ಟೀಂ ಇಂಡಿಯಾದಲ್ಲಿ ದೊಡ್ಡ ವಿವಾದ.. ಅಗರ್ಕರ್ ವಿರುದ್ಧ ಭುಗಿಲೆದ್ದ ಆಕ್ರೋಶ..

ಚಾಂಪಿಯನ್ಸ್​ ಟ್ರೋಫಿ ಆರಂಭಕ್ಕೆ ದಿನಗಣನೆ ಶುರುವಾಗಿದೆ. ಜಸ್ಟ್​ ಆರೇ ಆರು ದಿನ ಬಾಕಿಯಿದೆ. ಇಂಗ್ಲೆಂಡ್ ಸರಣಿ ಮುಗಿಸಿರುವ ಟೀಮ್ ಇಂಡಿಯಾ, ಇನ್ನೇನು ದುಬೈ ಫ್ಲೈಟ್ ಏರೋದೊಂದೇ ಬಾಕಿಯಿತ್ತು. ದುಬೈ ಪ್ಲೈಟ್ ಏರುವ ಮುನ್ನವೇ ಟೀಮ್ ಇಂಡಿಯಾದಲ್ಲಿ ಆದ ಬದಲಾವಣೆ ವಿವಾದಕ್ಕೆ ದಾರಿ ಮಾಡಿಕೊಟ್ಟಿದೆ. ​

18, ಜನವರಿ.. 2025.. ಚಾಂಪಿಯನ್ಸ್​ ಟ್ರೋಫಿಗೆ ಟೀಮ್ ಇಂಡಿಯಾ ಪ್ರಕಟವಾಗಿದ್ದ ದಿನ. ಅವತ್ತು ಚಾಂಪಿಯನ್ಸ್​ ಟ್ರೋಫಿಗೆ ಪ್ರಕಟಿಸಿದ್ದ ತಂಡ ನೋಡಿ, ಸೆಲೆಕ್ಷನ್ ಕಮಿಟಿಯನ್ನು ಹಾಡಿಹೊಳಿದ್ದೇ ಹೆಚ್ಚು. 12 ವರ್ಷಗಳ ಬಳಿಕ ಮತ್ತೆ ಚಾಂಪಿಯನ್ಸ್​ ಟ್ರೋಫಿಗೆ ಟೀಮ್ ಇಂಡಿಯಾ ಮುಡಿಗೇರುತ್ತೆ ಎಂದು ಭವಿಷ್ಯ ನುಡಿದವರ ಸಂಖ್ಯೆಯಂತೂ ಲೆಕ್ಕಕ್ಕಿಲ್ಲ. ಕೊನೆ ಕ್ಷಣದಲ್ಲಾದ ಬದಲಾವಣೆ ಟೀಮ್ ಇಂಡಿಯಾ ಅಭಿಮಾನಿಗಳಿಗೆ ಅಘಾತ ತರಿಸಿದೆ. ಪ್ರಶ್ನೆಗಳ ಜೊತೆಗೆ ವಿವಾದಕ್ಕೆ ಎಡೆ ಮಾಡಿಕೊಟ್ಟಿದೆ.

ಯಶಸ್ವಿ ಜೈಸ್ವಾಲ್​ನ ಕೈಬಿಟ್ಟಿದ್ದು ನ್ಯಾಯನಾ?

ಭಾರತೀಯ ಕ್ರಿಕೆಟ್ ಲೋಕದ ಹಾಟ್ ಟಾಫಿಕ್​ ಯಶಸ್ವಿ ಜೈಸ್ವಾಲ್. ಟೆಸ್ಟ್​, ಟಿ20 ಫಾರ್ಮೆಟ್​ನಲ್ಲಿ ಸಾಲಿಡ್ ಆಟವಾಡಿದ್ದ ಜೈಸ್ವಾಲ್, ಸಹಜವಾಗೇ ಇಂಗ್ಲೆಂಡ್ ಎದುರಿನ ಏಕದಿನ ಸರಣಿಗೆ ಬುಲಾವ್ ಪಡೆದಿದ್ರು. ಚಾಂಪಿಯನ್ಸ್​ ಟ್ರೋಫಿ ತಂಡದಲ್ಲಿ ಬ್ಯಾಕ್​ ಅಪ್​​ ಓಪನರ್​ ಆಗಿದ್ದ ಜೈಸ್ವಾಲ್, ಈಗ ಚಾಂಫಿಯನ್ಸ್​ ಟ್ರೋಪಿಯಿಂದ ಔಟ್ ಆಗಿದ್ದಾರೆ. ಇದು ಸಹಜವಾಗೇ ಜೈಸ್ವಾಲ್​ನ ಕೈಬಿಟ್ಟಿದೆಷ್ಟು ಸರಿ ಎಂಬ ಪ್ರಶ್ನೆ ಹುಟ್ಟಿಹಾಕಿದೆ.

ಇದನ್ನೂ ಓದಿ:WPL ಶುರು.. ಈ ಬಾರಿ ವಿಶೇಷತೆ ಏನು? ಗೆದ್ದ ತಂಡಕ್ಕೆ ಎಷ್ಟು ಕೋಟಿ ಸಿಗಲಿದೆ..?

ಒಂದೇ ಚಾನ್ಸ್​.. ಜೈಸ್ವಾಲ್​ನ ಹೊರಗಿಟ್ಟಿದ್ದೇಕೆ..?

ಚಾಂಫಿಯನ್ಸ್ ಟ್ರೋಫಿಯ ದೃಷ್ಟಿಯಿಂದಲೇ ಇಂಗ್ಲೆಂಡ್ ಸರಣಿಗೆ ಆಯ್ಕೆ ಮಾಡಿದ್ದ ಸೆಲೆಕ್ಷನ್ ಕಮಿಟಿ, ನಾಗ್ಪುರದಲ್ಲಿ ಅವಕಾಶವನ್ನು ನೀಡಿ​ತ್ತು. ಒಂದೇ ಒಂದು ಚಾನ್ಸ್​ ನೀಡಿ ನಂತರದ ಎರಡೂ ಪಂದ್ಯಗಳಲ್ಲಿ ಬೆಂಚ್ ಕಾಯಿಸ್ತು. ಆದ್ರೀಗ ಏಕಾಏಕಿ ಚಾಂಪಿಯನ್ಸ್​ ಟ್ರೋಫಿಯಿಂದ ಹೊರಗಿಟ್ಟಿರುವ ಬಿಸಿಸಿಐ, ಯಾವುದೇ ರೀಸನ್ ಕೂಡ ನೀಡಲ್ಲ. ತಂಡದ ಟಾಪ್ ಆರ್ಡರ್​ನಲ್ಲಿ ಲೆಫ್ಟಿ ಬ್ಯಾಟರ್ ಇಲ್ಲ. ಬ್ಯಾಕ್ ಅಪ್ ಓಪನರ್ ಕೂಡ ಇಲ್ಲ. ಇಂಥಹ ಸಮಯದಲ್ಲಿ ಜೈಸ್ವಾಲ್ ಡ್ರಾಪ್, ಸಹಜವಾಗೇ ವಿವಾದಕ್ಕೀಡಾಗುವಂತೆ ಮಾಡಿದೆ.

ವರುಣ್ ಚಕ್ರವರ್ತಿಗಾಗಿ ಜೈಸ್ವಾಲ್​​ಗೆ ಅನ್ಯಾಯ..?

ಯುವ ಆಟಗಾರ, ಏಕದಿನ ಅನುಭವ ಯಶಸ್ವಿ ಜೈಸ್ವಾಲ್​ಗೆ ಇಲ್ಲ. ಜೈಸ್ವಾಲ್ ಸ್ಥಾನದಲ್ಲಿ ಮಿಸ್ಟರಿ ಸ್ಪಿನ್ನರ್ ವರುಣ್ ಚಕ್ರವರ್ತಿಗೆ ಸ್ಥಾನ ನೀಡಲಾಗಿದೆ. ಇದು ಸಹಜವಾಗೇ ವರುಣ್ ಚಕ್ರವರ್ತಿಗಾಗಿ ಜೈಸ್ವಾಲ್​ಗೆ ಮಾಡಿದ ಅನ್ಯಾಯ ಅಂತಾನೇ ಬಿಂಬಿತವಾಗ್ತಿದೆ. ಈಗಾಗಲೇ ತಂಡದಲ್ಲಿ ನಾಲ್ವರು ಸ್ಪಿನ್ನರ್​ಗಳಿರುವಾಗ ವರುಣ್ ಚಕ್ರವರ್ತಿ, ಯಾಕೆಂಬ ಚರ್ಚೆಗೂ ನಾಂದಿಯಾಡಿದೆ. ಮುಖ್ಯ ಆಯ್ಕೆಗಾರ ಅಜಿತ್ ಅಗರ್ಕರ್ ವಿರುದ್ಧ ಆಕ್ರೋಶ ವ್ಯಕ್ತವಾಗಿದೆ.

ಇದನ್ನೂ ಓದಿ: Valentine’s Day: ಗಂಡನ ಸಾಲದಿಂದ ಚಿಗುರಿದ ಪ್ರೀತಿ.. ವಸೂಲಿಗೆ ಬರ್ತಿದ್ದ ಏಜೆಂಟ್ ಜೊತೆ ಲೇಡಿ ಪರಾರಿ..!

ಬೂಮ್ರಾ ಇಲ್ಲದ ಬೌಲಿಂಗ್ ವಿಭಾಗಕ್ಕೆ ಸ್ಟ್ರೆಂಥ್ ಯಾರು?

ಬೂಮ್ರಾ ಇಲ್ಲದ ಬೌಲಿಂಗ್ ವಿಭಾಗ ಈಗ ಬಡವಾಗಿದೆ. ಬೂಮ್ರಾ ಬದಲಿ ಆಟಗಾರನಾಗಿ ಹರ್ಷಿತ್ ರಾಣಾ ಸೇರಿಕೊಂಡಿದ್ದಾರೆ. ಇದು ಸಹಜವಾಗೇ ಟೀಮ್ ಇಂಡಿಯಾ ಪೇಸ್ ಅಟ್ಯಾಕ್​ನ ಬಲವನ್ನೇ ಪ್ರಶ್ನಿಸುತ್ತಿದೆ. ಯಾಕಂದ್ರೆ, ಕಮ್​ಬ್ಯಾಕ್​ ಮಾಡಿದ ಮೊಹಮ್ಮದ್ ಶಮಿ ಬೌಲಿಂಗ್​ನಲ್ಲಿ ಧಮ್ ಇಲ್ಲ. ಟಿ20ಯಲ್ಲಿ ಫ್ರೂವ್ ಮಾಡಿರುವ ಆರ್ಶ್​ದೀಪ್ ಸಿಂಗ್, ಏಕದಿನ ಫಾರ್ಮೆಟ್​​ನ ಅನುಭವ ಇಲ್ಲ. ಇಂಥಹ ಟೈಮ್​ನಲ್ಲಿ ಅನುಭವಿ ಮೊಹಮ್ಮದ್ ಸಿರಾಜ್​ಗೆ ಸ್ಥಾನ ನೀಡಬೇಕಿದ್ದ ಸೆಲೆಕ್ಷನ್​ ಕಮಿಟಿ, ಹರ್ಷೀತ್ ರಾಣಾನ ತಂಡಕ್ಕೆ ಸೇರಿಸಿಕೊಂಡಿದೆ. ಇದು ನಿಜಕ್ಕೂ ಟೀಮ್ ಇಂಡಿಯಾಗಾಗಿರುವ ಬಿಗ್​ ಸೆಟ್​ಬ್ಯಾಕ್.

2019, 2021 ಐಸಿಸಿ ಟೂರ್ನಿ ನೆನಪಿಸುತ್ತಾ?

ಒಂದೇ ಒಂದು ತಪ್ಪು ನಿರ್ಣಯಕ್ಕೆ ಟೀಮ್ ಇಂಡಿಯಾ, 2019ರ ಏಕದಿನ ವಿಶ್ವಕಪ್, 2021ರ ಟಿ20 ವಿಶ್ವಕಪ್​ ಟೂರ್ನಿಯನ್ನ ಬೆಲೆ ತೆತ್ತಿತ್ತು. 2019ರಲ್ಲಿ ಅಂಬಾಟಿ ರಾಯುಡುನ ಕೈಬಿಟ್ಟು, ವಿಜಯ್​ಶಂಕರ್​​ಗೆ ಚಾನ್ಸ್ ನೀಡಿತ್ತು. ಅದೇ ರೀತಿ 2021ರಲ್ಲಿ ದುಬೈನಲ್ಲೇ ನಡೆದಿದ್ದ ಟಿ20 ವಿಶ್ವಕಪ್​ನಲ್ಲಿ ಯಜುವೇಂದ್ರ ಚಹಲ್​ನ ಡ್ರಾಪ್ ಮಾಡಿದ್ದ ಬಿಸಿಸಿಐ, ಇದೇ ವರುಣ್ ಚಕ್ರವರ್ತಿಗೆ ಬುಲಾವ್ ನೀಡಿತ್ತು. ಆದ್ರೀಗ ಜೈಸ್ವಾಲ್ ಬದಲಾಗಿ ವರುಣ್​ಗೆ ಅವಕಾಶ ನೀಡಿದೆ. ಬೂಮ್ರಾ ಸ್ಥಾನಕ್ಕೆ ಅನಾನುಭವಿ ಹರ್ಷಿತ್ ರಾಣಾನ ಕರೆತಂದಿದೆ. ಆದ್ರೀಗ ಈ ಎರಡು ಮಹಾ ಅಪರಾಧಗಳು, ಚಾಂಪಿಯನ್ಸ್​ ಟ್ರೋಫಿ ಕನಸನ್ನು ನುಚ್ಚುನೂರು ಮಾಡಿದ್ರ ಅಚ್ಚರಿ ಪಡೆಬೇಕಿಲ್ಲ.

ಇದನ್ನೂ ಓದಿ: ನಮ್ಮ ಮೆಟ್ರೋ ಈ ಮಾರ್ಗಗಳಲ್ಲಿ ಟಿಕೆಟ್ ಬೆಲೆ ಕಡಿಮೆ ಮಾಡಿಲ್ಲ

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ