ಸಾಲು ಸಾಲು ಹಿನ್ನಡೆಯ ನಡುವೆಯೂ ಹಾರ್ದಿಕ್​ ಶೈನ್​

ಕಾರ್ಪೊರೇಟ್ ದುನಿಯಾಗೆ ಹಾರ್ದಿಕ್ ಹೊಸ​ ಕಿಂಗ್​..!

ವಿಶ್ವಕಪ್​ ಬಳಿಕ ಆಲ್​ರೌಂಡರ್​ಗೆ​ ಸಿಕ್ಕಾಪಟ್ಟೆ ಡಿಮ್ಯಾಂಡ್​..!

ವಿಶ್ವಕಪ್​ ಗೆದ್ದಿದ್ದೇ ಗೆದ್ದಿದ್ದು ಹಾರ್ದಿಕ್​ ಪಾಂಡ್ಯ ಲಕ್ ಚೇಂಜ್​ ಆಗಿದೆ. ಪತ್ನಿ ದೂರಾದರು, ನಾಯಕತ್ವ ಕೈ ತಪ್ಪಿತು. ನಿಜ..! ಈ ಹಿನ್ನಡೆಯ ನಡುವೆಯೂ ಹಾರ್ದಿಕ್ ಪಾಂಡ್ಯ ಸಖತ್​​ ಶೈನ್​ ಆಗ್ತಿದ್ದಾರೆ. ಕೋಟಿ ಕೋಟಿ ಹಣವನ್ನ ಹಾರ್ದಿಕ್​ ಕಮಾಯ್​ ಮಾಡ್ತಿದ್ದಾರೆ.

ಹಾರ್ದಿಕ್​ ಪಾಂಡ್ಯ.. ಈ ವರ್ಷದಲ್ಲಿ ಭಾರತೀಯ ಕ್ರಿಕೆಟ್​ ವಲಯದಲ್ಲಿ ಅತಿ ಹೆಚ್ಚು ಸದ್ದು ಮಾಡಿದ ಕ್ರಿಕೆಟರ್​. ಪಾಸಿಟಿವೋ.. ನೆಗೆಟಿವೋ.. ಒಂದಲ್ಲ.. ಒಂದು ರೀತಿಯಲ್ಲಿ ಪಾಂಡ್ಯ ಸಖತ್​ ಸೌಂಡ್​ ಮಾಡಿದ್ದಾರೆ. ಮುಂಬೈ ಇಂಡಿಯನ್ಸ್​ ನಾಯಕನ ಪಟ್ಟ ಏರಿದ್ರಿಂದ ಹಿಡಿದು, ಟೀಮ್​ ಇಂಡಿಯಾದ ಟಿ20 ನಾಯಕತ್ವ ತಪ್ಪುವರೆಗೆ ಪಾಂಡ್ಯ ಮಾಡಿದ ಸದ್ದು ಅಷ್ಟಿಷ್ಟಲ್ಲ. ಈ 2024 ಇದ್ಯಲ್ಲ.. ಇದು ಹಾರ್ದಿಕ್​ ಜೀವನದ ವಿಚಿತ್ರವಾದ ವರ್ಷ ಅಂದ್ರೂ ತಪ್ಪಾಗಲ್ಲ. ಈ ವರ್ಷದಲ್ಲಿ ಸಕ್ಸಸ್​ನ ಸಿಹಿಯನ್ನ ಉಂಡಿದ್ದಾರೆ. ಫೇಲ್ಯೂರ್​ನ ಕಹಿಯನ್ನೂ ಅನುಭವಿಸಿದ್ದಾರೆ.

ಇದನ್ನೂ ಓದಿ:ನಾಯಿ ಹೊಟ್ಟೆಗೆ ಜಾಸ್ತಿ ಹಾಕಿದ್ರೆ ಜೈಲಿಗೆ ಹೋಗ್ತೀರಿ ಹುಷಾರ್.. ಮಹಿಳೆಗೆ 2 ತಿಂಗಳ ಜೈಲು ಶಿಕ್ಷೆ ಕೊಟ್ಟ ಕೋರ್ಟ್​..!

ಹಿನ್ನಡೆಯ ನಡುವೆಯೂ ಹಾರ್ದಿಕ್​ ಶೈನ್​
ಈ ವರ್ಷದಲ್ಲಿ ಹಾರ್ದಿಕ್​ ಪಾಂಡ್ಯ ಸಾಲು ಸಾಲು ವೈಫಲ್ಯ ಕಂಡಿದ್ದಾರೆ. ಮುಂಬೈ ಇಂಡಿಯನ್ಸ್ ನಾಯಕನಾದ ಬಳಿಕ ಟೀಕೆ, ನಿಂದನೆ ಎದುರಿಸಿದ್ರು. ಆ ಬಳಿಕ ವಿಶ್ವಕಪ್​ನಲ್ಲಿ ಸಾಲಿಡ್​ ಪರ್ಫಾಮೆನ್ಸ್​ ನೀಡಿದ್ರೂ ಟೀಮ್​ ಇಂಡಿಯಾ ನಾಯಕತ್ವ ಕೈ ತಪ್ಪಿತು. ವೈಯಕ್ತಿಕ ಜೀವನದಲ್ಲಿ ಬಿರುಗಾಳಿ ಎದ್ದು, ಪತ್ನಿ-ಮಗು ಬೇರೆಯಾದ್ರು. ಈ ಎಲ್ಲಾ ಹಿನ್ನಡೆಯ ನಡುವೆಯೂ ಹಾರ್ದಿಕ್​ ಪಾಂಡ್ಯ ಶೈನ್​ ಆಗ್ತಿದ್ದಾರೆ.

ಇದನ್ನೂ ಓದಿ:ರೀಚಾರ್ಜ್ ಬೆಲೆ ಏರಿಸಿದ್ದ ಕಂಪನಿಗಳಿಗೆ TRAI ಗುನ್ನಾ.. ಮತ್ತೆ ಕಡಿಮೆ ಬೆಲೆಗೆ ಹೊಸ ಪ್ಲಾನ್..!

ಹಾರ್ದಿಕ್ ಹೊಸ​ ಕಿಂಗ್​..!
ಜೀವನದ ಏರುಪೇರಿನ ನಡುವೆಯೂ ಹಾರ್ದಿಕ್​ ಪಾಂಡ್ಯ ಬ್ರ್ಯಾಂಡ್​​ ವ್ಯಾಲ್ಯೂ ಮಾತ್ರ ಗಗನದೆತ್ತರಕ್ಕೆ ಏರ್ತಿದೆ. ಟಿ20 ವಿಶ್ವಕಪ್​ ಅಂತ್ಯದ ಬಳಿಕವಂತೂ ಹಾರ್ದಿಕ್​ ಪಾಂಡ್ಯಗೆ ಸಿಕ್ಕಾಪಟ್ಟೆ ಡಿಮ್ಯಾಂಡ್​ ಶುರುವಾಗಿದೆ. ಬ್ರ್ಯಾಂಡ್​ವ್ಯಾಲ್ಯೂ ಡಬಲ್​ ಆಗಿದ್ದು, ಜಾಹೀರಾತುದಾರರು ಹಾರ್ದಿಕ್​ನ​​ ಹುಡುಕಿಕೊಂಡು ಬರ್ತಿದ್ದಾರೆ. ಕಾರ್ಪೊರೇಟ್​ ದುನಿಯಾದ ಹೊಸ ಕಿಂಗ್​ ಆಗುವತ್ತ ಹಾರ್ದಿಕ್​ ಹೆಜ್ಜೆ ಹಾಕ್ತಿದ್ದಾರೆ.

ಹಾರ್ದಿಕ್​ ಪಾಂಡ್ಯ ಕ್ರೇಜ್​​ ಕಂಡು ಎಲ್ರೂ ಶಾಕ್​
ವಿಶ್ವಕಪ್​ ಬಳಿಕ ಹಾರ್ದಿಕ್​​ರ ಕ್ರೇಜ್​​ ಕೂಡ ಫ್ಯಾನ್ಸ್ ವಲಯದಲ್ಲಿ ಹೆಚ್ಚಾಗ್ತಿದೆ. T20 ವಿಶ್ವಕಪ್ ಗೆದ್ದು​ ಭಾರತಕ್ಕೆ ಬಂದ ಬಳಿಕ ಟೀಮ್​ ಇಂಡಿಯಾದ ವಿಜಯಯಾತ್ರೆ ನಡೀತು. ಅದಾಗಿ ಕೆಲ ದಿನಗಳ ಬಳಿಕ ಹಾರ್ದಿಕ್​, ತಮ್ಮ ತವರು ವಡೋದರಾಗೆ ತೆರಳಿದರು. ಅಲ್ಲಿ ಹಾರ್ದಿಕ್​ಗೆ ಅದ್ಧೂರಿ ಸ್ವಾಗತ ಸಿಗ್ತು. ಹಾರ್ದಿಕ್​ಗೆ ಗ್ರ್ಯಾಂಡ್​ ವೆಲ್​ಕಮ್​ ಮಾಡಲು ಫ್ಯಾನ್ಸ್​ ಕಿಕ್ಕಿರಿದು ನೆರೆದಿದ್ರು. ಫ್ಯಾನ್ಸ್​ ಕ್ರೇಜ್ ಕಂಡು​​ ಎಲ್ಲರೂ ದಂಗಾದ್ರು. ಕಾರ್ಪೋರೇಟ್​ ದುನಿಯಾ ಹಾರ್ದಿಕ್​ ಹಿಂದೆ ಬಿದ್ದಿರೋದಕ್ಕೆ ಇದೂ ಒಂದು ಕಾರಣ.

ಒಂದಾಯ್ತು.. 2ನೇ ಪ್ರಾಡಕ್ಟ್​ ಲಾಂಚ್​ಗೆ ಸಿದ್ಧತೆ
ಕೆಲ ದಿನಗಳ ಹಿಂದಷ್ಟೇ ಹಾರ್ದಿಕ್​ ಪಾಂಡ್ಯ ಬ್ಯುಸಿನೆಸ್​ ವಿಚಾರದಲ್ಲಿ ಹೊಸ ಹೆಜ್ಜೆ ಇಟ್ಟಿದ್ರು. ಕೆಲ ಆನ್​ಲೈನ್​ ಶಾಪಿಂಗ್​ ಸ್ಟೋರ್​ಗಳ ಜೊತೆ ಟೈ ಅಪ್​ ಆಗಿ ಪರ್ಫಾಮೆನ್ಸ್​ ವೇರ್​ ಕಂಪನಿ ಲಾಂಚ್​ ಮಾಡಿದ್ರು. ಅದಾಗಿ ಕೆಲವೇ ದಿನಕ್ಕೆ ಮತ್ತೊಂದು ಪ್ರಾಡಕ್ಟ್​ ಲಾಂಚ್​ ಮಾಡಲು ಹಾರ್ದಿಕ್​ ಮುಂದಾಗಿದ್ದಾರೆ. ಅಗಸ್ಟ್​ 15ರಂದು ಹಾರ್ದಿಕ್​ ಹೊಸ ಬ್ಯುಸಿನೆಸ್​ ಬಗ್ಗೆ ತಿಳಿಸಲಿದ್ದಾರಂತೆ.

20 ಬ್ರ್ಯಾಂಡ್​ಗಳಿಗೆ ಹಾರ್ದಿಕ್​ ಅಂಬಾಸಿಡರ್​​
ಹಲವು ಪ್ರತಿಷ್ಠಿತ ಕಂಪನಿಗಳು ಪಾಂಡ್ಯ ಬೆನ್ನುಬಿದ್ದಿವೆ. ತಮ್ಮ ಬ್ರ್ಯಾಂಡ್​ನ ಪ್ರಮೋಟ್​ ಮಾಡುವಂತೆ ಪಾಂಡ್ಯಗೆ ಕೋಟಿ, ಕೋಟಿ ಹಣ ನೀಡಲು ರೆಡಿಯಾಗಿವೆ. ಸದ್ಯಕ್ಕೆ 20 ಬ್ರ್ಯಾಂಡ್​​ಗಳಿಗೆ ಹಾರ್ದಿಕ್ ಪಾಂಡ್ಯ ಅಂಬಾಸಿಡರ್​ ಆಗಿದ್ದಾರೆ. ಈ ಬ್ರ್ಯಾಂಡ್​ಗಳ ಒಂದೊಂದು ಶೂಟ್​ಗೆ ಬರೋಬ್ಬರಿ 2.5 ಕೋಟಿ ಚಾರ್ಜ್​ ಮಾಡ್ತಾರಂತೆ.

ಇದನ್ನೂ ಓದಿ:MS ಧೋನಿ ಅಭಿಮಾನಿಗಳಿಗೆ ಕೊನೆಗೂ ಸಿಕ್ಕೇಬಿಡ್ತು ಗುಡ್​ನ್ಯೂಸ್​..

ಖ್ಯಾತಿ ಹೆಚ್ಚಾದಂತೆ ಹಾರ್ದಿಕ್​ ಪಾಂಡ್ಯ ಗಳಿಕೆಯೂ ವರ್ಷದಿಂದ ವರ್ಷಕ್ಕೆ ಹೆಚ್ಚಾಗ್ತಿದೆ. 2022ರಲ್ಲಿ 34.8 ಮಿಲಿಯನ್​ ಇದ್ದ ಬ್ರ್ಯಾಂಡ್​ ವ್ಯಾಲ್ಯೂ, 2023ರಲ್ಲಿ 38.4 ಮಿಲಿಯನ್​ಗೆ ಏರಿಕೆಯಾಗಿತ್ತು. ಈ ವರ್ಷ ಹಾರ್ದಿಕ್​ ಪಾಂಡ್ಯ ಕ್ರೇಜ್​ ಇನ್ನಷ್ಟು ಹೆಚ್ಚಾಗಿದೆ. 2024ರ ಅಂತ್ಯಕ್ಕೆ ಹಾರ್ದಿಕ್​ ಬ್ರ್ಯಾಂಡ್​ವ್ಯಾಲ್ಯೂ 40 ಮಿಲಿಯನ್​ನ ಗಡಿ ದಾಟೋದು ಪಕ್ಕಾ ಅನ್ನೋ ಮಾರ್ಕೆಟ್​ನ ಲೆಕ್ಕಾಚಾರವಾಗಿದೆ.

ಒಟ್ಟಿನಲ್ಲಿ, ವೈಯಕ್ತಿಕ ಜೀವನ ಹಾಗೂ ಕರಿಯರ್​ನಲ್ಲಿ ಹಿನ್ನಡೆ ಎದುರಾಗ್ತಿದ್ರೂ ಗಳಿಕೆಯಲ್ಲಿ ಮಾತ್ರ ಹಾರ್ದಿಕ್​​ ಮುನ್ನಡೆಯನ್ನೇ ಕಾಯ್ದುಕೊಂಡಿದ್ದಾರೆ. ಈ ಓಟ ನೋಡ್ತಿದ್ರೆ, ಪಾಂಡ್ಯ ಕಾರ್ಪೋರೆಟ್​ ದುನಿಯಾದ ಕಿಂಗ್ ಆಗೋ ದಿನ ದೂರವಿಲ್ಲ.

ವಿಶೇಷ ವರದಿ: ವಸಂತ್​ ಮಳವತ್ತಿ

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ ‘ರನ್ ಭೂಮಿ’ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್