ಡ್ರೀಮ್ ಗರ್ಲ್ ಖ್ಯಾತಿಯ ನಟಿ ಹೇಮಾ ಮಾಲಿನಿಯಿಂದ ನೃತ್ಯ ಪ್ರದರ್ಶನ

ರಾಮಾಯಣ ಆಧಾರಿತ ನೃತ್ಯ ನಾಟಕವನ್ನು ಮಾಡಲಿರೋ ಬಿಜೆಪಿ ನಾಯಕಿ

ರಾಮ ಲಲ್ಲಾ ಮೂರ್ತಿ ಪ್ರತಿಷ್ಠಾಪನೆಯ ಕಾರ್ಯಕ್ರಮಕ್ಕೆ ಹಲವು ಗಣ್ಯರು ಭಾಗಿ

ಬಿಜೆಪಿ ನಾಯಕಿ, ಬಾಲಿವುಡ್‌ನ ಡ್ರೀಮ್ ಗರ್ಲ್ ಖ್ಯಾತಿಯ ಹೇಮಾ ಮಾಲಿನಿ ಅದ್ಭುತವಾಗಿ ಅಭಿನಯಿಸುವುದಲ್ಲದೇ ಚೆನ್ನಾಗಿ ನೃತ್ಯ ಮಾಡುತ್ತಾರೆ. ಬಿಜೆಪಿ ನಾಯಕಿಯಾಗಿರೋ ಹೇಮಾ ಮಾಲಿನಿ ಅವರು ಅಯೋಧ್ಯೆಯ ರಾಮಮಂದಿರ ಲೋಕಾರ್ಪಣೆಯ ವಿಶೇಷ ಸಂದರ್ಭದಲ್ಲಿ ರಾಮಾಯಣ ಆಧಾರಿತ ನೃತ್ಯ ನಾಟಕವನ್ನು ಮಾಡಲಿದ್ದಾರಂತೆ. ಈ ಸಂತಸದ ವಿಚಾರವನ್ನು ಖುದ್ದು ಹೇಮಾಮಾಲಿನಿ ಅವರೇ ಹಂಚಿಕೊಂಡಿದ್ದಾರೆ.

ರಾಮಜನ್ಮಭೂಮಿಯಲ್ಲಿ ಶ್ರೀರಾಮ ಮಂದಿರ ಉದ್ಘಾಟನೆಯ ಸಕಲ ಸಿದ್ಧತೆಗಳು ಜೋರಾಗಿದೆ. ಜನವರಿ 22ರಂದು ರಾಮಮಂದಿರ ಲೋಕಾರ್ಪಣೆ ಆಗುತ್ತಿದ್ದು, ಅಯೋಧ್ಯೆ ಇಡೀ ವಿಶ್ವದ ಗಮನ ಸೆಳೆದಿದೆ. ಇದರ ಮಧ್ಯೆ ಹೇಮಾ ಮಾಲಿನಿ ಅವರು ವಿಶೇಷ ನೃತ್ಯ ಪ್ರದರ್ಶನಕ್ಕೆ ಸಜ್ಜಾಗಿದ್ದಾರೆ.

ಇದನ್ನು ಓದಿ: ಅಯೋಧ್ಯೆಯ ಅದ್ಭುತ ಫೋಟೋಗಳು.. ರಾಮಜನ್ಮಭೂಮಿ ತೀರ್ಥ ಕ್ಷೇತ್ರ ಟ್ರಸ್ಟ್‌ನಿಂದ ಇಂದು ಮಹತ್ವದ ಮಾಹಿತಿ

अभिनेत्री और सांसद हेमामालिनी ने राम मंदिर प्राण प्रतिष्ठा पर कहा, “मैं पहली बार राम मंदिर की प्राणप्रतिष्ठा के समय अयोध्या आ रही हूं, जिसका लोग वर्षों से इंतजार कर रहे थे…17 जनवरी को मैं अयोध्या धाम में रामायण पर आधारित एक नृत्य नाटक प्रस्तुत करूंगी”#HemaMalini… pic.twitter.com/oMVazWMyMu

— Mandaleshwar Singh 🇮🇳 (@MandaleshwarIN) January 14, 2024

ಇದೇ ಮೊದಲ ಬಾರಿಗೆ ನಾನು ಅಯೋಧ್ಯೆಗೆ ಬರುತ್ತಿದ್ದೇನೆ. ಜಗತ್ ಗುರು ಪದ್ಮವಿಭೂಷಣ ರಾಮಭದ್ರಾಚಾರ್ಯರ 75ನೇ ಜನ್ಮದಿನದಂದು ಅಯೋಧ್ಯೆಯಲ್ಲಿ ಅಮೃತ ಮಹೋತ್ಸವವನ್ನು ಆಯೋಜಿಸಲಾಗಿದೆ ಎಂದು ಹೇಮಾ ಮಾಲಿನಿ ಹೇಳಿದ್ದಾರೆ. ಇದೇ ಜನವರಿ 17ರಂದು ನಡೆಯೋ ನೃತ್ಯ ಪ್ರದರ್ಶನದಲ್ಲಿ ರಾಮಾಯಣ ಮತ್ತು ಮಾ ದುರ್ಗದ ವಿಶೇಷ ಸಂಚಿಕೆಯನ್ನು ಆಧರಿಸಲಿದೆ ಎನ್ನಲಾಗಿದೆ.

ಹೇಮಾ ಮಾಲಿನಿ ಅನೇಕ ಚಿತ್ರಗಳಲ್ಲಿನ ಅಭಿನಯಿಸಿ ಪ್ರಖ್ಯಾತಿ ಗಳಿಸಿದವರು. ಈಗ ನಟಿ-ರಾಜಕಾರಣಿ ಹೇಮಾ ಮಾಲಿನಿ ಅಯೋಧ್ಯೆ ರಾಮಮಂದಿರದಲ್ಲಿ ನೃತ್ಯ ಮಾಡುವುದಾಗಿ ಹೇಳಿದ್ದು ತಮ್ಮ ಸಂತಸವನ್ನು ಹಂಚಿಕೊಂಡಿದ್ದಾರೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ