ಇಡೀ ವಿಶ್ವವೇ ಮೆಚ್ಚಿಕೊಂಡು ಹುಚ್ಚಾಗಿದೆ ಭಾರತದ ಈ ಆಹಾರವನ್ನು.. ಅದು ಯಾವ ಡಿಶ್​ ಗೊತ್ತಾ?

ಭಾರತದ ಆಹಾರ ಅದರ ಸ್ವಾದ ಹಾಗೂ ವಿಶಿಷ್ಟತೆಯಿಂದಲೇ ವಿಶ್ವದಲ್ಲಿ ಮಾನ್ಯತೆ ಪಡೆದಿದೆ. ಆದರೆ ನಿಮಗೆ ಗೊತ್ತಿದೆಯಾ ಭಾರತದ ಆ ಒಂದು ಆಹಾರ ಸದ್ಯ ವಿಶ್ವದಲ್ಲಿಯೇ ಎಲ್ಲರಿಗೂ ಮೆಚ್ಚುಗೆಯಾದಂತಹ ಖಾದ್ಯ. ಈ ಒಂದು ವಿಶೇಷ ಆಹಾರ ಟೆಸ್ಟ್ ಎಟಲಸ್ 2024-25ರಲ್ಲಿ ವಿಶ್ವದಲ್ಲಿ ಅತ್ಯಂತ ಜನಪ್ರಿಯ ಆಹಾರದಲ್ಲಿ 12ನೇ Rank ಪಡೆದುಕೊಂಡಿದೆ.

ಈ ಒಂದು ಭಾರತೀಯ ಆಹಾರ ಕೇವಲ ಭಾರತದಲ್ಲಿ ಮಾತ್ರವಲ್ಲ. ವಿಶ್ವದಲ್ಲಿಯೇ ಪ್ರಸಿದ್ಧಿಯನ್ನು ಪಡೆದಿದೆ. ವಿದೇಶಗಳ ಹೋಟೆಲ್ ಹಾಗೂ ರೆಸ್ಟೋರೆಂಟ್​​ಗಳಲ್ಲಿಯೂ ಕೂಡ ಈ ಆಹಾರವು ಅವುಗಳ ಮೆನು ಲಿಸ್ಟ್​ನಲ್ಲಿ ಇರುತ್ತದೆ. ಈ ಒಂದು ಆಹಾರವನ್ನು ಭಾರತದ ಅತ್ಯಂತ ಪ್ರಸಿದ್ಧ ನಗರದಲ್ಲಿ ಮೊದಲ ಬಾರಿಗೆ ಪರಿಚಯಿಸಲಾಗಿತ್ತು. ಈ ಆಹಾರವನ್ನು ಸಾಂಪ್ರದಾಯಿಕ ಮಸಾಲೆಯೊಂದಿಗೆ ವಿಶೇಷವಾಗಿ ತಯಾರಿಸಲಾಗುತ್ತದೆ. ಇದರಿಂದಾಗಿ ಇದರ ಸ್ವಾದಿಷ್ಟತೆ ಮತ್ತಷ್ಟು ಹೆಚ್ಚಾಗುತ್ತದೆ.

ಟೆಸ್ಟ್ ಎಟಲೆಸ್​ನ ಲಿಸ್ಟ್​ನಲ್ಲಿ ಇದನ್ನು ವಿಶ್ವದಲ್ಲಿಯೇ ಅತಿಹೆಚ್ಚು ಜನರು ಇಷ್ಟ ಪಡುವ ಭಾರತೀಯ ಆಹಾರವೆಂದೇ ಉಲ್ಲೇಖಿಸಲಾಗಿದೆ. ನೀವು ಈ ಸ್ಪೇಷಲ್ ಡಿಶ್ ಯಾವುದು ಅಂತ ಊಹಿಸಲು ಸಾಧ್ಯವಾ?

ವಿಶ್ವದಲ್ಲಿಯೇ ತನ್ನ ಬೇಡಿಕೆಯನ್ನು ಹೆಚ್ಚಿಸಿಕೊಂಡಿರುವ ಈ ಸ್ಪೇಷಲ್ ಡಿಶ್​ನ ಹೆಸರು ಮುರ್ಗಾ ಮಖನಿ. ಹೀಗೆ ಹೇಳಿದರೆ ಹೆಚ್ಚು ಜನರಿಗೆ ತಿಳಿಯುವುದಿಲ್ಲ. ಇದನ್ನು ಮತ್ತೊಂದು ಹೆಸರಿನಲ್ಲಿ ಕರೆಯುತ್ತಾರೆ ಅದು ಬಟರ್ ಚಿಕನ್ ಅಂತ. ಈ ಒಂದು ವಿಶೇಷವಾದ ಆಹಾರವನ್ನ ದೆಹಲಿಯ ಮೋತಿ ಮಹಲ್ ರೆಸ್ಟೋರೆಂಟ್​ನಲ್ಲಿ ಮೊದಲ ಬಾರಿಗೆ ತಯಾರಿಸಲಾಗಿತ್ತು.

ಟೆಸ್ಟ್ ಎಟಲೆಸ್​​ನ ಪ್ರಕಾರ ಹೈದ್ರಾಬಾದಿ ಬಿರಿಯಾನಿ, ಚಿಕನ್ 65 ಮತ್ತು ಖಿಮಾ ಕೂಡ ವಿಶ್ವದಲ್ಲಿ ಅತಿ ಹೆಚ್ಚು ಬೇಡಿಕೆ ಪಡೆದಿರುವ ಭಾರತೀಯ ಆಹಾರಗಳಲ್ಲಿ ಸೇರಿವೆ ಎಂದು ಹೇಳಲಾಗಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ