ಹೋಟೆಲ್​ ಮೇಲ್ಛಾವಣಿಗೆ ಗುದ್ದಿದ ಹೆಲಿಕಾಪ್ಟರ್

ಹೆಲಿಕಾಪ್ಟರ್ ನೆಲಕಪ್ಪಳಿಸಿದಂತೆ ಕಾಣಿಸಿಕೊಂಡ ಬೆಂಕಿ

ಬೆಂಕಿಯ ಕೆನ್ನಾಲಿಗೆಗೆ ಸಾವನ್ನಪ್ಪಿದ ಪೈಲಟ್​.. ಹೋಟೆಲ್​ ಅತಿಥಿಗಳ ಸ್ಥಳಾಂತರ

ಹೆಲಿಕಾಪ್ಟರ್​ವೊಂದು ಹೋಟೆಲ್​ ಮೇಲ್ಛಾವಣಿಗೆ ಗುದ್ದಿದ ಪರಿಣಾಮ ಪೈಲಟ್​​ ಸಾವನ್ನಪ್ಪಿದ ಘಟನೆ ಉತ್ತರ ಆಸ್ಟ್ರೇಲಿಯಾದಲ್ಲಿ ನಡೆದಿದೆ. ಹೆಲಿಕಾಪ್ಟರ್​ ಗುದ್ದಿದ್ದಂತೆ ನಿಯಂತ್ರಣ ತಪ್ಪಿ ಹೋಟೆಲ್​ ಮೇಲೆ ಬಿದ್ದಿದೆ. ಅಲ್ಲಿ ತಂಗಿದ್ದ ನೂರಾರು ಅತಿಥಿಗಳನ್ನು ಸುರಕ್ಷಿತ ಸ್ಥಳಕ್ಕೆ ಸ್ಥಳಾಂತರಿಸಲಾಗಿದೆ.

ಇಂದು ಮುಂಜಾನೆ 2 ಗಂಟೆ ಸುಮಾರಿಗೆ ಈ ಅವಘಡ ಸಂಭವಿಸಿದೆ. ಟ್ವಿನ್​ ಇಂಜಿನ್​ ಹೆಲಿಕಾಪ್ಟರ್​ ಹೋಟೆಲ್​ ಮೇಲ್ಛಾವಣಿಗೆ ಡಿಕ್ಕಿ ಹೊಡೆದಿದೆ. ಪರಿಣಾಮ ಬೆಂಕಿ ಕಾಣಿಸಿಕೊಂಡಿದೆ.ಕೂಡಲೇ ಅಲ್ಲಿದ್ದವರನ್ನು ಸ್ಥಳಾಂತರಿಸಲಾಗಿದೆ. ಸ್ಥಳಕ್ಕೆ ಬಂದ ತುರ್ತು ನಿಗಮದ ಸಿಬ್ಬಂದಿ ಬೆಂಕಿ ನಂದಿಸಿದ್ದಾರೆ.

Cairns hotel evacuated after a helicopter crashed into its roof in Cairns, QLD, Australia#breaking #Cairns #Queensland #Australia pic.twitter.com/A1H3GDni9j

— Bobby Ellison (@BobbyEllisonKY) August 11, 2024

ಇದನ್ನೂ ಓದಿ: ತುಂಗಭದ್ರಾ ತೀರದ ಜನರೇ ಎಚ್ಚರ! ನಿನ್ನೆಗಿಂತ ಇಂದು ಹೊರಹರಿವಿನ ಪ್ರಮಾಣದಲ್ಲಿ ಏರಿಕೆ ಮಾಡಲು ಚಿಂತನೆ

ಹೆಲಿಕಾಪ್ಟರ್​ ಅವಘಡದಲ್ಲಿ ಪೈಲಟ್​ ಸ್ಥಳದಲ್ಲೇ ಸಾವನ್ನಪ್ಪಿದ್ದಾರೆ. ಬೆಂಕಿಯ ಕೆನ್ನಾಲಿಗೆಗೆ ಸುಟ್ಟು ಕರಕಲಾಗಿದ್ದಾರೆ ಎಂದು ತಿಳಿದುಬಂದಿದೆ. ಸದ್ಯ ಪೊಲೀಸರು ಪೈಲಟ್​ ಮತ್ತು ಹೆಲಿಕಾಪ್ಟರ್​ ಅಪಘಾತದ ಕುರಿತು ತನಿಖೆ ಶುರು ಮಾಡಿದ್ದಾರೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ