ರೈಲ್ವೆ ಸೇತುವೆ ಮೇಲೆ ಫೋಟೋಶೂಟ್​ಗಾಗಿ ತೆರಳಿದ್ದ ನಾಲ್ವರು

90 ಅಡಿ ಮೇಲಿನಿಂದ ಆಳಕ್ಕೆ ಬಿದ್ದ ದಂಪತಿ, ಆಗಿದ್ದೇನು ಗೊತ್ತಾ?

ಫೋಟೋಶೂಟ್ ಮಾಡೋ ಸಮಯಕ್ಕೆ ಸರಿಯಾಗಿ ಬಂದ ರೈಲು

ಜೈಪುರ: ಫೋಟೋ ಶೂಟ್ ಮಾಡುವಾಗ ರೈಲು ಬಂದ ಹಿನ್ನೆಲೆಯಲ್ಲಿ 90 ಅಡಿ ಆಳಕ್ಕೆ ಬಿದ್ದು ದಂಪತಿ ಗಂಭೀರವಾಗಿ ಗಾಯಗೊಂಡಿದ್ದಾರೆ. ಸದ್ಯ ಈ ಘಟನೆ ರಾಜಸ್ಥಾನದ ಪಾಲಿ ಜಿಲ್ಲೆಯ ಗೋರ್ಮ್‌ಘಾಟ್‌ ಬಳಿಯ ಹೆರಿಟೇಜ್ ರೈಲ್ವೆ ಬ್ರಿಡ್ಜ್​ ಮೇಲೆ ನಡೆದಿದೆ.

ಇದನ್ನೂ ಓದಿ: ಆಸ್ಪತ್ರೆಗೆ ದಾಖಲಾಗಿದ್ದ ಮಹಿಳೆ ಮೂಗಲ್ಲಿ ರಕ್ತ, ಬಾಯಲ್ಲಿ ನೊರೆ.. ಕ್ಷಣದಲ್ಲೇ ಸಾವು; ವೈದ್ಯರ ವಿರುದ್ಧ ಆರೋಪ

ರಾಜಸ್ಥಾನದ ಬಗ್ದಿ ನಗರದ ನಿವಾಸಿಗಳಾದ ರಾಹುಲ್ ಮೇವಾಡ (22), ಇವರ ಪತ್ನಿ ಜಾಹ್ನವಿ (20) ಗಾಯಗೊಂಡವರು. ಈ ಇಬ್ಬರು ಫೋಟೋಶೂಟ್ ಮಾಡಲು ಹೆರಿಟೇಜ್ ರೈಲ್ವೆ ಬ್ರಿಡ್ಜ್​ ಮೇಲೆ ಹೋಗಿ ಮೊಬೈಲ್​ನಲ್ಲಿ ಫೋಟೋ ಕ್ಲಿಕ್​ ಮಾಡುತ್ತಿದ್ದರು. ಇದೇ ಸಮಯಕ್ಕೆ ಸರಿಯಾಗಿ ರೈಲು ಬಂದಿದ್ದರಿಂದ ಯಾವ ಕಡೆಗೆ ಹೋಗಬೇಕೆಂದು ಗೊತ್ತಾಗದೇ ಭಯದಲ್ಲಿ ಸೇತುವೆ ಮೇಲಿನಿಂದ ಸುಮಾರು 90 ಅಡಿ ಕೆಳಕ್ಕೆ ಇಬ್ಬರು ಬಿದ್ದಿದ್ದಾರೆ. ಇದರಿಂದ ಗಂಭೀರವಾಗಿ ಗಾಯಗೊಂಡಿರುವ ರಾಹುಲ್ ಮೇವಾಡ್​ ಅವರ ಬೆನ್ನು ಮೂಳೆ ಮುರಿದು ಹೋಗಿದೆ. ಇವರ ಪತ್ನಿಯ ಕಾಲು ಮುರಿದಿದೆ. ಅಲ್ಲದೇ ಮೇಲಿನಿಂದ ಬಿದ್ದ ರಭಸಕ್ಕೆ ಇನ್ನಷ್ಟು ಸಣ್ಣಪುಟ್ಟ ಗಾಯಗಳಾಗಿವೆ.

ಇದನ್ನೂ ಓದಿ: ರಿಷಬ್ ಪಂತ್​ಗೆ ಸಾಥ್ ಕೊಡ್ತಾರಾ ರಾಹುಲ್ ದ್ರಾವಿಡ್​.. ಡೆಲ್ಲಿ ಕ್ಯಾಪಿಟಲ್ಸ್​ಗೆ ಕೋಚ್ ಆಗ್ತಾರಾ ಕನ್ನಡಿಗ?

राजस्थान के पाली जिले में एक बड़ा हादसा हुआ। राहुल मेवड़ा अपनी पत्नी जाह्नवी संग हेरिटेज पुल पर फोटो शूट करा रहे थे। तभी ट्रेन आ गई। ट्रेन से बचने को दोनों 90 फीट गहरी खाई में कूद गए। दोनों का इलाज जारी है।

🚨Disturbing Visual🚨 pic.twitter.com/WwDSTd5jrW

— Sachin Gupta (@SachinGuptaUP) July 14, 2024

ತೀವ್ರವಾಗಿ ಗಾಯಗೊಂಡ ರಾಹುಲ್​ನನ್ನ ಹೆಚ್ಚಿನ ಚಿಕಿತ್ಸೆಗಾಗಿ ಜೋಧ್‌ಪುರ ಆಸ್ಪತ್ರೆಗೆ ದಾಖಲು ಮಾಡಲಾಗಿದೆ. ಇನ್ನು ಕಾಲು ಮುರಿದುಕೊಂಡ ಪತ್ನಿಯನ್ನು ಬಂಗಾರ್ ಆಸ್ಪತ್ರೆಗೆ ದಾಖಲಿಸಿ ಚಿಕಿತ್ಸೆ ಕೊಡಿಸಲಾಗುತ್ತಿದೆ. ಈ ದಂಪತಿ ಜೊತೆ ಬಂದಿದ್ದ ಇನ್ನಿಬ್ಬರು ರೈಲು ಬರುತ್ತಿರುವುದನ್ನು ಕಂಡು ಓಡಿ ಹೋಗಿ ಪ್ರಾಣ ಉಳಿಸಿಕೊಂಡಿದ್ದಾರೆ ಎನ್ನಲಾಗಿದೆ. ದಂಪತಿಗಳು ರೈಲ್ವೆ ಸೇತುವೆಯಿಂದ ಬೀಳುತ್ತಿರುವ ಭಯಾನಕ ದೃಶ್ಯ ಮೊಬೈಲ್ ಕ್ಯಾಮೆರಾದಲ್ಲಿ ಸೆರೆಯಾಗಿದ್ದು ನೋಡುಗರಿಗೆ ಆತಂಕ ಹುಟ್ಟಿಸುವಂತೆ ಇದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ