ಇನ್ಮುಂದೆ ವಾಟ್ಸ್​ಆ್ಯಪ್​​ನಲ್ಲೂ ಕಟ್ಟಬಹುದು ದಂಡ; ಟ್ರಾಫಿಕ್​ ರೂಲ್ಸ್​ ಬ್ರೇಕ್​ ಮಾಡೋರು ಓದಲೇಬೇಕಾದ ಸ್ಟೋರಿ!

ಇತ್ತೀಚೆಗೆ ದಿನದಿಂದ ದಿನಕ್ಕೆ ಸಂಚಾರಿ ನಿಯಮಗಳು ಹೆಚ್ಚಾಗುತ್ತಿದೆ. ಉಲ್ಲಂಘಿಸುವವರ ಸಂಖ್ಯೆಯು ಏರಿಕೆಯಾಗುತ್ತಿದೆ. ಟ್ರಾಫಿಕ್​​ ನಿಯಮವನ್ನು ಉಲ್ಲಂಘಿಸಿದ ಪ್ರತಿಯೊಬ್ಬರಿಗೂ ದಂಡ ವಿಧಿಸಲಾಗುತ್ತದೆ. ಆದರೆ ಈ ದಂಡವನ್ನು ಪಾವತಿಸಲು ಸಂಚಾರಿ ಪೊಲೀಸ್​ ಠಾಣೆ, ಕೋರ್ಟ್​ ಅಥವಾ ಸಾರಿಗೆ ಇಲಾಖೆಯ ವೆಬ್​ಸೈಟ್​​ಗೆ ಹೋಗಬೇಕಾಗುತ್ತದೆ. ಆದರೀಗ ತಂತ್ರಜ್ಞಾನ ಮುಂದುವರಿದಿದ್ದು, ವಾಟ್ಸ್​ಆ್ಯಪ್​​ನಲ್ಲೇ ಟ್ರಾಫಿಕ್​ ಚಲನ್​ ಪಾವತಿಸುವ ಆಯ್ಕೆ ಬರುತ್ತಿದೆ.

ಸಂಚಾರಿ ನಿಯಮ ಉಲ್ಲಂಘಿಸಿದವರು ದಂಡವನ್ನು ಪಾವತಿಸಲು ಅಲ್ಲಿ, ಇಲ್ಲಿ ಸಂಚರಿಸಬೇಕಾಗುತ್ತದೆ. ಆದರೆ ಆ ವ್ಯರ್ಥ ಸಮಯವನ್ನು ಉಳಿಸಲು ವಾಟ್ಸ್​ಆ್ಯಪ್​ ಮುಂದಾಗಿದೆ. ಮೆಟಾ ಒಡೆತನದ ವ್ಯಾಟ್ಸ್​ಆ್ಯಪ್​ ಟ್ರಾಫಿಕ್​ ಚಲನ್​ ಅನ್ನು ಆ್ಯಪ್​​ನಲ್ಲೇ ಪಾವತಿಸುವ ಆಯ್ಕೆಯನ್ನು ಪರಿಚಯಿಸಲು ಸಿದ್ಧತೆ ಮಾಡುತ್ತಿದೆ.

ವಾಟ್ಸ್​​ಆ್ಯಪ್​ನಲ್ಲೇ ಚಲನ್​​ ಪಾವತಿಸಿ

ದೆಹಲಿಯಲ್ಲಿ ಪ್ರತಿದಿನ ಸುಮಾರು 1 ಸಾವಿರದಿಂದ 1,500 ವಾಹನ ಸಂಚಾರ ನಿಯಮ ಉಲ್ಲಂಘನೆ ಮತ್ತು ದಂಡ ವಿಧಿಸಲಾಗುತ್ತಿದೆ. ಆದರೀಗ ಟ್ರಾಫಿಕ್​ ಚಲನ್​ ಪಾವತಿಯನ್ನು ಸುಲಭಗೊಳಿಸಲು ವಾಟ್ಸ್​ಆ್ಯಪ್​ ಮುಂದಾಗಿದೆ.

ವಾಟ್ಸ್​ಆ್ಯಪ್​ ಸೇವೆಯ ಹೊರತಾಗಿ ಚಾಲನಾ ಪರವಾನಗಿ ಪ್ರಕ್ರಿಯೆಯನ್ನು ಸಂಪೂರ್ಣ ಆನ್​ಲೈನ್​ ಮಾಡಲು ಸಾರಿಗೆ ಇಲಾಖೆಯು ಯೋಚಿಸಿದೆ. ಶೀಘ್ರದಲ್ಲೇ ಈ ಸೇವೆ ಜಾರಿಗೆ ಬರಲಿದೆ. ಜನರು ಸಾರಿಗೆ ಕಚೇರಿಗೆ ಭೆಟಿ ನೀಡದೆಯೇ ತಮ್ಮ ಪರವಾನಗಿಗಾಗಿ ಅರ್ಜಿ ಸಲ್ಲಿಸಲು ಅಥವಾ ನವೀಕರಿಸಲು ಸಾಧ್ಯವಾಗಲಿದೆ.

ಇದನ್ನೂ ಓದಿ: ಗಿಲ್​​, ಅಯ್ಯರ್​​, ಕೊಹ್ಲಿ ಅಬ್ಬರ; ಇಂಗ್ಲೆಂಡ್​ಗೆ ಟೀಮ್​ ಇಂಡಿಯಾ ಬರೋಬ್ಬರಿ 357 ರನ್​ಗಳ ಟಾರ್ಗೆಟ್

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ