IPL ಇತಿಹಾಸದಲ್ಲೇ ವಿಶೇಷ ದಾಖಲೆ.. ಕೆಕೆಆರ್​ ಲೆಜೆಂಡ್​ ರೆಕಾರ್ಡ್​ ಸರಿಗಟ್ಟಿದ ಚಹಲ್​

ಹಾಲಿ ಚಾಂಪಿಯನ್​ ಕೋಲ್ಕತ್ತಾ ನೈಟ್​ ರೈಡರ್ಸ್​ ವಿರುದ್ಧ ಪಂಜಾಬ್ ಕಿಂಗ್ಸ್​ ರೋಚಕ ಗೆಲವು ಪಡೆದು ಸಂಭ್ರಮಿಸಿದೆ. ಕೇವಲ 111 ರನ್​ಗಳ ಗುರಿ ಮುಟ್ಟಲಾಗದ ಕೆಕೆಆರ್​ ಯಜುವೇಂದ್ರ ಚಹಲ್ ಅವರ ಬೌಲಿಂಗ್​ಗೆ ಬೆಂಡಾಯಿತು. ಇದರ ಜೊತೆ ಐಪಿಎಲ್​ ಇತಿಹಾಸದಲ್ಲಿ ಯಜುವೇಂದ್ರ ಚಹಲ್ ವಿಶೇಷವಾದ ದಾಖಲೆ ಬರೆದಿದ್ದಾರೆ.

ಕೆಕೆಆರ್ ಹಾಗೂ ಪಂಜಾಬ್​ನ ಒಂದೊಂದು ಓವರ್​ ರೋಚಕ, ಒಂದೊಂದು ಎಸೆತಕ್ಕೂ ಕುತೂಹಲವಿತ್ತು. ಲೋ ಸ್ಕೋರಿಂಗ್​ ಥ್ರಿಲ್ಲರ್​ ಕ್ರಿಕೆಟ್​ ಅಭಿಮಾನಿಗಳನ್ನ ತುದಿಗಾಲಲ್ಲಿ ನಿಲ್ಲಿಸಿತ್ತು. ಆರಂಭದಲ್ಲಿ ಎಲ್ಲರೂ ಕೋಲ್ಕತ್ತಾ ಗೆಲುವು ಪಡೆಯುತ್ತೆ ಎಂದು ಭಾವಿಸಿದ್ದರೂ ಆದ್ರೆ, ಕೊನೆಯಲ್ಲಿ ಚಹಲ್ ಮಾಡಿದ ಮ್ಯಾಜಿಕ್​ಗೆ ಹಾಲಿ ಚಾಂಪಿಯನ್​ ತಣ್ಣಗಾಯಿತು.

ಐಪಿಎಲ್​ ಇತಿಹಾಸಲ್ಲಿ ಹೆಚ್ಚು ಬಾರಿ 4 ಗೊಂಚಲು ವಿಕೆಟ್​ಗಳನ್ನು ಪಡೆದ ಬೌಲರ್ ಎಂದರೆ ಅದು ಕೆಕೆಆರ್​ ಆಲ್​ರೌಂಡರ್​ ಸುನಿಲ್​ ನರೈನ್ ಆಗಿದ್ದಾರೆ. ಆದರೆ ಇದೀಗ ಈ ಸಾಲಿಗೆ ಯಜುವೇಂದ್ರ ಚಹಲ್ ಬಂದು ನಿಂತಿದ್ದಾರೆ. ಸದ್ಯ ಇಬ್ಬರು 8 ಬಾರಿ 4 ಗೊಂಚಲು ವಿಕೆಟ್​ಗಳನ್ನು ಪಡೆದು ಸಮವಾಗಿದ್ದಾರೆ. ಚಹಲ್ ಮತ್ತೊಮ್ಮೆ 4 ಗೊಂಚಲು ವಿಕೆಟ್ ಪಡೆದ್ರೆ ಹೊಸ ದಾಖಲೆ ಬರೆಯಲಿದ್ದಾರೆ.

ಇದನ್ನೂ ಓದಿ: 46ನೇ ವಯಸ್ಸಿಗೆ ಮೊದಲ ಮಗುವಿಗೆ ಅಪ್ಪನಾದ ಮಾಜಿ ಕ್ರಿಕೆಟರ್ ಜಹೀರ್ ಖಾನ್​.. ಇಟ್ಟ ಹೆಸರೇನು?

ಕೆಕೆಆರ್ ವಿರುದ್ಧ ಸ್ಪಿನ್ ಮ್ಯಾಜಿಕ್ ಮಾಡಿದ ಚಹಲ್, ಕ್ಯಾಪ್ಟನ್​ ಅಜಿಂಕ್ಯಾ ರಹಾನೆ, ಅಗ್ರೀಶ್ ರಘುವಂಶಿ, ರಿಂಕು ಸಿಂಗ್ ಹಾಗೂ ರಮನ್​ದೀಪ್​ ಸಿಂಗ್​ ವಿಕೆಟ್​ಗಳನ್ನ ಉರುಳಿಸಿ ಪಂಜಾಬ್​ ಗೆಲವುಗೆ ಕಾರಣರಾದರು. ಚಹಲ್ ಮಾರಕ ಸ್ಮಿನ್​ಗೆ ನಡುಗಿದ ಕೆಕೆಆರ್​ ಕೇವಲ 95 ರನ್​ಗೆ ಆಲೌಟ್ ಆಗಿ ಸೋತಿತು. ಸದ್ಯ 4 ಗೊಂಚಲು ವಿಕೆಟ್​ ಪಡೆದು ನರೈನ್​ ಅವರ ಸಾಲಿಗೆ ಬಂದು ನಿಂತಿದ್ದಾರೆ.

ಇದು ಅಲ್ಲದೇ ಕೆಕೆಆರ್ ತಂಡದ ವಿರುದ್ಧ 33 ವಿಕೆಟ್​​ಗಳನ್ನ ಕಬಳಿಸಿ 3ನೇ ಬೌಲರ್ ಯಜುವೇಂದ್ರ ಚಹಲ್ ಆಗಿದ್ದಾರೆ. ಜೊತೆಗೆ 4 ಗೊಂಚಲು ವಿಕೆಟ್​ಗಳನ್ನು 3 ಬಾರಿ ಕೆಕೆಆರ್​ ವಿರುದ್ಧವೇ ಚಹಲ್ ಅವರು ಪಡೆದಿರುವುದು ವಿಶೇಷ ದಾಖಲೆ ಎಂದೇ ಐಪಿಎಲ್​ನಲ್ಲಿ ಪರಿಗಣಿಸಲಾಗಿದೆ.

ಟಿ20 ಕ್ರಿಕೆಟ್​ನಲ್ಲಿ ಚಹಲ್ ಇದುವರೆಗೆ 318 ಪಂದ್ಯಗಳಿಂದ 370 ವಿಕೆಟ್​ಗಳನ್ನು ಉರುಳಿಸಿದ್ದಾರೆ. ಚಹಾಲ್​ಗಿಂತ ಮುಂದೆ ರಶೀದ್ ಖಾನ್ ಇದ್ದು ಇವರು 468 ಪಂದ್ಯಗಳಿಂದ ಒಟ್ಟು 638 ವಿಕೆಟ್​ ಪಡೆದಿದ್ದಾರೆ. ಸದ್ಯ ಐಪಿಎಲ್​ನಲ್ಲಿ ಚಹಲ್​ 6 ಪಂದ್ಯಗಳಿಂದ 6 ವಿಕೆಟ್ ಪಡೆದಿದ್ದು ಸರಾಸರಿ 32.50 ಹೊಂದಿದ್ದು ಎಕಾನಮಿ 10.26 ಇದೆ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ