ಟೀಮ್​ ಇಂಡಿಯಾ, ಶ್ರೀಲಂಕಾ ಮಧ್ಯೆ ಟಿ20 ಮತ್ತು ಏಕದಿನ ಸರಣಿ!

ಜೂನ್​ 27ನೇ ತಾರೀಕಿನಿಂದ ಶುರುವಾಗಲಿರೋ ಶ್ರೀಲಂಕಾ ಪ್ರವಾಸ

ಲಂಕಾ ಸೀರೀಸ್​ಗೂ ಟೀಮ್​ ಇಂಡಿಯಾದಲ್ಲಿ ಇಶಾನ್​ಗೆ ಇಲ್ಲ ಸ್ಥಾನ

ಬಹುನಿರೀಕ್ಷಿತ ಟೀಮ್​ ಇಂಡಿಯಾ, ಶ್ರೀಲಂಕಾ ನಡುವಿನ ಟಿ20 ಮತ್ತು ಏಕದಿನ ಸರಣಿ ಜೂನ್​ 27ನೇ ತಾರೀಕಿನಿಂದ ಶುರುವಾಗಲಿದೆ. ಶ್ರೀಲಂಕಾ ಪ್ರವಾಸಕ್ಕೆ ಈಗಾಗಲೇ ಬಲಿಷ್ಠ ಟೀಮ್​​ ಇಂಡಿಯಾ ಪ್ರಕಟ ಆಗಿದೆ. ಬಹಳ ದಿನಗಳ ಬಳಿಕ ಶ್ರೇಯಸ್​ ಅಯ್ಯರ್​​ ಟೀಮ್​ ಇಂಡಿಯಾಗೆ ಕಮ್​ಬ್ಯಾಕ್​ ಮಾಡಿದ್ದು, ಸ್ಟಾರ್​ ಬ್ಯಾಟರ್​ ಇಶಾನ್​ ಕಿಶನ್​ಗೆ ಮಾತ್ರ ಇನ್ನೂ ಅವಕಾಶ ಸಿಕ್ಕಿಲ್ಲ.

ಟೀಮ್​ ಇಂಡಿಯಾದಿಂದ ಕೈಬಿಟ್ಟಿದ್ದ ಸೆಲೆಕ್ಷನ್​ ಕಮಿಟಿ!

ಕಳೆದ ವರ್ಷ ನಡೆದ 2023ರ ಏಕದಿನ ವಿಶ್ವಕಪ್‌ನಲ್ಲಿ ಶ್ರೇಯಸ್​ ಅಯ್ಯರ್​ ಅದ್ಭುತ ಪ್ರದರ್ಶನ ನೀಡಿದ್ರು. ಬಿಸಿಸಿಐ ಮಾತಿಗೆ ಕ್ಯಾರೆ ಎನ್ನದೆ ದೇಸಿ ಕ್ರಿಕೆಟ್​ ಆಡಲು ಹಿಂದೇಟು ಹಾಕಿದ್ದ ಶ್ರೇಯಸ್​ ಅಯ್ಯರ್​ ಮತ್ತು ಇಶಾನ್​ ಕಿಶನ್​ ವಿರುದ್ಧ ಕಠಿಣ ಕ್ರಮ ಕೈಗೊಳ್ಳಲಾಗಿತ್ತು. ಇದರ ಪರಿಣಾ ಇಬ್ಬರನ್ನು ಬಿಸಿಸಿಐ ಸೆಂಟ್ರಲ್​ ಕಾಂಟ್ರಾಕ್ಟ್​ನಿಂದ ಕಿತ್ತು ಎಸೆಯಲಾಗಿತ್ತು. ಸದ್ಯ ಶ್ರೀಲಂಕಾ ವಿರುದ್ಧ ಸರಣಿಗೆ ಶ್ರೇಯಸ್​ ಅಯ್ಯರ್​ ಕಮ್​ಬ್ಯಾಕ್​ ಮಾಡಿದ್ದು, ಇಶಾನ್​ ಕಿಶನ್​ ಕಥೆ ಮುಗಿಯಿತಾ? ಅನ್ನೋ ಚರ್ಚೆ ಜೋರಾಗಿದೆ.

ಕಮ್​ಬ್ಯಾಕ್​ ಮಾಡಲು ಇಶಾನ್​ ಏನು ಮಾಡಬೇಕು?

ಇಂಡಿಯನ್​ ಪ್ರೀಮಿಯರ್​ ಲೀಗ್​ನಲ್ಲಿ ಮುಂಬೈ ಇಂಡಿಯನ್ಸ್​ ತಂಡವನ್ನು ಪ್ರತಿನಿಧಿಸೋ ಇಶಾನ್‌ ಕಿಶನ್‌ ಸ್ಪೋಟಕ ಬ್ಯಾಟಿಂಗ್‌ಗೆ ಹೆಸರುವಾಸಿ. ಟೀಮ್‌ ಇಂಡಿಯಾ ಪರ ಹಲವು ಅದ್ಭುತ ಇನ್ನಿಂಗ್ಸ್​ ಆಡಿರೋ ಇಶಾನ್​ ಕಿಶನ್​​ ದ್ವಿಶತಕ ಬಾರಿಸಿ ದಾಖಲೆ ಬರೆದಿದ್ದಾರೆ. ಹೀಗಾಗಿ ಇಶಾನ್‌ ಟೀಮ್​ ಇಂಡಿಯಾಗೆ ಕಮ್​ಬ್ಯಾಕ್​​ ಮಾಡಲು ಇರೋ ಏಕೈಕ ಮಾರ್ಗ ದೇಸಿ ಕ್ರಿಕೆಟ್​ ಆಡುವುದು. ದೇಸಿ ಕ್ರಿಕೆಟ್​ನಲ್ಲಿ ಗಮನ ಸೆಳೆದರೆ ಮಾತ್ರ ಇಶಾನ್​ ಕಮ್​ಬ್ಯಾಕ್​ ಸಾಧ್ಯ. ಬಿಸಿಸಿಐ ಕೂಡ ಇಶಾನ್​ ಕಿಶನ್​ ದೇಸಿ ಕ್ರಿಕೆಟ್​ ಆಡಲಬೇಕು. ಆಗ ಮಾತ್ರ ರಾಷ್ಟ್ರೀಯ ತಂಡಕ್ಕೆ ಸೆಲೆಕ್ಟ್​ ಮಾಡುತ್ತೇವೆ ಎಂದು ಖಡಕ್​ ವಾರ್ನಿಂಗ್​ ಕೊಟ್ಟಿದೆ.

ಇದನ್ನೂ ಓದಿ: ‘ನೀನು ಕ್ರಿಕೆಟರ್ ಆಗೋಕೆ ಲಾಯಕ್ಕಿಲ್ಲ, ರಾಜಕಾರಣಿ ಆಗು’- ರೋಹಿತ್​​ ವಿರುದ್ಧ ಬಹಿರಂಗ ಅಸಮಾಧಾನ

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ