ಐದು ಸ್ಟಾರ್​ಗಳಿಗೆ ಬಂಪರ್​ ಜಾಕ್​ಪಾಟ್ ಗ್ಯಾರಂಟಿ

ಕನ್ನಡಿಗ ರಾಹುಲ್​ಗೂ ಇದೇ ಸಖತ್​ ಬೇಡಿಕೆ..!

ದಾಖಲೆ ಮೊತ್ತಕ್ಕೆ ಯಾವ ಆಟಗಾರ ಸೇಲ್​ ಆಗ್ತಾರೆ..?

ಐಪಿಎಲ್​ ರಿಟೈನ್ಶನ್​ ಅನೌನ್ಸ್​ಮೆಂಟ್​ಗೆ ಒಂದು ದಿನ ಮಾತ್ರ ಬಾಕಿ ಉಳಿದಿದೆ. ನಾಳೆ ಸಂಜೆಯೊಳಗೆ ಫ್ರಾಂಚೈಸಿಗಳು ರಿಟೈನ್ ಮಾಡಿಕೊಂಡ ಆಟಗಾರರ ಲಿಸ್ಟ್​ ಅನೌನ್ಸ್​ ಮಾಡಬೇಕಿದೆ. ಈ ಲಿಸ್ಟ್​ ಅನೌನ್ಸ್​ಮೆಂಟ್​ಗೂ ಮುನ್ನ ಮೆಗಾ ಹರಾಜಿನ ಕುತೂಹಲ ಅಭಿಮಾನಿಗಳಲ್ಲಿ ಹೆಚ್ಚಾಗಿದೆ. ಒಂದಲ್ಲ.. ಎರಡಲ್ಲ.. ಕೋಟಿ-ಕೋಟಿಯ ಲೆಕ್ಕಾಚಾರ ನಡೀತಿದೆ.

ಇಂಡಿಯನ್​ ಪ್ರೀಮಿಯರ್​ ಲೀಗ್​ ರಿಟೈನ್ಶನ್​ ಡೆಡ್​​ಲೈನ್​ ಬಂದೇ ಬಿಡ್ತು. ಇನ್ನೊಂದೇ ದಿನ. ನಾಳೆ ಸಂಜೆಯೊಳಗೆ ಐಪಿಎಲ್​ ಫ್ರಾಂಚೈಸಿಗಳು ರಿಟೈನ್ಶನ್​ ಲಿಸ್ಟ್​ ಅನೌನ್ಸ್​ ಮಾಡಬೇಕಿದೆ. ಎಲ್ಲಾ ರೀತಿಯಲ್ಲೂ ಲೆಕ್ಕಾಚಾರ ಹಾಕಿರೋ ತಂಡಗಳು ತಾವು ರಿಟೈನ್​ ಮಾಡಿಕೊಳ್ಳೋ ಆಟಗಾರರ ಲಿಸ್ಟ್​ನ ಬಹುತೇಕ​ ರೆಡಿ ಮಾಡಿವೆ. ಅದರ ಜೊತೆಗೆ ತಂಡದಿಂದ ಹೊರ ಬೀಳುವ ಆಟಗಾರರ ಯಾರು ಅನ್ನೋದು ಬಹುತೇಕ ರಿವೀಲ್​ ಆಗಿದೆ. ಇದೀಗ ರಿಟೈನ್ಶನ್​ಗಿಂತ ಹೆಚ್ಚಾಗಿ ಮೆಗಾ ಆಕ್ಷನ್​ನತ್ತ ಕುತೂಹಲ ಮೂಡಿದೆ. ಯಾರಿಗೆ ಬಂಪರ್​ ಜಾಕ್​ಪಾಟ್​ ಅನ್ನೋ ಪ್ರಶ್ನೆ ಎಲ್ಲರನ್ನು ಕಾಡ್ತಿದೆ.

ಇದನ್ನೂ ಓದಿ:18 ಕೋಟಿಗೆ ಡೀಲ್! LSG ಉಳಿಸಿಕೊಂಡ ಮೊದಲ ಸ್ಟಾರ್ ಹೆಸರು ರಿವೀಲ್, ರಾಹುಲ್ ಅಲ್ಲ..!

ರಿಷಭ್​ ಪಂತ್​ ಮೇಲಿದೆ ಎಲ್ಲರ ಕಣ್ಣು
ಡೆಲ್ಲಿ ಕ್ಯಾಪಿಟಲ್ಸ್​ ತಂಡವನ್ನು ತೊರೆಯಲು ನಿರ್ಧರಿಸಿರೋ ಪಂತ್​ ಹರಾಜಿನಲ್ಲಿ ಕಣಕ್ಕಿಳಿಯಲು ಸಜ್ಜಾಗಿದ್ದಾರೆ. ಈ ಸುದ್ದಿ ಕೇಳಿ ಹಲವು ಫ್ರಾಂಚೈಸಿಗಳು ಪಂತ್​ ಮೇಲೆ ಕಣ್ಣಿಟ್ಟಿವೆ. ನಾಯಕ + ವಿಕೆಟ್​ ಕೀಪರ್​​.. ಒಂದೇ ಕಲ್ಲಿಗೆ ಎರಡು ಹಕ್ಕಿ ಹೊಡೆಯಲು ಹಲವು ಫ್ರಾಂಚೈಸಿಗಳು ಸಜ್ಜಾಗಿವೆ. ಪಂತ್​ ಯಾವುದೇ ತಂಡ ಸೇರಿದ್ರೂ ಆ ತಂಡದ ಬ್ರ್ಯಾಂಡ್​ವ್ಯಾಲ್ಯೂ ಕೂಡ ಹೆಚ್ಚಾಗಲಿದೆ. ಹೀಗಾಗಿ ಪಂತ್​ ಖರೀದಿಗೆ ಅತಿ ಹೆಚ್ಚು ಪೈಪೋಟಿ ನಡೆಯಲಿದೆ.

ಗ್ರೀನ್​ಗೆ ಕೋಟಿ-ಕೋಟಿ ಖುಲಾಯಿಸುತ್ತಾ?
18.5 ಕೋಟಿಯ ಮೊತ್ತಕ್ಕೆ ಆರ್​​ಸಿಬಿ ಸೇರಿದ್ದ ಆಸಿಸ್​ ಆಲ್​ರೌಂಡರ್ ಕ್ಯಾಮರೂನ್​ ಗ್ರೀನ್ ಅದಕ್ಕಿಂತ ಕಡಿಮೆ ಮೊತ್ತಕ್ಕೆ ರಿಟೈನ್​ ಆಗೋದು ಅನುಮಾನವೇ. ಆಕ್ಷನ್​ಗೆ ಬರೋ ಸಾಧ್ಯತೆ ದಟ್ಟವಾಗಿದ್ದು, ಬ್ಯಾಟಿಂಗ್​-ಬೌಲಿಂಗ್​ನಲ್ಲಿ ಮಿಂಚಬಲ್ಲ ಗ್ರೀನ್​ ಮೇಲೆ ಎಲ್ಲಾ ಫ್ರಾಂಚೈಸಿಗಳ ಕಣ್ಣಿದೆ. ಹೀಗಾಗಿ ಆಕ್ಷನ್​ನಲ್ಲಿ ಕೋಟಿ-ಕೋಟಿಯ ಸುರಿಮಳೆಯಾಗೋದು ಪಕ್ಕಾ.

ಇದನ್ನೂ ಓದಿ:ದೀಪಾವಳಿಗೆ ಊರಿಗೆ ಹೊರಟ್ಟಿದ್ದೀರಾ? KSRTC ಕಡೆಯಿಂದ ಇಲ್ಲಿದೆ ಸಿಹಿ ಸುದ್ದಿ!

ತಮ್ಮದೇ ದಾಖಲೆ ಬ್ರೇಕ್​ ಮಾಡ್ತಾರಾ ಮಿಚೆಲ್​ ಸ್ಟಾರ್ಕ್​?
ಐಪಿಎಲ್ ಇತಿಹಾಸದಲ್ಲೇ ಅತಿ ಹೆಚ್ಚು ಮೊತ್ತಕ್ಕೆ ಸೇಲಾದ ಆಟಗಾರ ಎಂಬ ದಾಖಲೆ ಬರೆದಿರೋ ಮಿಚೆಲ್​ ಸ್ಟಾರ್ಕ್​ ತಮ್ಮದೇ ದಾಖಲೆ ಮುರಿದ್ರೂ ಅಚ್ಚರಿ ಪಡಬೇಕಿಲ್ಲ. 24.75 ಕೋಟಿಗೆ ಸ್ಟಾರ್ಕ್​ನ ಕೆಕೆಆರ್​ ಖರೀದಿಸಿತ್ತು. ಈಗ ಮತ್ತೆ ಬಿಗ್​ ಅಮೌಂಟ್​ ನೀಡಿ ರಿಟೈನ್​ ಮಾಡಿಕೊಳ್ಳೋದು ಕೆಕೆಆರ್​ ರೆಡಿಯಿಲ್ಲ. ಹೀಗಾಗಿ ಸ್ಟಾರ್ಕ್​​ ಹರಾಜಿನ ಕಣಕ್ಕೆ ಬರಲಿದ್ದಾರೆ. ಎಡಗೈ ವೇಗಿಯ ಖರೀದಿಗೂ ತಂಡಗಳು ಮುಗಿಬೀಳೋದು ಪಕ್ಕಾ.

ಯಂಗ್​​ಗನ್​ ಇಶಾನ್​ ಕಿಶನ್ ಹಲವರ ಟಾರ್ಗೆಟ್
ಬಿಗ್​ಸ್ಟಾರ್​​ಗಳನ್ನ ತಂಡದಲ್ಲೇ ಉಳಿಸಿಕೊಳ್ಳೋ ಸರ್ಕಸ್​​ನಲ್ಲಿರೋ ಮುಂಬೈ ಇಂಡಿಯನ್ಸ್​ ಫ್ರಾಂಚೈಸಿ ಯಂಗ್​ಸ್ಟರ್​ ಇಶಾನ್​ ಕಿಶನ್​ನ ಕೈ ಬಿಡಲು ಸಜ್ಜಾಗಿದೆ. ಆಕ್ಷನ್​ ಕಣಕ್ಕೆ ಇಶಾನ್​ ಕಿಶನ್​ ಎಂಟ್ರಿ ಖಚಿತವಾದ ಬೆನ್ನಲ್ಲೇ ಫೈರಿ ಬ್ಯಾಟರ್​ ಖರೀದಿಗೆ ಫ್ರಾಂಚೈಸಿಗಳು ಸದ್ದಿಲ್ಲದೇ ಪ್ಲಾನ್​ ನಡೆಸಿವೆ. ಸ್ಪೋಟಕ ಬ್ಯಾಟಿಂಗ್​ ನಡೆಸಬಲ್ಲ ಇಶಾನ್​ ಕಿಶನ್​, ಚಾಣಾಕ್ಷ ವಿಕೆಟ್​ ಕೀಪರ್​ ಕೂಡ ಹೌದು. ಭವಿಷ್ಯದ ನಾಯಕನ್ನಾಗಿಯೂ ರೂಪಿಸಬಹುದು. ಹೀಗಾಗಿ ಇಶಾನ್​ ಕಿಶನ್​ ಖರೀದಿಗೆ ಟಫ್​ ಫೈಟ್​ ನಡೆಯೋದು ಪಕ್ಕಾ.!

ಕನ್ನಡಿಗ ರಾಹುಲ್​ಗೂ ಇದೇ ಸಖತ್​ ಬೇಡಿಕೆ
ಲಕ್ನೋ ಸೂಪರ್​ ಜೈಂಟ್ಸ್​ ತಂಡ ನಾಯಕ ಕೆ.ಎಲ್​​ ರಾಹುಲ್​ನ ರಿಲೀಸ್​ ಆಗ್ತಿದ್ದಾರೆ. ಈ ಸುದ್ದಿ ಕನ್​ಫರ್ಮ್ ಆದ ಬೆನ್ನಲ್ಲೇ ಕೆ.ಎಲ್​ ಖರೀದಿಗೆ ಆರ್​​ಸಿಬಿಯೂ ಸೇರಿದಂತೆ ಕೆಲವು ಫ್ರಾಂಚೈಸಿಗಳ ವಲಯದಲ್ಲಿ ಚರ್ಚೆ ನಡೀತಿದೆ. ಭವಿಷ್ಯದ ನಾಯಕನ ಹುಡುಕಾಟದಲ್ಲಿರೋ ಎಲ್ಲಾ ತಂಡಗಳ ಪಾಲಿಗೆ ರಾಹುಲ್​, ಬೆಸ್ಟ್​ ಚಾಯ್ಸ್​ ಆಗಿದ್ದಾರೆ. ಕನ್ನಡಿಗನಿಗೆ ಬೇಡಿಕೆ ಹೆಚ್ಚಿದ್ದು, ಕೋಟಿ ಕೋಟಿ ಖುಲಾಯಿಸೋ ಲಕ್ಷಣಗಳಿವೆ.
ರಾಹುಲ್​ ಮಾತ್ರವಲ್ಲ, ಲಕ್ನೋ ಸೂಪರ್​ ಜೈಂಟ್ಸ್​ ತಂಡದಿಂದ ಸೌತ್​ ಆಫ್ರಿಕಾದ ಕ್ವಿಂಟನ್​ ಡಿಕಾಕ್​ ರಿಲೀಸ್​ ಆಗಿ ಹರಾಜಿನ ಕಣಕ್ಕೆ ಬರಲಿದ್ದಾರೆ. ಬ್ಯಾಟಿಂಗ್​ ಹಾಗೂ ವಿಕೆಟ್​ ಕೀಪಿಂಗ್​ನಿಂದ ಡಿಕಾಕ್​ ಮಿಂಚಬಲ್ಲರು. ಹೀಗಾಗಿ ಡಿಕಾಕ್​ ಕೂಡ ರೆಕಾರ್ಡ್​ ಬ್ರೇಕಿಂಗ್​ ಪ್ರೈಸ್​ಗೆ ಸೇಲಾಗಬಲ್ಲರು. ಒಟ್ಟಿನಲ್ಲಿ, ಸ್ಟಾರ್​​ ಆಟಗಾರರು ತಂಡದಿಂದ ರಿಲೀಸ್​ ಆಗಿರೋದ್ರಿಂದ ರಿಟೈನ್ಶನ್​ ಲಿಸ್ಟ್​​ ಅನೌನ್ಸ್​ಗೂ ಮೊದಲೇ ಆಕ್ಷನ್​ನ ಕುತೂಹಲ ಹೆಚ್ಚಿರೋದಂತೂ ಸತ್ಯ.

ಇದನ್ನೂ ಓದಿ:MCA ಅಧಿಕಾರಿಗಳಿಂದ ಶಾಕಿಂಗ್ ಹೇಳಿಕೆ; ಗೊಂದಲದಲ್ಲಿ ಟೀಂ ಇಂಡಿಯಾ..!

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ ‘ರನ್ ಭೂಮಿ’ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್