ವಾರದಿಂದ ವಾರಕ್ಕೆ ಬಿಗ್​​ಬಾಸ್​​​ ಮನೆಯಲ್ಲಿ ಹೊಸ ತಿರುವು

ಮನೆಯಿಂದ ಬಂದ ಪತ್ರಕ್ಕಾಗಿ ಸ್ಪರ್ಧಿಗಳ ಮಧ್ಯೆ ಹೋರಾಟ!

ಬಿಗ್​​ಬಾಸ್​​ನ ಒಂದೊಂದು ಪ್ರಶ್ನೆ ಕೇಳಿ ಸ್ಪರ್ಧಿಗಳು ಶಾಕ್

ವಾರದಿಂದ ವಾರಕ್ಕೆ ಬಿಗ್​​ಬಾಸ್​​​ ಮನೆಯಲ್ಲಿ ಹೊಸ ತಿರುವು ಪಡೆದುಕೊಳ್ಳುತ್ತಿದೆ. ಇಷ್ಟು ದಿನ ಮನೆಯವರಿಂದ ದೂರ ಇರೋ ಸ್ಪರ್ಧಿಗಳಿಗೆ ಬಿಗ್​ಬಾಸ್​ ಸುವರ್ಣ ಅವಕಾಶ ಕಲ್ಪಿಸಿಕೊಟ್ಟಿದೆ. ದೀಪಾವಳಿ ಹಬ್ಬದ ಪ್ರಯುಕ್ತ ಬಿಗ್‌ಬಾಸ್‌ ಸ್ಪರ್ಧಿಗಳಿಗೆ ಮನೆಯವರಿಂದ ಬಂದ ಪತ್ರಗಳನ್ನು ಕೊಡುತ್ತಿದ್ದಾರೆ. ಆದರೆ ಮನೆಯಡುಗೆ ತಿಂದಷ್ಟು ಸುಲಭವಾಗಿ ಪತ್ರಗಳು ಸ್ಪರ್ಧಿಗಳ ಕೈಗೆ ಸಿಗುತ್ತಿಲ್ಲ. ಒಂದೊಂದು ಪತ್ರಕ್ಕೂ ಒಂದಿಷ್ಟು ಟಾಸ್ಕ್‌ಗಳನ್ನು ಕೊಟ್ಟು ಅದರಲ್ಲಿ ಗೆದ್ದವರಿಗೆ ಮಾತ್ರವೇ ಪತ್ರ ಕೊಡುವುದಾಗಿ ಹೇಳಿದ್ದಾರೆ. ಕುಟುಂಬದಿಂದ ದೂರ ಇರುವ ಬಿಗ್​ಬಾಸ್​​ ಸ್ಪರ್ಧಿಗಳು ಮನೆಯವರ ಬಗ್ಗೆ ತಿಳಿದುಕೊಳ್ಳೋಕೆ ಬಿಗ್​ಬಾಸ್​ ಟಾಸ್ಕ್​​ವೊಂದನ್ನು​ ನೀಡಿದ್ದಾರೆ.

ಮನೆಯವರಿಂದ ಬಂದ ಪತ್ರವನ್ನು ಪಡೆದುಕೊಳ್ಳಬೇಕಾದರೇ ಬಿಗ್​​ಬಾಸ್​ ಮನೆಯ ಬಗ್ಗೆ ಸ್ಪರ್ಧಿಗಳು ಎಷ್ಟರ ಮಟ್ಟಿಗೆ ಈ ಮನೆಯನ್ನು  ಅರ್ಥ ಮಾಡಿಕೊಂಡಿದ್ದಾರೆ ಎಂಬ ಆಧಾರದ ಮೇಲೆ ಪ್ರಶ್ನೆಗಳನ್ನು ಕೇಳಿದ್ದಾರೆ. ಬಿಗ್​ಬಾಸ್ ಮನೆಯ​​ ಬೆಡ್​​ ರೂಮ್​ನಲ್ಲಿ ಇರುವ ಕನ್ನಡಿಗಳ ಸಂಖ್ಯೆ ಎಷ್ಟು? ಈ ಮನೆಯಲ್ಲಿ ಇರುವ ಒಟ್ಟು ಬಾಗಿಲುಗಳು ಎಷ್ಟು? ಜೈಲಿನಲ್ಲಿ ಇರುವ ಕಂಬಿಗಳು ಎಷ್ಟು? ಆ ಟಾಸ್ಕ್​ನಲ್ಲಿ ಬಿಗ್​​ಬಾಸ್​ ಸ್ಪರ್ಧಿಗಳು ಕೆಲವೊಂದು ಪ್ರಶ್ನೆಗಳನ್ನು ಕೇಳುತ್ತಾರೆ. ಆಗ ಬಿಗ್​​ಬಾಸ್​​ ಪ್ರಶ್ನೆ ಕೇಳಿ ಸ್ಪರ್ಧಿಗಳು ಶಾಕ್​​ ಆಗುತ್ತಾರೆ.

ಮನೆಯವರಿಗೋಸ್ಕರ ಮನೆಯ ಬಗ್ಗೆ ಪ್ರಶ್ನೆಗಳು!

ಬಿಗ್ ಬಾಸ್ | ಸೋಮ-ಶುಕ್ರ ರಾತ್ರಿ 9.30 | ಶನಿ-ಭಾನು ರಾತ್ರಿ 9#BBK10 #HappyBiggBoss #KichchaSudeep #ColorsKannada pic.twitter.com/6J5USaQAir

— Colors Kannada (@ColorsKannada) November 16, 2023

ಈಗಾಗಲೇ ವಿನಯ್ ಗೌಡ ಮತ್ತು ನಮ್ರತಾ ಮನೆಯಿಂದ ಬಂದ ಪತ್ರಗಳನ್ನು ಪಡದುಕೊಳ್ಳಲು ಯಶಸ್ವಿಯಾಗಿದ್ದಾರೆ. ಇನ್ನೂ ಕೆಲವು ಸದಸ್ಯರು ಪತ್ರಗಳನ್ನು ಪಡೆದುಕೊಳ್ಳಲು ವಿಫಲರಾಗಿದ್ದಾರೆ. ಇನ್ನುಳಿದ ಸದಸ್ಯರ ಅದೃಷ್ಟ ಪರೀಕ್ಷೆ ನಡೆಯಬೇಕಿದೆ. ಈ ಬಿಗ್​ಬಾಸ್​ ಪ್ರಶ್ನೋತ್ತರ ಕಾರ್ಯಕ್ರಮದಲ್ಲಿ ಯಾರು ಗೆಲ್ಲುತ್ತಾರೆ? ಯಾರ ಮನೆಯಿಂದ ಬಂದ ಪತ್ರ ಸ್ಪರ್ಧಿಗಳ ಕೈ ಸೇರುತ್ತದೆ? ಯಾರು ನಿರಾಸೆಯಲ್ಲಿ ಮುಳುಗಬೇಕಾಗುತ್ತದೆ ಎಂದು ಮುಂದಿನ ಎಪಿಸೋಡ್​ನಲ್ಲಿ ಕಾದು ನೋಡಬೇಕಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ