ಮಕ್ಕಳಲ್ಲಿ ಕಾಡುವ ವೈರಲ್​ ಫೀವರ್​ಗಳ ಬಗ್ಗೆ ನ್ಯೂಸ್​​ಫಸ್ಟ್​ನಲ್ಲಿ ವಿಶೇಷ ಸಂದರ್ಶನ

ಡೆಂಗ್ಯೂ ಪ್ರಕರಣಗಳ ಬಗ್ಗೆ ಡಾಕ್ಟರ್​ ಭಾಸ್ಕರ್​ ಶೆಣೈಯವರನ್ನು ಏನು ಹೇಳಿದ್ದಾರೆ ಕೇಳಿ

ಮಕ್ಕಳಿಗೆ ಡೆಂಗ್ಯೂ ಬಂದ್ರೆ ಈ ಔಷಧಿಯನ್ನು ಕೊಡಲೇ ಬಾರದು! ಯಾಕೆ ಗೊತ್ತಾ?

ಮಳೆಗಾಲದ ಸಮಯದಲ್ಲಿ ಮಕ್ಕಳಲ್ಲಿ ಕಾಣಿಸಿಕೊಳ್ಳುವ ವೈರಲ್​ ಫೀವರ್​ಗಳು ಮತ್ತು ಡೆಂಗ್ಯೂ ಪ್ರಕರಣಗಳ ಬಗ್ಗೆ ಹಿರಿಯ ಪತ್ರಕರ್ತೆಯಾದ ಅರ್ಚನಾ ರವಿಕುಮಾರ್​ರವರು ಮಣಿಪಾಲ್​​ ಆಸ್ಪತ್ರೆಯ ಮಕ್ಕಳಶಾಸ್ತ್ರ ವಿಭಾಗದ ಮುಖ್ಯಸ್ಥರಾದ ಡಾಕ್ಟರ್​ ಭಾಸ್ಕರ್​ ಶೆಣೈಯವರನ್ನು ಸಂದರ್ಶನ ಮಾಡಿದ್ದಾರೆ.

ವಿಶೇಷ ಸಂದರ್ಶನದಲ್ಲಿ ಪೋಷಕರಿಗೆ ಡೆಂಗ್ಯೂ ತಡೆಗಟ್ಟಲು ಮುನ್ನಚ್ಚರಿಕೆ ಕ್ರಮವನ್ನು ಮತ್ತು ವೈರಲ್​ ಫೀವರ್, ಡೆಂಗ್ಯೂ ಪ್ರಕರಣದ ಗೊಂದಲದ ಕುರಿತಾಗಿ ವಿಶೇಷ ಮಾಹಿತಿಯನ್ನು ಡಾ. ಭಾಸ್ಕರ್​ ಶೆಣೈಯವರು ನೀಡಿದ್ದಾರೆ.

ದಿನಕ್ಕೆ ಎಷ್ಟು ಕೇಸ್​ ಬರುತ್ತದೆ?

ಸಾಮಾನ್ಯವಾಗಿ ಈ ಸೀಸನ್​ ಶುರುವಾದ ಮೇಲೆ ಪ್ರತಿ ದಿನ 25 ರಿಂದ 30 ಡೆಂಗ್ಯೂ ಕೇಸ್​ ನೋಡ್ತ್ತೇನೆ. ಕೆಲವೊಮ್ಮೆ ಜಾಸ್ತಿ ಇರುತ್ತೆ, ಕೆಲವೊಮ್ಮೆ ಕಡಿಮೆ ಇರುತ್ತೆ. ಇದರಲ್ಲಿ 4 ರಿಂದ 5 ಪ್ರತಿಶತ ಕೇಸ್​​ ಅಡ್ಮಿಟ್​​ ಆಗುತ್ತಾರೆ.

ಇದನ್ನೂ ಓದಿ: ಕೇರಳ ಭೂಕುಸಿತದಲ್ಲಿ ಕರ್ನಾಟಕದ ನಾಲ್ವರ ದುರಂತ ಸಾವು.. ಇನ್ನೂ ಎಷ್ಟು ಮಂದಿ ಸಂಕಷ್ಟಕ್ಕೆ ಸಿಲುಕಿದ್ದಾರೆ..?

ಡೆಂಗ್ಯೂ ಲಕ್ಷಣಗಳು?

ಮೊದಲಿನ 4-5 ದಿನ ಜ್ವರ ಬರುತ್ತೆ. ಜ್ವರ ಬರುವ ಮೊದಲು ಮಕ್ಕಳು ಚೆನ್ನಾಗಿ ಇರುತ್ತಾರೆ. ಏಕಾಏಕಿ ಜ್ವರ ಬರುತ್ತದೆ. ಇದು ನಾಮರ್ಲ್​ ಜ್ವರ ಅಲ್ಲ. ಇದನ್ನು ಬ್ರೇಕಿಂಗ್​ ಬೋನ್​ ಫೀವರ್​ ಎನ್ನುತ್ತಾರೆ. ಬೆನ್ನು ಮೂಳೆ ಕೂಡ ಜ್ವರದಲ್ಲಿ ನೋವಾಗುತ್ತೆ. ಜ್ವರ 103, 104 ಹೋಗುತ್ತೆ, ಚಳಿಯಿಂದ ನಡುಗುತ್ತಾರೆ, ತಲೆನೋವು ಬರುತ್ತೆ, ಮೈ-ಕೈ ನೋವು, ಕೆಲವು ಮಕ್ಕಳಿಗೆ ಕಣ್ಣು ಕೆಂಪಾಗಬಹುದು. ಕಣ್ಣಿನ ಹಿಂಭಾಗ ನೋವಾಗುತ್ತದೆ (ರೆಟ್ರೋ ಆರ್ಬಿಟಲ್​ ಪೇನ್). ಇದು ಡೆಂಗ್ಯೂ ಪ್ರಕರಣದಲ್ಲಿ ಜಾಸ್ತಿ ಇರುತ್ತದೆ.

ಇದನ್ನೂ ಓದಿ: ಸಾವಿನ ಸಂಖ್ಯೆ 143ಕ್ಕೆ ಏರಿಕೆ; ಕೇರಳ ಮಹಾ ದುರಂತದ ನೋವು ಮತ್ತಷ್ಟು ಕಾಡುವ ಆತಂಕ..

ಡೆಂಗ್ಯೂ ಜ್ವರ ಬಂದ್ರೆ 5 ದಿನ ಇರುತ್ತದೆ. ಏನೇ ಮೆಡಿಸಿನ್ ಕೊಟ್ರು ಅಷ್ಟು ಬೇಗ ಬಗ್ಗಲ್ಲ. ಇದು ಡೆಂಗ್ಯೂ ಮೊದಲನೇ ಲಕ್ಷಣ. ಕೆಲವು ಮಕ್ಕಳಿಗೆ ವಾಂತಿಯಾಗಬಹುದು, ಸುಸ್ತು ಆಗಬಹುದು, ಜ್ವರ ಹೋದ ಮೇಲೆ ಚೇತರಿಸಿಕೊಳ್ಳುತ್ತಾರೆ.

ಜ್ವರ ಬಂದಾಗ ಎಷ್ಟು ದಿನದ ಒಳಗಾಗಿ ಡಾಕ್ಟರನ್ನು​ ಭೇಟಿ ಮಾಡಬೇಕು?

ಸಾಮಾನ್ಯವಾಗಿ ಮಕ್ಕಳು ತುಂಬಾ ಜ್ವರದಿಂದ ನಡುಗುತ್ತಿರುವಾಗ ಯಾವ ಮಕ್ಕಳಿಗೂ ಸುಮ್ಮನೆ ಇರೋಕೆ ಆಗಲ್ಲ. ಒಂದನೇ ದಿನವೇ ಡಾಕ್ಟರ್​ ಹತ್ರ ಬರುತ್ತಾರೆ. ಮೊದಲ 3-4 ದಿನ ಏನು ಮಾಡೋಕೆ ಆಗಲ್ಲ. ಜ್ವರಕ್ಕೆ ಔಷಧಿಯನ್ನು ಮಾತ್ರ ಕೊಡಬೇಕು. ಅದರಲ್ಲೂ ಪ್ಯಾರಾಸಿಟಮಾಲ್​ ಮಾತ್ರೆ ಕೊಡಬೇಕು. ಉದಾಹರಣೆಗೆ ಮೆಫೆನೆಮಿಕ್​ ಆ್ಯಸಿಡ್​ ಅಂತ ಇರುತ್ತೆ, ಇಬುಪ್ರೊಪೇನ್​ ಅಂತ ಇರುತ್ತೆ ಇಂಥಾ ಔಷಧಿ ಕೊಡಬಾರದು. ಜ್ವರ ಬಂದಾಗ ಕೂಡಲೇ ಮಕ್ಕಳನ್ನು ವೈದರ ಬಳಿ ಕರೆದುಕೊಂಡು ಬರಬೇಕಾಗಿಲ್ಲ. 1-2 ದಿನಕಾದರೂ ತೊಂದರೆ ಇಲ್ಲ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ