ರಿಟೈನ್ಶನ್​ ಟೆನ್ಶನ್ ಅಂತ್ಯ.. ಈಗ ಏನುದ್ರು ಮೆಗಾ ಹರಾಜು

ಆಕ್ಷನ್​ನಲ್ಲಿ ಯಾರಿಗೆ ಮಣೆ ಹಾಕಬೇಕು ಅನ್ನೋ ಲೆಕ್ಕಾಚಾರ

ರಾಹುಲ್ ಕರೆತರುವಲ್ಲಿ ಮುಂಬೈ ಟೀಮ್ ಲೆಕ್ಕಾಚಾರ ಹೀಗಿದೆ

ಐಪಿಎಲ್​ನ ರಿಟೈನ್ಶನ್ ಮುಗಿದಿದೆ. ಇದೀಗ ಎಲ್ಲರ ಕಣ್ಣು ಮೆಗಾ ಹರಾಜಿನ ಮೇಲೆ ಬಿದ್ದಿದೆ. ಸ್ಟಾರ್ ಆಟಗಾರರ ದಂಡನ್ನೇ ಉಳಿಸಿಕೊಂಡಿರುವ ಮುಂಬೈ ಇಂಡಿಯನ್ಸ್​, ಈ ಮೆಗಾ ಹರಾಜಿನಲ್ಲಿ ಕೆ.ಎಲ್​.ರಾಹುಲ್​​​ಗೆ ಮಣೆ ಹಾಕುವ ಲೆಕ್ಕಾಚಾರಾದಲ್ಲಿದೆ. ಬೆಂಗಳೂರು ಬಿಟ್ಟು ರಾಹುಲ್​ ಮುಂಬೈ ಸೇರ್ತಾರಾ?.

ಕೆ.ಎಲ್.ರಾಹುಲ್ ಮೇಲೆ ಮುಂಬೈ ಇಂಡಿಯನ್ಸ್ ಕಣ್ಣು

ಐಪಿಎಲ್​ನ ರಿಟೈನ್ಶನ್​ನ ಟೆನ್ಶನ್ ಮುಗಿದಿದೆ. ಅಳೆದು ತೂಗಿ, ಲೆಕ್ಕಾಚಾರ ಹಾಕಿ ಬೇಕಾದ ಆಟಗಾರರನ್ನ ಉಳಿಸಿಕೊಂಡಿರುವ ಫ್ರಾಂಚೈಸಿಗಳು, ಈಗ ಮೆಗಾ ಹರಾಜಿನಲ್ಲಿ ಯಾರಿಗೆ ಮಣೆ ಹಾಕಬೇಕು.? ಅನ್ನೋ ಸ್ಟ್ರಾಟರ್ಜಿಯಲ್ಲಿ ಬ್ಯೂಸಿಯಾಗಿವೆ. ತಂಡಕ್ಕೆ ಫಿಟ್ ಆಗುವಂತ ಆಟಗಾರರ ಲಿಸ್ಟ್​ ಮಾಡಿಕೊಳ್ಳುತ್ತಿರುವ ಫ್ರಾಂಚೈಸಿಗಳು, ಮೆಗಾ ಹರಾಜಿನಲ್ಲಿ ಹಣದ ಹೊಳೆ ಹರಿಸಲು ಪ್ಲಾನ್ ರೂಪಿಸುತ್ತಿವೆ. ಚಾಂಪಿಯನ್​ ಟೀಮ್​ ಮುಂಬೈ ಇಂಡಿಯನ್ಸ್​ ಕೂಡ ಇದ್ರಿಂದ ಹೊರತಾಗಿಲ್ಲ.

ಇದನ್ನೂ ಓದಿ: 147 ರನ್​ ಟಾರ್ಗೆಟ್​ ಮುಟ್ಟಲಾಗದ ಟೀಮ್ ಇಂಡಿಯಾ.. ಸ್ವಲ್ಪ ಮಾನ ಉಳಿಸಿದ ರಿಷಬ್ ಪಂತ್!

ರಿಟೈನ್ಶನ್​ನಲ್ಲಿ ಸ್ಟಾರ್ ಆಟಗಾರರನ್ನ ಉಳಿಸಿಕೊಂಡಿರುವ ಮುಂಬೈ ಇಂಡಿಯನ್ಸ್​, ಮೆಗಾ ಹರಾಜಿನತ್ತ ದೃಷ್ಟಿ ನೆಟ್ಟಿದೆ. ಈ ಮೆಗಾ ಹರಾಜಿನಲ್ಲಿ ಕನ್ನಡಿಗ ಕೆ.ಎಲ್.ರಾಹುಲ್​ನ ಖರೀದಿಸುವ ಲೆಕ್ಕಾಚಾರದಲ್ಲಿದೆ. ಇದರ ಹಿಂದೆ ನಾನಾ.. ಸ್ಟ್ರಾಟರ್ಜಿಗಳು, ತಂತ್ರಗಳು ಅಡಗಿವೆ.

ಕನ್ನಡಿಗನ ಮೇಲೆ ಮುಂಬೈ ಇಂಡಿಯನ್ಸ್​ ಕಣ್ಣು ಯಾಕೆ?

ಸ್ಟಾರ್ ಆಟಗಾರರ ದಂಡನ್ನೇ ಉಳಿಸಿಕೊಂಡಿರುವ ಮುಂಬೈ, ಹರಾಜಿನಲ್ಲಿ ಕೆ.ಎಲ್.ರಾಹುಲ್​ನ ಖರೀದಿಸುತ್ತಾ ಎಂಬ ಪ್ರಶ್ನೆ ನಿಮ್ಮನ್ನ ಕಾಡಬಹುದು. ಆದ್ರೆ, ಇದಕ್ಕೆ ಪ್ರಮುಖ ಕಾರಣ ಒಂದಿದೆ. ಒಂದೇ ಕಲ್ಲಲ್ಲಿ 2 ಹಕ್ಕಿ ಹೊಡೆಯುವುದು ಮುಂಬೈ ಪ್ಲಾನ್​,! ರಿಟೈನ್ಶನ್​ನಲ್ಲಿ ಇಶಾನ್​ ಕಿಶನ್​​ನ ಕೈಬಿಟ್ಟಿರುವ ಮುಂಬೈ, ವಿಕೆಟ್ ಕೀಪರ್ ಆ್ಯಂಡ್ ಓಪನರ್ ಬ್ಯಾಟರ್​ನ ಹುಡುಕಾಟದಲ್ಲಿದೆ. ಹೀಗಾಗಿ ವಿಕೆಟ್ ಕೀಪಿಂಗ್ ಜೊತೆಗೆ ಆರಂಭಿಕನಾಗಿ ಅಬ್ಬರಿಸಬಲ್ಲ ಕೆ.ಎಲ್ ರಾಹುಲ್​ ತಂಡಕ್ಕೆ ಕರೆತರುವ ಲೆಕ್ಕಾಚಾರ ಹಾಕಿದೆ.

ಇಶಾನ್ ಮಿಸ್ಸಾದರೆ ಕನ್ನಡಿಗನೇ ಮುಂಬೈ ಟಾರ್ಗೆಟ್..!

ಮುಂಬೈ ಇಂಡಿಯನ್ಸ್​ ಕೋರ್ ಟೀಮ್ ಬಗ್ಗೆ ಹೆಚ್ಚು ಒಲವು ಹೊಂದಿದೆ. ಹೀಗಾಗಿ ಇಶಾನ್​ ಕಿಶನ್​ರನ್ನ ರೈಟ್ ಟು ಮ್ಯಾಚ್ ಕಾರ್ಡ್​ ಅಡಿ ಖರೀದಿಸೋದು ಫಸ್ಟ್ ಅಜೆಂಡಾವಾಗಿದೆ. ಆದ್ರೆ, ಈ ಕಿಶನ್​​​​, ಮೆಗಾ ಹರಾಜಿನಲ್ಲಿ ಬಿಗ್ ಅಮೌಂಟ್​​ಗೆ ಸೇಲ್​ ಆಗೋ ಚಾನ್ಸ್ ಹೆಚ್ಚಿದೆ. ಮುಂಬೈ ಪರ್ಸ್​ನಲ್ಲಿ ಕೇವಲ 45 ಕೋಟಿ ಮಾತ್ರ ಉಳಿದಿದೆ. ಹೀಗಾಗಿ ಇಶಾನ್ ಖರೀದಿಗೆ ಕನಿಷ್ಠ 15ರಿಂದ 16 ಕೋಟಿ ಹಣ ಬೇಕಾಗುತ್ತೆ. ಹೀಗಾಗಿ ಮೆಗಾ ಹರಾಜಿನಲ್ಲಿ ಕಿಶನ್ ಕೈಗೆಟುಕದಿದ್ರೆ, ಆಗ ಕೆ.ಎಲ್ ರಾಹುಲ್ ಟಾರ್ಗೆಟ್ ಮಾಡುವುದು ಮುಂಬೈ ಇಂಡಿಯನ್ಸ್​ ಲೆಕ್ಕಾಚಾರವಾಗಿದೆ.

ಇದನ್ನೂ ಓದಿ: IND vs NZ; ಟೀಮ್ ಇಂಡಿಯಾದ ಹೀನಾಯ ಸೋಲಿಗೆ ಪ್ರಮುಖ 5 ಕಾರಣ ಇಲ್ಲಿವೆ!

ಒಂದು ಕಡೆ ಆರ್​ಟಿಎಮ್ ಅಸ್ತ್ರದಿಂದ ಕಿಶನ್​ನ ತಂಡಕ್ಕೆ ಕರೆತರುವ ಹಂಬಲದಲ್ಲಿರುವ ಮುಂಬೈ, ಮತ್ತೊಂದು ಕಡೆ ಕನ್ನಡಿಗನ ಮೇಲೂ ಕಣ್ಣಿಟ್ಟಿದೆ. ಆದ್ರೆ, ಈ ಇಬ್ಬರಲ್ಲಿ ಯಾರು ಮುಂಬೈ ಸೇರ್ತಾರೆ ಅನ್ನೋದಕ್ಕೆ ಮೆಗಾ ಹರಾಜಿನಲ್ಲಿ ಉತ್ತರ ಸಿಗಲಿದೆ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ