ಸ್ಯಾಂಡಲ್​ವುಡ್ ಸಿಂಡ್ರೆಲಾ ರಾಧಿಕಾ ಪಂಡಿತ್ ಬರ್ತ್​ಡೇ ಸಂಭ್ರಮ ಹೇಗಿತ್ತು..? ಫೋಟೋಸ್

ಸ್ಯಾಂಡಲ್‌ವುಡ್​ನ ಮೋಸ್ಟ್ ಬ್ಯೂಟಿಫುಲ್​ ನಟಿ ಅಂದ್ರೆ ಅದು ರಾಧಿಕಾ ಪಂಡಿತ್‌. ಇವರು ಮಾರ್ಚ್​ 7 ರಂದು 41ನೇ ವಂಸತಕ್ಕೆ ಕಾಲಿರಿಸಿದ್ದು ಅಭಿಮಾನಿಗಳೊಟ್ಟಿಗೆ ಹುಟ್ಟುಹಬ್ಬ ಆಚರಿಸಿಕೊಂಡು ಫುಲ್ ಹ್ಯಾಪಿಯಾಗಿದ್ದಾರೆ. ಈ ಬ್ಯೂಟಿಫುಲ್ ಹೀರೋಯಿನ್​ಗೆ 41 ವರ್ಷ ಕಳೆದರು ಇನ್ನು 18ರ ಚೆಲುವೆ ಎಂಬಂತೆ ಕಾಣುತ್ತಿರುವುದು ಫ್ಯಾನ್ಸ್​ಗೆ ಅಚ್ಚರಿ ಆಗಿದೆ.

ಸ್ಯಾಂಡಲ್​ವುಡ್ ಸಿಂಡ್ರೆಲ್ಲಾ ಎಂದೇ ಖ್ಯಾತಿ ಪಡೆದಿರುವ ರಾಧಿಕಾ ಪಂಡಿತ್ 41ನೇ ವಸಂತಕ್ಕೆ ಕಾಲಿಟ್ಟಿರುವ ಸಂದರ್ಭ ಫ್ಯಾನ್ಸ್​ ಜೊತೆ ಕೇಕ್ ಕಟ್ ಮಾಡಿ ಸಂಭ್ರಮಿಸಿದ್ದಾರೆ. ಸೋಶಿಯಲ್ ಮೀಡಿಯಾದಲ್ಲಿ ಎಷ್ಟೋ ಅಭಿಮಾನಿಗಳು ಶುಭಾಶಯ ಕೋರಿದ್ದಾರೆ. ಅಲ್ಲದೇ ರಾಧಿಕಾ ಪಂಡಿತ್ ನಿವಾಸದ ಬಳಿ ಆಗಮಿಸಿದ್ದ ಫ್ಯಾನ್ಸ್​ ಕೇಕ್ ತಂದು ನಟಿಯ ಕೈಯಿಂದಲೇ ಕಟ್ ಮಾಡಿಸಿ, ಬಳಿಕ ವಿಶ್ ಮಾಡಿದ್ದಾರೆ. ಜೊತೆಗೆ ಸೆಲ್ಫಿ ಫೋಟೋ ಕೂಡ ಕ್ಲಿಕ್ ಮಾಡಿಕೊಂಡಿದ್ದಾರೆ.

ಕನ್ನಡ ಚಿತ್ರರಂಗದಲ್ಲಿ ತನ್ನದೇ ಆದ ಛಾಪು ಮೂಡಿಸಿರುವ ರಾಧಿಕಾ ಪಂಡಿತ್‌ ಸಿನಿ ರಂಗದಲ್ಲಿ ಆಕ್ಟಿವ್‌ ಆಗಿರುವಷ್ಟು ದಿನ ಹೀರೋಯಿನ್ ಆಗಿ ಮೆರೆದಿದ್ದಾರೆ. ಜನ್ಮದಿನದ ಅಂಗವಾಗಿ ಅವರ ಕುಟುಂಬಸ್ಥರು, ಆತ್ಮೀಯರು ಭಾಗಿಯಾಗಿ ವಿಶ್ ಮಾಡಿದ್ದಾರೆ.

ಪತಿ ಯಶ್​ ಜೊತೆ ರಾಧಿಕಾ ಪಂಡಿತ್ ಅದ್ಧೂರಿಯಾಗಿ ಬರ್ತ್ ಡೇ ಸೆಲೆಬ್ರೇಷನ್ ಮಾಡಿಕೊಂಡಿದ್ದಾರೆ. ಹುಟ್ಟುಹಬ್ಬದ ಅಂಗವಾಗಿ ನಿನ್ನೆ ಬೆಳಗ್ಗೆ ನೂರಾರು ಅಭಿಮಾನಿಗಳನ್ನು ಭೇಟಿಯಾಗಿದ್ದರು. ಈ ವೇಳೆ ಅವರು ಕೊಟ್ಟ ಗಿಫ್ಟ್ ಅನ್ನು ಸ್ವೀಕರಿಸಿದರು. ಸಂಜೆ ವೇಳೆಗೆ ಆಪ್ತರು, ಕುಟುಂಬಸ್ಥರ‌ ಜೊತೆ ಹುಟ್ಟುಹಬ್ಬ ಸೆಲೆಬ್ರೆಷನ್ ಮಾಡಿದರು.‌ ಬರ್ತ್​ಡೇ ಸಂಭ್ರಮದ ವೀಡಿಯೋ ವೈರಲ್‌ ಆಗಿದೆ.

ರಾಧಿಕಾ ಪಂಡಿತ್ ಕನ್ನಡ ಚಲನಚಿತ್ರಕ್ಕೆ ಮೊದಲು ಕಿರುತೆರೆ ನಟಿಯಾಗಿ ಆಗಮಿಸಿದರು. ಬಳಿಕ ಹಲವಾರು ಸಿನಿಮಾಗಳಲ್ಲಿ ಅಭಿನಯ ಮಾಡಿ ಪ್ರಮುಖ ನಟಿಯಾಗಿ ಗುರುತಿಸಿಕೊಂಡರು. ನಂದಗೋಕುಲ ಮತ್ತು ಸುಮಂಗಲಿ ಮುಂತಾದ ಟೆಲಿವಿಷನ್ ಧಾರಾವಾಹಿಗಳಲ್ಲಿ ರಾಧಿಕಾ ಪಂಡಿತ್ ಕೆಲಸ ಮಾಡಿದ್ದಾರೆ.

ಇದನ್ನೂ ಓದಿ: ಸ್ಟಾರ್​ ಕ್ರಿಕೆಟರ್​ಗೆ ಗುಡ್​ನ್ಯೂಸ್​ ಸಿಗುತ್ತಾ.. ಶ್ರೇಯಸ್ ಅಯ್ಯರ್​ಗೆ ಒಲಿಯುತ್ತಾ ಮಹತ್ವದ ಕಾಂಟ್ರ್ಯಾಕ್ಟ್?​

2008ರಲ್ಲಿ ಯಶ್​ ಜೊತೆ ಅಭಿನಯ ಮಾಡಿದ್ದ ಮೊಗ್ಗಿನ ಮನಸು ಸಿನಿಮಾ ಮೂಲಕ ಕನ್ನಡ ಸಿನಿ ಲೋಕಕ್ಕೆ ಪದಾರ್ಪಣೆ ಮಾಡಿದ್ದರು. ಈ ಸಿನಿಮಾದ ಮೂಲಕ ರಾಧಿಕಾ ಹಾಗೂ ಯಶ್​ ಸಿನಿಮಾ ಕ್ಷೇತ್ರದಲ್ಲಿ ಅದ್ಭುತ ಪ್ರತಿಭೆಗಳಾಗಿ ಹೆಸರು, ಖ್ಯಾತಿ ಎಲ್ಲವೂ ಪಡೆದರು. ಜೊತೆಗೆ ನಂತರದ ದಿನಗಳಲ್ಲಿ ಇಬ್ಬರು ದಾಂಪತ್ಯ ಜೀವನಕ್ಕೆ ಕಾಲಿಟ್ಟರು. ಸದ್ಯ ಈ ಸ್ಟಾರ್​​ ಜೋಡಿಗೆ ಇಬ್ಬರು ಮಕ್ಕಳಿದ್ದಾರೆ.

ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ