ಟೀಮ್​ ಇಂಡಿಯಾದಲ್ಲಿ ಸೂಪರ್​ ಸ್ಟಾರ್​ಗಳಿಗೆ ರಾಜಾತಿಥ್ಯ

ಕೋಟಿ-ಕೋಟಿ ವೇತನ.. ವಿಶ್ರಾಂತಿಯ​ ಮೇಲೆ ವಿಶ್ರಾಂತಿ

A+ ಗ್ರೇಡ್​​​ನಲ್ಲಿ ವೇತನ..! ಸರಣಿಯಿಂದ ಸರಣಿಗೆ ವಿಶ್ರಾಂತಿ..!

ಟೀಮ್​ ಇಂಡಿಯಾ ಸೂಪರ್​ ಸ್ಟಾರ್​​ಗಳಿಗೆ ಕೋಟಿ ಕೋಟಿ ವೇತನ ಮಾತ್ರ ಸಿಗ್ತಿಲ್ಲ. ರಾಜಾತಿಥ್ಯವೂ ಸಿಗ್ತಿದೆ. ಉಳಿದೆಲ್ಲಾ ಆಟಗಾರರಿಗಿಂತ ಅತಿ ಹೆಚ್ಚು ವೇತನ ಪಡೆಯೋ ಇವ್ರಿಗೆ, ವಿಶ್ರಾಂತಿ ಮೇಲೆ ವಿಶ್ರಾಂತಿಯೂ ಸಿಗ್ತಿದೆ. ಕ್ರಿಕೆಟ್​ ಆಡಲು ವೇತನ ನೀಡಿ, ಸರಣಿಯಿಂದ ಸರಣಿಗೆ ರೆಸ್ಟ್​​ ನೀಡಲಾಗ್ತಿದೆ. ಬಿಸಿಸಿಐ ಇವ್ರಿಗೆ ಬಾಸ್​ ಅಲ್ಲ. ಇವ್ರೇ ಬಿಸಿಸಿಐಗೆ ಬಾಸ್​ ಆಗಿದ್ದಾರೆ.

ಬಾಂಗ್ಲಾದೇಶ ವಿರುದ್ಧದ ಟೆಸ್ಟ್​ ಸರಣಿಯೊಂದಿಗೆ ಟೀಮ್​ ಇಂಡಿಯಾ ಟೆಸ್ಟ್​ ಸೀಸನ್​ ಆರಂಭವಾಗಿದೆ. ಐಪಿಎಲ್​ಗೂ ಮುನ್ನ ನಡೆದ ಇಂಗ್ಲೆಂಡ್​ ಸರಣಿಯ ಬಳಿಕ, ಸತತವಾಗಿ ವೈಟ್​ಬಾಲ್​ ಟೂರ್ನಿಯಲ್ಲಿ ಟೀಮ್​ ಇಂಡಿಯಾದ ಆಟಗಾರರು ಬ್ಯುಸಿಯಾಗಿದ್ರು. ಹೀಗಾಗಿ ರೆಡ್​ ಬಾಲ್​ ಕ್ರಿಕೆಟ್​ ರಿಧಮ್​ ಕಂಡುಕೊಳ್ಳೋ ಸಲುವಾಗಿ ಕೆಲ ಆಟಗಾರರನ್ನ ದುಲೀಪ್​ ಟ್ರೋಫಿಯಲ್ಲಿ ಆಡಿಸಲು ಮ್ಯಾನೇಜ್​ಮೆಂಟ್​ ಮುಂದಾಗಿದೆ. ಟೀಮ್​ ಇಂಡಿಯಾದ ಸೂಪರ್​​ಸ್ಟಾರ್​ಗಳಿಗೆ ಮಾತ್ರ ಇದ್ರಿಂದ ರೆಸ್ಟ್​ ನೀಡಲಾಗಿದೆ.

ಇದನ್ನೂ ಓದಿ:ಗಾಯಕ್ವಾಡ್​​ಗೆ ಬಿಗ್ ಶಾಕ್; ಧೋನಿ ಶಿಷ್ಯನಿಗೆ ಗಾಳ ಹಾಕಿದ CSK, ಕ್ಯಾಪ್ಟನ್ಸಿ ಆಫರ್..!

ಟೀಮ್​ ಇಂಡಿಯಾ ಸ್ಟಾರ್​​ಗಳಿಗೆ ಸುದೀರ್ಘ ವಿಶ್ರಾಂತಿ
ಟೀಮ್​ ಇಂಡಿಯಾದ ಕೆಲ ಆಟಗಾರಿಗೆ ಮುಂದಿನ ಟೆಸ್ಟ್​ ಸೀಸನ್​ನ ಸಿದ್ಧತೆಯ ಭಾಗವಾಗಿ ಕಡ್ಡಾಯವಾಗಿ ದುಲೀಪ್​ ಟ್ರೋಫಿ ಟೂರ್ನಿಯನ್ನಾಡುವಂತೆ ಮ್ಯಾನೇಜ್​ಮೆಂಟ್​ ಸೂಚಿಸಿದೆ. ಸೂಪರ್​ ಸ್ಟಾರ್​​ಗಳಿಗೆ ಮಾತ್ರ ವಿಶ್ರಾಂತಿ ನೀಡಿದೆ. ವಿರಾಟ್​ ಕೊಹ್ಲಿ, ರೋಹಿತ್​ ಶರ್ಮಾ, ಜಸ್​ಪ್ರೀತ್​ ಬೂಮ್ರಾರಂತ ಸೂಪರ್​ ಸ್ಟಾರ್​ಗಳಿಗೆ ವಿಶ್ರಾಂತಿ ನೀಡಿರುವ ನಿರ್ಧಾರ ಸದ್ಯ ಕ್ರಿಕೆಟ್​ ವಲಯದಲ್ಲಿ ತೀವ್ರ ಚರ್ಚೆಗೆ ನಾಂದಿ ಹಾಡಿದೆ. ಬಿಸಿಸಿಐ ಬಾಸ್​​ಗಳು, ಸೆಲೆಕ್ಷನ್​ ಕಮಿಟಿ ಹಾಗೂ ಟೀಮ್​ ಮ್ಯಾನೇಜ್​ಮೆಂಟ್​ನ ಇಬ್ಬುಗೆಯ ನೀತಿ ಬಟಾಬಯಲಾಗಿದೆ.

2019ರಿಂದ ಸೂಪರ್​​ ಸ್ಟಾರ್​​ಗಳಿಗೆ ತಂಡದಲ್ಲಿ ರಾಜಾತಿಥ್ಯ
ಜಸ್​​ಪ್ರೀತ್​ ಬೂಮ್ರಾ, ವಿರಾಟ್​ ಕೊಹ್ಲಿ, ರೋಹಿತ್​ ಶರ್ಮಾ.. ಈ ಮೂವರೂ ಬಿಸಿಸಿಐ ಸೆಂಟ್ರಲ್​ ಕಾಂಟ್ರ್ಯಾಕ್ಟ್​ನ A+ ಗ್ರೇಡ್​ನಲ್ಲಿದ್ದಾರೆ. ಇವ್ರಿಗೆ ವಾರ್ಷಿಕವಾಗಿ 7 ಕೋಟಿ ಹಣ ಬಿಸಿಸಿಐನಿಂದ ಸಂದಾಯವಾಗುತ್ತೆ. ಉಳಿದ ಆಟಗಾರರಿಗಿಂತ ಹೆಚ್ಚು ಸಂಬಳ ಪಡೆಯೋ ಇವ್ರಿಗೆ ವಿಶ್ರಾಂತಿಯ ಮೇಲೆ ವಿಶ್ರಾಂತಿಯೂ ಸಿಗ್ತಿದೆ. ಕ್ರಿಕೆಟ್​ ಆಡೋಕೆ ಕೋಟಿ ಕೋಟಿ ವೇತನ ನೀಡಿ, ರೆಸ್ಟ್​ ಮೇಲೆ ರೆಸ್ಟ್​ ನೀಡ್ತಿದೆ.

ಮ್ಯಾನೇಜ್​​ಮೆಂಟ್​ ನಿರ್ಧಾರದ ವಿರುದ್ಧ ಮಾಂಜ್ರೆಕರ್​ ಕೆಂಡ
2019ರ ಅಗಸ್ಟ್​​ನಿಂದ ಈವರೆಗೆ ಟೆಸ್ಟ್​, ಏಕದಿನ, ಟಿ20 ಸೇರಿ 249 ಪಂದ್ಯಗಳನ್ನ ಟೀಮ್​ ಇಂಡಿಯಾ ಆಡಿದೆ. ಈ ಪಂದ್ಯಗಳ ಪೈಕಿ ರೋಹಿತ್​ 142, ಕೊಹ್ಲಿ 146, ಬೂಮ್ರಾ ಕೇವಲ 84 ಪಂದ್ಯಗಳನ್ನ ಮಾತ್ರ ಆಡಿದ್ದಾರೆ. ಇವ್ರಿಗೆ ಮತ್ತೆ ದುಲೀಪ್​ ಟ್ರೋಫಿಯಿಂದ ವಿಶ್ರಾಂತಿ ನೀಡಲಾಗಿದೆ. ಸೂಪರ್​ ಸ್ಟಾರ್​​ಗಳಿಗೆ ನೀಡ್ತಿರೋ ರಾಜಾತಿಥ್ಯವನ್ನ ಬಗ್ಗೆ ಮಾಜಿ ಕ್ರಿಕೆಟಿಗ, ಹಾಲಿ ವಿಶ್ಲೇಷಕ ಸಂಜಯ್​ ಮಾಂಜ್ರೇಕರ್​​ ಕುಟುಕಿದ್ದಾರೆ.

ಇದನ್ನೂ ಓದಿ:ಕ್ರಿಕೆಟ್ ಜಗತ್ತಿಗೆ ಜಯ್ ಶಾ ಬಾಸ್.. ತೆರವಾದ BCCI ಕಾರ್ಯಾಧ್ಯಕ್ಷ ಸ್ಥಾನದ ರೇಸ್​​ನಲ್ಲಿ ಮೂವರು..!

‘ದುಲೀಪ್​ ಟ್ರೋಫಿಗೆ ಆಯ್ಕೆ ಮಾಡಬಹುದಿತ್ತು’
‘ಕಳೆದ 5 ವರ್ಷಗಳಲ್ಲಿ ಟೀಮ್​ ಇಂಡಿಯಾ 249 ಅಂತಾರಾಷ್ಟ್ರೀಯ ಪಂದ್ಯಗಳನ್ನ ಆಡಿದೆ. ಈ ಪಂದ್ಯಗಳ ಪೈಕಿ ರೋಹಿತ್​ ಶರ್ಮಾ ಶೇಕಡಾ 59ರಷ್ಟು ಪಂದ್ಯಗಳನ್ನ ಆಡಿದ್ದಾರೆ. ವಿರಾಟ್ ಕೊಹ್ಲಿ ಶೇಕಡಾ 61 ಮತ್ತು ಬೂಮ್ರಾ ಶೇಕಡಾ 34ರಷ್ಟು ಪಂದ್ಯಗಳನ್ನ ಆಡಿದ್ದಾರೆ. ನಾನು ಇವರನ್ನ ತುಂಬಾ ವಿಶ್ರಾಂತಿ ಪಡೆದವರು ಎಂದು ಭಾವಿಸುತ್ತೇನೆ. ದುಲೀಪ್​ ಟ್ರೋಫಿಗೆ ಇವರನ್ನ ಆಯ್ಕೆ ಮಾಡಬಹುದಿತ್ತು-ಸಂಜಯ್​ ಮಾಂಜ್ರೆಕರ್​, ಮಾಜಿ ಕ್ರಿಕೆಟಿಗ

ಕೊಹ್ಲಿ-ರೋಹಿತ್​ಗೆ ವಿಶ್ರಾಂತಿ, ಗವಾಸ್ಕರ್​ ಗರಂ
ಸಂಜಯ್​ ಮಾಂಜ್ರೇಕರ್​ ಮಾತ್ರವಲ್ಲ. ಮಾಜಿ ಕ್ರಿಕೆಟಿಗ ಸುನಿಲ್​ ಗವಾಸ್ಕರ್​ ಕೂಡ ಈ ಬಗ್ಗೆ ಪ್ರಶ್ನೆ ಎತ್ತಿದ್ರು. ಇಂಜುರಿ ಕಾರಣದಿಂದ ಬೂಮ್ರಾಗೆ ವಿಶ್ರಾಂತಿಯ ಅಗತ್ಯ ಇದೆ. ಕೊಹ್ಲಿ-ರೋಹಿತ್​ಗೆ ವಿಶ್ರಾಂತಿ ಯಾಕೆ ಎಂದು ಪರೋಕ್ಷವಾಗಿ ಪ್ರಶ್ನಿಸಿದ್ರು. 30 ವರ್ಷದ ಗಡಿ ದಾಟಿದ ಬಳಿಕ ರೆಗ್ಯುಲರ್​ ಕ್ರಿಕೆಟ್​ನ ಅಗತ್ಯವಿದೆ ಎಂದು ಗವಾಸ್ಕರ್​ ಅಭಿಪ್ರಾಯಪಟ್ಟಿದ್ರು.

ಸುದೀರ್ಘ ಅಂತರದ ಬಳಿಕ ಟೆಸ್ಟ್​ ಕ್ರಿಕೆಟ್​ಗೆ ವಾಪಸ್
ಈ ವರ್ಷದ ಆರಂಭದಲ್ಲಿ ಸೌತ್​ ಆಫ್ರಿಕಾ ಪ್ರವಾಸದಲ್ಲಿ ವಿರಾಟ್​ ಕೊಹ್ಲಿ ಕೊನೆಯದಾಗಿ ಟೆಸ್ಟ್​ ಕ್ರಿಕೆಟ್​​ ಆಡಿದ್ರು. ರೋಹಿತ್​ ಶರ್ಮಾ, ಜಸ್​ಪ್ರಿತ್​ ಬೂಮ್ರಾ ಇಂಗ್ಲೆಂಡ್​ ವಿರುದ್ಧ ಆಡಿದ್ದೇ ಕೊನೆ. ಆ ಬಳಿಕ ಸತತ ವೈಟ್​ ಬಾಲ್​ ಕ್ರಿಕೆಟ್​ ಆಡಿರೋ ಇವರು, ಇದೀಗ ಸುದೀರ್ಘ ವಿಶ್ರಾಂತಿ ಪಡೆದುಕೊಂಡು ನೇರವಾಗಿ ಟೆಸ್ಟ್​ ಸರಣಿಗೆ ಕಮ್​ಬ್ಯಾಕ್​ ಮಾಡಲಿದ್ದಾರೆ. ದೀರ್ಘಕಾಲದಿಂದ ದೂರ ಉಳಿದಿರೋ ಇವರು ಕಮ್​ಬ್ಯಾಕ್​ ಸರಣಿಯಲ್ಲಿ ಹೇಗೆ ಪರ್ಫಾಮ್​ ಮಾಡ್ತಾರೆ ಅನ್ನೋದು ಸದ್ಯದ ಕುತೂಹಲವಾಗಿದೆ.

ಇದನ್ನೂ ಓದಿ:ಶ್ರೇಯಾಂಕ ಪಾಟೀಲ್​ಗೆ ಸ್ಮೃತಿ ಮಂದಾನ ಹಿಗ್ಗಾಮುಗ್ಗಾ ಕ್ಲಾಸ್; ಆರ್​ಸಿಬಿಯಲ್ಲಿ ಅಂದು ಆಗಿದ್ದೇನು..?

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ ‘ರನ್ ಭೂಮಿ’ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್