ಖಾಲಿ ಇರೋ ಹುದ್ದೆಗಳಿಗೆ UCO ಬ್ಯಾಂಕ್​​ನಿಂದ ಅರ್ಜಿ ಆಹ್ವಾನ; ಅಪ್ಲೈ ಮಾಡಲು ಇಂದು ಕೊನೆ ದಿನ

ಬೆಂಗಳೂರು: 250 ಸ್ಥಳೀಯ ಬ್ಯಾಂಕ್ ಅಧಿಕಾರಿ ಹುದ್ದೆಗಳಿಗೆ ಯುಕೋ ಬ್ಯಾಂಕ್ ಅರ್ಜಿ ಆಹ್ವಾನ ನೀಡಿದೆ. ಕಳೆದ ತಿಂಗಳು ಜನವರಿ 16ನೇ ತಾರೀಕಿನಂದೇ ಅರ್ಜಿ ಆಹ್ವಾನಿಸಿದ್ದು, ಅಪ್ಲೈ ಮಾಡಲು ಕೊನೆಯ ದಿನಾಂಕ ಫೆಬ್ರವರಿ 6 ಆಗಿದೆ.

ಈ ಹಿಂದೆ ಅರ್ಜಿ ಸಲ್ಲಿಕೆಗೆ ಫೆಬ್ರವರಿ 5ನೇ ತಾರೀಕು ಕೊನೆ ಎಂದು ಹೇಳಲಾಗಿತ್ತು. ಈಗ ದಿನಾಂಕ ವಿಸ್ತರಿಸಿದ್ದು, ಅರ್ಹ ಅಭ್ಯರ್ಥಿಗಳು ucobank.com ಅನ್ನೋ ಯುಕೋ ಬ್ಯಾಂಕಿನ ಅಧಿಕೃತ ವೆಬ್‌ಸೈಟ್​​ಗೆ ಭೇಟಿ ನೀಡಿ ಅರ್ಜಿ ಸಲ್ಲಿಸಬಹುದು.

ಏನು ಓದಿರಬೇಕು?

ಅರ್ಹ ಅಭ್ಯರ್ಥಿಗಳು ಮಾನ್ಯತೆ ಪಡೆದ ವಿಶ್ವವಿದ್ಯಾಲಯದಿಂದ ಯಾವುದೇ ವಿಭಾಗದಲ್ಲಿ ಪದವಿ ಪಡೆದಿರಬೇಕು. ಅರ್ಜಿ ಸಲ್ಲಿಸುವಾಗ ಮಾನ್ಯವಾದ ಅಂಕಪಟ್ಟಿ ಅಪ್ಲೋಡ್​ ಮಾಡಬೇಕು. ಹಾಗೆಯೇ ಪದವಿಯಲ್ಲಿ ಪಡೆದ ಶೇಕಡಾವಾರು ಅಂಕಗಳನ್ನು ನಮೂದಿಸಬೇಕು.

ವಯಸ್ಸು ಎಷ್ಟಾಗಿರಬೇಕು?

ಅಭ್ಯರ್ಥಿ 20 ವರ್ಷದಿಂದ 30 ವರ್ಷ ವಯಸ್ಸಿನವರಾಗಿರಬೇಕು. SC/ST/PwBD ಅಭ್ಯರ್ಥಿಗಳಿಗೆ ಮೀಸಲಾತಿ ಆಧಾರದ ಮೇಲೆ ವಯಸ್ಸಿನ ಸಡಿಲಿಕೆ ಇರುತ್ತದೆ.

ಅರ್ಜಿ ಸಲ್ಲಿಕೆ ಹೇಗೆ?

ಅಭ್ಯರ್ಥಿಗಳು ಆನ್‌ಲೈನ್​ನಲ್ಲೇ ಅರ್ಜಿ ಸಲ್ಲಿಸಬೇಕು. SC/ST/PwBD ಅಭ್ಯರ್ಥಿಗಳಿಗೆ 175 ರೂ. ಮತ್ತು ಇತರರಿಗೆ 850 ರೂ. ಅರ್ಜಿ ಶುಲ್ಕ ನಿಗದಿಪಡಿಸಲಾಗಿದೆ.

ಖಾಲಿ ಹುದ್ದೆಗಳ ವಿವರ

ಕರ್ನಾಟಕ: 35 ಹುದ್ದೆಗಳು
ಗುಜರಾತ್: 57 ಹುದ್ದೆಗಳು
ಮಹಾರಾಷ್ಟ್ರ: 70 ಹುದ್ದೆಗಳು
ಅಸ್ಸಾಂ: 30 ಹುದ್ದೆಗಳು
ತ್ರಿಪುರ: 13 ಹುದ್ದೆಗಳು
ಸಿಕ್ಕಿಂ: 6 ಹುದ್ದೆಗಳು
ನಾಗಾಲ್ಯಾಂಡ್: 5 ಹುದ್ದೆಗಳು
ಮೇಘಾಲಯ: 4 ಹುದ್ದೆಗಳು
ಕೇರಳ: 15 ಹುದ್ದೆಗಳು
ತೆಲಂಗಾಣ ಮತ್ತು ಆಂಧ್ರಪ್ರದೇಶ: 10 ಹುದ್ದೆಗಳು
ಜಮ್ಮು ಮತ್ತು ಕಾಶ್ಮೀರ: 5 ಹುದ್ದೆಗಳು

ಇದನ್ನೂ ಓದಿ:ಭಾರತ, ಇಂಗ್ಲೆಂಡ್​ ಮೊದಲ ಏಕದಿನ ಪಂದ್ಯ; ಬಲಿಷ್ಠ ತಂಡ ಪ್ರಕಟ; ಮೂವರು RCB ಸ್ಟಾರ್​ ಆಟಗಾರರಿಗೆ ಅವಕಾಶ

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ