ಮಾರ್ಟಿನ್ ಬಗ್ಗೆ ಕೆಟ್ಟದಾಗಿ ವಿಮರ್ಶೆ ಮಾಡಿದ್ದ ಸುಧಾಕರ್​ ಅರೆಸ್ಟ್​; ಇವರ ಆದಾಯ ಎಷ್ಟು ಗೊತ್ತಾ?

ಇತ್ತೀಚೆಗಷ್ಟೇ ಆಕ್ಷನ್ ಪ್ರಿನ್ಸ್ ಧ್ರುವ ಸರ್ಜಾ ಅಭಿನಯದ ಮಾರ್ಟಿನ್‌ ಸಿನಿಮಾ ಕುರಿತು ನೆಗೆಟಿವ್ ವಿಮರ್ಶೆ ಮಾಡುವ ಮೂಲಕ ಭಾರೀ ಸದ್ದು ಮಾಡಿದವರು ಕನ್ನಡದ ರೀಲ್ಸ್ ಸ್ಟಾರ್ ಸುಧಾಕರ್.

ನೆಗೆಟಿವ್ ವಿಮರ್ಶೆ ಮಾಡಿದ್ದ ಸುಧಾಕರ್ ವಿರುದ್ಧ ಧ್ರುವ ಸರ್ಜಾ ಫ್ಯಾನ್ಸ್ ಪೊಲೀಸ್​ ಠಾಣೆ ಮೆಟ್ಟಿಲೇರಿದ್ದರು. ಮಾದನಾಯಕನಹಳ್ಳಿ ಪೊಲೀಸ್​​ ಠಾಣೆಗೆ ದೂರು ನೀಡಿ ತಾನು ಮಾಡಿದ್ದ ವಿಡಿಯೋ ಡಿಲೀಟ್​ ಮಾಡಿಸಿದ್ದರು. ಆದರೀಗ, ಮಾದನಾಯಕನಹಳ್ಳಿ ಪೊಲೀಸರು ಹಲ್ಲೆ ಕೇಸ್​ವೊಂದರಲ್ಲಿ ರೀಲ್ಸ್​​ ಸ್ಟಾರ್​​​ ಸುಧಾಕರ್​ ಅರೆಸ್ಟ್​ ಮಾಡಿದ್ದಾರೆ.

ಏನಿದು ಕೇಸ್​​?

ಹಲ್ಲೆ ಪ್ರಕರಣ ಒಂದರಲ್ಲಿ ಸುಧಾಕರ್ ಭಾಗಿಯಾಗಿದ್ದರು ಎನ್ನುವ ಆರೋಪ ಕೇಳಿ ಬಂದಿದೆ. ಈ ಸಂಬಂಧ ಪೊಲೀಸ್ರು ಸುಧಾಕರ್ ವಿರುದ್ಧ ವಾರೆಂಟ್ ಸಹ ಜಾರಿ ಮಾಡಿದ್ರು. ಮಾರ್ಟಿನ್ ಸಿನಿಮಾದ ನೆಗೆಟಿವ್ ವಿಮರ್ಶೆ ಸಂಬಂಧ ಧ್ರುವ ಫ್ಯಾನ್ಸ್​​ ದೂರು ನೀಡಿದ ಕಾರಣಕ್ಕೆ ಠಾಣೆಗೆ ಕರೆಸಿದ್ದ ಪೊಲೀಸರು ಕ್ಷಮೆ ಕೇಳಿಸಿ ವಿಡಿಯೋ ಡಿಲೀಟ್​ ಮಾಡಿಸಿದ್ದರು. ಈಗ ಹಲ್ಲೆ ಕೇಸಲ್ಲಿ ಸುಧಾಕರ್​ ಅವರನ್ನು ಬಂಧಿಸಿದ್ದಾರೆ ಎಂದು ತಿಳಿದು ಬಂದಿದೆ.

ಯೂಟ್ಯೂಬ್​ನಿಂದ ಎಷ್ಟು ದುಡಿಯುತ್ತಾರೆ ಸುಧಾಕರ್​​?

ಈ ಹಿಂದೆ ಸುಧಾಕರ್​ ಖಾಸಗಿ ಚಾನೆಲ್​​ ಒಂದಕ್ಕೆ ಸಂದರ್ಶನ ನೀಡಿದ್ರು. ಈ ಸಂದರ್ಶನದಲ್ಲಿ ತನ್ನ ಯೂಟ್ಯೂಬ್​ ರೆವೆನ್ಯೂ ಬಗ್ಗೆ ಮಾತಾಡಿದ್ದಾರೆ. ನಾನು ಡಿಗ್ರಿ ಮಾಡಿದ್ದೇನೆ. ಇಂದು ಕೆಲಸಕ್ಕೆ ಹೋಗಿದ್ರೆ 50 ಸಾವಿರ ಸಿಗುತ್ತಿತ್ತು. ಅದಕ್ಕಿಂತಲೂ ಹೆಚ್ಚು ಎಂದರೆ ಲಕ್ಷ ಲಕ್ಷ ದುಡಿಯುತ್ತೇನೆ ಎಂದಿದ್ದರು ಸುಧಾಕರ್.

ಇದನ್ನೂ ಓದಿ: ಕನ್ನಡದ ಯೂಟ್ಯೂಬರ್ ಸ್ಟ್ರಾಂಗ್ ಸುಧಾಕರ್​ ಅರೆಸ್ಟ್​; ಕಾರಣವೇನು?

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ