Super Over ಪಂದ್ಯದಲ್ಲಿ ಪಾಕ್ ಸೋಲಿಸಿದ ಅಮೆರಿಕ.. ಇಲ್ಲಿಯೂ ಭಾರತೀಯರದ್ದೇ ದರ್ಬಾರ್..!

ಗುರುವಾರ ನಡೆದ ಟಿ20 ವಿಶ್ವಕಪ್​ ಪಂದ್ಯದಲ್ಲಿ ಪಾಕ್​ಗೆ ಭಾರೀ ಮುಖಭಂಗವಾಗಿದೆ. ಅಮೆರಿಕಾದ ವಿರುದ್ಧ ಸೂಪರ್​ ಓವರ್​ನಲ್ಲಿ ಪಾಕ್​ ಸೋತಿದ್ದು, ಕ್ರಿಕೆಟ್ ಲೋಕದಲ್ಲಿ ಅಮೆರಿಕ ಸೆನ್ಸೇಷನ್ ಕ್ರಿಯೇಟ್ ಮಾಡಿದೆ.

ಭಾರತೀಯ ಮೂಲದ ಕ್ರಿಕೆಟಿಗರು ಎಷ್ಟಿದ್ದಾರೆ ಗೊತ್ತಾ..?
ಡಲ್ಲಾಸ್​​ನ ಗ್ರ್ಯಾಂಡ್​​ ಸ್ಟೇಡಿಯಂನಲ್ಲಿ ನಡೆದ ಟಿ20 ವಿಶ್ವಕಪ್​ನಲ್ಲಿ ಅಮೆರಿಕ ತಂಡ ಪಾಕ್​ ತಂಡವನ್ನು ಮಣಿಸಿದೆ. ಅದಕ್ಕೂ ಮುನ್ನ ಟಾಸ್​ ಗೆದ್ದು ಜಾಣತನದಿಂದ ಬೌಲಿಂಗ್​ ಆಯ್ದುಕೊಂಡ ಅಮೆರಿಕ ತಂಡ 20 ಓವರ್​ನಲ್ಲಿ ಪಾಕ್​ ತಂಡವನ್ನು 159 ರನ್​ಗೆ ಹಿಡಿದಿಟ್ಟುಕೊಂಡಿತ್ತು.
ಶಾಬಾದ್​ ಖಾನ್​ 25 ಎಸೆತಕ್ಕೆ 40 ರನ್​ ಒಂದು ಬೌಂಡರಿ ಮತ್ತು 6 ಸಿಕ್ಸ್​ ಬಾರಿಸಿದ್ರು. ಆದರೆ ಉಳಿದ ಆಟಗಾರರ ಪರ್ಫಾಮೆನ್ಸ್​ ಅಷ್ಟೇನು ಚೆನ್ನಾಗಿರಲಿಲ್ಲ. ಅಮೆರಿಕ ಬೌಲರ್ಸ್​ ನೋಸ್ತೂಶ್ ಕೆಂಜಿಗೆ 3, ಸೌರಭ್​ ನೇತ್ರವಾಲ್ಕರ್ 2​, ಅಲಿಖಾನ್​ ಮತ್ತು ಜಸ್ದೀಪ್​​ ಸಿಂಗ್​ ತಲಾ 1 ವಿಕೆಟ್​ ಕಬಳಿಸುವ ಮೂಲಕ ಪಾಕ್​ಗೆ ಕಾಡಿದರು.

ಇದನ್ನೂ ಓದಿ:ಆ 4 ಖಾತೆ ಕೇಳಂಗಿಲ್ಲ ಎಂದ ಬಿಜೆಪಿ.. ಚೌಕಾಸಿ ಮಾಡಿ ಹೊಸ ಫಾರ್ಮೂಲ ಮುಂದಿಟ್ಟ ನಾಯ್ಡು..!

ಅತ್ತ ಪಾಕ್​ ನೀಡಿದ ಟಾರ್ಗೆಟ್​ ಬೆನ್ನತ್ತಿದ ಅಮೆರಿಕ ಮಾತ್ರ ಗೆಲುವನ್ನು ಸಂಭ್ರಮಿಸುವ ಗುರಿ ಹೊಂದಿತ್ತು. ಅದರಲ್ಲೂ ಮೋನಾಂಕ್​ ಪಟೇಲ್​​ 38 ಎಸೆತಕ್ಕೆ 7 ಬೌಂಡರಿ, 1 ಸಿಕ್ಸ್​ ಬಾರಿ ಅರ್ಧ ಶತಕ ಪೂರೈಸಿದರು. ಅತ್ತ ಆ್ಯಂಡ್ರಿಸ್​ ಗಸ್​ ಮತ್ತು ಆ್ಯರೋನ್​ ಜೋನ್ಸ್​ ಇಬ್ಬರು 26 ಎಸೆತಕ್ಕೆ 35, 36 ರನ್​ ಬಾರಿಸಿದರು. ಕೊನೆಗೆ ಪಾಕ್​ ನೀಡಿದ ಟಾರ್ಗೆಟ್​ಗೆ ಬಂದು ಮುಟ್ಟಿಸುವ ಮೂಲಕ ಪಂದ್ಯ ಟೈ ಆಯಿತು. ವಿಶೇಷ ಅಂದರೆ ಭಾರತೀಯ ಮೂಲದ ಮೋನಾಂಕ್ ಪಟೇಲ್ ಅವರು 38 ಎಸೆತಗಳಲ್ಲಿ 50 ರನ್​ಗಳಿಸಿರೋದು ತಂಡದ ಗೆಲುವಿಗೆ ಸಹಾಯವಾಯಿತು. ಅದೇ ರೀತಿ ನಿತೀಶ್ ಕುಮಾರ್ ಕೂಡ ಅಮೆರಿಕ ಪರ ಬ್ಯಾಟಿಂಗ್ ಮಾಡಿದರು. ಅವರು ಬಾರಿಸಿದ ಒಂದು ಬೌಂಡರಿಯಿಂದಲೇ ಅಮೆರಿಕ ಗೆಲುವು ಸಾಧಿಸಿದೆ.

ಸೂಪರ್​ ಓವರ್ ಸೂಪರ್​ ಮ್ಯಾಜಿಕ್
ಪಂದ್ಯ ಟೈ ಆದ ಬಳಿಕ ಸೂಪರ್​ ಓವರ್​ಗೆ ಕೊಂಡೊಯ್ಯಿತು. ಇದರಲ್ಲಿ ಪಾಕ್​ 1 ವಿಕೆಟ್​ ಒಪ್ಪಿಸಿ 13 ರನ್ ಟಾರ್ಗೆಟ್​ ನೀಡಿತು. ಆದರೆ ಅಮೆರಿಕ ತಂಡ ಒಂದು ವಿಕೆಟ್​ ನೀಡಿದರು 18 ರನ್​ ಕಬಳಿಸಿತು. ಒಟ್ಟಿನಲ್ಲಿ ಪಾಕ್​ಗೆ ಅಮೆರಿಕ ತಾವೇನು ಕಡಿಮೆ ಇಲ್ಲ ಎಂಬುದನ್ನು ನಿನ್ನೆಯ ಪಂದ್ಯದಲ್ಲಿ ತೋರಿಸಿಕೊಟ್ಟಿದೆ.

ಇದನ್ನೂ ಓದಿ:IND vs PAK ಪಂದ್ಯಕ್ಕೆ ಭಾರೀ ಡಿಮ್ಯಾಂಡ್​​.. ಜಸ್ಟ್​ 10 ಸೆಕೆಂಡ್ಸ್ ಜಾಹೀರಾತಿಗೆ 10, 20 ಲಕ್ಷ ಅಲ್ಲವೇ ಅಲ್ಲ..!

ಅಮೆರಿಕ ತಂಡದಲ್ಲಿ ಭಾರತೀಯರು..!
ಇನ್ನು ಅಮೆರಿಕ ಕ್ರಿಕೆಟ್ ತಂಡದಲ್ಲಿ ಭಾರತೀಯ ಮೂಲದವರೇ ಹೆಚ್ಚಾಗಿದ್ದಾರೆ. ಮೋನಾಕ್ ಪಟೇಲ್ ಅವರು ಗುಜರಾತ್​​ನ ಆನಂದ್ ಮೂಲದವರಾಗಿದ್ದಾರೆ. ಬೌಲರ್ ಹರ್ಮೀತ್ ಸಿಂಗ್ ಮುಂಬೈ ಮೂಲದವರಾದ್ರೆ, ಸೌರಭ್ ಕೂಡ ಮಹಾರಾಷ್ಟ್ರದವರು. ಇನ್ನು ಮಿಲಿಂದ್ ಕುಮಾರ್​ ದೆಹಲಿ ಮೂಲದವರಾಗಿದ್ದಾರೆ. ನಿಸ್ಸಾರ್ಗ್​ ಪಟೇಲ್ ಗುಜರಾತಿನವರಾಗಿದ್ದಾರೆ. ಇನ್ನು ಅಲಿ ಖಾನ್ ಮತ್ತು ಶಯಾನ್ ಜಹಂಗೀರ್ ಅವರು ಪಾಕಿಸ್ತಾನ ಮೂಲದವರಾಗಿದ್ದಾರೆ.

ಇದನ್ನೂ ಓದಿ:ಅಪ್ಪ, ಅಮ್ಮ ಇಬ್ಬರೂ IAS; 10ನೇ ಮಹಡಿಯಿಂದ ಜಿಗಿದು ಪುತ್ರಿ ಸಾವು.. ಡೆತ್​ನೋಟ್​ನಲ್ಲಿ ಕಾರಣ ರಿವೀಲ್..

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ