ಗಂಭೀರ್​ ಕೋಚ್​ ಆದ ಬಳಿಕ ಟೀಮ್​ ಇಂಡಿಯಾಗೆ ಸೋಲು

ಒಂದರ ಮೇಲೆ ಒಂದರಂತೆ ಸರಣಿ ಸೋತ ಟೀಮ್​ ಇಂಡಿಯಾ!

ಟೀಮ್​ ಇಂಡಿಯಾ ಮುಖ್ಯ ಕೋಚ್​ ಸ್ಥಾನದಿಂದ ಗಂಭೀರ್​​ ಔಟ್​?

ಗೌತಮ್​​ ಗಂಭೀರ್​​ ಟೀಮ್​ ಇಂಡಿಯಾದ ಹೆಡ್​​ ಕೋಚ್​ ಆದ ದಿನದಿಂದಲೂ ಭಾರೀ ಸುದ್ದಿಯಲ್ಲೇ ಇದ್ದಾರೆ. ಹಲವು ಕಂಡೀಷನ್​​​ ಹಾಕಿ ಕೋಚ್​ ಆಗಿದ್ದ ಗಂಭೀರ್​​ ಇಡೀ ಕೋಚಿಂಗ್​ ಸ್ಟ್ಯಾಫ್​ ಅನ್ನೇ ಬದಲಿಸಿದ್ರು. ಆದರೀಗ, ಟೀಮ್​ ಇಂಡಿಯಾ ಬ್ಯಾಕ್​​ ಟು ಬ್ಯಾಕ್​​​ ಸರಣಿ ಸೋಲುತ್ತಿದ್ದು, ಗಂಭೀರ್​ ಅವರನ್ನು ಕೋಚ್​ ಸ್ಥಾನದಿಂದ ಕೆಳಗಿಳಿಸಬಹುದು ಅನ್ನೋ ಮಾತುಗಳು ಕೇಳಿ ಬಂದಿವೆ.

ಭಾರತ ಕ್ರಿಕೆಟ್​ ತಂಡದ ಮುಖ್ಯ ಕೋಚ್​ ಆಗಿ ಗಂಭೀರ್​​ ಆಯ್ಕೆಯಾಗಿ ಇನ್ನೂ 4 ತಿಂಗಳು. ಇವ್ರು ಕೋಚ್​​ ಆದ 4 ತಿಂಗಳಲ್ಲೇ ಟೀಮ್​ ಇಂಡಿಯಾ ಬ್ಯಾಕ್​ ಟು ಬ್ಯಾಕ್​ ಸೋಲು ಕಂಡಿದೆ. ಬಾಂಗ್ಲಾದೇಶ ವಿರುದ್ಧದ ಟೆಸ್ಟ್ ಸರಣಿ ಗೆಲುವು ಹೊರತುಪಡಿಸಿ ಮತ್ತೆಲ್ಲಾ ಸೀರೀಸ್​ನಲ್ಲೂ ಬಹುತೇಕ ಸೋಲಾಗಿದೆ.

ಬರೋಬ್ಬರಿ 27 ವರ್ಷಗಳ ನಂತರ ಶ್ರೀಲಂಕಾ ವಿರುದ್ಧ ಟೀಮ್​​​ ಇಂಡಿಯಾ ಏಕದಿನ ಸರಣಿ ಸೋತಿತ್ತು. ಇದಾದ ಬೆನ್ನಲ್ಲೇ ತವರಿನಲ್ಲಿ ನಡೆದ ನ್ಯೂಜಿಲೆಂಡ್​ ವಿರುದ್ಧದ ಟೆಸ್ಟ್​​ ಸರಣಿಯಲ್ಲಿ ಟೀಮ್​ ಇಂಡಿಯಾ 3 ಪಂದ್ಯ ಸೋತಿದೆ.

ಸುಮಾರು 24 ವರ್ಷಗಳ ಬಳಿಕ ಟೆಸ್ಟ್​ ಸರಣಿಯಲ್ಲಿ ತವರಿನಲ್ಲೇ ಭಾರತ ತಂಡವನ್ನು ನ್ಯೂಜಿಲೆಂಡ್​​ 3-0 ಅಂತರದಿಂದ ಸೋಲಿಸಿ ದಾಖಲೆ ನಿರ್ಮಿಸಿದೆ. 3 ಪಂದ್ಯಗಳಲ್ಲೂ ಹೀನಾಯವಾಗಿ ಸೋತ ಭಾರತ ಮೊದಲ ಬಾರಿಗೆ ವೈಟ್​ವಾಶ್​ ಆಗಿದೆ. 1969ರ ನಂತರ ಟೀಮ್ ಇಂಡಿಯಾ ತವರಿನಲ್ಲಿ ಒಂದೇ ವರ್ಷದಲ್ಲಿ ಅತಿ ಹೆಚ್ಚು ಟೆಸ್ಟ್‌ ಪಂದ್ಯಗಳು ಸೋತಿರುವುದು ಇದೇ ಮೊದಲು. ಹೀಗಾಗಿ ಗಂಭೀರ್​ ವಿರುದ್ಧ ಬಿಸಿಸಿಐ ಕಠಿಣಕ್ರಮ ತೆಗೆದುಕೊಳ್ಳುವ ಸಾಧ್ಯತೆ ಇದೆ.

ತಮಗೆ ಬೇಕಾದ ಆಟಗಾರರಿ ಮಣೆ

ಬಿಸಿಸಿಐ ಹಲವು ನಿಯಮಗಳನ್ನು ಗಾಳಿಗೆ ತೂರಿ ಗಂಭೀರ್​ ಅವರನ್ನು ಮುಖ್ಯ ಕೋಚ್​​ ಆಗಿ ಮಾಡಿತು. ತಂಡದ ಆಯ್ಕೆ ಸಭೆಗಳಲ್ಲಿ ಮುಖ್ಯ ಕೋಚ್​ ಭಾಗಿಯಾಗಬಾರದು. ಅದಕ್ಕೂ ಬಿಸಿಸಿಐ ಗಂಭೀರ್​ ಅವರಿಗೆ ಅವಕಾಶ ನೀಡಿತು. ಹಾಗಾಗಿ ಎಲ್ಲಾ ಸರಣಿಗೂ ತಮಗೆ ಬೇಕಾದ ಆಟಗಾರರನೇ ಆಯ್ಕೆ ಮಾಡಿಕೊಂಡರು. ಇದುವೇ ಗಂಭೀರ್​ಗೆ ಮುಳುವಾಗುವ ಸಾಧ್ಯತೆ ಇದೆ. ಕಾರಣ ಅವರು ಆಯ್ಕೆ ಮಾಡಿದ ಆಟಗಾರರು ಯಾರು ಉತ್ತಮ ಪ್ರದರ್ಶನ ನೀಡಲಿಲ್ಲ.

ಕೋಚ್​ ಸ್ಥಾನದಿಂದ ಗಂಭೀರ್​ಗೆ ಕೊಕ್​​

ನ್ಯೂಜಿಲೆಂಡ್ ವಿರುದ್ಧದ ಹೀನಾಯ ಸೋಲು ಕಂಡ ಕಾರಣ ಈಗಾಗಲೇ ಗಂಭೀರ್​ ಅವರಿಗೆ ನೀಡಲಾಗಿದ್ದ ಹಲವು ಅಧಿಕಾರಿಗಳನ್ನು ಕಸಿದುಕೊಳ್ಳಲಾಗಿದೆ. ವಿಶ್ವಟೆಸ್ಟ್​ ಚಾಂಪಿಯನ್​ಶೀಪ್​​ ಫೈನಲ್​ಗೆ ಹೋಗಲು ಟೀಮ್​ ಇಂಡಿಯಾ ಆಸ್ಟ್ರೇಲಿಯಾ ವಿರುದ್ಧ 4 ಟೆಸ್ಟ್​ ಗೆಲ್ಲಲೇಬೇಕು. ಒಂದು ವೇಳೆ ಭಾರತ ತಂಡ ಆಸ್ಟ್ರೇಲಿಯಾ ವಿರುದ್ಧ ಸೋತರೆ ಕೋಚ್​ ಸ್ಥಾನದಿಂದ ಗಂಭೀರ್​​ ಔಟ್​ ಆಗುವ ಸಾಧ್ಯತೆ ಇದೆ ಎನ್ನುವ ಮಾತುಗಳು ಕೇಳಿ ಬಂದಿವೆ.

ಇದನ್ನೂ ಓದಿ: ಟೀಮ್​ ಇಂಡಿಯಾದಿಂದ ರೋಹಿತ್​ ಔಟ್​​; ಆಸ್ಟ್ರೇಲಿಯಾ ಟೆಸ್ಟ್​​ ಸೀರೀಸ್​ಗೆ ಕೊಹ್ಲಿ ಕ್ಯಾಪ್ಟನ್​​?

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ