ದೀಪಾವಳಿ ಹಬ್ಬದ ಸಲುವಾಗಿ ಭರ್ಜರಿ ಕೊಡುಗೆ

ನೋ-ಕಾಸ್ಟ್​ ಇಎಮ್​ಐನಲ್ಲಿ ದಿನಸಿ ಖರೀದಿಸುವ ಅವಕಾಶ

ಚಿನ್ನ ಮತ್ತು ಬೆಳ್ಳಿ ಬಿಟ್ಟು ಈ ವಸ್ತುಗಳನ್ನು ಖರೀದಿಗೆ ಸಿಗುತ್ತೆ

ದೀಪಾವಳಿ ಹಬ್ಬ ಹತ್ತಿರ ಬರುತ್ತಿದೆ. ಅನೇಕ ಕಂಪನಿಗಳು ಹಬ್ಬದ ಸಲುವಾಗಿ ಗ್ರಾಹಕರಿಗಾಗಿ ಕೊಡುಗೆಗಳನ್ನು ನೀಡುತ್ತಿದೆ. ಅದರಂತೆಯೇ ಆನ್​ಲೈನ್​ ದಿನಸಿ ಉತ್ಪನ್ನಗಳನ್ನು ಮನೆ ಬಾಗಿಲಿಗೆ ತಲುಪಿಸುವ ಬ್ಲಿಂಕ್​ಇಟ್​​ ಕಂಪನಿ ಇದೀಗ ಹೊಸ ಕೊಡುಗೆ ನೀಡಿದೆ. ಗ್ರಾಹಕರಿಗೆ ಇಎಮ್​ಐ ಸೌಲಭ್ಯ ನೀಡಿದ್ದು, ಅದರ ಮೂಲಕ ದಿನಸಿಗಳನ್ನು ಖರೀದಿಸಬಹುದಾಗಿದೆ.

ಬ್ಲಿಂಕ್​ಇಟ್​​ ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ಅಲ್ಬಿಂದರ್​​​ ದಿಂಡ್ಸಾ ಈ ಕುರಿತಾಗಿ ಸಾಮಾಜಿಕ ಜಾಲತಾಣದಲ್ಲಿ ಬರೆದುಕೊಂಡಿದ್ದಾರೆ. ‘ಬ್ಲಿಂಕ್​ಇಟ್​​ ಗ್ರಾಹಕರಿಗೆ ಉತ್ತಮ ಯೋಜನೆಯನ್ನು ತಂದಿದೆ. ದಿನಸಿಗಳ ಖರೀದಿಯನ್ನು ಇದು ಸುಧಾರಿಸುತ್ತದೆ. ಅದಕ್ಕಾಗಿ ಮಾಸಿಕ ಕಂತು ರೂಪದಲ್ಲಿ ಸೌಲಭ್ಯ ನೀಡುತ್ತಿದೆ. 2,999ಕ್ಕಿಂತ ಹೆಚ್ಚಿನ ಎಲ್ಲಾ ಆರ್ಡರ್​ಗಳಿಗೆ ಇದು ಅನ್ವಯಿಸುತ್ತದೆ. ಆದರೆ ಈ ವೈಶಿಷ್ಟ್ಯದ ಮೂಲಕ ಚಿನ್ನ ಮತ್ತು ಬೆಳ್ಳಿ ನಾಣ್ಯವನ್ನು ಖರೀದಿಸಲು ಅನ್ವಯಿಸುದಿಲ್ಲ. ವಾರ್ಷಿಕವಾಗಿ 15 ಪ್ರತಿಶತ ಬಡ್ಡಿಯೊಂದಿಗೆ ನೋ-ಕಾಸ್ಟ್​ ಇಎಂಐ ಆಯ್ಕೆಯಲ್ಲಿ ಖರೀದಿಗೆ ಲಭ್ಯ’ ಎಂದು ಬರೆದುಕೊಂಡಿದ್ದಾರೆ.

ಇದನ್ನೂ ಓದಿ: ವಿದ್ಯಾರ್ಥಿಗಳಿಗೆ ಹಿನ್ನಡೆ, ಪರಿಶ್ರಮಕ್ಕೆ ತಕ್ಕ ಪ್ರತಿಫಲ ಸಿಗುವ ದಿನ; ಇಲ್ಲಿದೆ ನಿಮ್ಮ ರಾಶಿ ಭವಿಷ್ಯ

ಬಳಕೆದಾರರು ಆನ್​ಲೈನ್​ನಲ್ಲಿ ದಿನಸಿಯನ್ನು ಖರೀದಿಸಿ ಪಾವತಿ ಆಯ್ಕೆಯ ಮಾಡುವ ಮುನ್ನ ಇಎಮ್​ಐ ಆಯ್ಕೆ ಮಾಡಬಹುದಾಗಿದೆ. ಇದನ್ನು ಸುಲಭ ಕಂತುಗಳಾಗಿ ಪಾವತಿ ಮಾಡಬಹುದಾಗಿದೆ. ಮಧ್ಯವರ್ತಿಗಳ ಅಗತ್ಯವಿಲ್ಲದೆ ಬ್ಲಿಂಕ್​ಇಟ್​ ತನ್ನ ಗ್ರಾಹಕರಿಗೆ ಈ ವೈಶಿಷ್ಟ್ಯವನ್ನು ಪರಿಚಯಿಸಿದೆ.

ಇದನ್ನೂ ಓದಿ: ಪತ್ನಿ ಕೊಲೆ ಆರೋಪದಲ್ಲಿ ಜೈಲು ಸೇರಿದ್ದ ಪತಿ, ಅತ್ತೆ, ಮಾವ.. ಜಾತ್ರೆಯಲ್ಲಿ ಜೀವಂತವಾಗಿ ಸಿಕ್ಕ ಮಹಿಳೆ ಮನೆಮಂದಿ ಶಾಕ್​

2013ರಲ್ಲಿ ಬ್ಲಿಂಕ್​ಇಟ್​​ ಕಂಪನಿ ಸ್ಥಾಪನೆಯಾಯಿತು. ಸದ್ಯ ಗ್ರಾಹಕರ ಮನಗೆದ್ದಿರುವ ಈ ಕಂಪನಿ 10 ನಿಮಿಷದಲ್ಲಿ ಐಫೋನ್ 16 ಸರಣಿಯನ್ನು ಮನೆ ಬಾಗಿಲಿಗೆ ತಂದು ಕೊಡುವ ಕೆಲಸ ಮಾಡುತ್ತಿದೆ.