KL ರಾಹುಲ್​​​ ಆರ್​​ಸಿಬಿ ಎಂಟ್ರಿಗೆ ಟ್ವಿಸ್ಟ್​​ ಮೇಲೆ ಟ್ವಿಸ್ಟ್​​; ದೊಡ್ಡ ಹಿಂಟ್​ ಕೊಟ್ಟ LSG ಮಾಲೀಕ

2025ರ ಇಂಡಿಯನ್​ ಪ್ರೀಮಿಯರ್​​ ಲೀಗ್​ಗಾಗಿ ರಾಯಲ್​ ಚಾಲೆಂಜರ್ಸ್​ ಬೆಂಗಳೂರು ತಂಡದ ಕ್ಯಾಪ್ಟನ್​ ಆಗಿ ಕೆ.ಎಲ್​ ರಾಹುಲ್​ ಬರ್ತಾರೆ ಅನ್ನೋ ಚರ್ಚೆ ಎಲ್ಲೆಡೆ ಜೋರಾಗಿತ್ತು. ಈಗ ಲಕ್ನೋ ಸೂಪರ್​ ಜೈಂಟ್ಸ್​ ತಂಡದ ಮಾಲೀಕ ಸಂಜೀವ್‌ ಗೋಯೆಂಕಾ ಶಾಕಿಂಗ್​ ಹೇಳಿಕೆ ನೀಡಿದ್ದು, ಕೆ.ಎಲ್​ ರಾಹುಲ್​ ಆರ್​​ಸಿಬಿಗೆ ಬರ್ತಾರಾ? ಇಲ್ವಾ? ಅನ್ನೋ ಬಗ್ಗೆಯೇ ಸ್ಫೋಟಕ ಟ್ವಿಸ್ಟ್​ ಇದೆ.

ಸಂಜೀವ್‌ ಗೋಯೆಂಕಾ ಏನಂದ್ರು?

ಕೆ.ಎಲ್​ ರಾಹುಲ್​ ಬಗ್ಗೆ ಮಾತಾಡಿದ ಸಂಜೀವ್​ ಅವರು, ನಾನು ಇತ್ತೀಚೆಗೆ ಅವರನ್ನು ಭೇಟಿ ಮಾಡಿದ್ದೆ. ನಾನು ಕೆ.ಎಲ್​ ರಾಹುಲ್​ ಅವರನ್ನು ಭೇಟಿ ಮಾಡಿದ ವಿಚಾರ ಯಾಕಿಷ್ಟು ಚರ್ಚೆ ಆಗುತ್ತಿದೆ ಎಂದು ಗೊತ್ತಿಲ್ಲ. ನಾವು ಯಾವಾಗಲೂ ಸಿಗುತ್ತಲೇ ಇರುತ್ತೇವೆ. ಕೆ.ಎಲ್​ ರಾಹುಲ್​​ ನಮ್ಮ ಕುಟುಂಬದ ಸದಸ್ಯರು ಇದ್ದಂತೆ. ಹಾಗಾಗಿ ಅವರನ್ನು ಬಿಟ್ಟು ಕೊಡುವ ಮಾತೇ ಇಲ್ಲ ಎಂದರು. ಜತೆಗೆ ಕ್ಯಾಪ್ಟನ್​​ ಯಾರು? ಯಾರನ್ನು ಖರೀದಿ ಮಾಡಬೇಕು? ಎಂಬ ನಿರ್ಧಾರ ಮಾಡಲು ಇನ್ನೂ ಸಮಯ ಇದೆ ಎಂದರು. ಈ ಮೂಲಕ ಕೆ.ಎಲ್​ ರಾಹುಲ್​​ ಮುಂದಿನ ಸೀಸನ್​ಗೆ ಕ್ಯಾಪ್ಟನ್​ ಅಲ್ಲ ಅನ್ನೋದು ಪರೋಕ್ಷವಾಗಿ ಕನ್ಫರ್ಮ್​​​ ಮಾಡಿದ್ರು. ಆದ್ರೆ, ಕೆ.ಎಲ್​ ರಾಹುಲ್​ ನಮ್ಮ ಕುಟುಂಬದ ಸದಸ್ಯರು ಎಂದು ಬೀಸೋ ದೊಣ್ಣೆಯಿಂದ ತಪ್ಪಿಸಿಕೊಂಡರು. ಕೆ.ಎಲ್​ ರಾಹುಲ್​ಗಿಂತಲೂ ಒಳ್ಳೆಯ ನಾಯಕ ಸಿಕ್ಕರೆ ಅವರಿಗೆ ಕ್ಯಾಪ್ಟನ್ಸಿ ನೀಡುವುದು ಸಂಜೀವ್​ ಪ್ಲಾನ್​​. ಇಲ್ಲದೆ ಹೋದಲ್ಲಿ ರಾಹುಲ್​ ಅವರನ್ನೇ ಕ್ಯಾಪ್ಟನ್​ ಆಗಿ ಮುಂದುವರಿಯಿರಿ ಎಂದು ಕೇಳಿಕೊಳ್ಳುವುದು ಆಲ್ಟರ್​ನೇಟಿವ್​​​ ಯೋಚನೆ.

ಕೆ.ಎಲ್​ ರಾಹುಲ್​ಗೆ ಆರ್​​ಸಿಬಿಗೆ ಬರೋ ಸಾಧ್ಯತೆ ಹೆಚ್ಚು!

ಒಂದು ವೇಳೆ ಲಕ್ನೋ ತಂಡಕ್ಕೆ ಒಳ್ಳೆಯ ಕ್ಯಾಪ್ಟನ್​ ಸಿಕ್ಕರೆ ಕೆ.ಎಲ್​ ರಾಹುಲ್​​​ ಅವರನ್ನು ಟ್ರೇಡ್​ ಮಾಡಬಹುದು. ಆರ್​​ಸಿಬಿ ರಾಹುಲ್​ ಅವರನ್ನು ಟ್ರೇಡ್​ ಮೂಲಕ ಖರೀದಿಸಬಹುದು. ಆಕ್ಷನ್​​ಗೆ ಬಂದರೆ ಅಲ್ಲೂ ರಾಹುಲ್​ ಮೇಲೆ ಹಣ ಸುರಿಯಬಹುದು.

ಇದನ್ನೂ ಓದಿ:2025ರ ಐಪಿಎಲ್​​ಗೆ ಮುನ್ನವೇ ಮುಂಬೈ ಇಂಡಿಯನ್ಸ್​ಗೆ ಮಾಸ್ಟರ್​ ಸ್ಟ್ರೋಕ್​; ಮೊದಲ ವಿಕೆಟ್​​ ಪತನ!​

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ