ಫೋನ್, ಸಿಸಿಟಿವಿ ಹಾರ್ಡ್​​ಡಿಸ್ಕ್​, ವೈಫೈ ಕಿತ್ತುಕೊಂಡು ಪರಾರಿ

50 ಲಕ್ಷ ರೂಪಾಯಿ ಹಣ ಪಡೆದು ಎಸ್ಕೇಪ್​ ಆದ ಕಿಡಿಗೇಡಿಗಳು

ಟ್ಯಾಕ್ಸ್ ಆಫೀಸರ್ ಎಂದು ಮನೆ ಪೂರ್ತಿ ಕಳ್ಳರು ಸರ್ಚಿಂಗ್​​​

ಚಿತ್ರದುರ್ಗದಲ್ಲಿ ಸಿನಿಮೀಯ ರೀತಿ ದರೋಡೆ ಪ್ರಕರಣವೊಂದು ಬೆಳಕಿಗೆ ಬಂದಿದೆ. ಐಡಿ ಕಾರ್ಡ್​​ ತೋರಿಸಿ ನುಗ್ಗಿದವರು ಮನೆಯಲ್ಲಾ ದೋಚಿದ್ದಾರೆ. ಬಲಗಣ್ಣಿನ ಮೇಲೆ ಚೆಲ್ಲಿದ ನೆತ್ತರು. ಆತಂಕ, ಭಯಮಿಶ್ರಿತದಲ್ಲಿರುವ ಮಕ್ಕಳು. ಅಧಿಕಾರಿಗಳಿಂದ ಫಿಂಗರ್​ ಪ್ರಿಂಟ್​ಗಾಗಿ ಹುಡುಕಾಟ. ಮನೆಯೊಂದರಲ್ಲಿ ನಡೆದ ಘೋರ ದರೋಡೆಯ ಚಿತ್ರಣವನ್ನ ಕಟ್ಟಿಕೊಡ್ತಿದೆ. ಚಿತ್ರದುರ್ಗದಲ್ಲಿ ಸಿನಿಮೀಯ ರೀತಿಯಲ್ಲಿ ಖದೀಮರು ದರೋಡೆ ಮಾಡಿದ್ದಾರೆ.

ಇದು ಸ್ಪೆಷಲ್​​​ ಚೆಬ್ಬಿಸ್​​​ ಎಂಬ ಬಾಲಿವುಡ್​​ ಸಿನಿಮಾವನ್ನ ನೆನಪಿಸುವಂತಿದೆ. ಖದೀಮರಿಂದ ಹಲ್ಲೆಗೊಳಗಾಗಿ ಕಣ್ಣಿಗೆ ಪಟ್ಟಿಕಟ್ಟಿಕೊಂಡ ಈ ವ್ಯಕ್ತಿ, ಆರೋಗ್ಯ ಇಲಾಖೆ ಹೆಲ್ತ್​​ ಇನ್ಸ್​​ಪೆಕ್ಟರ್. ಹೆಸರು ನಜೀರ್. ಚಿತ್ರದುರ್ಗದ ಬ್ಯಾಂಕ್ ಕಾಲೋನಿಯಲ್ಲಿ ಕುಟುಂಬ ಸಮೇತ ವಾಸವಿದ್ದಾರೆ. ನಿನ್ನೆ ಹಾಡಹಗಲೆ ಬೆಳಗ್ಗೆ 9 ಗಂಟೆಗೆ ಮನೆಗೆ ನುಗ್ಗಿದ ದುಷ್ಕರ್ಮಿಗಳು, ಸಂಜೆ 4:30ರವರೆಗೆ ಮನೆಯಲ್ಲೇ ಇದ್ರು ಎನ್ನಲಾಗಿದೆ. ಐಡಿ ಕಾರ್ಡ್​ವೊಂದನ್ನ ತೋರಿಸಿ ಮನೆಗೆ ನುಗ್ಗಿದ್ದಾರೆ. ಅಷ್ಟಕ್ಕೂ ಅಲ್ಲಾಗಿದ್ದೇನು? ಕಳ್ಳರು ತೋರಿಸಿದ ಐಡಿ ಕಾರ್ಡ್​ ಯಾವುದು ಅನ್ನೋದೇ ಕುತೂಹಲ.

ಚಿತ್ರದುರ್ಗದಲ್ಲಿ ಕಿರಾತಕರಿಂದ ಸಿನಿಮೀಯ ರೀತಿ ದರೋಡೆ ನಡೆದಿದ್ದು, ಇನ್​ಕಮ್​ ಟ್ಯಾಕ್ಸ್​​ ಆಫೀಸರ್​ರೆಂದು ಕಳ್ಳರು ಮನೆಗೆ ನುಗ್ಗಿದ್ದಾರೆ. ಟ್ಯಾಕ್ಸ್ ಆಫೀಸರ್ ಅಂತ ಮನೆ ಪೂರ್ತಿ ಕಳ್ಳರು ಸರ್ಚಿಂಗ್​​​ ಮಾಡಿದ್ದಾರೆ. ಆಗ ಸಂಶಯಗೊಂಡ ಮನೆ ಮಾಲೀಕ ನಜೀರ್​ ಕುಟುಂಬ ಪ್ರಶ್ನೆ ಮಾಡಿದೆ. ಈ ವೇಳೆ, ಗನ್ ತೋರಿಸಿದ ಮೂವರು ಪಾತಕಿಗಳು, ಮನೆಯಲ್ಲಿದ್ದ ಚಿನ್ನ, ಹಣ, ದಾಖಲೆಗಳನ್ನ ದೋಚಿ ಪರಾರಿ ಆಗಿದೆ. ಇದಷ್ಟೇ ಅಲ್ಲ, ಇನ್​ಕಮ್​ ಟ್ಯಾಕ್ಸ್​​ ಆಫೀಸರ್​ರೆಂದು ಹೇಳಿ ಕಳ್ಳತನ ಮಾಡಿದ ಖದೀಮರು ಇನ್ನೊಂದು ದುಷ್ಕೃತ್ಯ ಎಸಗಿದ್ದಾರೆ. ಫೋನ್, ಸಿಸಿಟಿವಿ ಹಾರ್ಡ್​​ಡಿಸ್ಕ್​, ವೈಫೈ ಕಿತ್ತುಕೊಂಡು ಪರಾರಿ ಆಗಿದ್ದಾರೆ. ನಜೀರ್ ಪುತ್ರ ಮಗ ಸಮೀರ್, ಅಳಿಯ ಶಹಜಹಾನ್​ರನ್ನ ಒತ್ತೆಯಾಳಾಗಿ ಒಯ್ದಿದ್ದಾರೆ. ಅಲ್ಲದೆ, ಕುಟುಂಬಕ್ಕೆ 50 ಲಕ್ಷ ರೂಪಾಯಿ ಬೇಡಿಕೆ ಇಟ್ಟಿದ್ದು, ಚಿತ್ರದುರ್ಗದಲ್ಲಿ ​25 ಲಕ್ಷ, ದಾವಣಗೆರೆ ರಸ್ತೆಯಲ್ಲಿ 25 ಲಕ್ಷ ಪಡೆದಿದ್ದಾರೆ.

ಒಟ್ಟು 50 ಲಕ್ಷ ಹಣ ಪಡೆದು ಎಸ್ಕೇಪ್​ ಆಗಿದ್ದಾರೆ. ಘಟನೆ ಸಂಬಂಧ ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದಾರೆ. ಖದೀಮರಿಗಾಗಿ ತೀವ್ರ ಹುಡುಕಾಟ ನಡೆಸಿದ್ದಾರೆ. ಒಟ್ಟಾರೆ, ಹಾಡಹಗಲೆ ಮನೆಯೊಂದಕ್ಕೆ ನುಗ್ಗಿ ದರೋಡೆ ಮಾಡಿರೋದು ದುರ್ಗದ ಜನರನ್ನ ಬೆಚ್ಚಿಬೀಳಿಸಿದೆ. ಅಲ್ಲದೆ, ಕಾನೂನು ಸುವ್ಯವಸ್ಥೆ ಬಗ್ಗೆ ಸಂಶಯ ಸುಳಿದಾಡ್ತಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ