ರೋಹಿತ್​​​ ಬಳಿಕ ಟೀಮ್​ ಇಂಡಿಯಾಗೆ ಯುವ ಆಟಗಾರ​ ಕ್ಯಾಪ್ಟನ್​​​; ಬಿಸಿಸಿಐನಿಂದ ಮಹತ್ವದ ನಿರ್ಧಾರ

ರೋಹಿತ್​ ಶರ್ಮಾ ಬಳಿಕ ಟೀಮ್​ ಇಂಡಿಯಾ ಕ್ಯಾಪ್ಟನ್​ ಯಾರು? ಈ ಪ್ರಶ್ನೆಗೆ ಸರ್​​​ಪ್ರೈಸ್​ ಉತ್ತರ ಬಂದಿದೆ. ಚಾಂಪಿಯನ್ಸ್​ ಟ್ರೋಫಿ ಅಂತ್ಯದೊಂದಿಗೆ ರೋಹಿತ್​ ಶರ್ಮಾ ಯುಗ ಟೀಮ್​ ಇಂಡಿಯಾದಲ್ಲಿ ಅಂತ್ಯವಾಗಲಿದ್ದು, ನೂತನ ನಾಯಕನ ನೇಮಕಕ್ಕೆ ಸಿದ್ಧತೆ ಆರಂಭವಾಗಿದೆ. ಅಚ್ಚರಿಯೆಂಬಂತೆ ಯಂಗ್​ಗನ್​ ಯಶಸ್ವಿ ಜೈಸ್ವಾಲ್​ ಹೆಸ್ರು ಈ ರೇಸ್​ನಲ್ಲೂ ಮುಂಚೂಣಿಯಲ್ಲಿ ಕೇಳಿ ಬಂದಿದೆ.

ಬಾರ್ಡರ್​​-ಗವಾಸ್ಕರ್​​ ಟೆಸ್ಟ್​​ ಸರಣಿ ಸೋಲಿನ ಪೋಸ್ಟ್​ ಮಾರ್ಟಂ ಪ್ರಕ್ರಿಯೆ ಅಂತ್ಯಕಂಡಿದೆ. ಇತ್ತೀಚೆಗೆ ನಡೆದ ಬಿಸಿಸಿಐ ಸಭೆಯಲ್ಲಿ ಹಲವು ಬಿಸಿಬಿಸಿ ಚರ್ಚೆಗಳು ನಡೆದಿವೆ. ಇದೇ ಮೀಟಿಂಗ್​ನಲ್ಲಿ ನೂತನ ನಾಯಕನ ಹುಡುಕಾಟಕ್ಕೂ ಮುನ್ನುಡಿ ಬರೆದಿದೆ. ಇಷ್ಟು ದಿನ ಜಸ್​​ಪ್ರಿತ್​ ಬೂಮ್ರಾ, ಕೆ.ಎಲ್​ ರಾಹುಲ್​, ರಿಷಭ್​ ಪಂತ್​, ಶುಭ್​​ಮನ್​ ಗಿಲ್​ ಹೆಸರು ಭವಿಷ್ಯದ ನಾಯಕನ ರೇಸ್​ನಲ್ಲಿದ್ದವು. ಆದ್ರೀಗ, ಅಚ್ಚರಿ ಎಂಬಂತೆ ಯಾರೂ ನಿರೀಕ್ಷೆ ಮಾಡಿರದ ಹೆಸರು, ಇದೀಗ ನಾಯಕನ ರೇಸ್​ನಲ್ಲಿ ಮುಂಚೂಣಿಗೆ ಬಂದಿದೆ.

ಆಸಿಸ್​​ ಪ್ರವಾಸದ ಸೋಲಿನೊಂದಿಗೆ​​ ಟೆಸ್ಟ್​ ಸರಣಿ ಅಂತ್ಯದೊಂದಿಗೆ ಟೆಸ್ಟ್​ ಕ್ರಿಕೆಟ್​ನಲ್ಲಿ ರೋಹಿತ್​ ಶರ್ಮಾ ನಾಯಕತ್ವ ಯುಗ ಅಂತ್ಯವಾಗಿದೆ. ಜೂನ್​ನಲ್ಲಿ ನಡೆಯೋ ಇಂಗ್ಲೆಂಡ್​ ಸರಣಿ ವೇಳೆಗೆ ಟೆಸ್ಟ್​ ಫಾರ್ಮೆಟ್​ಗೆ ಹೊಸ ನಾಯಕನನ್ನ ನೇಮಿಸಲು ಬಿಸಿಸಿಐ ವಲಯದಲ್ಲಿ ಚರ್ಚೆ ನಡೀತಿದೆ. ಬಹುತೇಕ ವೇಗಿ ಜಸ್​ಪ್ರಿತ್​ ಬೂಮ್ರಾಗೆ ಪಟ್ಟ ಕಟ್ತಾರೆ ಅನ್ನೋ ನಿರೀಕ್ಷೆ ಎಲ್ಲರದ್ದಾಗಿದೆ. ಆದ್ರೆ, ಇಂಜುರಿ ಸಮಸ್ಯೆ ಎದುರಾಗಿರೋದ್ರಿಂದ ಬೂಮ್ರಾಗೆ ನಾಯಕತ್ವ ನೀಡಲು ಬಿಸಿಸಿಐ ವಲಯದಲ್ಲೇ ವಿರೋಧ ವ್ಯಕ್ತವಾಗ್ತಿದೆ. ಬೂಮ್ರಾ ಬದಲು ಯುವ ಆಟಗಾರರ ಹೆಗಲಿದೆ ಜವಾಬ್ದಾರಿ ನೀಡಲು ಚಿಂತನೆ ನಡೆದಿದೆ.

ಭವಿಷ್ಯದ ನಾಯಕನ ರೇಸ್​​ನಲ್ಲಿ 23 ವರ್ಷದ ಯಂಗ್​​ಗನ್​.!

ಯಶಸ್ವಿ ಜೈಸ್ವಾಲ್, ಟೀಮ್​ ಇಂಡಿಯಾದ ನಯಾ ಸೆನ್ಸೇಷನ್​.! ಇಂಟರ್ ​ನ್ಯಾಷನಲ್​ ಕ್ರಿಕೆಟ್​​ಗೆ ಡೆಬ್ಯೂ ಮಾಡಿದ ಒಂದೇ ವರ್ಷಕ್ಕೆ ವಿಶ್ವ ಕ್ರಿಕೆಟ್​​ ಲೋಕದ ಸಖತ್​ ಸೌಂಡ್​ ಮಾಡಿದ ಹೆಸರಿದು. ಭಾರತದಲ್ಲಿ ಮಾತ್ರವಲ್ಲ.. ವೆಸ್ಟ್​ ಇಂಡೀಸ್​, ಆಸ್ಟ್ರೇಲಿಯಾದಲ್ಲೂ ತನ್ನ ಫಿಯರ್​ಲೆಸ್​​ ಬ್ಯಾಟಿಂಗ್​ನಿಂದ ಯಶಸ್ವಿ ಜೈಸ್ವಾಲ್​ ಮಿಂಚಿದ್ದಾರೆ. ಜೈಸ್ವಾಲ್​ ಜಬರ್ದಸ್ತ್​ ಆಟಕ್ಕೆ ಕ್ರಿಕೆಟ್​ ಫ್ಯಾನ್ಸ್​ ಮಾತ್ರವಲ್ಲ.. ಟೀಮ್​ ಮ್ಯಾನೇಜ್​ಮೆಂಟ್​​, ಸೆಲೆಕ್ಟರ್ಸ್​ ಕೂಡ ಕ್ಲೀನ್​ಬೋಲ್ಡ್​ ಆಗಿದ್ದಾರೆ. ಸಾಲಿಡ್​​ ಆಟದಿಂದ ಇಂಪ್ರೆಸ್​​ ಮಾಡಿರೋ ಜೈಸ್ವಾಲ್, ಇದೀಗ ನಾಯಕನ ರೇಸ್​ಗೂ ಎಂಟ್ರಿ ಕೊಟ್ಟಿದ್ದಾರೆ.

ಯಶಸ್ವಿ ಜೈಸ್ವಾಲ್​ ಬೆನ್ನಿಗೆ ನಿಂತ ಕೋಚ್​ ಗಂಭೀರ್​​.!

ರೋಹಿತ್​ ಶರ್ಮಾ ಬಳಿಕ ಮುಂದಿನ ನಾಯಕ ಯಾರಾಗಬೇಕು ಎಂಬ ಚರ್ಚೆ ಬಿಸಿಸಿಐ ಸಭೆಯಲ್ಲಿ ನಡೆದಿದೆ. ಈ ಪ್ರಶ್ನೆ ಎದುರಾದಾಗ ಹೆಡ್​ ಕೋಚ್​ ಗೌತಮ್​​ ಗಂಭೀರ್​, ಯಶಸ್ವಿ ಜೈಸ್ವಾಲ್​ ಎಂಬ ಆನ್ಸರ್​ ಕೊಟ್ಟಿದ್ದಾರೆ. 23 ವರ್ಷದ ಜೈಸ್ವಾಲ್​ಗೆ ನಾಯಕತ್ವ ನೀಡಿದ್ರೆ, ಲಾಂಗ್​​ ಟೈನ್​ ರನ್​ ಮಾಡಬಹುದು ಅನ್ನೋದು ಗಂಭೀರ್ ಅಭಿಪ್ರಾಯವಾಗಿದೆ. ಬ್ಯಾಟಿಂಗ್​ನಲ್ಲಿ ಈಗಾಗಲೇ ಜೈಸ್ವಾಲ್​ ಸಾಮರ್ಥ್ಯ ನಿರೂಪಿಸಿದ್ದಾರೆ. ಗೈಡ್​ ಮಾಡಲು ತಂಡದಲ್ಲಿ ಸೀನಿಯರ್ಸ್​ ಇರೊದ್ರಿಂದ ನಾಯಕತ್ವ ಜವಾಬ್ದಾರಿ ಜೈಸ್ವಾಲ್​ಗೆ ಹೊರೆಯಾಗಲ್ಲ ಅನ್ನೋದು ಗಂಭೀರ್​ ಅಭಿಪ್ರಾಯವಾಗಿದೆ.

ಜೈಸ್ವಾಲ್​ ಮಾತ್ರವಲ್ಲ ವಿಕೆಟ್​ ಕೀಪರ್​ ಬ್ಯಾಟ್ಸ್​ಮನ್​ ರಿಷಭ್​ ಪಂತ್​ ಹೆಸರು ಕೂಡ ಭವಿಷ್ಯದ ನಾಯಕನ ಹುದ್ದೆಗೆ ಚರ್ಚೆಯಾಗಿದೆ. ಬಹಳ ಹಿಂದೇ ರಿಷಭ್​ ಪಂತ್​ ಭವಿಷ್ಯದ ನಾಯಕ ಎಂದೇ ಬಿಂಬಿತವಾಗಿದ್ರು. ಆದ್ರೆ, ಆ್ಯಕ್ಸಿಡೆಂಟ್​​ಗೆ ತುತ್ತಾಗಿ ತಂಡದಿಂದ ಹೊರಬಿದ್ದ ಬಳಿಕ ಬೇರೆಲ್ಲಾ ಆಟಗಾರರು ರೇಸ್​ಗೆ ಬಂದಿದ್ರು. ಇದೀಗ ಸಾಲಿಡ್​​​ ಕಮ್​ಬ್ಯಾಕ್​ ಮಾಡಿ ಮಿಂಚಿರುವ ರಿಷಭ್​ ಪಂತ್​ ಮತ್ತೆ ಕ್ಯಾಪ್ಟನ್ಸಿ ಪಟ್ಟದ ಆಂಕಾಕ್ಷಿಗಳ ಲಿಸ್ಟ್​ಗೆ ಎಂಟ್ರಿ ಕೊಟ್ಟಿದ್ದಾರೆ.

ಜೈಸ್ವಾಲ್​ಗೆ ಹೋಲಿಸಿದ್ರೆ, ರಿಷಭ್​ ಪಂತ್​ ನಾಯಕತ್ವದ ಅನುಭವ ಹೆಚ್ಚಿದೆ. ಈಗಾಗಲೇ ಐಪಿಎಲ್​ನಲ್ಲಿ ತಂಡವನ್ನ ಮುನ್ನಡೆಸಿದ್ದಾರೆ. ಹಂಗಾಮಿ ನಾಯಕನಾಗಿ ಟೀಮ್​ ಇಂಡಿಯಾವನ್ನೂ ಮನ್ನಡೆಸಿದ್ದಾರೆ. ಆಟದ ಸಾಮರ್ಥ್ಯದ ಜೊತೆಗೆ ನಾಯಕತ್ವದ ಅನುಭವವಿರೋ ಪಂತ್,​ ಬಗ್ಗೆಯೂ ಹೆಚ್ಚು ಚರ್ಚೆಯಾಗಿದೆ.

ಇದನ್ನೂ ಓದಿ:ತುಂಡಾಗಿ ಬೇರ್ಪಟ್ಟಿದ್ದ ತಲೆಯ ಮರು ಜೋಡಣೆ; ಇಸ್ರೇಲ್‌ ವೈದ್ಯರ ಯಶಸ್ವಿ ಶಸ್ತ್ರ ಚಿಕಿತ್ಸೆಯೇ ‘ಮಿರಾಕಲ್‌’

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ