ಚಳಿಗಾಲದಲ್ಲಿ ಈ ತಪ್ಪು ಮಾಡಬೇಡಿ.. ವಾಕಿಂಗ್, ಜಾಗಿಂಗ್​​ಗೆ ಸೂಕ್ತ ಸಮಯ ಯಾವುದು?

ವಾಕಿಂಗ್ ಆರೋಗ್ಯಕ್ಕೆ ಒಳ್ಳೆಯದು. ಚಳಿಗಾಲದಲ್ಲಿ ಕೆಲವರು ಸೋಮಾರಿಗಳಾಗುತ್ತಾರೆ. ಬಹುತೇಕರು ನಡೆಯುವುದನ್ನೇ ಕಡಿಮೆ ಮಾಡಿ ಬಿಡುತ್ತಾರೆ. ಹಾಗೆ ಮಾಡುವುದರಿಂದ ಆರೋಗ್ಯದ ಮೇಲೆ ಕೆಟ್ಟ ಪರಿಣಾಮ ಬೀರುತ್ತದೆ.

ಚಳಿಗಾಲದಲ್ಲಿ ನಡೆಯುವುದರಿಂದ ರಕ್ತದ ಪರಿಚಲನೆಯು ಸುಧಾರಿಸುತ್ತದೆ. ರೋಗ ನಿರೋಧಕ ಶಕ್ತಿ ಕೂಡ ಹೆಚ್ಚುತ್ತದೆ. ಜೊತೆಗೆ ಮನಸ್ಥಿತಿ ಕೂಡ ಸುಧಾರಿಸುತ್ತದೆ. ನಡೆಯುವ ಕ್ರಿಯೆಯು ನಮ್ಮನ್ನು ಆರೋಗ್ಯವಾಗಿಡಲು ಸಹಾಯ ಮಾಡುತ್ತದೆ. ಚಳಿಗಾಲ ಪ್ರಾರಂಭವಾಗಿರುವ ಹಿನ್ನೆಲೆಯಲ್ಲಿ ನಿಮ್ಮ ವಾಕಿಂಗ್ ಟೈಮಿಂಗ್ಸ್​ನಲ್ಲಿ ಕೊಂಚ ಬದಲಾವಣೆ ಮಾಡಿಕೊಂಡರೆ ಇನ್ನೂ ಉತ್ತಮ.

ಇದನ್ನೂ ಓದಿ:ಭಾರತ, ಪಾಕ್ ಆಟಗಾರರು ಒಟ್ಟಿಗೆ ಕ್ರಿಕೆಟ್ ಆಡಲಿದ್ದಾರೆ -ಕೊಹ್ಲಿ, ಬಾಬರ್ ಸಂಚಲನ

ಫರಿದಾಬಾದ್​ನ ಫೋರ್ಟಿಸ್ ಆಸ್ಪತ್ರೆಯ ನರವಿಜ್ಞಾನ ತಜ್ಞ ಡಾ. ವಿನೀತ್ ಬಂಗಾ ಪ್ರಕಾರ.. ಚಳಿಗಾಲದಲ್ಲೂ ಹೆಚ್ಚು ಕಾಲ ನಡೆಯಬೇಕು. ಅದಕ್ಕೆ ಒಳ್ಳೆಯ ಸಮಯವೆಂದರೆ ಬೆಳಗ್ಗೆ 10 ರಿಂದ ಮಧ್ಯಾಹ್ನ 3 ರವರೆಗೆ. ಈ ವೇಳೆ ತಾಪಮಾನವು ಬೆಚ್ಚಗಿರುತ್ತದೆ ಮತ್ತು ಸಾಕಷ್ಟು ಹಗಲು ಬೆಳಕು ಇರುತ್ತದೆ. ಹಗಲಿನಲ್ಲಿ ನಡೆಯುವುದರಿಂದ ಅಗತ್ಯವಾದ ವಿಟಮಿನ್ ಡಿ ಸಿಗುತ್ತದೆ. ಚಳಿಗಾಲದ ಅವಧಿಯಲ್ಲಿ ಅನೇಕರು ವಿಟಮಿನ್ ಡಿ ಕೊರತೆ ಎದುರಿಸುತ್ತಾರೆ ಎನ್ನುತ್ತಾರೆ.

ಈ ವಿಷಯ ನೆನಪಿನಲ್ಲಿಡಿ..
ಚಳಿಗಾಲದಲ್ಲಿ ನಡೆಯುವಾಗ ಪದರಗಳ ಬಟ್ಟೆಗಳೊಂದಿಗೆ ಕೈಗವಸುಗಳು ಮತ್ತು ಟೋಪಿಗಳಂತಹ ಬೆಚ್ಚಗಿನ ವಸ್ತುಗಳನ್ನು ಧರಿಸಬೇಕು. ಶೀತವು ಕೆಲವೊಮ್ಮೆ ನಮ್ಮ ಬಾಯಾರಿಕೆಯನ್ನು ಕಡಿಮೆ ಮಾಡುತ್ತದೆ.

ಯಾವಾಗ ನಡೆಯಬಾರದು?
ತೀವ್ರ ಚಳಿ, ಮಂಜು ಅಥವಾ ಮಂಜುಗಡ್ಡೆಯ ಪರಿಸ್ಥಿತಿಗಳಲ್ಲಿ ವಾಕಿಂಗ್ ಅಥವಾ ಜಾಗಿಂಗ್ ಮಾಡಬಾರದು. ಈ ಅವಧಿಯಲ್ಲಿ ಜಾರಿ ಬೀಳುವ ಅಪಾಯ ಹೆಚ್ಚಿರುತ್ತದೆ. ಜೊತೆಗೆ ಉಸಿರಾಟದ ತೊಂದರೆ ಕೂಡ ಹೆಚ್ಚಿರುತ್ತದೆ. ಅಸ್ತಮಾ ಅಥವಾ ಉಸಿರಾಟದ ಸಮಸ್ಯೆ ಹೊಂದಿರೋರು ಜಾಗರೂಕರಾಗಿರಬೇಕು.

ಇದನ್ನೂ ಓದಿ:ಹಳೇ ಫೋನ್ ಮಾರಾಟ ಮಾಡ್ತಿದ್ದೀರಾ? ಕ್ಷಣದಲ್ಲೇ ನಿಮ್ಮ ಅಕೌಂಟ್ ಖಾಲಿ ಆಗುತ್ತೆ ಹುಷಾರ್​..!

ತಂಪಾದ ಗಾಳಿಯು ಉಸಿರಾಟಕ್ಕೆ ತೊಂದರೆಯನ್ನುಂಟು ಮಾಡುತ್ತದೆ. ತಾಪಮಾನವು ಶೂನ್ಯಕ್ಕಿಂತ ಕಡಿಮೆಯಾದರೆ ಒಳಾಂಗಣದಲ್ಲಿ ವ್ಯಾಯಾಮ ಮಾಡುವುದು ಉತ್ತಮ. ಚಳಿಗಾಲದಲ್ಲಿ ಎಚ್ಚರಿಕೆಯಿಂದ ವಾಕಿಂಗ್ ಮಾಡಿದಾಗ ರಿಫ್ರೆಶ್ ಮತ್ತು ಆರೋಗ್ಯಕರ ಚಟುವಟಿಕೆ ನಿಮ್ಮದಾಗಲಿದೆ. ಬೆಚ್ಚಗಿನ ಬಟ್ಟೆಗಳನ್ನು ಧರಿಸಿ ಮತ್ತು ಸರಿಯಾದ ಸಮಯ ಆರಿಸಿಕೊಳ್ಳುವ ಮೂಲಕ ಚಳಿಗಾಲದಲ್ಲಿ ಆನಂದವನ್ನು ಪಡೆಯಬಹುದು.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ