ಆರೆಂಜ್, ಪರ್ಪಲ್ ಕ್ಯಾಪ್ ಪಡೆದವರು ಯಾರು.. WPL ಆಟಗಾರ್ತಿಯರಿಗೆ ಎಷ್ಟೆಷ್ಟು ಹಣ ಸಿಕ್ಕಿದೆ..?

ಡೆಲ್ಲಿ ಕ್ಯಾಪಿಟಲ್ಸ್​ ಸುಲಭ ಗುರಿ ಮುಟ್ಟಲಾಗದೇ ಮೂರನೇ ಸಲ ಟ್ರೋಫಿಯನ್ನು ಬಿಟ್ಟುಕೊಟ್ಟು ಕಣ್ಣೀರು ಹಾಕಿದೆ. ಕೇವಲ 8 ರನ್​ಗಳಿಂದ ಕಪ್​ ಸೋತ ಡೆಲ್ಲಿ ಆಟಗಾರ್ತಿಯರು ಬೇಸರ ಹೊರ ಹಾಕಿದರು. ಪೈನಲ್​ನಲ್ಲಿ ಮುಂಬೈ ವಿರುದ್ಧವೇ ಎರಡು ಬಾರಿ ಮಂಡಿಯೂರಿದ್ದಾರೆ. ಟ್ರೋಫಿ ಗೆದ್ದ ಮುಂಬೈ ಇಂಡಿಯನ್ಸ್ ಆಟಗಾರ್ತಿಯರು ಟೂರ್ನಿಯಲ್ಲಿ ಅಮೋಘ ಪ್ರದರ್ಶನ ನೀಡಿ ಹಲವು ಪ್ರಶಸ್ತಿಗಳನ್ನು ಬಾಚಿಕೊಂಡರು.

ಮುಂಬೈ ತಂಡದ ಬಹುತೇಕ ಆಟಗಾರ್ತಿಯರು ದೊಡ್ಡ ಮೊತ್ತದಲ್ಲೇ ಪ್ರಶಸ್ತಿಗಳನ್ನು ಮುಡಿಗೇರಿಸಿಕೊಂಡಿದ್ದಾರೆ. ಡಬ್ಲುಪಿಎಲ್​ 2025ರ ಬಹುಮಾನ ಮೊತ್ತ ಕೋಟಿ ರೂಪಾಯಿಗಳಲ್ಲಿ ಗೆದ್ದ ತಂಡ ಖುಷಿಯಲ್ಲಿ ತೇಲಾಡುತ್ತಿದೆ. ಇದರ ಜೊತೆಗೆ ಆಟಗಾರ್ತಿಯರ ವೈಯಕ್ತಿಕ ಪ್ರದರ್ಶನದ ಮೇಲೆ ಪ್ರಶಸ್ತಿಗಳನ್ನು ನೀಡಲಾಗಿದೆ. ಅವು ಯಾವುವು ಎನ್ನುವುದನ್ನು ವಿವರವಾಗಿ ಇಲ್ಲಿ ನಿಡಲಾಗಿದೆ.

ಇದನ್ನೂ ಓದಿ: WPL 2025 ಟ್ರೋಫಿ ಗೆದ್ದ ಮುಂಬೈ ಇಂಡಿಯನ್ಸ್..​ ಎಷ್ಟು ಕೋಟಿ ರೂಪಾಯಿ ಬಹುಮಾನ ಸಿಗುತ್ತೆ?

ಬಹುಮಾನ ಪಡೆದ ಮುಂಬೈ ಇಂಡಿಯನ್ಸ್ 5 ಆಟಗಾರ್ತಿಯರು

ಉದಯೋನ್ಮುಖ ಆಟಗಾರ್ತಿ ಅಮನ್‌ಜೋತ್ ಕೌರ್- 5 ಲಕ್ಷ ರೂಪಾಯಿ
ಅತ್ಯಂತ ಮೌಲ್ಯಯುತ ಆಟಗಾರ್ತಿ ನ್ಯಾಟ್ ಸಿವರ್-ಬ್ರಂಟ್- 5 ಲಕ್ಷ ರೂಪಾಯಿ
ಆರೆಂಜ್ ಕ್ಯಾಪ್ ಪಡೆದ ಆಟಗಾರ್ತಿ ನ್ಯಾಟ್ ಸಿವರ್-ಬ್ರಂಟ್- 5 ಲಕ್ಷ ರೂಪಾಯಿ
(523 ರನ್‌)
ಪರ್ಪಲ್ ಕ್ಯಾಪ್ ಪಡೆದ ಆಟಗಾರ್ತಿ ಅಮೇಲಿಯಾ ಕೆರ್- 5 ಲಕ್ಷ ರೂಪಾಯಿ (18 ವಿಕೆಟ್‌ಗಳು)
ಟೂರ್ನಿಯಲ್ಲಿ ಅತಿ ಹೆಚ್ಚು ಡಾಟ್ ಬಾಲ್‌ ಮಾಡಿದ ಪ್ಲೇಯರ್ ಶಬ್ನಿಮ್ ಇಸ್ಮಾಯಿಲ್- 5 ಲಕ್ಷ ರೂಪಾಯಿ (131 ಡಾಟ್ ಬಾಲ್‌)

ಇತರೆ ತಂಡದ ಆಟಗಾರ್ತಿಯರು

ಹೆಚ್ಚು ಸಿಕ್ಸರ್‌ ಬಾರಿಸಿದ ಆಟಗಾರ್ತಿ ಆಶ್ಲೀ ಗಾರ್ಡ್ನರ್- 5 ಲಕ್ಷ ರೂಪಾಯಿ (ಗುಜರಾತ್ ಜೈಂಟ್ಸ್, 18 ಸಿಕ್ಸರ್‌)

ಅತ್ಯುತ್ತಮ ಸ್ಟ್ರೈಕ್ ರೇಟ್ ಹೊಂದಿದ ಆಟಗಾರ್ತಿ ಚಿನೆಲ್ಲೆ ಹೆನ್ರಿ- 5 ಲಕ್ಷ ರೂಪಾಯಿ (ಯುಪಿ ವಾರಿಯರ್ಜ್)

ಟೂರ್ನಿಯಲ್ಲಿ ಹೆಚ್ಚು ಕ್ಯಾಚ್ ಪಡೆದ ಪ್ಲೇಯರ್ ಅನ್ನಾಬೆಲ್ ಸದರ್ಲ್ಯಾಂಡ್- 5 ಲಕ್ಷ ರೂಪಾಯಿ (ದೆಹಲಿ ಕ್ಯಾಪಿಟಲ್ಸ್)

ಫೇರ್ ಪ್ಲೇ ಪ್ರಶಸ್ತಿ ಪಡೆದ ಟೀಮ್- ಗುಜರಾತ್ ಜೈಂಟ್ಸ್

• ಮುಂಬೈ ಇಂಡಿಯನ್ಸ್​ ಟ್ರೋಫಿ ವಿನ್ನರ್- 6 ಕೋಟಿ ರೂಪಾಯಿಗಳು
• ಡೆಲ್ಲಿ ಕ್ಯಾಪಿಟಲ್ಸ್​ ರನ್ನರ್ ಅಪ್​- 3 ಕೋಟಿ ರೂಪಾಯಿಗಳು

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ