ಬಾಹ್ಯಾಕಾಶದಲ್ಲಿ 9 ತಿಂಗಳು.. ಸುನೀತಾ ವಿಲಿಯಮ್ಸ್‌ಗೆ ನಾಸಾ ಹೆಚ್ಚುವರಿ ಭತ್ಯೆ ಕೊಡುತ್ತಾ? ಇಲ್ಲಿದೆ ಶಾಕಿಂಗ್ ಮಾಹಿತಿ!

ನಾಸಾದ ಗಗನಯಾತ್ರಿಗಳಾದ ಸುನಿತಾ ವಿಲಿಯಮ್ಸ್ ಮತ್ತು ಬಚ್ ವಿಲ್ಮೋರ್ ಮರಳಿ ಭೂಮಿಗೆ ಬರುವ ದಿನಗಳು ಹತ್ತಿರವಾಗಿವೆ. ಈಗಾಗಲೇ ಬಾಹ್ಯಾಕಾಶದಲ್ಲಿ ಅವರು ಬರೋಬ್ಬರಿ 9 ತಿಂಗಳನ್ನು ಕಳೆದಿದ್ದಾರೆ. ಮಾರ್ಚ್​ 19 ರಂದು ಉಭಯ ಗಗನಯಾತ್ರಿಗಳು ಸ್ಪೇಸ್​ ಎಕ್ಸ್​ನ ಡ್ರಾಗನ್ ಸ್ಪೇಸ್​​ಕ್ರಾಫ್ಟ್​ ಮೂಲಕ ಮರಳಿ ಭೂಮಿಗೆ ಬರಲಿದ್ದಾರೆ.
ಸದ್ಯ 9 ತಿಂಗಳು ಬಾಹ್ಯಾಕಾಶ ನಿಲ್ದಾಣದಲ್ಲಿಯೇ ಬದುಕು ಕಳೆದಿರು ಈ ಗಗನಯಾತ್ರಿಗಳಿಗೆ ನಾಸಾ ಹೆಚ್ಚುವರಿ ಸಂಬಳ ನೀಡುತ್ತಾ ಎಂಬುವ ಪ್ರಶ್ನೆಯೊಂದು ಈಗ ಹುಟ್ಟಿಕೊಂಡಿದೆ. ಈಗಾಗಲೇ ಅಂದುಕೊಂಡಿದ್ದಕ್ಕಿಂತ ಹೆಚ್ಚು ಸಮಯ ಸುನೀತಾ ಹಾಗೂ ವಿಲ್ಮೋರ್​ ಬಾಹ್ಯಾಕಾಶದಲ್ಲಿ ಕಳೆದಿದ್ದಾರೆ. ಹೀಗಾಗಿ ಓವರ್​ ಟೈಮ್​ ಕಾರ್ಯನಿರ್ವಹಿಸಿದ್ದಕ್ಕೆ ಸ್ಯಾಲರಿಯಲ್ಲಿ ಹೆಚ್ಚು ಸಿಗುತ್ತದಾ ಎಂಬ ಪ್ರಶ್ನೆಗಳು ಗರಿಗೆದರಿದ್ದು, ನಾಸಾದಿಂದ ನೋ ಎಂಬ ಉತ್ತರ ಬಂದಿದೆ.

ನಾಸಾ ಹೇಳುವ ಪ್ರಕಾರ ನಮ್ಮಲ್ಲಿ ಓವರ್​​ ಟೈಮ್​ಗೆ ಹೆಚ್ಚಿನ ಸಂಬಳ ಅಥವಾ ಭತ್ಯೆ ನೀಡುವ ಪದ್ಧತಿಯಿಲ್ಲ. ಸುನಿತಾ ವಿಲಿಯಮ್ಸ್ ಹಾಗೂ ಬಚ್​ ವಿಲ್ಮೋರ್​​ಗೆ ಬಾಹ್ಯಾಕಾಶದಲ್ಲಿ ಹೆಚ್ಚುವರಿ ದಿನಗಳ ಕಾಲ ಉಳಿದಿದ್ದಕ್ಕೆ ಯಾವುದೇ ರೀತಿಯ ಹೆಚ್ಚವರಿ ಸಂಬಳ ಅಥವಾ ಭತ್ಯೆ ನೀಡಲಾಗುವುದಿಲ್ಲ ಎಂದು ಹೇಳಿದೆ.

ಇದನ್ನೂ ಓದಿ: ಭೂಮಿಗೆ ಬಂದ ಮೇಲೆ ಸುನಿತಾ ವಿಲಿಯಮ್ಸ್, ವಿಲ್ಮೋರ್ ಆರೋಗ್ಯ ಹೇಗಿರಲಿದೆ.. ಯಾವ್ಯಾವ ಸಮಸ್ಯೆಗಳು ಕಾಡುತ್ತವೆ?

ಗಗನಯಾತ್ರಿಗಳಿಗೆ ಫೆಡರಲ್​ ಎಂಪ್ಲಾಯಿಗಳು ನಡೆಸುವ ಬ್ಯುಸಿನೆಸ್ ಟ್ರಿಪ್​ಗೆ ಸಂಬಳ ನೀಡಲಾಗುತ್ತದೆ. ಅವರಿಗೆ ನಿಯಮಿತವಾಗಿ ನೀಡುತ್ತಿರುವ ಸಂಬಳವನ್ನೇ ನೀಡಲಾಗುವುದು ಹೊರತು ಯಾವುದೇ ಓವರ್ ಟೈಮ್​ಗಳನ್ನು ನಾಸಾ ಗಣನೆಗೆ ತೆಗೆದುಕೊಳ್ಳುವುದಿಲ್ಲ. ನಾಸಾ ಈಗಾಗಲೇ ಉಭಯ ಗಗನಯಾತ್ರಿಗಳಿಗೆ ಬೇಕಾದ ಎಲ್ಲಾ ಸೌಕರ್ಯಗಳನ್ನು ಒದಗಿಸಿದೆ. ಸಾರಿಗೆ, ವಸತಿ ಹಾಗೂ ಊಟವನ್ನು ಎಲ್ಲಾ ನೀಡಿದೆ ಎಂದು ಕೊಲೆಮನ್​ ಸಂದರ್ಶನವೊಂದರಲ್ಲಿ ಹೇಳಿದ್ದಾರೆ.

ಇದನ್ನೂ ಓದಿ:ಮಂಗಳನ ಅಂಗಳಕ್ಕೆ ತಲುಪಲಿದೆ ಎಲಾನ್ ಮಸ್ಕ್​​ನ ಸ್ಟಾರ್​ಶಿಪ್​.. ಮಾನವ ಸಮೇತ ಯಾನ ಯಾವಾಗ?

ಮಾರ್ಚ್​ 15 ರಂದು ಸ್ಪೇಸ್ ಎಕ್ಸ್ ಮತ್ತು ನಾಸಾ ಸುನೀತಾ ವಿಲಿಯಮ್ಸ್ ಹಾಗೂ ಬಚ್​ ವಿಲ್ಮೋರ್ ಅವರನ್ನು ವಾಪಸ್ ಕರೆದುಕೊಂಡು ಬರಲು ಮಿಷನ್ ಲಾಂಚ್ ಮಾಡಲಾಗಿದೆ. ಶುಕ್ರವಾರ 7.30ಕ್ಕೆ ಲ ಫಾಲ್ಕೊನ್​ 9 ಆಕೆಟ್​ ಡ್ರಾಗನ್​ ಸ್ಪೇಸ್​ಕ್ರಾಫ್ಟ್​ ಬಾಹ್ಯಾಕಾಶನೌಕೆಯನ್ನು ಹೊತ್ತೊಯ್ದಿದೆ ಎಂದು ಹೇಳಲಾಗಿದೆ.
ಕೊಲೆಮನ್ ಹೇಳುವ ಪ್ರಕಾರ ಸುನೀತಾ ವಿಲಿಯಮ್ಸ್​ ಹಾಗೂ ವಿಲ್ಮೋರ್​ಗೆ ದಿನದ ಭತ್ಯೆಯಾಗಿ ಪ್ರತಿ ದಿನ ಸುಮಾರು 4 ಡಾಲರ್ ನೀಡಲಾಗುವುದು ಅಂದ್ರೆ ಭಾರತೀಯ ರೂಪಾಯಿಯಲ್ಲಿ 347 ರೂಪಾಯಿ ಅಷ್ಟೇ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ