ್ಲೇ ಯುವರಾಜ್​ ಸಿಂಗ್​ ಪೋಸ್ಟ್​ ಒಂದು ಹಾಕಿದ್ದಾರೆ. ಈ ಪೋಸ್ಟ್​ನಲ್ಲಿ ಕೊಹ್ಲಿ ಹೊರತಾಗಿ ಎಲ್ಲರನ್ನೂ ಯವಿ ಟ್ಯಾಗ್​ ಮಾಡಿದ್ದಾರೆ. ಈ ಬೆಳವಣಿಗೆ ಯುವಿ, ಕೊಹ್ಲಿ ಮಧ್ಯೆ ಬಿರುಕು ಮೂಡಿದೆ ಅನ್ನೋ ಚರ್ಚೆ ಹುಟ್ಟುಹಾಕಿದೆ.

ಯುವಿ ಪೋಸ್ಟ್​ನಲ್ಲೇನಿದೆ?

ವ್ಹಾವ್ ಎಂತಹ ಅದ್ಭುತ ಪಂದ್ಯ. ರೋಹಿತ್​ ಶರ್ಮಾ ಅದ್ಭುತ ನಾಯಕತ್ವದಿಂದ ಭಾರತಕ್ಕೆ ಚಾಂಪಿಯನ್ಸ್ ಟ್ರೋಫಿ ಬಂದಿದೆ. ಭಾರತದ ಗೆಲುವಿನಲ್ಲಿ ಶ್ರೇಯಸ್ ಅಯ್ಯರ್, ಶುಭ್ಮನ್​ ಗಿಲ್, ಕೆಎಲ್ ರಾಹುಲ್ ಮತ್ತು ಹಾರ್ದಿಕ್ ಪಾಂಡ್ಯ ಪ್ರಮುಖ ಪಾತ್ರವಹಿಸಿದರು. ರವೀಂದ್ರ ಜಡೇಜ, ಕುಲ್ದೀಪ್​ ಯಾದವ್, ಅಕ್ಷರ್​ ಪಟೇಲ್​​​ ಮತ್ತು ವರುಣ್ ಚಕ್ರವರ್ತಿ ತಮ್ಮ ಸ್ಪಿನ್ ಬೌಲಿಂಗ್ ಮೂಲಕ ಮಿಂಚಿದರು. ಮೊಹಮ್ಮದ್ ಶಮಿ ತಮ್ಮ ಸಾಮರ್ಥ್ಯವನ್ನು ತೋರಿದರು ಎಂದು ಪೋಸ್ಟ್​ ಹಾಕಿದ್ದಾರೆ ಯುವಿ. ಈ ಪೋಸ್ಟ್​ನಲ್ಲೂ ಎಲ್ಲೂ ಕೊಹ್ಲಿ ಹೆಸರು ಹಾಕಿಲ್ಲ.

ಇದನ್ನೂ ಓದಿ:ಕೇವಲ 16 ಎಸೆತದಲ್ಲಿ ಅರ್ಧ ಶತಕ, 28 ಎಸೆತದಲ್ಲಿ ಸೆಂಚುರಿ.. ಐಪಿಎಲ್​​ಗೆ ಎಬಿಡಿ ಮತ್ತೆ ಕಂಬ್ಯಾಕ್..?

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ ‘ರನ್ ಭೂಮಿ’ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್