Toxic: ನಟಿಯಾಗಿಯೂ ಸೈ, ನಿರ್ದೇಶಕಿಯಾಗಿಯೂ ಜೈ! ಯಶ್​ಗೆ ಆ್ಯಕ್ಷನ್​ ಕಟ್​​ ಹೇಳುತ್ತಿರುವ ಗೀತು ಯಾರು?

‘ಟಾಕ್ಸಿಕ್’ ಯಶ್​ 19ನೇ ಸಿನಿಮಾ. ಇಂದು ಈ ಸಿನಿಮಾದ ಟೈಟಲ್​ ಅನೌನ್ಸ್​ ಆಗಿದೆ. ಕೆವಿಎನ್​ ಪ್ರೊಡಕ್ಷನ್​ನಡಿ ಈ ಸಿನಿಮಾ ಮೂಡಿಬರುತ್ತಿದ್ದು, ಯ್ಯೂಟೂಬ್​ನಲ್ಲಿ ಟೈಟಲ್​ ರಿಲೀಸ್​ ಆಗುತ್ತಿದ್ದಂತೆ ಅಭಿಮಾನಿಗಳ ಪುಲಕ ಇನ್ನಷ್ಟು ಹೆಚ್ಚಾಗಿದೆ. ಅಂದಹಾಗೆಯೇ ಈ ಸಿನಿಮಾವನ್ನ ಮಹಿಳಾ ಮಣಿಯೊಬ್ಬರು ನಿರ್ದೇಶನ ಮಾಡುತ್ತಿದ್ದಾರೆ.

ಯಶ್​ಗೆ ಈ ಬಾರಿ ನಟಿ, ನಿರ್ದೇಶಕಿ ಗೀತು ಮೋಹನ್​ದಾಸ್​​ ಆ್ಯಕ್ಷನ್​ ಕಟ್​ ಹೇಳುತ್ತಿದ್ದಾರೆ. ಮಲಯಾಳಂ ಮೂಲದ ಗೀತು ಈ ಬಾರಿ ಯಶ್​ಗೆ ಮತ್ತೆ ಸಕ್ಸಸ್​​ ದಾರಿ ತೋರಿಸಲು ಮುಂದಾಗಿದ್ದಾರೆ.

ಯಾರು ಈ ಗೀತು ಮೋಹನ್ ದಾಸ್?

ಗೀತು ಅವರ ಮತ್ತೊಂದು ಹೆಸರು ಗಾಯತ್ರಿ ದಾಸ್​. ಮೊದಲೇ ಹೇಳಿದಂತೆ ಗೀತು ಮೋಹನ್ ದಾಸ್​ ಮಲಯಾಳಂ ನಟಿ ಹಾಗೂ ನಿರ್ದೇಶಕಿ. ಒಂದು ಕಿರುಚಿತ್ರ ಹಾಗೂ ಎರಡು ಫೀಚರ್ ಸಿನಿಮಾ ಮಾಡಿದ್ದಾರೆ.

2014ರಲ್ಲಿ ತೆರೆಗೆ ಬಂದಿದ್ದ 'ಲಾಯರ್ಸ್​ ಡೈಸ್​' ಸಿನಿಮಾದ ಮೂಲಕ ಭಾರೀ ಜನಪ್ರಿಯತೆ ಗಳಿಸಿದ ಗೀತು ಇದೇ ಸಿನಿಮಾಗೆ ಎರಡು ರಾಷ್ಟ್ರ ಪ್ರಶಸ್ತಿ ಪಡೆದಿದ್ದಾರೆ. ಮಾತ್ರವಲ್ಲದೆ, ಈ ಸಿನಿಮಾದ ಅತ್ತುತ್ತಮ ನಟಿ ಗೀತಾಂಜಲಿ ತಪ್ಪ ಹಾಗೂ ಅತ್ಯುತ್ತಮ ಛಾಯಾಗ್ರಾಹಕ ರಾಜೀವ್ ರವಿಗೆ ಕೂಡ ಪ್ರಶಸ್ತಿ ಬಂದಿತ್ತು.2019ರಲ್ಲಿ ಗೀತು ಮೋಹನ್​ 'ಮೂತನ್' ಸಿನಿಮಾ ಮಾಡಿದ್ದು ಈ ಚಿತ್ರ ಹಲವು ಫಿಲಂ ಫೆಸ್ಟಿವಲ್​ಗಳಲ್ಲಿ ಮೆಚ್ಚುಗೆ ಪಡೆದುಕೊಂಡಿದೆ.

ನಟಿಯಾಗಿಯೂ ಸೈ, ನಿರ್ದೇಶಕಿಯಾಗಿಯೂ ಜೈ!

ಗೀತು ಮೋಹನ್ ದಾಸ್​ ಬಾಲನಟಿ, ಪೋಷಕನಟಿಯಾಗಿ ಖ್ಯಾತಿ ಪಡೆದಿದ್ದಾರೆ. 1986ರಲ್ಲಿ ಚೊಚ್ಚಲ ಬಾರಿಗೆ ಗೀತು ಮೋಹನ್ ದಾಸ್ ನಟಿಸಿದ್ದು, ಅವರ ನಟನೆಗೆ ಕೇರಳ ರಾಜ್ಯ ಚಲನಚಿತ್ರ ಅತ್ಯುತ್ತಮ ಬಾಲನಟಿ ಪ್ರಶಸ್ತಿ ಕೂಡ ಸಿಕ್ಕಿದೆ.

2004ರಲ್ಲಿ 'ಆಕಲೇ' ಚಿತ್ರದ ನಟನೆಗಾಗಿ ಅತ್ಯುತ್ತಮ ನಟಿ ಕೇರಳ ರಾಜ್ಯ ಚಲನಚಿತ್ರ ಪ್ರಶಸ್ತಿ ಲಭಿಸಿದೆ. ಈ ಚಿತ್ರದ ನಟನೆ ಫಿಲಂ ಫೇರ್ ಪ್ರಶಸ್ತಿನೂ ಬಂದಿದೆ. 2009ರಲ್ಲಿ ನಾಮಲ್ ತಮ್ಮಿಲ್ ಚಿತ್ರದಲ್ಲಿ ಗೀತು ಮೋಹನ್ ದಾಸ್ ಕೊನೆಯದಾಗಿ ನಟಿಸಿದ್ದರು. ಸದ್ಯ ಯಶ್​​ಗೆ ಆ್ಯಕ್ಷನ್​ ಕಟ್​​ ಹೇಳಲು ಗೀತು ಮೋಹನ್​ ದಾಸ್​ ಮುಂದಾಗಿದ್ದಾರೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ