ಇಂಡಿಯನ್​ ಪ್ರೀಮಿಯರ್​ ಲೀಗ್​ ಬೆನ್ನಲ್ಲೇ 2024ರ ಟಿ20 ವಿಶ್ವಕಪ್!

ಪ್ರತಿಷ್ಠಿತ ಐಸಿಸಿ ಮೆಗಾ ಟೂರ್ನಿಗೆ ಇನ್ನೇನು ಕೆಲವೇ ತಿಂಗಳುಗಳು ಬಾಕಿ

ಭಾರತ ತಂಡದಲ್ಲಿ ಕೆಲವು ಆಟಗಾರರ ಸ್ಥಾನ ಫೈನಲ್​ ಮಾಡಿದ ಬಿಸಿಸಿಐ

ಇಂಡಿಯನ್​ ಪ್ರೀಮಿಯರ್​ ಲೀಗ್​ ಬೆನ್ನಲ್ಲೇ 2024ರ ಟಿ20 ವಿಶ್ವಕಪ್​ ಶುರುವಾಗಲಿದೆ. ಈ ಮೆಗಾ ಐಸಿಸಿ ಟೂರ್ನಿಗೆ ಇನ್ನೇನು ಕೆಲವೇ ತಿಂಗಳುಗಳು ಬಾಕಿ ಇವೆ. ಈಗಾಗಲೇ ಅಮೆರಿಕ ಮತ್ತು ವೆಸ್ಟ್ ಇಂಡೀಸ್‌ನಲ್ಲಿ ನಡೆಯಲಿರೋ ಈ ಟೂರ್ನಿಗೆ ಪಂದ್ಯಗಳ ವೇಳಾಪಟ್ಟಿ ​ಪ್ರಕಟವಾಗಿದೆ. ಎಲ್ಲಾ ದೇಶಗಳು ಏಪ್ರಿಲ್​ ಕೊನೆ ವಾರದಲ್ಲಿ ಟೂರ್ನಿಗಾಗಿ ಬಲಿಷ್ಠ ಟಿ20 ಪ್ರಕಟ ಮಾಡಲೇಬೇಕು ಎಂದು ಐಸಿಸಿ ಸೂಚನೆ ನೀಡಿದೆ. ಈ ಮಧ್ಯೆ ಟೀಮ್​ ಇಂಡಿಯಾದ ಕ್ಯಾಪ್ಟನ್​ ರೋಹಿತ್​ ಶರ್ಮಾಗೆ ಬಿಸಿಸಿಐ ಶಾಕ್​ ಕೊಟ್ಟಿದೆ.

ಹೌದು, ಭಾರತ ತಂಡದಲ್ಲಿ ಕೆಲವು ಆಟಗಾರರ ಸ್ಥಾನ ಬಹುತೇಕ ಖಚಿತವಾಗಿದೆ. ಈಗಾಗಲೇ ಟೀಮ್​ ಇಂಡಿಯಾ ಸೆಲೆಕ್ಷನ್​ ಕಮಿಟಿ 12 ಮಂದಿ ಹೆಸರು ಫೈನಲ್​ ಮಾಡಿವೆ. ಫೈನಲೈಸ್​ ಆಗಿರೋ ಎಲ್ಲರೂ ಟಿ20 ಆಡುವುದು ಪಕ್ಕಾ ಆಗಿದೆ. ಇನ್ನುಳಿದ ಮೂವರು ಹೆಸರುಗಳು ಮಾತ್ರ ಫೈನಲ್​ ಮಾಡಬೇಕಿದೆ ಎಂದು ತಿಳಿದು ಬಂದಿದೆ.

ಇಷ್ಟು ದಿನ ಟೀಂ ಇಂಡಿಯಾ ಕ್ಯಾಪ್ಟನ್​​ ರೋಹಿತ್​ ಶರ್ಮಾ ಎಂದು ಹೇಳಲಾಗುತ್ತಿತ್ತು. ಈ ಬಗ್ಗೆ ಖುದ್ದು ಬಿಸಿಸಿಐ ಕಾರ್ಯದರ್ಶಿ ಜಯ್​ ಶಾ ಅವರೇ ಘೋಷಿಸಿದ್ದರು. ಇದರ ಮಧ್ಯೆ ಟಿ20 ವಿಶ್ವಕಪ್‌ಗೆ ಟೀಂ ಇಂಡಿಯಾಗೆ ಹೊಸ ನಾಯಕನ ಘೋಷಣೆ ಮಾಡೋ ಸಾಧ್ಯತೆ ಇದೆಯಂತೆ. ಭವಿಷ್ಯದ ದೃಷ್ಟಿಯಿಂದ ಹಾರ್ದಿಕ್​ ಪಂಡ್ಯ ಅವರನ್ನೇ ಟೀಮ್​ ಇಂಡಿಯಾ ನಾಯಕನಾಗಿ ಘೋಷಿಸಲು ನಿರ್ಧರಿಸಿಲಾಗಿದೆ ಎಂದು ವರದಿ ಮಾಡಲಾಗಿದೆ.

ಇದುವರೆಗೂ ಫೈನಲ್​ ಆಗಿರೋ ಹೆಸರುಗಳು ಹೀಗಿವೆ..!

ಟೀಂ ಇಂಡಿಯಾ ಪಟ್ಟಿ: ರೋಹಿತ್ ಶರ್ಮಾ, ಯಶಸ್ವಿ ಜೈಸ್ವಾಲ್, ವಿರಾಟ್ ಕೊಹ್ಲಿ, ಶುಭಮನ್ ಗಿಲ್, ಸೂರ್ಯಕುಮಾರ್ ಯಾದವ್, ಹಾರ್ದಿಕ್ ಪಾಂಡ್ಯ, ಕೆಎಲ್ ರಾಹುಲ್ (ವಿಕೆಟ್ ಕೀಪರ್), ರಿಂಕು ಸಿಂಗ್, ರವೀಂದ್ರ ಜಡೇಜಾ, ಕುಲದೀಪ್ ಯಾದವ್, ಜಸ್ಪ್ರೀತ್ ಬುಮ್ರಾ, ಅರ್ಷದೀಪ್ ಸಿಂಗ್.

ಇದನ್ನೂ ಓದಿ: ಟಿ20 ವಿಶ್ವಕಪ್; ಹಾರ್ದಿಕ್​ಗೆ ಬಿಗ್​ ಶಾಕ್​; ಸ್ಟಾರ್​​ ಪ್ಲೇಯರ್​ಗೆ ಬಿಸಿಸಿಐ ಮಣೆ..!

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ