Paris Fashion Weekನಲ್ಲಿ ಧೂಳೆಬ್ಬಿಸಿದ ಐಶು, ಆಲೂ; ಬ್ಯೂಟಿಫುಲ್ ವಿಡಿಯೋ ಇಲ್ಲಿದೆ ನೋಡಿ!

ಪ್ಯಾರಿಸ್ ಫ್ಯಾಶನ್ ವೀಕ್​ನಲ್ಲಿ ಒಂದು ಕಡೆ ಆಲಿಯಾ ಮತ್ತೊಂದು ಕಡೆ ಐಶ್ವರ್ಯ ರೈ ಬಚ್ಚನ್ ಱಂಪ್ ವಾಕ್ ಮಾಡುತ್ತಾ ನಡೆದು ಬರುತ್ತಿದ್ದರೆ. ಅಲ್ಲಿ ಕುಳಿತವರ ಹಾರ್ಟ್​ನಲ್ಲಿ ಏಕಕಾಲಕ್ಕೆ ಸಾವಿರ ಹಾರ್ಮೋನಿಯಂ ಒಟ್ಟಿಗೆ ಬಾರಿಸಿದಂತ ಫೀಲ್ ಆಗುತ್ತಿತ್ತು. ಸೋಮವಾರ ರಾತ್ರಿ ನಡೆದ ಪ್ಯಾರಿಸ್ ಫ್ಯಾಷನ್ ವೀಕ್​​ನಲ್ಲಿ ಬಾಲಿವುಡ್ ಬ್ಯೂಟಿ ಐಶ್ವರ್ಯ ರೈ ಹಾಗೂ ಹಾಲುಗಲ್ಲದ ಚೆಲುವೆ ಆಲಿಯಾ ಭಟ್​​ ವೇದಿಕೆಯ ಮೇಲೆ ಮಾರ್ಜಾಲದ ನಡಿಗೆಯ ಮೂಲಕ ಬಂದು ಅಭಿಮಾನಿಗಳ ಹೃದಯದ ಬಡಿತ ಮತ್ತೊಮ್ಮೆ ಹೆಚ್ಚಿಸಿದ್ದಾರೆ. ಈ ಇಬ್ಬರೂ ಬಾಲಿವುಡ್ ಸ್ಟಾರ್​​ಗಳು ಎಲ್ ಓರಿಯಲ್ ಬ್ರ್ಯಾಂಡ್​ನ್ನು ಪ್ರತಿನಿಧಿಸುತ್ತಾ ಱಂಪ್ ವಾಕ್ ಮಾಡಿದ್ದಾರೆ. ಇದೇ ಮೊಟ್ಟ ಮೊದಲ ಬಾರಿಗೆ ಆಲಿಯಾ ಭಟ್ ಪ್ಯಾರಿಸ್ ಫ್ಯಾಷನ್ ವೀಕ್​ನಲ್ಲಿ ಭಾಗವಹಿಸಿದ್ದರು. ಐಶು ಈ ಹಿಂದೆ ಈ ವೇದಿಕೆಯ ಮೇಲೆ ಅನೇಕ ಬಾರಿ ಹೆಜ್ಜೆ ಹಾಕಿದ್ದಾರೆ.

ಇದನ್ನೂ ಓದಿ:ಬಿಗ್​ಬಿ ಫಿಟ್ನೆಸ್​ ಗುಟ್ಟು! ಈ ಪದಾರ್ಥಗಳನ್ನ ತಿನ್ನೋದೇ ಇಲ್ಲ, ಎಷ್ಟು ಗಂಟೆ ನಿದ್ದೆ ಮಾಡ್ತಾರೆ..?

ದೀರ್ಘಕಾಲದಿಂದಲೂ ಈ ಫ್ಯಾಷನ್ ವೀಕ್​ನ ರಾಯಭಾರಿಯಾಗಿರುವ ಐಶ್ವರ್ಯ ರೈ ಬಚ್ಚನ್ ಸ್ಯಾಟೀನ್ ರೆಡ್​ ಗೌನ್​ನಲ್ಲಿ ಸ್ಟನ್ನಿಂಗ್​ ಆಗಿ ಮಿಂಚುತ್ತಿದ್ದರು.ಗೌನ್​ಗೆ ಹೊಂದುವಂತೆ ಬ್ರೈಟ್ ರೆಡ್​ ಲಿಪ್ಸ್​ಟಿಕ್ ಹಾಕಿಕೊಂಡಿದ್ದ ಐಶು, ಧಿರಿಸಿಗೆ ತಕ್ಕಂತೆ ಹೇರ್​ಸ್ಟೈಲ್ ಕೂಡ ಮಾಡಿಕೊಂಡಿದ್ದು, ನೋಡುವವರ ಎದೆ ಬಡಿತ ಜೋರಾಗುವಂತೆ ಮಾಡಿದ್ದರು. ಎಲ್ ಓರಿಯಲ್ ರಾಯಭಾರಿಯಾಗಿ ವೇದಿಕೆ ಮೇಲೆ ಬಂದ ಐಶ್ವರ್ಯ ರೈ ತಮ್ಮ ಡ್ರೆಸ್ ಹಾಗೂ ತಮ್ಮ ಬ್ಯೂಟಿಯಿಂದಲೇ ಎಲ್ಲರ ಗಮನವನ್ನು ಸೆಳೆದರು.

Watch: Actress Aishwarya Rai dazzles in red on ramp at the Paris Fashion Week!? pic.twitter.com/zj51mgcprJ

— Bollywood.com (@bollywoodhq)

Watch: Actress Aishwarya Rai dazzles in red on ramp at the Paris Fashion Week!🔥 pic.twitter.com/zj51mgcprJ

— Bollywood.com (@ibollywoodcom) September 24, 2024

">September 24, 2024

ಇನ್ನು ಐಶು ವೇದಿಕೆಯ ಮೇಲೆ ಱಂಪ್ ವಾಕ್ ಮಾಡಿಕೊಂಡು ಬರುತ್ತಿರುವ ವಿಡಿಯೋವನ್ನು ಸಾಮಾಜಿಕ ಜಾಲತಾಣಗಳಲ್ಲಿ ಹಂಚಿಕೊಂಡಿರುವ ಅವರ ಫ್ಯಾನ್ಸ್​. ಅವರ ಆತ್ಮವಿಶ್ವಾಸ, ಅವರ ಕಾಲಾತೀತ ಸೌಂದರ್ಯ ಹಾಗೂ ಸೊಬಗು ಎಂದಿಗೂ ಮುಗಿಯುವಂತದ್ದಲ್ಲ ಎಂದು ಬಣ್ಣಿಸಿದ್ದಾರೆ.

ಇದನ್ನೂ ಓದಿ:ಕೇವಲ 500 ರೂ ಇಂದ ಫ್ಯಾಶನ್​ ಡಿಸೈನಿಂಗ್​ ಶುರು ಮಾಡಿದ ಈತ 230 ಕೋಟಿ ಒಡೆಯ; ಬೆಳೆದಿದ್ದೇ ರೋಚಕ!

Alia Bhatt at L'Oréal Paris fashion week ? pic.twitter.com/NW3RA5n41R

— Alia's nation (@Aliasnation)

Alia Bhatt at L'Oréal Paris fashion week 📸 pic.twitter.com/NW3RA5n41R

— Alia's nation (@Aliasnation) September 23, 2024

">September 23, 2024

ಇನ್ನು ಆಲಿಯಾ ಭಟ್ ಕೂಡ ಇದೇ ವೇದಿಕೆಯ ಮೇಲೆ ಮೊದಲ ಬಾರಿಗೆ ಹೆಜ್ಜೆ ಹಾಕಿದ್ದಾರೆ. ಸಿಲ್ವರ್ ಬಣ್ಣದ ಶೋಲ್ಡರ್ ಜಂಪ್​ಸೂಟ್​ನಲ್ಲಿ ಮಿಂಚಿನಂತೆ ವೇದಿಕೆಯ ಮೇಲೆ ನಡುವಿನ ಮೇಲೆ ಕೈಯಿಟ್ಟುಕೊಂಡು ಮಾರ್ಜಾಲ ನಡೆಗೆಯಿಡುತ್ತಾ ಬಂದ ಆಲಿಯಾ, ಎಲ್ಲರ ಕಣ್ಮನ ಸೆಳೆದರು. ಅವರು ಹಾಕಿಕೊಂಡಿದ್ದ ಗೌನ್ ಅವರ ಸೌಂದರ್ಯವನ್ನು ನೂರ್ಮಡಿಗೊಳಿಸಿತ್ತು. ಪಿಂಕ್ ಕಲರ್ ಲಿಪ್ಸ್​ಟಿಕ್ ಹಾಕಿಕೊಂಡು ಧಿರಿಸಿಗೆ ತಕ್ಕಂತ ಹೇರ್​ಸ್ಟೈಲ್​ನಲ್ಲಿ ಹೃದಯ ಪಾಲಕಿಯರನ್ನು ಕುಣಿಸುತ್ತಾ ವೇದಿಕೆಗೆ ಎಂಟ್ರಿ ಕೊಟ್ಟ ಆಲಿಯಾ ಎಲ್ಲರ ಚಿತ್ತವನ್ನ ತಮ್ಮತ್ತ ಸೆಳೆದಿದ್ದರು
ಆಲಿಯಾ ಪ್ಯಾರಿಸ್ ಫ್ಯಾಷನ್ ವೀಕ್​ನಲ್ಲಿ ಭಾಗವಹಿಸಿದ ವಿಡಿಯೋವನ್ನು ಸೋಷಿಯಲ್ ಮಿಡಿಯಾದಲ್ಲಿ ಹಂಚಿಕೊಂಡಿರುವ ಅವರ ಫ್ಯಾನ್ಸ್ ಆಲಿಯಾರನ್ನು ಹಾಡಿ ಹೊಗಳಿದ್ದಾರೆ.ಅವಳ ಫೇಸ್​ಕಾರ್ಡ್ ಎಂದಿಗೂ ಮುಕ್ಕಾಗುವಂತದಲ್ಲ ಎಂದು ಬಣ್ಣಿಸುತ್ತಿದ್ದಾರೆ. ಜಬರದಸ್ತ್​ ಲುಕ್​ ಹಾಗೂ ಅವರಲ್ಲಿರುವ ಆತ್ಮವಿಶ್ವಾಸ ಇಡೀ ಫ್ಯಾಷನ್ ವೀಕನ್ನೇ ನುಂಗಿಹಾಕಿದೆ ಎಂದು ಕೆಲವರು ಕಾಮೆಂಟ್ ಮಾಡಿದ್ದಾರೆ. ಒಟ್ಟಾರೆ ಐಶು ಆಲೂ ಅವರ ಱಂಪ್ ವಾಕ್​ನಿಂದಾಗಿ ಪ್ಯಾರಿಸ್ ಫ್ಯಾಷನ್​ ವೀಕ್​​ನ ಕಳೆ ನೂರ್ಮಡಿ ಹೆಚ್ಚಾಗಿದ್ದಂತೂ ಸುಳ್ಳಲ್ಲ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ