ಡೆಂಗ್ಯೂ ಹರಡುತ್ತಾ? ಈ ಪ್ರಕರಣ ಹೆಚ್ಚಾಗಲು ಕಾರಣವೇನು?

ಮಣಿಪಾಲ್​​ ಆಸ್ಪತ್ರೆಯ ಮಕ್ಕಳಶಾಸ್ತ್ರ ವಿಭಾಗದ ಮುಖ್ಯಸ್ಥರ ವಿಶೇಷ ಸಂದರ್ಶನ

ಮಕ್ಕಳಲ್ಲಿ ಕಾಣಿಸಿಕೊಳ್ಳುವ ವೈರಲ್​ ಫೀವರ್​ ಬಗ್ಗೆ ಡಾಕ್ಟರ್​ ಭಾಸ್ಕರ್​ ಶೆಣೈ ಏನು ಹೇಳಿದ್ದಾರೆ ಗೊತ್ತಾ?

ಮಳೆಗಾಲದ ಸಮಯದಲ್ಲಿ ವೈರಲ್​ ಫೀವರ್​ಗಳು ಹೆಚ್ಚಾಗುತ್ತಿವೆ. ಮಕ್ಕಳಲ್ಲಿ ಈ ಪ್ರಕರಣಗಳು ಜಾಸ್ತಿಯಾಗಿ ಕಂಡುಬರುತ್ತಿವೆ. ಅದರ ಜೊತೆಗೆ ಡೆಂಗ್ಯೂ ಪ್ರಕರಣಗಳು ಅಲ್ಲಲ್ಲಿ ಕಾಣಿಸುತ್ತಿವೆ. ಮಕ್ಕಳಿಗೂ ಡೆಂಗ್ಯೂ ಹರಡುತ್ತಿದ್ದು, ಈ ಕುರಿತಾಗಿ ನ್ಯೂಸ್​​ಫಸ್ಟ್​​ ಕನ್ನಡ ಚಾನೆಲ್​ ​ಮೂಲಕ ಹಿರಿಯ ಪತ್ರಕರ್ತೆಯಾದ ಅರ್ಚನಾ ರವಿಕುಮಾರ್​ರವರು ಮಣಿಪಾಲ್​​ ಆಸ್ಪತ್ರೆಯ ಮಕ್ಕಳಶಾಸ್ತ್ರ ವಿಭಾಗದ ಮುಖ್ಯಸ್ಥರಾದ ಡಾಕ್ಟರ್​ ಭಾಸ್ಕರ್​ ಶೆಣೈ ಅವರನ್ನು ಸಂದರ್ಶನ ಮಾಡಿದ್ದಾರೆ. ಪೋಷಕರಿಗೆ ಮುನ್ನಚ್ಚರಿಕೆ ಕ್ರಮವನ್ನು ಮತ್ತು ವೈರಲ್​ ಫೀವರ್, ಡೆಂಗ್ಯೂ ಪ್ರಕರಣದ ಬಗ್ಗೆ ಸರಿಯಾದ ಮಾಹಿತಿಯನ್ನು ಒದಗಿಸಿದ್ದಾರೆ.
​
ಜ್ವರ, ನೆಗಡಿ ಸಾಮಾನ್ಯವಾಗಿ ಬಿಟ್ಟಿದೆ.. ಈ ಬಗ್ಗೆ ಡಾಕ್ಟರ್​ ಏನು ಹೇಳುತ್ತೀರಾ?

ಮಕ್ಕಳು ಕಾಯಿಲೆ ಬೀಳುವುದು ಈಗ ಜಾಸ್ತಿಯಾಗಿದೆ. ಅದಕ್ಕೆ ಕಾರಣವೆಂದರೆ ವೈರಸ್​​ಗಳು ಜಾಸ್ತಿಯಾಗಿವೆ. ಅವುಗಳ ಬೆಳವಣಿಗೆ ಹೆಚ್ಚಾಗುತ್ತಿವೆ. ವಾತಾವರಣದಲ್ಲಿ ವೈರಸ್​ಗಳು ಜಾಸ್ತಿ ಹರಡುತ್ತಿವೆ. ಮತ್ತೊಂದು ಕಾರಣವೆಂದರೆ ಮಕ್ಕಳು ಶಾಲೆಗೆ ಹೋಗ್ತಾರೆ. ತರಗತಿಯಲ್ಲಿ ಪಕ್ಕಪಕ್ಕ ಕುಳಿತಿರುವ ಕಾರಣ ಒಬ್ಬರಿಂದ ಒಬ್ಬರಿಗೆ ಹರಡುತ್ತವೆ. ಅವ್ರು ಆ ವೈರಸ್​ ತೆಗೆದುಕೊಂಡು ಮನೆಗೆ ಬರ್ತಾರೆ.

ಇದನ್ನೂ ಓದಿ: Dr Bhaskar Shenoy: ದಿನಕ್ಕೆ ಎಷ್ಟು ಡೆಂಗ್ಯೂ ಕೇಸ್​ ಬರುತ್ತೆ? ಇದರ ಲಕ್ಷಣಗಳ ಬಗ್ಗೆ ವೈದ್ಯರು ಹೇಳೊದೇನು?

ಈ ವರ್ಷ ಪ್ರಕರಣಗಳ ಸಂಖ್ಯೆ ಜಾಸ್ತಿಯಾಗಿವೆ?

ಇಲ್ಲ. ಪ್ರತಿ ವರ್ಷ ಮಳೆಯ ಸೀಸನ್​ನಲ್ಲಿ ಜಾಸ್ತಿ ಇರುತ್ತೆ. ಜೂನ್​ ಕೊನೆ, ಜುಲೈ ಫಸ್ಟ್ ವೀಕ್​ನಿಂದ ಜಾಸ್ತಿನೇ ಇರುತ್ತೆ. ಆಗಸ್ಟ್, ಸೆಪ್ಟೆಂಬರ್​, ಅಕ್ಟೋಬರ್​ ತನಕ ಇರುತ್ತೆ. ಅಕ್ಟೋಬರ್ ನಂತರ ಸ್ಕೂಲ್​​ ಕ್ಲೋಸ್​ ಆಗುತ್ತೆ. ಈ ಸಮಯದಲ್ಲಿ ಕಡಿಮೆಯಾಗುತ್ತೆ. ಈ ಮೂರು ತಿಂಗಳು ಜಾಸ್ತಿನೇ. ಇದು ಈ ವರ್ಷದ ಅನುಭವ ಅಷ್ಟೇ ಅಲ್ಲ. ಪ್ರತಿ ವರ್ಷ ಈ ಅನುಭವ ಇದ್ದೇ ಇರುತ್ತೆ.

ಡೆಂಗ್ಯೂ ಪ್ರಕರಣಗಳು ಜಾಸ್ತಿಯಾಗಿವೆ?

ಮೊದಲ ಮಳೆ ಬಂದ ತಕ್ಷಣ ಡೆಂಗ್ಯೂ ಜಾಸ್ತಿಯಾಗುತ್ತೆ. ಡೆಂಗ್ಯೂ ಯಾವುದರಿಂದ ಪ್ರಾರಂಭವಾಗುತ್ತೆ ಎಂದು ನೋಡಬೇಕು. ಒಂದು ಸೊಳ್ಳೆಯಿಂದ ಶುರುವಾಗುತ್ತೆ. ಈ ಸೊಳ್ಳೆಗಳು ಶುದ್ಧ ನೀರಿನಲ್ಲಿ ಬೆಳೆಯುತ್ತವೆ. ಇದು ಹಗಲು ಹೊತ್ತು ಕಚ್ಚುವ ಸೊಳ್ಳೆಗಳು. ಸಾಮಾನ್ಯವಾಗಿ ತೆಂಗಿನ ಚಿಪ್ಪು, ಬಾಟಲಿ ಇದರ ಮೇಲೆ ನೀರು ನಿಲ್ಲುತ್ತವೆ. ಅದರ ಮೇಲೆ ಸೊಳ್ಳೆ ಮೊಟ್ಟೆ ಇಟ್ಟು ಮರಿ ಮಾಡುತ್ತವೆ.

ಇದನ್ನೂ ಓದಿ: ಕರಾವಳಿಯಲ್ಲಿ ಮತ್ತೆ ಮಳೆಯ ಆರ್ಭಟ.. ಈ 5 ತಾಲೂಕಿನ ಶಾಲಾ-ಕಾಲೇಜುಗಳಿಗೆ ರಜೆ ಘೋಷಣೆ

ದಿನಕ್ಕೆ ಎಷ್ಟು ಕೇಸ್​ ಬರುತ್ತದೆ?

ಸಾಮಾನ್ಯವಾಗಿ ಈ ಸೀಸನ್​ ಶುರುವಾದ ಮೇಲೆ ಪ್ರತಿ ದಿನ 25 ರಿಂದ 30 ಡೆಂಗ್ಯೂ ಕೇಸ್​ ನೋಡ್ತ್ತೇನೆ. ಕೆಲವೊಮ್ಮೆ ಜಾಸ್ತಿ ಇರುತ್ತೆ, ಕೆಲವೊಮ್ಮೆ ಕಡಿಮೆ ಇರುತ್ತೆ. ಇದರಲ್ಲಿ 4 ರಿಂದ 5 ಪ್ರತಿಶತ ಕೇಸ್​​ ಅಡ್ಮಿಟ್​​ ಆಗುತ್ತಾರೆ.

ಡೆಂಗ್ಯೂ ಲಕ್ಷಣಗಳು?

ಮೊದಲಿನ 4-5 ದಿನ ಜ್ವರ ಬರುತ್ತೆ. ಜ್ವರ ಬರುವ ಮೊದಲು ಮಕ್ಕಳು ಚೆನ್ನಾಗಿ ಇರುತ್ತಾರೆ. ಏಕಾಏಕಿ ಜ್ವರ ಬರುತ್ತದೆ. ಇದು ನಾಮರ್ಲ್​ ಜ್ವರ ಅಲ್ಲ. ಇದನ್ನು ಬ್ರೇಕಿಂಗ್​ ಬೋನ್​ ಫೀವರ್​ ಎನ್ನುತ್ತಾರೆ. ಬೆನ್ನು ಮೂಳೆ ಕೂಡ ಜ್ವರದಲ್ಲಿ ನೋವಾಗುತ್ತೆ. ಜ್ವರ 103, 104 ಹೋಗುತ್ತೆ, ಚಳಿಯಿಂದ ನಡುಗುತ್ತಾರೆ, ತಲೆನೋವು ಬರುತ್ತೆ, ಮೈ-ಕೈ ನೋವು, ಕೆಲವು ಮಕ್ಕಳಿಗೆ ಕಣ್ಣು ಕೆಂಪಾಗಬಹುದು. ಕಣ್ಣಿನ ಹಿಂಭಾಗ ನೋವಾಗುತ್ತದೆ (ರೆಟ್ರೋ ಆರ್ಬಿಟಲ್​ ಪೇನ್). ಇದು ಡೆಂಗ್ಯೂ ಪ್ರಕರಣದಲ್ಲಿ ಜಾಸ್ತಿ ಇರುತ್ತದೆ.

ಇದನ್ನೂ ಓದಿ: ಸಾವಿನ ಸಂಖ್ಯೆ 143ಕ್ಕೆ ಏರಿಕೆ; ಕೇರಳ ಮಹಾ ದುರಂತದ ನೋವು ಮತ್ತಷ್ಟು ಕಾಡುವ ಆತಂಕ..

ಡೆಂಗ್ಯೂ ಜ್ವರ ಬಂದ್ರೆ 5 ದಿನ ಇರುತ್ತದೆ. ಏನೇ ಮೆಡಿಸಿನ್ ಕೊಟ್ರು ಅಷ್ಟು ಬೇಗ ಬಗ್ಗಲ್ಲ. ಇದು ಡೆಂಗ್ಯೂ ಮೊದಲನೇ ಲಕ್ಷಣ. ಕೆಲವು ಮಕ್ಕಳಿಗೆ ವಾಂತಿಯಾಗಬಹುದು, ಸುಸ್ತು ಆಗಬಹುದು, ಜ್ವರ ಹೋದ ಮೇಲೆ ಚೇತರಿಸಿಕೊಳ್ಳುತ್ತಾರೆ.

ಜ್ವರ ಬಂದಾಗ ಎಷ್ಟು ದಿನ ಒಳಗಾಗಿ ಡಾಕ್ಟರ್​ ಭೇಟಿ ಮಾಡಬೇಕು?

ಸಾಮಾನ್ಯವಾಗಿ ಮಕ್ಕಳು ತುಂಬಾ ಜ್ವರದಿಂದ ನಡುಗುತ್ತಿರುವಾಗ ಯಾವ ಮಕ್ಕಳಿಗೂ ಸುಮ್ಮನೆ ಇರೋಕೆ ಆಗಲ್ಲ. ಒಂದನೇ ದಿನವೇ ಡಾಕ್ಟರ್​ ಹತ್ರ ಬರುತ್ತಾರೆ. ಮೊದಲ 3-4 ದಿನ ಏನು ಮಾಡೋಕೆ ಆಗಲ್ಲ. ಜ್ವರಕ್ಕೆ ಔಷಧಿಯನ್ನು ಮಾತ್ರ ಕೊಡಬೇಕು. ಅದರಲ್ಲೂ ಪ್ಯಾರಾಸಿಟಮಾಲ್​ ಮಾತ್ರೆ ಕೊಡಬೇಕು. ಉದಾಹರಣೆಗೆ ಮೆಫೆನೆಮಿಕ್​ ಆ್ಯಸಿಡ್​ ಅಂತ ಇರುತ್ತೆ, ಇಬುಪ್ರೊಪೇನ್​ ಅಂತ ಇರುತ್ತೆ ಇಂಥಾ ಔಷಧಿ ಕೊಡಬಾರದು. ಜ್ವರ ಬಂದಾಗ ಕೂಡಲೇ ಮಕ್ಕಳನ್ನು ವೈದರ ಬಳಿ ಕರೆದುಕೊಂಡು ಬರಬೇಕಾಗಿಲ್ಲ. 1-2 ದಿನಕ್ಕಾದರೂ ತೊಂದರೆ ಇಲ್ಲ.