ಬಿಸಿಲಿಗೆ ಚರ್ಮದ ಬಣ್ಣ ಬದಲಾಗುತ್ತಾ? ಹಾಗಾದ್ರೆ ಮುಖದ ಕಾಂತಿ ಹೆಚ್ಚಿಸಿಕೊಳ್ಳಲು ಇಲ್ಲಿದೆ ಮನೆಮದ್ದು..!

ಬಿಸಿಲ ಬೇಗೆ ದಿನದಿಂದ ದಿನಕ್ಕೆ ಹೆಚ್ಚುತ್ತಲೇ ಇದೆ. ಮನೆಯಿಂದ ಹೊರಬರಲು ಆಗದ ಪರಿಸ್ಥಿತಿ ನಿರ್ಮಾಣವಾಗಿದೆ. ಆದರೆ ಕೆಲವೊಮ್ಮೆ ಅನಿವಾರ್ಯ ಎಂಬಂತೆ ಎಂತಹದೇ ಸುಡು ಬಿಸಿಲಿದ್ದರು ಓಡಾಡಬೇಕಾಗಿ ಬರುತ್ತದೆ. ಈ ವೇಳೆ ಬಿಸಿಲಿನಿಂದ ತ್ವಚೆ ಟ್ಯಾನ್​ ಆಗುತ್ತದೆ.

ಹುಡುಗಿಯರಂತೂ ತ್ವಚೆ ಬಗ್ಗೆ ಹೆಚ್ಚಿನ ಕಾಳಜಿ ವಹಿಸುತ್ತಾರೆ. ತ್ವಚೆ ಹಾಳಗದಂತೆ ಎಚ್ಚರವಹಿಸುತ್ತಾರೆ. ಅದಕ್ಕಾಗಿ ಕ್ರೀಮ್​​ ಇನ್ನಿತರ ಔಷಧಿಗಳ ಮೊರೆ ಹೋಗುತ್ತಾರೆ. ಆದರೆ ಮನೆಯಲ್ಲಿಯೇ ಇರುವ ಮನೆ ಮದ್ದಿನ ಮೂಲಕ ತ್ವಚೆಯನ್ನ ಕಾಪಾಡಬಹುದಾಗಿದೆ. ಈ ಬಗ್ಗೆ ಮಾಹಿತಿ ಇಲ್ಲಿದೆ.

ನಿಂಬೆ ರಸ

2 ಚಮಚ ಜೇನುತುಪ್ಪದೊಂದಿಗೆ ನಿಂಬೆ ರಸ ಮಿಶ್ರಣ ಮಾಡಿ ಬಳಿಕ ಮುಖಕ್ಕೆ ಹಚ್ಚಿ. 15ರಿಂದ 20 ನಿಮಿಷ ಹಾಗೆಯೇ ಬಿಡಿ. ನಂತರ ಮುಖವನ್ನು ಹದ ನೀರಿನಲ್ಲಿ ತೊಳೆಯಿರಿ. ಈ ರೀತಿ 20 ದಿನ ಮಾಡುವುದಿಂದ ಮುಖ ಕಾಂತಿಯನ್ನು ಹೆಚ್ಚಿಸುವುದರ ಜೊತೆಗೆ ತ್ವಚೆಯನ್ನ ಕಾಪಾಡಿಕೊಂಡು ಬರಬಹುದಾಗಿದೆ.

ಶ್ರೀಗಂಧದ ಫೇಸ್​ ಪ್ಯಾಕ್​

ಚರ್ಮದ ಕಾಂತಿಯನ್ನು ಕಳೆದುಕೊಳ್ಳದಂತೆ ಅನೇಕರು ವಿವಿಧ ರೀತಿಯ ಫೇಸ್​ ಪ್ಯಾಕ್​ ಬಳಸುತ್ತಾರೆ. ಆದರೆ ಶ್ರೀಗಂಧದ ಫೆಸ್​ ಪ್ಯಾಕ್​ನಿಂದ ಮುಖದ ಕಾಂತಿಯನ್ನು ಹೆಚ್ಚಿಸಬಹುದಾಗಿದೆ. ಆರೋಗ್ಯ ದೃಷ್ಟಿಯಲ್ಲಿ ಇದು ಬೆಸ್ಟ್​. ಮಾತ್ರವಲ್ಲದೆ ಬೆಸಿಗೆ ಸಮಯದಲ್ಲಿ ಶ್ರೀಗಂಧದ ಫೇಸ್​ ಪ್ಯಾಕ್​ ಬಳಸುವುದರಿಂದ ಚರ್ಮದ ಮೇಲೆ ಬೀಳುವ ಕಲೆಗಳನ್ನು ಹೋಗಲಾಡಿಸಬಹುದಾಗಿದೆ.

ಫೇಸ್​ ಪ್ಯಾಕ್​ ಮಾಡೋದು ಹೇಗೆ?

ಶ್ರೀಗಂಧದ ಪುಡಿ ಸಿಗುತ್ತದೆ. ಅದನ್ನು ಒಂದು ಬಟ್ಟಲಿನಲ್ಲಿ ಮೊದಲು ಹಾಕಿಕೊಳ್ಳಬೇಕು. ನಂತರ ಅದಕ್ಕೆ ನಿಂಬೆ ರಸ ಮತ್ತು ರೋಸ್​ ವಾಟರ್​ ಬಳಸಬೇಕು. ಬಳಿಕ ಮಿಶ್ರಣ ಮಾಡಿ ಇಡಬೇಕು. ಮಿಶ್ರಣ ಮಾಡಿ ಇಟ್ಟಿರುವ ಶ್ರೀಗಂಧದ ಪ್ಯಾಕ್​ಗೆ 2 ಚಮಚ ಮೊಸರು 1 ಚಮಚ ಜೇನುತುಪ್ಪ ಸೇರಿಸಬೇಕು. ನಂತರ ಮುಖಕ್ಕೆ ಹಚ್ಚಿ 20 ನಿಮಿಷ ಬಿಡಬೇಕು.

ಫೇಸ್​ಪ್ಯಾಕ್​ ಮುಖಕ್ಕೆ ಹಚ್ಚಿಕೊಂಡ 20 ನಿಮಿಷದ ಬಳಿಕ ತಣ್ಣೀರಿನಿಂದ ತೊಳೆಯಬೇಕು. ವಾರಕ್ಕೆ 3 ಬಾರಿ ಹೀಗಿ ಮಾಡಿದರೆ ಮುಖದ ಕಾಂತಿಯನ್ನು ಕಾಪಾಡಬಹುದಾಗಿದೆ.

ಕಡಲೆ ಹಿಟ್ಟು

ಕಡಲೆ ಹಿಟ್ಟಿಗೆ 2 ಚಮಚ ಮೊಸರು ಬೆರೆಸಿ ಪೇಸ್ಟ್​ ಮಾಡಿ ಮುಖಕ್ಕೆ ಹಚ್ಚಿಕೊಳ್ಳಿ. ನಂತರ ಒಣಗಿದ ಬಳಿಕ ಮುಖ ತೊಳೆಯಿರಿ. ಹೀಗೆ 20 ಡೇಸ್ ಮಾಡಿದರೆ ತ್ವಚೆಯ ಕಾಂತಿಯನ್ನು ಕಾಪಾಡಬಹುದು.

ಇದನ್ನೂ ಓದಿ:ಅಬ್ಬಾಬ್ಬಾ! ಐಫೋನ್​ಗಾಗಿ ಭಾರತೀಯರು ಪಾವತಿಸುವ ತೆರಿಗೆ ಎಷ್ಟು ಗೊತ್ತಾ? ಯಾಕಿಷ್ಟು ವ್ಯತ್ಯಾಸ?

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ