ಟೀಮ್​ ಇಂಡಿಯಾದಲ್ಲಿ ಭಾರೀ ಬದಲಾವಣೆ; ಸ್ಟಾರ್​ ಆಟಗಾರನಿಗೆ ಕೊಕ್​​; ಯುವ ಬ್ಯಾಟರ್​ಗೆ ಮಣೆ!

ಟೀಮ್​ ಇಂಡಿಯಾ ಉಪನಾಯಕ ಶುಭ್​ಮನ್ ಗಿಲ್​​ ಶ್ರೀಲಂಕಾ ಎದುರಿನ ಏಕದಿನ ಸರಣಿಯಲ್ಲಿ 3 ಪಂದ್ಯಗಳಲ್ಲಿ ಕಾಣಿಸಿಕೊಂಡ್ರು. 19ರ ಎವರೇಜ್​ನಲ್ಲಿ ಜಸ್ಟ್​​ 57 ರನ್ ಗಳಿಸಿ ಟೀಕಾಕಾರರ ಬಾಯಿಗೆ ಆಹಾರವಾದ್ರು. ಒಂದೆಡೆ ಗಿಲ್​ ಹೀಗೆ ಲಂಕಾ ಸರಣಿಯಲ್ಲಿ ಮುಗ್ಗರಿಸ್ತಿದ್ರೆ ಜೈಸ್ವಾಲ್​​ ಸಿಕ್ಕ ಅವಕಾಶಗಳಲ್ಲಿ ಲೀಲಾಜಾಲವಾಗಿ ರನ್​ ಗಳಿಸ್ತಿದ್ದಾರೆ. ಫೈರಿ ಲೆಫ್ಟಿ ಬ್ಯಾಟರ್​ಗೆ ಏಕದಿನದಲ್ಲಿ ಕಣಕ್ಕಿಳಿಯುವ ಭಾಗ್ಯ ಸಿಕ್ಕಿಲ್ಲ ನಿಜ. ಆದರೆ ಟೆಸ್ಟ್ ಹಾಗೂ ಟಿ20 ಕ್ರಿಕೆಟ್​ನಲ್ಲಿ ಇಂಪ್ರೆಸ್ಸಿವ್ ಆಟವಾಡಿದ್ದಾರೆ.

ಯಶಸ್ವಿ ಜೈಸ್ವಾಲ್ ಈವರೆಗೆ 9 ಟೆಸ್ಟ್​​ ಪಂದ್ಯಗಳನ್ನಾಡಿದ್ದು, 1028 ರನ್​ ಚಚ್ಚಿದ್ದಾರೆ. ಇದ್ರಲ್ಲಿ ಅಮೋಘ 3 ಶತಕ ಹಾಗೂ 4 ಅರ್ಧಶತಕ ಸೇರಿಕೊಂಡಿವೆ. ಇನ್ನೂ ಟಿ20 ಕ್ರಿಕೆಟ್​ನಲ್ಲಿ ಜೈಸ್ವಾಲ್​ ರನ್ ಭರಾಟೆ ಜೋರಾಗಿದೆ. ಆಡಿದ 23 ಪಂದ್ಯಗಳಿಂದ 723 ರನ್​ ಗಳಿಸಿದ್ದಾರೆ. 5 ಅರ್ಧಶತಕದ ಜೊತೆ 1 ಸೆಂಚುರಿ ಮೂಡಿ ಬಂದಿದೆ. ಬರೀ ಈ ಇಂಪ್ರೆಸ್ಸಿವ್​​ ಟ್ರ್ಯಾಕ್​ ರೆಕಾರ್ಡ್​​ ಅಷ್ಟೇ ಅಲ್ಲ. ಮುಂಬರೋ ಚಾಂಪಿಯನ್ಸ್ ಟ್ರೋಫಿಯಲ್ಲಿ ಗಿಲ್​​ ಬದಲು ಜೈಸ್ವಾಲ್​​​​​​​​​​​​ ಆರಂಭಿಕನಾಗಿ ಆಡಿದ್ರೆ ತಂಡಕ್ಕೆ ಹೆಚ್ಚು ಲಾಭವಾಗಲಿದೆ.

ಜೈಸ್ವಾಲ್​ ಉತ್ತಮ ಆಯ್ಕೆ ಏಕೆ..?

ಯಶಸ್ವಿ ಜೈಸ್ವಾಲ್ ಬೇಸಿಕಲಿ ಅಗ್ರೆಸ್ಸಿವ್ ಬ್ಯಾಟರ್​​. ಬಿರುಸಿನ ಆಟವಾಡಿ ಪವರ್​​ ಪ್ಲೇ ಅನ್ನ ಸದುಪಯೋಗ ಮಾಡಿಕೊಳ್ಳಬಲ್ಲರು. ಅಲ್ಲದೇ ಕ್ಯಾಪ್ಟನ್ ರೊಹಿತ್ ಜೊತೆ ಜೈಸ್ವಾಲ್ ಇನ್ನಿಂಗ್ಸ್ ಆರಂಭಿಸಿದ್ರೆ ಲೆಫ್ಟ್​-ರೈಟ್​ ಕಾಂಬಿನೇಷನ್​ನಿಂದ ಎದುರಾಳಿ ಮೇಲೆ ಒತ್ತಡ ಹೇರಲು ಸಹಕಾರಿ ಆಗಲಿದೆ. ಜೈಸ್ವಾಲ್​ ವೇಗದ ಆಟಕ್ಕೆ ಹೆಚ್ಚು ಒತ್ತು ನೀಡುವುದರಿಂದ ರೋಹಿತ್ ಮೇಲಿನ ಒತ್ತಡ ಸಹ ಕಮ್ಮಿ ಆಗಲಿದೆ. ದಂಡಂ ದಶಗುಣಂ ಆಟವಾಡುವ ಜೈಸ್ವಾಲ್​​​​ ಏಕಾಂಗಿಯಾಗಿ ಪಂದ್ಯ ಗೆಲ್ಲಿಸಿ ಕೊಡಬಲ್ಲರು. ಅಲ್ಲದೇ ಫಿಯರ್​ಲೆಸ್​ ಆಟವಾಡಿ ಯಾವುದೇ ಕ್ಷಣದಲ್ಲಿ ಪಂದ್ಯದ ಮೂಮೆಂಟ್​ ಅನ್ನ ಬದಲಿಸುವ ಕೆಪಾಸಿಟಿ ಹೊಂದಿದ್ದಾರೆ.

ಈ ಎಲ್ಲಾ ಕಾರಣಗಳಿಂದ 2025ರ ಚಾಂಪಿಯನ್ಸ್ ಟ್ರೋಫಿಯಲ್ಲಿ ಕ್ಯಾಪ್ಟನ್ ರೋಹಿತ್ ಜೊತೆ ಜೈಸ್ವಾಲ್​​ ಇನ್ನಿಂಗ್ಸ್ ಆರಂಭಿಸಿದ್ರೆ ತಂಡಕ್ಕೆ ಹೆಚ್ಚು ಲಾಭವಿದೆ. ಈ ಸತ್ಯವನ್ನ ಟೀಮ್ ಮ್ಯಾನೇಜ್​ಮೆಂಟ್​​​​​​ ಅರ್ಥ ಮಾಡಿಕೊಳ್ಳುತ್ತಾ ? ಗಿಲ್​​​​​​​​​​​​ಗೆ ಕೊಕ್​ ಕೊಟ್ಟು ಜೈಸ್ವಾಲ್​​ಗೆ ಬಹುಪರಾಕ್ ಅನ್ನುತ್ತಾ? ಎಂಬ ಚರ್ಚೆ ಜೋರಾಗಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ